Од мрсната исхрана потешко размислуваме

Секојдневното уживање во калоричната исхрана, освен на телото делува и на работата на мозокот.

Чувството на омалаксаност, нервоза или забавеност можат да бидат последица од лоша исхрана. Континуираното уживање во колачите и исхраната која содржи маснотии може да предизвика дебелеење, дијабетес па дури и престанок на срцето, пишува „Вечерњи лист“.

Храната богата со маснотии ја намалува физичката издржливост кај поединци и способноста да размислува и по неколку дена по консумирањето, објавено е во својата студија на Универзитетот Оксфорд.

Истражувањето спроведено врз стаорци покажало дека после девет дена мрсна прехрана можеле да истрчаат 50 проценти помалку од оние што се хранеле здраво, исто така и правеле повеќе грешки во задачите што покажува на влошување на когнитивните способности.

-Со внесување на масна храна неуротрансмитерите говорат дека немаме потреба од фанатично  барање на храна и мозокот се одмара. Инстинктот за преживување се исклучува на некое време, а со него и моќта за размислување, ги објасни своите заклучоци др.Алан Мајрон-Давис.

Бубрезите се двоен орган во облик на зрно од грав сместени во горниот дел од стомачната празнина, близу до рбетниот столб. Бубрегот не се простира паралелно со рбетот, туку е навален, така што горниот дел му е блиску до рбетот, а долниот за 4 сантиметри подалеку од него. Предната страна е нерамна и доаѓа во допир со органите од стомачната празнина, а задната е рамна и лежи во горниот дел од дијафрагмата.

Кај возрасните бубрезите се долги од 10 до 12 сантиметри, широки од 5 до 6 сантиметри, а дебели од 3 до 4 сантиметри. Десниот бубрег е сместен 2-3 сантиметри пониско од левиот, па затоа камењата најчесто се таложат во него. Кај жените бубрезите се сместени пониско за разлика од мажите.

Најважна функција на бубрезите е да ја филтрираат крвта од човечкото тело и да ги исфрлаат вишокот течност и непосакуваните продукти на метаболизмот во облик на урина. Речиси еден литар крв секоја минута поминува низ бубрезите кои служат и за регулирање на количината сол , вода и други состојки на крвотокот.

Урината се создава во бубрезите со филтрирање на уреата и другите отпадни материи од крвните садови и исфрлање на други супстанци од филтрати.

Количината на урина што се исфрла варира во зависност од количината испиена течност, а обично достигнува од 1 000 до 1 500 сантиметри кубни дневно.

Количината цврсти состојки во урината е различна во зависност од исхраната и значително е поголема по внесувањето намирници богати со маснотии и протеини.

Мочниот меур е шуплив орган во облик на буквата У и се наоѓа во карлицата. Служи како резервоар за урината. Во неа може да се задржи околу половина литар урина.

Уринарниот канал се простира од вратот на мочниот меур до гениталниот орган. Кај мажите овој канал се дели на дел кој поминува низ простатата и дел кој поминува низ пенисот. Кај жените уринарниот канал е потполно одвоен од половите органи.

Нормалната работа на бубрезите е нарушена кога бубрезите делумно ја вршат својата функција. Нарушувањето на бубрезите е најчесто предизвикано од воспаление, силни психички стресови и други оптоварувања, а не ретко и како резултат на неправилна исхрана и неконтролирано внесување лекови.

Бубрежните болести можат да се појават во секое време од човечкиот живот и во разни облици. Во практиката најчести бубрежни болести се нефритиси, нефрози, нефросклерози, неспецифични гнојни и негнојни воспаленија на бубрезите и на бубрежната карлица, бубрежни камења и отоци на бубрезите. Кај сите болести е неопходно колку што е можно побрзо да се постави дијагнозата и да се почне со потребното лекување, со што ќе се избегнат хроничните облици и непоправливата состојба кај многу бубрежни заболувања.

Нарушувањата наодредени функции на бубрезите настанува како резултат на различни етиолошки влијанија, а се манифестираат како бројни нарушувања во целиот организам, бидејќи бубрегот е орган пресуден за одржување на хомеостазата( контрола на внатрешната средина на организмот, во смисла на постојаноста на физичките и хемиските карактеристики).

Заради застојот на урината во бубрезите се зголемува крвниот притисок кој создава секундарна атрофија или општа бубрежна склероза со значително оштетување на протокот на крв. Во некои случаи може да биде успешно и конзервативното лекување. Во поголемиот број случаи успех се постигнува со операција, но добри резултати се постигнуваат и со алтернативната медицина посебно со лековите од природата.

Исхрана:

- 50 - 60 % интегрални житарици во зрна особено ориз и јачмен варени во експрес лонец, со повремено земање овес, просо и други житарици.

- Пченката се сведува на најмала можна мера и повремено се зема гриз со овес.

- Мешункастите зрна како што се азуки гравот можат да се варат заедно со зрнестата житарица, а пациентот може да ги зема 2-3 пати неделно.

- 5-10 проценти супа-пациентот може еднаш дневно да изеде 1-2 чинии мисо супа, варена со алги како и со коренест тврд лиснат зеленчук.

- 20-30 % зеленчук варен на различни начини

- Треба да се избегнува свежа сурова салата

- Секојдневно земајте умерена количина коренест зеленчук- морков или чичков корен, а треба да се јаде и тврд лиснат зеленчук.

- Треба да се избегнува масло за пржење

- 5-10 % мешункасти производи. Се препорачува користење на азуки грав кој треба да се вари заедно со комбу и други алги, но и со лук, морков и тврди есенски тикви.

- До 5 % алги,особено арами и хиџики за бубрезите и нори за мочниот меур. Алгите можат да се сварат во супа, во јадења од зеленчук и мешункасти плодови, но и како посебен прилог за јадење.

Количината на храна од животинско потекло треба да се ограничи,

вклучувајќи ги рибата и раковите.

Се препорачува избегнување секаков вид овошје, овошни сокови и десерти. Доколку има желба, пациентот може да зема мала количина варено овошје

како на пример јаболка, кајсии, јагоди и друго топчесто овошје.

Треба да се избегнуваат ковчестото овошје и путерите направени од нив.

Умерено треба да се земаат и макробиотичките зачини и јадења.

Напитоците треба да бидат топли или врели додека студените треба да се

избегнуваат.

Секое внесување течности треба да биде ограничено.

Правилното џвакање на храната дури и мешањето на течноста во устата со плунката е важен фактор за враќање на здравјето.

Земањето азуки грав со малку морска сол или со парче комбо алга ја

подобрува функцијата на бубрезите и го овозможува нормалното мокрење.

Фластер од рендан свеж лотосов корен и таро компир и 5-10 проценти рендан

џумбир можат да помогнат во лечење на рак на бубрезите, доколку се применуваат во текот на две до три седмици. На ставањето на овој фластер треба да му претходи ставање облога од џумбир која се држи 5-10 минути.

1.облогата од џумбир се држи во пределот на стомачната празнина

Неколку чашки сок од боровинки дневно можат да помогнат за подобрување на меморијата кај постарите луѓе, вели нова студија.

Извештајот кој се појави во магазинот на ACS за агрикултура и храна, се наведува дека боровинките се едни од најбогатите и најздравите антиоксиданси кои ја подобруваат меморијата.

Во студијата која ја изработија научниците од Универзитетот во Синсинати и американското Министерство за земјоделие утврдија дека боровинките се најдобрата храна на меморијата.

Во истражувањето учествувале доброволци на возраст од 70 години, кои секојдневно пиеле две до три чашки сок од боровинки. По завршувањето на студијата тие покажале значително подобрени резултати во учењето и мемориските тестови, потврдија научниците.

Маслиново масло - зачин храна и лек

Многу од нас веќе се навикнаа на брзото јадење, под кое што вообичаено се подразбира јадење од нога. Низ светот веќе стана вообичаено на секое ќоше да има по еден ресторант за брза храна, но време е да се вратиме на добрите стари едноставни работи – уживање во храната.

Еве неколку совети со кои можете да уживате во храната.

- Одвојте барем еден час во денот во кој ќе седнете и ќе уживате во храната.

- Јадете бавно, нека секој залак се топи во вашата уста.

- Направете пауза меѓу залаците и затворете ја вилицата. Уживајте во вкусот на храната.

- Направете си убава атмосфера и отворете си некое убаво вино. Нека аромата ве однесе во некој француски подрум. Пијте полека и уживајте во секоја голтка.

- Облечете се убаво, било да сте во некој ресторан или пак дома. Чувствувајте се убаво и сензуално.

- Секогаш по ручекот јадете десерт. Дозволете си чоколадото или пак овошјето да се топат во вашата уста.

http://zdravzivotmk.blogspot.com/2008/05/blog-post_9511.html - Некои вистини и заблуди за исхраната

НЕТОЧНО:
Диетите без масти се добри за здравјето.

ТОЧНО:
Една третина од калориите кои секојдневно се внесуваат, треба да потекнуваат од мастите, дури и кога се обидувате да се ослободите од вишокот килограми.


Мастите се потребни за:
* Енергија
* Обновување на ткивата
* Транспорт на витамините низ телото.

http://www.blogger.com/%3Ca%20onblur=">

Во просек, на жените им се потребни околу 70 грама масти дневно, а на мажите 95 грама. Доколку сакате да го намалите внесот на масти, минималната дневна количина не треба да биде пониска од 30 грама. Наместо целосно да ги отстраните мастите од исхраната, трудете се заситените масни киселини, да ги замените со незаситени.
Во храна богата со незаситени масти спаѓаат некои видови риба, како лососот и сардините, зелениот лиснат зеленчук, оревите и другите видови на семки, маслиновото масло и др.
Разумно уживајте во храната.

Ако сметате дека во исхраната внесувате помалку масти од колку што дневно е потребно, тогаш препорачливо е да се консумираат таблетки со Омега 3 рибино масло, а ако примате дополнителни витамини, најубаво е да се земаат за време на оброците, бидејќи за време на оброкот коснумирате масти, а на витамините токму мастите им се потребни за да се разложат.

2. Месото и рибата се мијат со студена вода непосредно пред приготвување. Не треба да се оставаат долго да стојат во вода бидејќи губат дел од белковините и минералните соли.

Ако сакате силен бујон, местото треба да се исечка на ситни делови и да се стави во сад со студена вода, а потоа постепено се вари три до четири часа.

