Женски чанти за сезоната есен/зима 2013

Модерните чанти се предмет на женското внимание отсекогаш. Колекциите на чанти за зимската сезона не отстапуваат од овој тренд.

Есента поминува во знакот на големите чанти во различни форми. Прифатливи се и моделите со едноставни копци, најмногу еден до два.

Женските „дипломатски“ чанти или актовки се меѓу моделите актуелни оваа зимска сезона. Актовките можат да бидат различни по големина, боја и детали, но остануваат карактеристика на деловниот стил.

Правоаголните чанти („коверт“ или оние со поголем волумен) се, исто така, модерни сезонава. Карактеристични се уште и минијатурните чантички со специфични рачки и облици.

Важна особина е оригиналната форма, а не толку големината, па освен рамните форми, модерни се и оние со волумен.

Еден од најјасните примери за модерен облик на чанта е формата на цилиндер. Оваа форма може да биде со различни димензии: од мала чанта до голема патничка торба.

Вештачко крзно со долги влакна е апсолутниот фаворит меѓу материјалите за чанти за оваа зимска сезона. Овде спаѓаат чантите изработени само од крзно, но и оние со додатоци, рабови или рачки од друг материјал (претежно кожа или еко-кожа).

Најмодерни бои оваа сезона се сината, кафената и пурпурната. Во тренд се и чантите во рамномерни блокови од различни бои.

Популарни, особено кај чантите од крзно, се дизајните со животински мотив, а и чантите во пруги и со светли украси.

Следејќи ги модните изложби, не може да не се забележи тенденцијата чантите да се носат потфатени помеѓу раката и телото, а не за рачките или само малку пофатени за рачките, така што тежината паѓа на дланката или, кај поголемите, на раката, истовремено прикрепени и на телото.

Генералниот заклучок е дека зимската сезона овојпат нуди разноликост и во форми и во дизајни, а во извесна доза може да се експериментира и со боите и додатоците.