Црвени, во срцевидна форма, украсени со мало зелено ливче. Неверојатно привлечни и исто толку вкусни. Јагодите се задоволство, здравје, љубов, убавина.

Јагодите се сојузник на доброто здравје, убавата кожа и задоволството.

Јагодите и здравјето

Јагодите се не само вкусни, но и многу корисни. Тие се употребуваат за лекување на анемија, зајакнување на крвта, а исто така го намалуваат ризикот од појава на срцеви болести. Содржат големо количество витамин Ц и железо. 100 грама јагоди ја покриваат потребната дневна доза за витамин Ц.

Поради фактот што јагодите содржат фолна киселина, тие го помагаат забременувањето и ја намалуваат депресијата. Докажано е дека јадењето на јагоди директно влијае и во заштитата од рак. Ова слатко овошје содржи и антиоксиданси, кои помагаат против стареење.

Јагодите помагаат за заздравување на непцата. Кога немате достап до паста за заби и четка, преполовете 2-3 јагоди и со нив протријте ги забите и непцата. Потоа исплакнете со вода.

При консумирањето на јагоди ризик постои ако тие се прскани со штетни пестициди. Затоа, најдобро е да купувате јагоди во кутија на која е посочен произведувачот. Исто така треба да се внимава да не се консумираат од луѓе кои имаат алергични реакции на нив. Ако не сте сигурни дали сте алергични на јагоди или не, посетете лекар за да направите соодветен тест.

Најдобрата вест е тоа што јагодите се нискокалорични, па затоа може да станат дел од вашата исхраната, без разлика дали сте на диета или не.

Јагодите во козметиката

Ретки се тие кои не ја сакаат аромата на јагоди. Милиони продукти низ светот, од балсами за усни до млека и кремови за тело, ја избираат нивната миризба. Се разбира, не е потребно да поседувате некој од нив за да ја почувствувате свежината на јагодите. Еве неколку предлози:

Јаготките се одлични за вашето лице.

• Ако имате уморена кожа, пресечете на половина 2-3 јагоди и со нив истријте ја кожата.
• За мрсна кожа се препорачува да се направи смеса од 5 јагоди и 30ml јаболкова киселина. Таа треба да престои еден час. Потоа исцедете ја и со неа намачкајте го лицето. Оставете ја да дејствува една ноќ.
• За мрсна кожа со проширени пори нанесете на лицето смеса од 1 ч.л. сок од јагода и една изматена белка од јајце.

Јагодите, љубовта и сексот

Јагодата е симбол на Венера – божицата на љубовта, поради срцевидната форма и црвената боја. Постои верување дека ако гризнете половина јагода, а другата половина ја изеде лице од спротивниот пол, за кратко време ќе се вљубите еден во друг.

Последните истражувања покажуваат дека јагодите ја зголемуваат сексуалната активност кај мажите и плодноста кај жените. Причина за тоа е цинкот, кој се содржи во малите семки на јагодите. Тој го покачува нивото на тестостерон кај мажите, кое од своја страна води до зголемување на сексуалната активност.

Јагодите содржат и големо количество фолна киселина. Таа помага при забременување, ја намалува депресијата, ја подобрува работата на мозокот и го намалува ризикот од појава на срцеви болести. Една полна шака со јагоди содржи 100 пати повеќе фолна киселина од едно јаболко.

Алкохолот е важна состојка присутна во многу рецепти. Тој им дава специфичен вкус на многу сосови, супи, меса и на многу видови слатки и сладоледи. Во текот на готвењето голем дел од алкохолот испарува, а останува само неговата арома.

Каков вид алкохол да изберете?

Општо прифатено правило е дека за приготвување на бело месо треба да се користи бело вино, за црвено месо - црвено вино.

Секогаш користете алкохол кој одговара на храната што ја готвите. Ако правите торта со малини – употребувајте ликер од малини.

Можете да користите текила, вино и рум во сосот за маринирање на месото. Ензимите од алкохолот реагираат со протеините и со тоа месото станува покревко. Текилата, пивото и виното си одговараат со мисиркино, пилешко месо и риба. Општо прифатено правило е дека за приготвување на бело месо треба да се користи бело вино, за црвено месо - црвено вино.

Кога готвите на скара, за посилна арома на месото употребувајте виски. За супа или чорба можете да користите бренди, вино или шери.

Не е задолжително за готвење да користите многу скап алкохол. Но, сепак алкохолот што го употребувате треба да биде пријатен на вкус.

Како да го користите алкохолот?

Не употребувајте многу алкохол. Голем број алкохолни пијалоци имаат силна арома, која може да ги прикрие останатите ароми на храната што ја готвите. За почеток ставете една супена лажица алкохол, а потоа ако е потребно додајте повеќе. Пробувајте од храната во целиот процес на нејзиното готвење.

Не налевајте алкохол врз многу жешко тавче. Ако сакате да додадете алкохол во жешко тавче, најпрво тргнете го од изворот на топлина. Вртете го тавчето додека го додавате алкохолот, за да не се загрее премногу. На крајот, вратете го тавчето обратно на ринглата и продолжете да готвите.

Испарува ли алкохолот во процесот на готвење?

Одговорот на ова често поставувано прашање зависи од околностите. Колку алкохол ќе содржи јадењето, зависи од времетраењето и начинот на приготвување. Во следната табела ќе најдете информација за тоа колку проценти од алкохолот останува во храната откако ќе ја зготвите.

Францускиот сос бешамел е клучна состојка во многу вкусни јадења. Затоа, пред да почнете да приготвувате вистински специјалитети, потребно е да го владеете мајсторството на сосот бешамел.

Подолу е дадена рецептата за приготвување на ½ литар бешамел сос.

Состојки

40g брашно;
40g путер;
500ml млеко;
сол и црна пипер;
мелено индиско оревче.

Начин на подготовка

Растопете го путерот во тавче на ниска температура. Кога ќе почне да се прави пена, додајте го брашното и оставете го да се готви 5 минути. Преку целото време мешајте брзо со дрвена лажица. Турете малку од млекото. Ќе се формира каша со грутки. Потоа додајте го остатокот од млекото и мешајќи обидете се да добиете хомогена смеса без грутки. Додајте ги солта, пиперот и индиското оревче.

Варијации

Постојат различни варијации на овој сос:

Бешамел сос со сирење – додајте 40-50g рендано сирење по ваш избор.

Бешамел сос со шунка и печурки – додајте 1-2 парчиња исечкана шунка и 200g исечкани печурки.

Различните јадења бараат различни варијации на бешамел сосот. Ако ви е потребен потечен сос, едноставно додајте млеко. Во бешамел сосот можете да додадете кромид за поинтересен вкус или да користите повеќе зачини. Некои готвачи користат неколку лажици супа (или коцка за супа) за да го зачинат сосот.

Кој начин и да го одберете, не е важно. Важно е да уживате во вашите специјалитети. Не плашете се да експериментирате!