Ако сакате сочно и вкусно месо, тогаш треба да го ставите во зовриена вода. При тоа се создава тенка кора која ги задржува соковите, белковините и минералните соли за да не можат да се одвојат од месото.

3. Зрнестата храна ( како на пример ориз, овес и слично ) се натопуваат во студена вода и во истата се вари се додека зрната не омекнат. На тој начин белковините преминуваат во водата. Обратно, ако сакате да ги зачувате белковините (кога се приготвуваат каши ) тогаш зрната ставете ги во врела вода. Кога зрното се подготвува за каша, се вари додека не омекне потполно.(гриз 5-10 минути; ориз и пченично зрно 40-60 минути; овес 1-1,5 час ).

Млекото се додава откако ќе се свари зрното и се враќа на оган да проврие само еднаш. Истовремено со млекото се додаваат шеќер или сол. Кога кашата ќе се тргне од шпоретот се става путер и добро се меша.

4. Зеленчукот пред приготвувањето треба добро да се измие. Се сече непосредно пред подготвувањето на оброкот. Се залева со зовриена вода и се вари во потполно затворен сад. Во водата во која се вари зеленчукот преминуваат многу хранливи материи, па затоа е најдобро таа вода да се користи при приготвувањето на оброкот. Зеленчукот се пасира додека е топол, а потоа уште еднаш се става на оган, но не да вари, туку само да се појави пареа.

Супите од зеленчук мора да се искористат најдоцна 1,5 час после приготвувањето.

5 При варењето на компирот треба да се знае дека не смее да се употребува железен лонец, а емајлираниот не смее да биде оштетен од внатрешната страна. Компирот се вари во потполно затворен сад со малку вода која треба да испари кон крајот на варењето.

 Треба да се вари неизлупен бидејќи лушпата ги зачувува минералните соли, витамините и белковините. И оваа вода може да се користи за приготвување оброци.

Процесот на оксидација, предизвикува расипување на вкусот, мирисот, бојата и текстурата на храната, но производителите се сетиле на антиоксидансите. До неодамна најчесто се употребуваа синтетичките антиоксиданси, но сега се повеќе се употребуваат природните антиоксиданси.

Природните антиоксиданси како и растителните екстракти се повеќе се преферираат како солуција за зачувување на оптималните својства на

Најлесен начин за детоксикација на организмот е еден до два денови во неделата да ја исфрлите пржената или варената храна од менито. За време на тие денови најдобро консумирајте сурово овошје и зеленчук.

Екстремен начин на детоксикација е внесувањето само на течности. Еден ден во неделата, по можност оној кога сте дома и немате многу обврски, пијте само свежо подготвени сокови од овошје и зеленчук. Најчист облик на детоксикација е внесувањето само на вода.

Во период на детоксикација припазете кои продукти ги внесувате во телото. Нека на вашето мени се најдат овие производи: зелен чај, лимони, зелен зеленчук, лук, зелка, овошје. Продукти кои треба да ги избегнувате за време на детоксикација се: црвено месо, масти, кофеин, рафиниран шеќер.

Кога во мешаното мелено месо (половина свинско и половина јунешко) ќе ги додадете другите состојки и зачини по желба, повторно сомелете го на машина за мелење месо. Со повторното мелење ќе добиете покомпактна смеса. Така подготвените плескавици испржете ги. Ќе откриете дека по пржењето, плескавиците ќе имаат посебен вкус и, едноставно, ќе се топат во уста.

Шолја обичен јогурт и 2 лажици мелени ореви го поттикнуваат телото да се релаксира, ги смируваат нервите и ја забавуваат работата на мозокот. Јогуртот е еден од најдобрите извори на лизин, додека оревите се богати
со аргинином. Тие две супстанции го намалуваат хормонот на стрес и ви го
чуваат сонот.
Со само 2-3 децилитри јогурт дневно во текот на 2 недели се намалува дури за 80% хидроген сулфатот кој е главен причинител за непријатниот здив од устата, а ги намалува и наслагите во усната шуплина.
И на крај, луѓето кои пијат јогурт - живеат подолго, велат истражувањата.

Научниците од Универзитетот во Алабама извршиле испитувања со стаорци,
на кои двапати дневно им давале 200 милиграми витамин Ц и откриле дека
тоа речиси го запрело лачењето на кортизол, хормонот на стрес.
Црвената
пиперка е богата со витамин Ц. Со неа ќе го зајакнете срцето и ќе го
заштитите организмот од рак или Алцхајмеровата болест, велат научниците.
Доколку јадете црвени пиперки, тоа нема да ве доведе до прерано
стареење. Но, тие мора да бидат свежи. Значи, да се избегнува пржена или
печена пиперка. Пиперката може да го замени морковот. Свежата пиперка е
одлична и за заштита на панкреасот, бешиката, грлото на матката.

Сусамот е еден од најдобрите природни извори на триптофан, аминокиселина која поттикнува на спиење. Но, не претерувајте со него, бидејќи
можете да си го нарушите варењето. Најдобро е ако неколку мелени лажици ги измешате со јогурт.
Посебно се препорачува на бремени жени и мали деца заради големата концентрација на фолна киселина во него.

Дали сте знаеле дека индиските ореви содржат пет пати повеќе Витамин Ц од портокалите.

Индискиот орев изобилува со полизаштитени масни киселини, протеини, целулоза, витамини Е, К и B1, магнезиум и калиум, кои го штитат кардиоваскуларниот систем.

Бројните истражувања потврдија дека овие ореви делуваат антибактериски, антисептички, а научниците докажаа дека тие се одлични за смирување на воспаленијата. Една шака индиски ореви го зголемува лачењето на хормонот кој мозокот го праќа како сигнал дека сме сити, пишуваат британските медиуми.

Освен тоа, тие го намалуваат нивото на шеќерот во крвта, го регулираат притисокот, ги чистат цревата и делуваат како благ афродизијак.

Можете наместо чипс да грицкате индиски ореви, бидејќи тие се многу вкусни и лесно се комбинираат во разни салати и јадења.

Сода бикарбона - совети

* Предметите од сребро добро ќе заблескаат ако ги истриете со крпа навлажнета со сода бикарбона.
* Ако сакате забите да ви бидат бели и сјајни, измијте ги со сода бикарбона. Меѓутоа, тоа може да го правите само еднаш месечно. Содата бикарбона добро растопете ја во густа каша, па брзо истријте ги забите и добро измијте ги.
* При чистење на зеленчук прстите многу често ги валкате. Дамките лесно ќе ги отстраните ако рацете ги истриете со сода бикарбона.
* Зеленчукот што го динстате побрзо ќе омекне ако му додадете само малку сода бикарбона.
* Зелениот зеленчук, особено зелените мешунки, ќе ја зачуваат зелената боја ако му додадете малку сода бикарбона во моментот кога водата во која се вари ќе почне да врие. Таквиот зеленчук побрзо ќе се свари, а ќе ја зачува и убавата зелена боја.

Кајсии - за помирни нерви

1. На клавчињата отстранете им ги надворешните зелени листови и исчистете ги од пченкарната свила. Врвовите од клавчињата без зрна може да ги отстраните.

2. Во плиток сад со рачки (плитко тенџере) сипајте вода, наредете ги клавчињата и варете ги додека зрната не омекнат.

3. Варената пченка, по желба, може да ја посолите и да ја послужите.

1. Исчистените клавчиња исечете ги на еднакви делови, а потоа боцнете ги на дрвени стапчиња.

2. Пченкарните раженчиња печете ги на загреана скара или во грил тава. Во текот на печењето мачкајте ги со растопен путер и рамномерно вртете ги. Пред крај на печењето, раженчињата по желба посолете ги.

3. Печената пченка послужете ја со печено месо, тортиљи со зеленчуков фил или како самостојно јадење

Не пр­же­те ги дол­го, ни­ту пак не ва­ре­те ги дол­го, заш­то та­ка ги гу­бат ми­ри­сот и вку­сот. Дин­стај­те ги во заг­ре­ан пу­тер, нај­мно­гу осум ми­ну­ти.

Су­ше­ње

Су­ви­те пе­чур­ки има­ат јак вкус и ми­рис, па вни­ма­тел­но до­да­вај­те ги во ја­де­ња­та. Ко­га ги ку­пу­ва­те, про­ве­ре­те да­ли се су­ви, крц­ка­ви. Пред да ги упот­ре­би­те, тре­ба да ги по­то­пи­те во мла­ка во­да од 15 до 30-ти­на ми­ну­ти.

За зим­ни­ца

Мо­же­те да ги ки­се­ли­те или да ги под­гот­ви­те во мас­ло, ка­ко и да ги за­мрз­не­те - це­ли ако се ма­ли или исе­че­ни на по­ма­ли пар­чи­ња. Нај­пр­во крат­ко про­ва­ре­те ги во бла­го со­ле­на во­да. Рок на упот­ре­ба: 6-7 ме­се­ци. Ва­ре­те ги не­од­мрз­на­ти.

Мес­то за­прш­ка

Во сов­ре­ме­на­та куј­на, мес­то за­прш­ка, се пре­по­ра­чу­ва да се сва­рат шам­пи­њо­ни, па да се ис­па­си­ра­ат во пи­ре. Та­ка под­гот­ве­ни ќе го згус­нат се­кое ја­де­ње.

Дињата посилна од никотинот

Сочната и ароматична диња посебно им се препорачува на пушачите, зашто нејзиното месо изобилува со супстанци кои ја штитат слузокожата на устата, како и со антиоксидансот - витаминот Ц (пет пати повеќе отколку во лубениците и десет пати повеќе отколку во свежата смоква).
Овој зеленчук не би требало да се јаде во поголеми количества, зашто тешко се вари, така што треба да го избегнуваат сите оние со чувствителен желудник, како и дијабетичарите.
Месото од дињата може да биде и прва помош при надворешни повреди на кожата (изгореници или каснувања од инсекти), зашто ги ублажува болките.

Вообичаените летни тешкотии - грчеви во стомакот и повраќање - најчесто не се опасни и траат само ден-два, но треба што полесно да се пребродат. Боровинките изобилуваат со танин кој ја стега столицата, така што и чајот е едно од решенијата. Во 5-6 филџани вода 10 минути варете 1-2 лажици плодови или суви лисја, оставете го да отстои 15 минути, прецедете го и испијте го.

Ако оревите долго време се чуваат на топло место, во нив може да се создаде супстанцијата афлатоксин, која е мошне опасна за здравјето. Афлатоксинот се таложи во црниот дроб и може да предизвика цироза. Затоа, веднаш по берењето, оревите треба да се сушат на студено место, каде што има провев, а никако на сонце. Исчистените ореви најдобро е да се чуваат во фрижидер, во пластични ќеси, а во визбите или на таваните може да се чуваат само во текот на зимските месеци.

Смоквите хранливи и калорични

Поради пријатниот вкус и хранливата вредност, смоквите се мошне ценето овошје. Се јадат свежи или сушени, а се користат и за преработка. Смоквата е полна со ситни семчиња. Зрелиот плод има многу млечен сок.
Смоквата содржи околу 21 отсто сува материја, од кои јаглени хидрати, т.е. шеќер 18 отсто, 1 отсто белковини и околу 0,1 отсто масти. Сто грама свежи смокви даваат 80, а сувите смокви 275 калории.
Содржината на витамините во 100 грама смокви е следниот: околу пет милиграми витамин Ц, по 0,05 милиграми витамините Б1, Б2, Б6 и ПП. Од минералните материи тука се: околу 238 милиграми калиум во свежи и 882 милиграми во суви смокви, околу 46 односно 178 милиграми калциум, околу 31 и 116 милиграми фосфор, околу 21 и 77 милиграми магнезиум, околу 15 и 80 милиграми хлор, околу 11 и 52 милиграми сулфур и 3 односно 26 милиграми натриум.
Смоквата е природно средство за чистење и за отстранување на слузта, за јакнење на желудникот. За чистење се земаат добро измиени суви смокви потопени во млака вода. Се оставаат да отстојат 24 часа, а утредента, пред појадокот, се јадат заедно со водата во која отстојале. Сувата смоква варена како чај, помага при воспаление на грлото и на белите дробови. Компотот од свежи смокви лекува и најтешки облици на лошо варење. Млечниот сок на смоквата помага за отстранување на брадавиците од кожата.

***

Слатко

За да уживате во слаткото, потребно е да соберете се уште недозреани плодови, а како такви ќе ги препознаете по тврдината и по тоа што од искинатата дршка ќе тече млеко. На еден килограм смокви потребни се еден килограм шеќер и 250 милилитри вода. Шеќерот се топи во водата, а потоа со смоквите се вари во тенџере додека не исчезне пената. Не е лошо во слаткото да ставите и неколку тркалца од лимон. Топлото слатко се сипа во чисти тегли, се остава да се подизлади, а потоа теглите се затвораат.
Понекогаш, слаткото во теглите се кристализира, како мед. Ако тоа се случи, потопете ја теглата во вода и грејте ја додека кристалите не се растопат.

Тостот му дава енергија на организмот

Како мала ужина, тостот е идеален. Со големо количество на јаглени хидрати, овој крцкав леб дава пријатна ситост и ги спречува нападите на глад. Организмот континуирано се снабдува со енергија и на тој начин психичката и физичката способност на организмот остануваат константни. Покрај тоа, тостот не содржи уште некои значајни материи освен драгоцените масти. Како и муслито со јогурт, ореви или со овошје, тостот со кашкавал и домати или, пак, без ништо, секогаш годи.

Црниот ориз подобар од боровинките

Црниот ориз содржи повеќе антиоксиданси на антоцијанот, инаку проверени борци против кардиоваскуларните проблеми, ракот и другите болести, од боровинките, открија стручњаците од Американското друштво на хемичари. Американските научници нагласуваат дека црниот ориз е побогат со влакна и со витамин Е од боровинките, а има и многу помалку шеќер. Овој вид ориз, освен тоа, содржи четири пати повеќе железо и два пати повеќе силициум отколку белиот ориз, а е богат и со фосфор, калциум, селен, цинк и со влакна.
Интересно е дека Италијанците го нарекуваат црниот ориз "венерин", зашто во древна Кина го користеле само избраните и тоа како афродизијак.

ЦВЕКЛО

Го јакне организмот

Во стара Персија цвеклото го сметале за симбол на караници и интриги. Римскиот цар Тибериј им наредил на старите Германи да плаќаат данок во вид на цвекло, што помогнало за негово брзо раширување по Рајна.
Цвеклото од хранливите состојки содржи околу 1,7 отсто белковини, 0,1 отсто масти, околу 9 отсто јаглени хидрати, а сурова целулоза има од 0,8 до 1 отсто. Цвеклото е мошне богато со минерални материи: калиум, натриум, фосфор, калциум, магнезиум, железо, флуор. Тоа содржи и многу микроелементи како што се манганот, бакарот, сулфуор, јодот, бромот, литиумот, рубидиумот, цезиумот, стронциумот.
Цвеклото лекува анемија, ги отстранува пречките во крвотокот, го регулира крвниот притисок - посебно нискиот, го јакне организмот, дејствува смирувачки врз нервниот систем и ја регулира столицата.
Некои научници сметаат дека со сок од цвекло може да се спречат туморите, ако најмалку еден литар сок се пие дневно во текот на повеќе месеци.

***

Маринирано

Големи цвекла со убава боја треба да ги измиете со четка и да ги варите во вриена вода, па да ги оставите да се изладат во неа. Потоа, цвеклото се лупи, се сече на парчиња и се реди во тегли. Маринатот се подготвува така што во сад се ставаат две до две и пол чаши јаболков оцет, 10 зрна бибер, 6 каранфилчиња, 2 дафинови листа, една лажичка сол и шеќер по вкус. Сето тоа треба да зоврие, а откако ќе се излади течноста се сипа во теглите преку цвеклото. Теглите добро се затвораат и се чуваат на суво и ладно место.

Познато е дека оревите помагаат во намалувањето на холестеролот во крвта, но и дека го намалуваат крвниот притисок и му помагаат на телото да се носи со стресот.

Според последните истражувања, лицата со зголемено ниво на холестерол во крвта имале понизок притисок кога конзумирале ореви за време од три недели.

- Овие резултати јасно покажуваат дека оревите можат да го намалат нивото на холестерол во крвта и крвниот притисок. Оревите го имаат истиот ефект кога лицето е изложено на стрес во секојдневниот живот, изјави професор Шерил Вест од државниот универзитет Pensilvanie West во САД.

Омега 3 масните киселини кои ги има во оревите го намалуваат ризикот од болести на срцето.

Од анализата на биолошките вредности може да се заклучи дека кромидот по своите лековити својства не заостанува зад лукот.

Во исхраната се користи во текот на целата година: младиот кромид во пролет, недозреаната главица во лето, а зрелата луковица во зима.

Погрешно е да се исфрла надворешниот дел од кромидот бидејќи тој не е помалку вреден од главицата.

Што се однесува до хранливоста, во кромидот има најмногу јаглени хидрати и незабележително количество белковини и масти.

Исушените зрели главици значително се калорични, но основата на биолошките вредности на кромидот ја прават минералите и витамините. Покрај големото присуство на минерални соли, особено калиум и сулфур и разни ологоелементи, кромидот е богат со витамините Б1, Б2, Ц, Е, К и П, а има и каротин (провитамин А), гликозиди, етерични масла, растителни хормони слични на инсулинот, бактериостатика и бактерицидни фитонциди.

Во народната медицина кромидот се користи за зајакнување на срцето, намалување на крвниот притисок, отстранување на несоница и нервоза, го олеснува искашлувањето, го регулира шеќерот во крвта, делува како диуретик и како лаксативно средство, помага при несвестица, го регулира варењето, лечи воспаление на крајници, болести на белите дробови и бронхиите, водена болест, ублажува болка, лечи рани и отоци, висока температура, го спречува згрутчувањето на крвта, помага при запушувањето на крвните артерии, го спречува пагањето на косата.

Моќните состојки кои се наоѓаат во кората и месото во модриот патлиџан се многу корисни сојузници во борбата која секојдневно ја водиме за нашето здравје. Резултатите од најновото истражување на британските научници потврдуваат дека нема сомнеж дека станува збор за зеленчук кој треба што почесто да го има во нашата исхрана.

Вистинското богатство во форма на мноштво на влакна и никако занемарливите количини на витамин B1 и B6, како и калиумот го прават модриот патлиџан моќен зеленчук.

Тој е одличен избор на бакар, магнезиум, манган, фосфор, ниацин и фолна киселина.

Сите горенаведени високо вредни материи и моќните антиоксиданси од кората на патлиџанот се ефикасни во борбата против холестеролот, што е и потврдено со најновите резултати од научната студија на универзитетите од Лондон.

Според некои истражувања се смета дека патлиџанот потекнува од Индија каде растел како дива билка, а прв пат е одгледан во Кина како плод корисен за исхрана.

Во Европа модриот патлиџан во Европа станал популарен во текот на 18-тиот век, кога Италијанците и Французите започнале да го одгледуваат овој зеленчук. Во Америка пристигнал тек во почетокот на 19-тиот век.

Ориганото повеќе од зачин

Ориганото е лековита билка, многу ценета уште во античко време, која најмногу се употребувала како чај . Исто така, ако се користи во умерени количества и правилно подготвен, ориганото претставува вкусен и пријатен зачин за јадењата од тесто, ориз, зеленчук и од морските плодови. Во спротивно, оваа билка не само што им дава на јадењата малку горчлив вкус, туку мошне често предизвикува вишок на киселина во желудникот, подуеност на стомакот и значително го отежнува варењето.
Од дамнина ориганото се користи како едно од најдобрите природни средства за елиминирање на сите желудочни проблеми, кое истовремено ја јакне и ја подобрува работата на сите органи за варење. Како и секоја горчлива билка, така и оваа билка ефикасно го поттикнува и го стимулира апетитот.

* Ориганото ги неутрализира маснотиите во организмот, па особено се препорачува како зачин за масните јадења, па често се комбинира со рузмаринот и босилекот. Потпечениот кромид е мошне тежок за варење, но станува вистински лесен деликатес ако се зачини со смеса од два дела магдонос, еден дел оригано и по вкус се додадете бибер и сол.

* Оваа билка е одлична за рибјите специјалитети, особено пржените во длабока маснотија. Се прави смеса од еднакви количества на нане, матичник, цвет од лаванда и оригано.

* Оцетот од оригано ја зголемува лековистоста на јадењата од модри патлиџани, похувани тиквички, салатите од грав. Се подготвува така што се мешаат 1 чаша природен вински оцет, 4 чаши квалитетно црно вино, па во течноста се додаваат 2 лажици оригано. Теглата добро се затвора, се остава најмалку една недела да отстои на умерена топлина, па оцетот се цеди и се чува во фрижидер.

Кога замрзнувате...

* ... Модри патлиџани

Приготвување: исечете ги на тенки тркалца (за пржење или за мусака) или исечете ги на половинки (за полнење). Бланширајте ги половинките 4 минути, а тркалцата 3 минути (кои може и да ги пропржите 2 минути, па добро да ги исцедите од маснотијата).
Рок на траење: 12 месеци.
Одмрзнување: не е потребно.

* ... Магдонос

Листот ситно се сечка.
Рок на траење: 9 месеци.

н. ... Праз

Приготвување: добро исчистете го, исечете го на половинки, па измијте ја земјата што се наоѓа меѓу листовите. Исечете ги на помали или на поголеми парчиња, зависно од намената. Бланширајте ги поголемите парчиња 4 минути, а исечените 2 минути. Ставајте ги во 2-3 херметички затворени пластични ќеси поради силниот мирис.
Рок на траење: 6 месеци.
Одмрзнување: не е потребно.

* ... Зеленчук за супа

Приготвување: исчистете го коренестиот зеленчук (морковите, целерот, магдоносот, пашканатот и др.), па исечете го на поголеми парчиња за бистра супа или на помали за крем супа. Ситно исечкајте ги листовите од магдоносот и од целерот. За крем супите може да додадете и грашок или друг зеленчук по вкус. Бланширајте го сето тоа 5 минути и ставајте го во ќесички во количество потребно за еден оброк.
Рок на траење: 6-8 месеци.
Одмрзнување: не е потребно.

Кога замрзнувате... (2)

* ... домати

Приготвување: поради големото количество вода, доматите по замрзнувањето не се за салата, туку само за варење. Може да ги замрзнете свежи, цели, бланширајте ги 2 секунди, но исто така и да направите сок или каша кои не треба да ги бланширате, а имаат и подобар вкус и изглед од џемот.
Рок на траење: 12 месеци.
Одмрзнување: за свежо замрзнатите не е потребно, а сокот или кашата оставете ги прекуноќ во обичен фрижидер.

* ... спанаќ

Приготвување: добро исчистете го, па или бланширајте ги само листовите 1 минута во сосема мали количества или сварете го, па испасирајте го.
Рок на траење: 12 месеци.
Одмрзнување: испасираниот спанаќ оставете го 2 часа на собна температура, а листовите директно ставете ги во вриена вода.

* ... тиквички

Приготвување: излупете ги, па исечете ги по должина, ако имате намера да ги полните или исечете ги на тркалца. Сосема младите не треба да се лупат, само отстранете им ги врвовите и добро измијте ги. Бланширајте ги 2 минути.
Рок на траење: 6 месеци.
Одмрзнување: не е потребно.

ЈАЧМЕН

1. Како може да се искористи вишокот од варена каша од јачмен?

Исечете го својот омилен зеленчук за салата, додајте ја варената каша од јачмен и зачинете по вкус. Ќе добиете вкусна ладна салата што може да ја послужите како здрав меѓуоброк или како прилог со главно јадење.

2. Како да го комбинирате јачменот со внатрешни органи?

Внатрешните органи динстајте ги со кромид, зачинете и налејте малку бело вино. На крај, измешајте ја и варената каша од јачмен.

3. Како да го скусите времето за варење на јачменот?

Пред варењето јачменот се остава во вода околу еден час.

4. Дали може варената каша од јачмен да се употреби како додаток на чорби?

Да, може. Покрај во чорбите, јачменот може да се додаде и во варива. Ќе им даде дополнителна арома.

5. Како да се употреби јачменовото брашно?

Јачменовото брашно се меша со пченично и се подготвува домашен леб и печива.

ОРИЗ

6. Кога да се додаде вино кај подготовка на рижото?

При подготвување на рижото белото вино се става во загреаниот ориз, за алкохолот да испари, а да остане неговата арома.

7. Колку ориз се вари по лице?

Ако сакате оризот да го понудите како прилог, по лице доволно е 70 гр., а ако го понудите како главно јадење, тогаш е потребно 100 гр. Со варењето, оризот три пати го зголемува својот волумен.

8. Како да се постигне помала лепливост на оризот?

Пред да се стави оризот да се вари во водата што врие, може да го ставите во цедалка и да го измиете под млаз вода. На тој начин од оризот делумно ќе го тргнете скробот, па помалку ќе се лепи при варењето.

9. Колку ориз е потребно за еден оброк?

За еден оброк или за една чинија, потребно е од 50 до 80 гр. ориз, зависно од видот на јадењето.

10. Како визуелно да добиете поефектен прилог од ориз?

Кафениот и дивиот ориз може да се варат заедно, бидејќи времето на варењето им е приближно исто, за 20-тина минути ќе добиете декоративен и необичен прилог.

11. Каков е тој парбоилед ориз?

Парбоилед ориз е специфично технолошки обработен. Нелупениот ориз се натопува, вари и суши, а потоа се лупи. Натопувањето трае од неколку часа до неколку дена, при што е важно оризовите зрна да се напијат вода до внатрешноста на зрното. За процесот да се забрза, се користи топла вода, вакум или притисок. Така натопениот ориз се вари под притисок на 100 степени, околу 30 минути, а потоа се суши на топол воздух додека зрната постигнат влажност од 15% помала од нивната тежина. Тогаш се пристапува кон лупење и брусење. Целта на оваа метода е да се зачуваат повеќето минерали и витамини што се наоѓаат во лушпата, а што се губат со вообичаеното лупење на оризот.

12. Како да се искористи благата лековитост на оризот кај стомачни тегоби?

Слузавата течност во која се варел бел, лупен ориз, конзумирајте ја самостојно, или со варениот ориз. Ова јадење обично се нарекува ориз на вода.

Продолжува...

Купување и чување на младо кравјо сирење

Младото кравјо сирење може да го купите во продавниците, а секогаш се наоѓа во разладните ормани. Се разбира, мора да биде во неоштетена пластична амбалажа, со видливо истакнат рок на употреба, кој обично е од една до две недели на температура од + 4 до + 8 степени.
Ова сирење може да го купите и на зелените пазари и без декларација, но, не е препорачливо ако го консумирате свежо, зашто може да биде контаминирано со микроорганизми (кои евентуално може да ги отстраните со термичка обработка).

* Питите со овошје треба да ги приготвувате со масло, зашто тоа не се стега како маста.
* Пред варењето млеко потребно е да зовриете малку вода во тенџерето. Така млекото нема да загори.
* При варењето јадења од чадено месо, шунка, чадени ребра и слично, треба да ја фрлите првата вода зашто е солена. Потоа може да го приготвите јадењето според рецептот.
* За месото од стара кокошка побрзо да се свари и за да биде подобро и повкусно, сипете една лажица ракија во водата за варење.

ТЕСТЕНИНИ

31. Како да се подготви домашна тестенина во боја?

Доколку сакате обоена домашна тестенина тогаш, пред да ги измешате јајцата во брашното, ставете лажица пире од домати за црвени тестенини, или добро иситнет варен спанаќ за зелена боја.

32. Како да се направи домашна тестенина?

Доколку сами сакате да направите домашна тестенина, ставете едно јајце во 200 гр. меко брашно, малку вода и масло по желба.

33. Како се вари тестенина?

Тестенината најдобро се вари во доста вода, па така варете 100 гр. тестенина во 1 литар зовриена посолена вода.

34. Кои комбинации на сосови можете да ги послужите со вашата омилена тестенина, шпагети и макарони?

Освен со сос болоњезе, шпагетите можете да ги комбинирате со лук, лути пиперчиња и маслиново масло; босилек, лук и маслиново масло; домати, маслинки и морски плодови. Кај макароните покрај домати можете да комбинирате и тиквички и модри патлиџани.

35. Со што може да ги филувате домашните тортелини и равиоли?

Тестото за домашни тестенини можете да го филувате со разни смеси. Комбинациите на производите во смесите може да бидат различни, на пример: мелено месо и пармезан, спанаќ и свежо кравјо сирење или комбинација на меки сирења.

МОДАР ПАТЛИЏАН

36. Како се печат модри патлиџани на жар?

Решетката на скарата намачкајте ја со масло и ставете ја 7-10 см од изворот на топлина. Резанките палиџани печете ги околу 10 минути, така што само еднаш да ги свртите, а притоа намачкајте ги малку со масло со помош на четкичка. Може да ги намачкате и со комбинација на маслиново масло, лук и зачински растенија.

37. Како да се динста модриот патлиџан?

Нема некоја голема разлика во динстањето на модриот патлиџан во однос на останатиот зеленчук. Патлиџаните исечени на коцки или мали резанки налејте ги со малку вода. Динстајте околу 12 минути во покриен сад. При самата подготовка, на динстаниот патлиџан може да му додадете исечкан домат без семе и босилек, или едноставно на крајот да му додадете исечкан лук и магдонос.

38. Како да го спречите вишокот впивање на маснотија при пржење?

Патлиџаните може да ги ставите и во цедалка од жица над пареа околу 30 минути. На тој начин за печење или пржење ќе ви треба помалку масло.

39. Како да се пече модар патлиџан во рерна?

Патлиџанот се боцка со вилушка за пареата да може да излегува надвор и во рерна се пече на 200 степени околу 20 минути или додека да омекне. Така добиеното пире натаму можете да го користите за мачкање и за сосови.

40. Кои зачини и масла се најдобри во комбинација со модар патлиџан?

Кромид, лук, домати, пиперки, маслиново и масло од сусам.

41. Со што се комбинира патлиџанот?

Патлиџанот се подготвува по желба, со лук, босилек, оригано, рузмарин, естрагон, црн пипер и провансалски тревки. Од зеленчук најдобри комбинации се со домати, тиквички, пиперки и кромид со повеќе маслиново масло.

42. Како да се намали горчината на модриот патлиџан?

Патлиџаните пред подготвување исчистете ги, посолете и оставете да отстојат околу 10 минути, за да ги извлечете несаканите горчливи состојки и водата.

Совети од кујната

* За да подготвите домашна сол со лук, тогаш треба да измешате три дела сол со еден дел лук во прав.
* За да подготвите гурманско предјадење со рен, тогаш треба изренданиот рен добро да го измешате со кремасто сирење, па со таа смеса да ги премачкате тенките парчиња печен бифтек. На средината од месото ставете потпечени шпаргли, па завиткајте ги во вид на ролат.
* За да подготвите едноставен прилог од праз, тогаш треба празот да го исчистите и да го измиете, да го исечете на тркалца и да го динстате на малку масло. Во динстаниот праз може да додадете малку лук и ѓумбир во прав.

ЦВЕКЛО

43. Колку парчиња цвекло доаѓа на еден оброк?

На еден оброк послужете по 3-4 мали цвекла.

44. Кои зачински растенија и зачини одат во комбинација со цвекло?

Ловоров лист, каранфилче, власец, копрец, лук, сенф, рузмарин, мајчина душичка, лимон, рен.

45. Дали треба да се посоли водата во која се вари цвеклото?

Кога се знае дека во цвеклото има голема количина на натриум, кога се вари водата не треба да се соли.

46. Може ли да се користи свежо цвекло?

Да. Цвеклото може да се корсти за добивање нутриционистички многу вреден сок, а ренданото цвекло како вкусен додаток на салатите. За да го одбегнете бојадисувањето на останатите состојки во салатата, цвеклото додајте го непосредно пред послужување.

ПИПЕРКА

47. На кој начин се полнат половинки од пиперка?

Ако полните половинки од пиперка отстранете ги жиличките и семките, но не и рачките, бидејќи тие при варење и печење ја одржуваат формата на пиперката.

48. Која сорта на пиперки се користи за подготвување на раженчиња?

Црвената месната пиперка добра е во комбинација со месо или риба во форма на раженче. Треба да се внимава големината на нарежаните пиперки да не биде поголема од месото, а за рабовите при печењето да не изгорат.

49. Како да се подготви едноставно јадење со пиперки?

Разновидни динстани пиперки, исечени на коцки се ставаат во огноотпорен сад, над нив ставете цели или изматени јајца и печете во рерна. Послужете како самостоен оброк со леб.

50. За подготовка на кои јадења може да се користи динстана или печена пиперка?

Динстана или печена пиперка може да се користи во комбинација со сос од домати, моцарела и маслинки, или како фил за пица.

51. Како се конзервираат и користат печените пиперки?

Печените пиперки со рачки можете да ги чувате во масло и да ги користите како прилог или салата.

52. Како се печат пиперки?

Цели пиперки печете ги во рерна на 220 степени околу 30 минути, а исечени на иста температура околу 15 минути.

53. Како пред подготовка да се измијат пиперките?

Пред подготовка, пиперките со рачки измијте ги под млаз вода и потоа исечете ги, а не обратно.

54 .Како да се подготват пиперки за чување во кисел прелив?

Во кисел прелив пиперките може да се чуваат цели, печени, полнети со зелка.

55. Во кои јадења во светската кујна пиперката е неизбежна?

Пиперките се неизбежен производ во јадења со цоус-цоус или за полнење на тортиљи.

56. Која е нутритивната вредност на пиперката?

Пиперката содржи најмногу витамин Ц од сите видови зеленчук и овошје. Затоа се препорачува што повеќе козумирање во свежа состојба.

57. Како да се одбегне лутиот вкус на пиперката?

Острината на пиперката и ја дава алкалоидот капсаицин, што се наоѓа во семките и прегладните бели ѕидови. Затоа треба внимателно да се отстранат и пиперката добро да се измие под млаз вода.

58. На што треба да се внимава при подготвување на јадења со пиперки?

Треба да се внимава пиперката да не се вари долго, бидејќи ќе го изгуби својот типичен вкус, а ќе остане само вкусот на блага горчина.

ДОМАТИ

59. Како да се подготви сос од домати пред да се додаде на тестенина?

Пред да ја прелеете тестенината со подготвениот сос од домати, пожелно е во него да се измеша малку свеж путер, а потоа јадењето да се посипе со рендан пармезан, кој ќе го дополни вкусот на јадењето.

60. Како да се испече јајце во домат?

Одвојте го јајцето од лушпата, истресете го во издлабениот домат и печете во рерна.

61. Со што се полни доматот?

Доматот се полни со помек фил, како што е младо сирење, варен зеленчук, динстано, исечкано месо или варена зачинета риба.

62. Како да се послужи похован домат?

Похован потврд домат може да се послужи за предјадење со сос од мајонез.

63. Кога на јадењето треба да му се додаде концентрат од домати?

Кога ќе додадете концентрат од домати на јадење со месо, на пример на гулаш, направете го тоа кога месото е веќе омекнато, бидејќи киселоста на доматите го забавува омекнувањето на месото.

64. Која е најдобра сорта за сосови и конзервирање?

За сосови и конзервирање добри се доматите со форма на слива.

65. Која е најценета сорта на домати?

Поради дебелиот и вкусен меснат дел со малку семе, јабучарот е најценета сорта домати.

66. Како се лупи домат?

Доматот многу лесно ќе го излупите ако на врвот малку го засечете како крст, па накусо да го ставите во вода што врие.

Виното во кујната

* Белото вино и шери обично се употребуваат во јадења од пилешко и морски плодови, потоа со сирења, крем супи и лесни светли сосови.
* Црното вино ја засилува аромата на јадењата од црвено месо, дивеч и на месните сосови.
* Сувите и лесно слатките вина се препорачуваат за лесни предјадења, а таквите вина добро одат и со состојките во облик на суво месо, риби и морски плодови.
* Тестенините со сирење стануваат повкусни со додавање малку розе или црно вино.
* Тоа се однесува и на јадењата од јајца, но со помош на суво бело вино или розе.
* Додека се динста зеленчукот, се додава малку бело вино и се остава аромите да се спојат.
* Виното може да се употребува и во маринади. Алкохолот и киселините го омекнуваат месото и истовремено го ароматизираат.
н Виното обично се додава во јадењата на средината или пред крај на готвењето.
* Времето потребно за варење на виното зависи од бојата: белото вино се загрева пократко, а црвеното додека речиси не испари и бојата не стане темна, речиси кафена.

Совети од кујната

* Во исхраната треба да се форсираат листовите од магдоносот. Се употребува додека е свеж. Во јадењата се става непосредно пред да се тргне тенџерето од рингла.
* Кората од лимонот треба да се зачува зашто може ефикасно да се употреби за отстранување на непријатните мириси од кујнските садови.
* Тестото за палачинки станува подобро ако првин се измешаат млекото и брашното, па дури потоа да се додадат јајцата.

МОРКОВ

67. Со кои зачини добро оди морковот?

Со морковот добро одат следните зачини: магдонос, нане, мајчина дучишка, мајоран, мускатно оревче, џумбир, кари.

68. Зошто се додава морков во подготовка на некои сосови?

Морковот скоро секогаш се користи кога се подготвува сос од домати, било основен или оној со додаток на месо. Морковот може да е исечен на коцки, па потоа со сите состојки за сосот да го пропасирате, а може и да го изрендате. Тогаш не е потребно дополнително да се пасира.

69. Како да се замрзне морков?

Одберете моркови со средна големина, па измијте ги и исушете. Помалите моркови може да ги оставите цели, а поголемите да ги исечете на коцки или стапчиња. Пред замрзнување морковите малку се проваруваат во зовриена вода (се бланшираат) 5 минути, а сечените околу 2 минути. Морковите се ладат во вода со мраз околу 5 минути. Се ставаат во пластични кеси и се замрзнуваат.

70. Како се маринираат моркови?

Бланшираните исечени моркови се прелеваат со дресинг од лимонов сок, сенф, маслиново масло, исечкан кромид, лук и магдонос. Така маринираниот морков се остава да отстои неколку часа, па послужете го како салата или мал оброк.

71. Како може да се глазира варен морков?

Варениот морков исечен на стапчиња може да се глазира со сок од портокал и путер.

72. Како се подготвува морков?

Младите моркови се чистат со четка, а во есен и зима морковите се стружат. Веднаш се подготвуваат бидејќи на светлина поради стоење на воздух им се намалуваат витамините.

73. Зошто при употребата на морковот добро е да му се додаде масло?

Морковот содржи најмногу каротин, кој со малку маст во телото преминува во витаминот А. Затоа секогаш во него ставете масло, дури и во сокот од морков.

74. Како се подготвува морков за првање десерти?

Морковот успешно се користи за правење десерти. Ситно изрендан може да се употреби во мрсни пандишпани, а како дел од филот добар е за штрудли. Извонредни се и топчиња од моркови со ореви и рум.

РОТКВИЦА

75. Покрај во салати, како уште може да се користат зелените листови на ротквицата?

Може да се користат како додаток на чорби или варива. Од младите листови на ротквици што се берат пред цутење, може да се подготви вкусно јадење, слично на она од спанаќ.

76. Дали ротквицата може да се комбинира со риба и морски плодови?

Бистрата супа од домати ќе биде повкусна ако во топлата супа додадете малку млади листови од спанаќ и на резанки исечена ротквица. Салатата од ротквици е интересен и поинаков прилог за печена риба.

77. Дали ротквиците освен со свежи може да се комбинираат и со твди и полутврди сирења?

Секако, како дел од месни послужувања или исечена на коцки во комбинација со тврдо сирење и исечкан млад кромид, зачинета со прелив за салата на база на мајонез и кисела павлака, сервирана на листови зелена салата.

78. Доколку сте љубители на кинеска храна и ротквици, како тогаш да се подготват?

Исчистените ротквици може да ги притиснете со подебелиот дел од чаша да ги посолите и да ги оставите да се маринираат околу 15 минути на собна температура. Подгответе прелив за салата од оцет, сос од соја, масло од сусам и свеж сок од џумбир. Додајте сок од ротквица, па се заедно додадете на ротквиците. Пред послужување, ротквиците треба да се изладат во фрижидер.

ТИКВА

79. Како да се употребат семките од тиква?

Исчистените семки од тиква може да ги испечете и посолите, па да ги користите како грицки, но во умерени количини. Од семките се прави и масло, кое е богат извор на цинк и незаситени масни киселини.

80. Како да се подготви мармалад од тиква?

Мармаладот од тиква може да го подготвите на вообичаен начин, но и да го комбинирате со овошје, на пример со јаболко или дуња.

81. Како да се гратинира тиква?

Накусо варената (бланширана) тиква може да се прелие со топено рендано сирење, или со бешамел сос, па да се потпече во рерна (гратинира).

82. Како се користи тиква при послужување на јадења?

Печена и исчистена цела тиква, на која сте и го исекле горниот дел, може многу декоративно да послужи и за сервирање на готови јадења од меснатиот дел на тиквата, како што се супи, варива и сосови.

83. Како да се подготви печена тиква?

Пробајте печени половинки од помали тикви со малку путер и јаворов сируп.

Домашна тарана

За да направите домашна тарана потребни ви се:

* 140 г брашно
* 1 јајце
* сол
Замесете мошне тврдо тесто од сите состојки, без да додадете вода. Побрашнете го рендето од најситните дупчиња и подготвеното тесто рендајте го. Ќе добиете мали трошки. Трошките раширете ги на побрашнета површина и оставете ги да се потсушат. Сипајте ги директно во супата и варете ги, исто како и фидето.

ЛУК

84. Како да се подготви ароматичен оцет со лук?

На литар оцет додајте 1-2 чешниња лук.

85. Како во подготвување на јадење да се замени свеж со сушен лук?

Едно чешне свеж лук може да се замени со 1/8 од лажичка лук во прав, 1/4 од лажичка лук во гранули или со ½ лажичка сушен лук во вид на снегулки.

86. Како да се подготви масло со арома на лук?

Измешајте 250 мл растително или маслиново масло со лажичка фино иситнет лук. Пред употреба, маслото треба да отстои најмалку 24 часа, за да добиете максимална арома.

87. Како да се намали непријатниот здив од конзумирање лук?

Со конзумација на свеж магдонос по оброк со лук, ќе го намалите непријатниот мирис, а еве и дополнителни предности на магдоносот-малку калории и значителна количина витамин Ц.

88. На што треба да се внимава при пржење на лук?

Кога лукот се подготвува на масло, многу лесно може да загори, поради што и јадењето попримува горчлив вкус. Затоа лукот се динста најмногу до златнокафена боја.

89. И кај лукот големината е важна. Зошто?

Колку поситно го исечкате лукот или го пасирате, поголем број ситни делови на лукот доаѓаат во контакт со воздухот, па и јачината на аромата што се создава ќе биде поголема. Ако сакате послаба арома, оставете го лукот со лушпата. Должината на варењето ја намалува аромата на лукот.

90. Како да се подготви домашна сол со лук?

Како да добиете сол ароматизирана со лук: измешајте три лажички сол и еден лук во прав.

91. Како лукот најлесно се чисти?

Секое чешне притиснете го со острата страна на нож. Така ќе се ослободи многу тенката лушпа и многу лесно ќе ја отстраните.

92. Со кои зачини може да се комбинира лукот?

Лукот извонредно оди со магдоносот, мајчина душичка, ловор, боровинки и чили.

93. Што е гремолада?

Гремолада е миланска смеса која како и песиладата содржи препечен лук и магдонос, само му се додаваат корички од портокал и лимон. Традиционално, со неа се наросува телешка коленица, непосредно пред послужување, но може да се додаде и во манџи со месо пред самиот крај на варењето.

94. Што е персилада?

Персилада е смеса од пропржени, ситно исечкани ливчиња од магдонос и лук што се додава на многу јадења пред крај на варењето, како што е јагнешко на жар, пржена риба, зеленчук или пилешко.

БОРАНИЈА

95. Можеме ли да користиме свежа боранија?

Свежата зелена боранија не се јаде сурова, бидејќи ја содржи отровната состојка фазеолин, која со варењето се уништува.

96. На што е битно да се обрне внимание кога се вари боранија?

Боранијата продолжува со варење и кога ќе ја извадите од водата. Затоа е важно да ја извадите пред да е готова, или накусо ставете ја во многу студена вода, за да го запрете процесот на варење.

97. Дали може боранијата да се користи за фил?

Зелената боранија може да послужи за филување на месни и рибји филети кои претходно се завиткани во пршута или сланина.

98. Како да се подготви вариво од боранија?

Варивата од боранија може да се подготват во неколку препознатливи комбинации: во сос од лук, со кромид и сланина, со домати, кромид, лук и сланина или со повеќе видови зеленчук.

99. Како наједноставно да се послужи боранија?

Варената, топла боранија испрскајте ја со свежо исцеден лимонов сок или со винаигретте дрессинг (масло, оцет, зачини), измешајте и послужете.

100. Како се купува и подготвува боранија?

Постои зелена и жолта, тркалезна и широко сплескана. Кога купувате боранија внимавајте да не е дрвенеста, да нема развиено семе и цврсти конци. Најчесто се подготвува како салата и вариво.

БРОКУЛА

101. На што треба да се внимава за што повеќе да се зачуваат вредните состојки на брокулата?

Пред термичката обработка што помалку сечете ја и дробите ја, подгответе ја на пареа, а ако ја варите, правете го тоа во што помалку вода. Варењето да трае што пократко.

102. Со кои зачини најдобро се комбинира брокулата?

Ким, копрец, семки од сенф, естрагон, босилек, кари во прав, мускатно оревче или оригано.

103. Како на брокулата да и се зачува убавата зелена боја?

После краткотрајното варење на пареа или во вода, натопете ја во студена вода со коцки мраз.

104. Како да се подготви пржена брокула?

Брокулата се вари, а за тоа време се подготвува тестото. Потсушената брокула се мака во тестото и се пржи на добро загреано масло. Пржената брокула се служи со ладни сосови на база на мајонез.

105. Како да се употребат листовите и стебленцата на брокулата?

Водата во која сте ги вареле цветчињата на брокулата, не ја фрлајте, туку во неа сварете ги ситно исечканите листови и стебленца од брокулата со додаток на зачини по желба. Така ќе добиете вкусна чорба, во која по желбата можете да додадете и друг зеленчук или да ја згуснете со нишесте и додаток на павлака.

106. Како да се подготви зелено пире?

Наместо грашок, со компири може да употребите и брокула, за да добиете хранливо, зелено пире.

107. Од каде потекнува брокулата?

Брокулата потекнува од Италија, а во Франција ја донесла Катерина Медичи.

108. Како наједноставно да се подготви брокула?

Наједноставно брокула се подготвува со маслиново масло, вино и лук, а се препорачува бидејќи содржи антиоксиданси.

* Како и каде да ја користите црвена зелка?
Црвената зелка најчесто се користи како салата или како прилог со разни печени меса.
* Како да се задржи црвената боја на зелката?
Ако сакате црвената зелка да ја задржи својата атрактивна боја, варете ја во сад со капак или во експрес лонец со додавање во водата на малку вино или сок од лимон.

Мандарините добри за видот и за кадифена кожа

Мандарината по својот состав е мошне слична на портокалот. Во 100 г мандарини има витамин Ц, а тука се и витамините од Б-групата. Од минералите има калциум, магнезиум, цинк, па дури и 160 мг калиум, кој, меѓу другото, е заслужен за добрата работа на срцето.
Општо, агрумите имаат мошне мала енергетска вредност - во 100 г мандарини има само 34 калории. Треба да се нагласи и изобилството на влакна, кои ја вбројуваат мандарината во продукт поволен за поттикнување на варењето.
Најважни фитохемикалии од мандарината се флавоноидите, а жолтата боја е од ксантофилот. Значи, мандарината во својот состав има бета-каротени, а со разградувањето на бета-каротенот, цицачите го синтетизираат витаминот А, кој е заслужен за добриот вид и за кадифена кожа.

***

Почнете го денот со свежо цеден сок од мандарини

Свежо исцедениот сок од мандарини е совршен избор за добар и свеж почеток на денот. Во 100 мл сок од мандарини има калиум, калциум, магнезиум, фосфор, а тука се и железото, цинкот и бакарот, покрај изобилството на антиоксидативни фитохемикалии.
Ако во текот на неделата сте изложени на стрес, на несоодветна исхрана и на тешкотии во системот за варење, тогаш направете викенд- детоксификација на организмот со мирисни мандарини.
Ако ги започнете саботата, неделата и понеделникот со напивка, тогаш може да тргнете во новиот работен викенд целосно подготвени.

***

Агруми коктел

Потребно:
* 2 портокала
* 2 мандарини
* 1/2 лимон
* 1 гранче нане
Приготвување: исцедете ги излупените портокали, лимон и мандарини во соковник, заедно со нането. Непречено може да уживате во свежите мандарини и во сокот од нив, без страв од зголемување на телесната маса, а со гаранција за внесување скапоцени хранливи материи.
ВНИМАНИЕ: за децата и за постарите лица секогаш планирајте напивка од половина количество од сокот и исто толку вода.

ПРАЗ

109. Зошто е добро празот да се купува со коренчињата?
Како што коренчињата ни се показател за свежината на празот, така истовремено и ќе го забават неговото сушење.
110. Како да се  подготви едноставен прилог од праз?
Празот се чисти и мие, се сече на резнина и се динста на малку масло со додаток на лук и џумбир.
111. Како да се послужи праз подготвен на пареа?
Топлиот праз може да го послужите со сос на база на павлака, а изладен во комбинација со прелив за салата- винаигретте.
112. Кои зачински растенија одат со праз?
Жалфија, мајчина душичка, магдонос, босилек, коричка и сок од лимон.

КРОМИД

113. Кои се особините на кромидот и како да се употребат?
Најчесто се употребува кромид со жолтеникава боја. Црвениот кромид е со благ и ароматичен вкус и се користи за подготовка на сосови и чорби. Младиот кромид се конзумира свеж.
114. Како да се спречи солзењето на очите кога се сечка кромидот?
Кромидот нема да ве насолзи, ако по чистењето го ставите во вода.
115. Зошто кромидот е животен еликсир?
Кромидот е вистински ”животен елкисир” бидејќи содржи белковини, Б и Ц витамин, минерални материи, антибиотски материи и етерични масла, што благотворно делува на кардиоваскуларниот систем, го регулира варењето, помага кај настинки и има диуретско својство.
 

ГРАШОК

116. Колку зрна грашок се добива по чистењето?
Од 1 кгр. грашок во мешунки се добива околу 350 гр. исчистен грашок.
117. Како да се одбере и употреби грашокот?
Кога купувате млад грашок, внимавајте мешунките да се свежи и зелени. Исчистете го и употребете го истиот ден, бидејќи со стоење узрева, шеќерот се претвора во скроб и вкусот се менува.

КРАСТАВИЦА

116. Што се прави кога краставицата е горчлива?

Ако краставицата е горчлива се чисти,сече на тркалца,се посолува и се остава да отстои.Потоа се цеди и се подготвува според рецептот.

117. Која е предноста на краставицата во исхраната?

Краставицата го забрзува извлекувањето на водата и разните токсини од организмот.

СПАНАЌ

118. Во каков сад треба да се стави варениот спанаќ?

Варениот и исцеден спанаќ препорачливо е да се стави во стаклен или порцелански сад,наместо во метален,за да се спречи оксидација.

119. Дали спанаќот губи од волуменот при варењето?

При варење спанаќот губи околу 8 пати од својот волумен во свежа состојба.

120. Што треба да се знае за спанаќот?

Спанаќот е богат со минерали и витамини,но помалку е познато дека содржи оксална киселина и нитрати кои неповолно влијаат на лица кои боледуваат од артритис,реума,камен во жолчка и бубрези,затоа ним спанаќот не им се препорачува.Делувањето на оксалната киселина може да се намали ако спанаќот го подготвуваме со млеко,сирење или јогурт.

121. Како да се подготви свеж спанаќ?

Спанаќот добро се чисти(се отстрануваат коренчињата и по потреба долниот дел од стебленцата),а потоа измијте го во повеќе води.Ставете го спанаќот во зовриена вода и причекајте водата повторно добро да зоврие.Потоа спанаќот се вади,се налева со студена вода.Кај овој метод,спанаќот останува свеж и зелен.

РЕПА

122. Како да се подготви кисела репа?

Киселата репа се вари во малку солена вода,а ако во неа варете свинско,тогаш не ја солите.Ако е многу кисела,пред варење може да ја измиете со вода.

123. Како да се подготви мешана салата со свежа репа?

Свежата репа со повеќе видови коренесет зеленчук се ренда и се зачинува по сопствен вкус(масло,оцет,лимон,ацето балсамико,сол).

124. Како наједноставно да се подготви варена репа?

Варена репа со листови или без нив се зачинува со путер,лимонов сок или со некој сос на база на путер.

125. Кога е најдобро да се користи репата?

Репата е најдобра во септември,октомври и ноември,но може да се употребува до мај.

Секојдневно се препорачува внесување на три оброци со интегрални житарици во превенцијата против дијабетес тип 2  и коронарните болести.

Ретки се младите и адолесцентите кои ги следат овие препораки. Во истражуањето кое го покажа ова, биле вклучени 792 адолесценти и 1686 млади на возраст од 15 до 23 години.

Преку прашалници за зачестеноста на земање храна, авторите на студијата дошле до сознание дека младите внесуваат помалку од еден оброк житарици дневно.

Причината која влијае врз внесувањето интегрални житарици е нивната достапност во домот.

Освен што се вкусни, јаболката изненадувачки се важен извор на корисни состојки за нашиот организам. Тие го смалуваат холестеролот, влијаат на тежината и ја подобруваат интелигенцијата. Ова се само некои од последиците на редовното консумирање на ова секогаш достапно овошје.

Обезбедуваат подолго чувство на ситост

Имајќи во предвид дека е потребно подолго време за џвакање, овошниот шеќер од јаболкото бавно и постепено влегува во организмот и го одржува нивото на шеќер и инсулин стабилно. За разлика од јаболката, слатките влијаат на брзото зголемување на шеќерот во крвта и привремена ситост, но овие нивоа се подеднакво брзо се смалуваат, гладот се враќа, а калориите остануваат.

Но, јаболката даваат подолго чувство на ситост токму поради постепеното внесување на шеќер, а содржат минимален број на калории, па нивната важност во одржувањето на рамномерната тежина не е во прашање.

Ја подобрува работата на дишните патишта

Според неодамнешното британско истражување, децата чии мајки често консумираат јаболка во текот на бременоста имаат многу помали шанси за развој на астма, рак и други заболувања на дишните органи од деца чии мајки не јадат често јаболка.

Го намалуваат холестеролот

Благодарение на пектинот и полифенолот кои ги содржат, јаболката делуваат на намалувањето на нивото на холестерол и го спречуваат неговото насобирање во крвните жили. За уште подобри перформанси, не ја лупете кората на јаболкото, поради што таа е богата со истите состојки со кои е богат и средишниот дел.

Се борат против канцерот

Луѓето кои јадат едно јаболко дневно имаат дури 42 отсто помали шанси да заболат од рак. Италијанските научници докажаа дека некои состојки во јаболката спречуваат ширење на клетки зафатени со тумор. Овој процент сигурно не е за потсетување.

Не прават нас попаметни

Преку комбинацијата на одредени состојки од јаболката со ензимите во човечкото тело настанува невротрансмитерот ацетилколин, чија улога е пренос на импулси помеѓу нервните клетки. Едноставно речено, што повеќе јаболка изедеме, толку подобро ќе биде делувањето на ацетилколинот, што влијае на подобрување на помнењето, концентрацијата и учењето.

Во периодот на пост, рибата е главна на менито на многу православни верници.

Освен што е вкусна, здрава и може да се подготви на многу различни начини, рибата лесно се вари. Богата е со витамини, минерали и аминокиселини.

Туна:

Богата е со минералот селен и витаминот А, кои играат важна улога во борбата против слободните радикали.

Ослиќ:

Има мала енергетска вредност и спаѓа во диететските намирници. 100 грама ослиќ содржи 80 % вода, 0,85 грама масти и 17,2 грама белковини. Богат е со витамините Б1 и Б2, калиум, калциу и фосфор. Позитивно влијае на коските и работата на мозокот.

Сардина:

Содржи магнезиум и триптофан, кој благотворно влијае на нервниот систем и го подобрува расположението. Богата е со протеини, омега 3 киселини и калиум.

Пастрмка:

Се препорачува за дијабетичарите и лицата со висок крвен притисок. Таа е нискокалорична и содржи малку натриум (40 мг во 100 грама) и штити од кардиоваскуларни тегоби.

Крап:

Спаѓа во помрсните риби. Богат е со белковини, омега 3 киселини, витамини А, Д и Е. Го чува мускулот на срцето и ги ублажува тегобите од болестите на крвните садови и псоријазата.

Покрај тоа што се консумира ширум светот, здравите својства на пивото не се доволно познати, наведува најновото истражување.

Имено, овој пијалак е извор на витамини, влакна, минерали и антиоксиданси и има релативно ниска калорична вредност во споредба со другите алкохолни пијалаци.

Освен тоа, истражувањето укажува на тоа дека пивото, ако се консумира умерено е едно од најздравите алкохолни пијалаци.

Портпаролот на британското друштво The Beer Academy, кое го спроведе истражувањето објаснува: Пивото кое што е богато со влакна и антиоксиданси содржи и витамини кои вам можат да ви помогнат да одржите балансирана, здрава исхрана, а во него се наоѓаат и минерали како силициумот кој помага во намалување на ризикот од остеопороза.

Откриено е дека 10 отсто од испитаниците сметаат дека пивото содржи масти, а 13 отсто грешно веруваат дека пивото се прави од разни хемикалии наместо од јачмен и хмељ.

Истражувањето исто така ја проучуваше позитивната психолошката и социолошката корист на луѓето кои уживаат во својот омилен пијалак во пивниците и баровите.

Со многу малку маснотии, лиснати и лесни како воздух се кроасаните кои ги произведува снек-барот „Japonaise Bakery & Cafe“ на Hiroko Sakan. Оваа Јапонка, која е родена во американскиот град Бостон, советува дека најздрав појадок се кроасани.

Потребните количини на енергија кои му се потребни на организмот во текот на целиот ден ги дава токму квалитетно направен и испечен кроасан, вели Hiroko. Таа се специјализирала во оваа област на кулинарството, што нејзиниот снек-бар го посетуваат секое утре цела армија луѓе.

Според Hiroko кроасанот, кој е испечен до темно кафеава боја, а послужен со квалитетно француско кафе или чај е најдобриот појадок, кој може да се понуди на сопствениот организам.

Зеленчукот ја чува линијата

Зеленчукот богат со растителни влакна помага да се заситите, но и да ја зачувате линијата - под услов да го подготвите на диетален начин, а тоа значи дека треба само да го обарите и да го прелиете со малку маслиново масло.

СПАНАЌОТ е рудник на антиоксиданси

Сто грама спанаќ содржат четири милиграми бета-каротин, што е и препорачаната дневна доза. Освен тоа, содржи уште четири антиоксиданси - витамините Ц и Е, селен и цинк, но и калиум и линолеинска киселина, неопходни за правилно функционирање на имунолошкиот систем. Спанаќот јадете го суров за да ги искористите сите антиоксиданси.

ТИКВИЧКИТЕ се диуретик

Богати со вода и калиум, тиквичките го поттикнуваат исфрлањето на токсините од организмот. Тие се важен извор на витаминот Б9, кој учествува во синтезата на белковините и железото. Исто така, тиквичките содржат и лесно растворливи растителни влакна и затоа лесно се варат, а, покрај тоа, и го забавуваат апсорбирањето на мастите. Не чувајте ги подолго од 48 часа во фрижидер, зашто потоа ги губат сите скапоцени состојки.

БРОКУЛИТЕ се извор на витамини

Брокулите содржат исто количество витамин Ц како и портокалите. Тие се извор на Е-витамин кој е антиоксиданс, сулфур кој штити од инфекции, калциум кој ги зацврстува коските, железо и калиум. Поради урамнотежената содржина на глициди и белковини, брокулите создаваат чувство на ситост. Варете ги на пареа за да го зачувате витаминот Ц и не држете ги долго во фрижидер.

ШПАРГЛИ

128. Како се чистат шпаргли?

Шпарглите (бели и зелени) треба правилно да се исчистат. Најнапред се отсекува тврдиот крај, потоа околу 7 см. под врвот со нож малку се засечува и кожичката се влече кон крајот на шпарглата. Тврдите краеви може да се искористат за чорба.

129. Како се варат дивите шпаргли?

Шпарглите се варат во широк сад. Во зовриена вода ставете сол, по желба малку шеќер и парче путер. Варете ги на средна температура 15-20 минути.

ЗЕЛКА

130. Каде се користи црвената зелка?

Покрај бела и зелена, постои и црвена зелка. Најчесто се користи за салата и како прилог со разни печени јадења од месо.

131. Како да се задржи црвената боја на зелката?

Ако сакате црвената зелка да ја задржи својата атрактивна боја, варете ја во сад со капак или лонец под притисок, со додаток на вино или лимонов сок.

КОМПИР

132. Како да се направи палента од компири?

Компирите се варат во солена вода додека да се разварат, а потоа додајте пченкарно брашно и продолжете со варењето. Потоа масата распоредете ја на дрвена подлога, така што да биде со еднаква дебелина и изладете. Се сече на парчиња со цврст конец. Некогаш ова јадење било замена за леб.

133. Зошто е важно копирот што потенко да се лупи?

При лупењето треба да се тргне колку што е можно потенок слој од кората на компирот, бидејќи под кожичката се наоѓа најголемиот дел од витамин Ц.

134. Како при чистење на млад компир да се одбегнат дамките на прстите?

Ако младиот компир го стружите под млаз вода, ќе ви остави помалку дамки по рацете, а остатокот на дамки можете да го отстраните со лимонов сок.

135. Како да се чува исчистениот компир пред термичка обработка?

Ако прерано сте го излупиле или исекле компирот, нема да потемни ако го држите во студена вода се до моментот на употреба.

136. Зошто не е добро компирот да се подгрејува?

Подгревањето на компир се одбегнува поради концентрацијата на соланин што се наоѓа во него, бидејќи може да биде причина за акутно труење. Среќна околност е што количината на копир што може да содржи токсична доза на соланин (200 мг/кг телесна тежина), ја надминува големината на еден оброк. Препорачуваме во чорбите што ги варите за наредниот ден, компирот сварете го непосредно пред сервирањето.

137. Како да се зачини компирот?

Кај варење и печење компирот се зачинува пред термичката обработка, а кај пржењето на крај на термичката обработка.

138. За кои јадења се користи мазен компир, а за кои компир со рапава кора?

Кај подготовката на јадења најчесто разликуваме два вида компири: со мазна и рапава кора. Компирот со мазна кора се користи за салати, печења и пржење, а компирот со рапава кора користете ги за подготовка на теста од компир, кашички и пире.

139. Кога се пасира компирот?

Кога подготвувате пире од компири или некое тесто од компири, секогаш испасирајте го компирот додека е топол.

140. Зошто е добар компирот?

Поради малата содржина на натриум, одговара за исхрана на лица кои страдаат од висок крвен притисок, а им се препорачува и на дијабетичарите.

141. Како да се оплемени салатата од компири?

Салатата од компири ќе биде повкусна ако варениот и исечен компир, додека е уште топол, го зачините со масло, а делот од оцет заменете го со вино.

142. Како да се користи брашнестиот компир?

Брашнестите видови на компири што лесно се разваруваат, се користат за подготовка на пире и тесто од компири.

Сите ние имаме свои омилени јадења, но и јадења кои само еднаш сме ги пробале во животот и веќе никогаш не сме помислиле на нив. Но кога станува збор за тоа која храна треба да ја вклучиме во нашата диета, тогаш никогаш не се противиме. Добра вест е што многу од понудените намирници, најверојатно, се наоѓаат на вашата листа на омилени јадења.

1.Туна
Масните риби содржат омега 3 масни киселини кои помагаат да се намали нивото на холестерол во крвта, а го намалуваат и ризикот од срцеви заболувања. Истражувањето сугерира дека омега 3 масните киселини, исто така, играат улога во спречувањето на хипертензијата, артритисот, Алцхајмеровата болест, депресијата, синдромот суво око, како и ракот.

2. Јајца
Едно јајце во себе носи многу добрина. Јајцето научниците го категоризираат како функционална храна, односно храна која обезбедува здравствени придобивки надвор од своите прехранбени бенефиции.

3. Грав
Варен грав, тавче-гравче, црн грав... Јадењето многу грав може да го намали ризикот од срцеви заболувања и мозочен удар, а помага и во спречувањето на појавата на ракот, велат истражувачите. Ова главно се должи на фактот дека гравот е богат извор на антиоксиданси.

4. Какао
Какаото го намалува ризикот од заболување на срцето и од хипертензија. Иако научниците велат дека треба да направат уште испитувања, со цел да се открие целосно позитивното влијание на чоколадото врз здравјето на луѓето, тие препорачуваат секојдневно да јадеме по 10 грама квалитетно чоколадо.

5. Бразилски ореви
Бразилските ореви важат за совршен извор на протеини. Ова значи дека за разлика од останатите растенија кои имаат протеини, бразилските ореви ги содржат сите неопходни аминокиселини кои го поттикнуваат растот кај луѓето.

6. Лук
Лукот не е само одличен додаток во тестенините, туку тој нуди огромни здравствени придобивки поради својата антиоксидансна содржина. Истражувањето покажа дека лукот може да помогне да се спречи срцевата болест, хипертензијата и ракот, а може да ја подобри и функцијата на белите дробови.

7. Јогурт
Јогуртот не само што содржи калциум за коските, туку тој е одличен извор и на пробиотици. Пробиотиците се микробиотска храна, која прави баланс на бактериите во организмот, а го јакне и здравјето.

8. Цитрон
Сигурно знаете дека цитроните се фантастичен извор на витамин Ц, исто како и лимоните, портокалите и грејпфрутот. Овие плодови се богати со витамини и играат голема улога во спречувањето на појавата на ракот.

9. Банани
Истражувањето покажа дека бананите имаат висок процент на калиум. Одличен пример се како може да се намали ризикот од мозочен удар. Калиумот, исто така, игра важна улога во функционирањето на мускулите, срцето и нервите.

10. Малини
Малините се преполни со проантоцијаниди, кои го намалуваат ризикот од срцев удар, а го подобруваат и здравјето на уринарниот тракт. Новото истражување, исто така, покажа дека џусот од малини е добар против гастроинтестиналните вируси. Научниците препорачуваат да пиете 300 мл џус од малини секој ден, со цел да ги почувствувате бенефициите

Совети од кујната

* Колку поситно ќе го исечкате лукот или ќе го поминете низ преса, толку поголем број на ситни делови од лукот ќе дојдат во допир со воздухот, па и јачината на аромата која се создава ќе биде поголема. Ако сакате послаба арома, оставете ги чешнињата во лушпата или цели. Исто така и должината на варењето ја намалува аромата на лукот.
* Кога варите цвекло не е потребно дополнително да ја солите водата, зашто цвеклото содржи природно големо количество на натриум.
* Ако подготвувате јадење со замрзнат грашок, тогаш во јадењето додадете 15 минути пред да завршите со варењето.

Најскапите ресторани во светот...

Најскап ресторант е Aragawa во Asia Tokyo  Japan... ако некој сака посебни ароми и вкусови  од другата страна на светот …менито почнува од 550 – 800 долари за особа  … на пример ако сакаме да пробаме специјалитеот на куќата говедска вешалица Кобе ќе не кошта 400 долари…ма што е тоа за мене мачии кашаљ…

Masa се смета како втор најскап ресторан во светот и најскап во New York  САД… лоциран на девети кат во зградата Time Warner Center  посебно познато место на вљубениците на суши…менито се состои од 25 врсти разни специјалитети на морски плодови донесени дури од Токио на јапонскиот готвач Masayoshi Takayama …демек љубители на суши… бљак !!!

почетно за една особа е 400 долари и тоа со однапред резервирање  и доколку ја откажеш резервацијата мора да платиш извесна сума провизија и тоа 150  долари…

На трета позиција се наоѓа францускиот ресторан Joel Robuchon ...локализиран во  MGM Grand , во градот кој никогаш не спие Las Vegas…како за пример цена на едно шише вино  како најефтино 100 долари  и менито започнува со 360 долари за една особа..

На четврто место е еден шпански ресторан од 1961 год .  El Bulli...кој пет пати  е номиниран за најдобар по избор и квалитет на јадење во светот од маестро   Ferran Adria кој ја направил таа трансформаци во интернационален локал…и една порција од разни деликатеси кошта 270 долари и пазите ваму предходно треба резервација ни повече ни помалку туку 12 месеци однапред…

интересно менаџирање на самиот ресторан да во текот на годината е затворен 6 месеци кога целосно персоналот прави иновација на гурмански специјалитети за да привлечат што повеќе клиентела…

И конечно на петта позиција  се наоѓа ресторанот The French Laundry во Napa Valley – San Francisco  УСА….каде готвачот  Thomas Keller сервира еден специјалитет кавијар во крема (Oysters and Pearls)     

Совети од кујната

* Меленото месо никогаш не купувајте го однапред подготвено, барајте пред вас да се меле, зашто во однапред подготвеното месо брзо се размножуваат бактерии, дури и кога се во фрижидер. Секој месар кој не сака да го изгуби угледот тоа го знае и нема да ви прави проблеми околу тоа.
* Месото за паприкаш ќе биде многу повкусно и посочно ако за време на динстањето му додадете малку сок од лимон и половина лажичка шеќер.
* Месото на скара никогаш не боцкајте го со виљушка, зашто низ настанатите отвори ќе истече сокот од печеното, а тоа е токму она што при печењето на скара е највкусно. Месото вртете го со лопатка за месо. Посолете го на крај, откако ќе биде печено.
* Месото кое кратко се пржи ќе биде повкусно ако се подготви на следниот начин: месото купете го еден ден порано. Секоја шницла намачкајте ја од едната и од другата страна со бибер и сенф и потопете ја во масло. Сите шницли ставете ги една врз друга и оставете ги во фрижидер да отстојат преку ноќта. Аромата на зачините ќе продре во месото, а маслото ќе го омекне. На овој начин може да се подготват говедски, свински и јунешки шницли, како и дивеч.
* Јаболката ќе останат бели при динстањето ако се потопат во малку вода во која е додадено сок од лимон и сол.
* Омлетот ќе биде воздушест и примамлив ако при матењето се кршат едно по едно јајце и се додава по една лажица павлака

Ореви за црвени крвни зрнца

Плодот од оревите содржи незаситени масни киселини, Б витамин и многу минерали: цинк, сулфур, јод, фосфор, магнезиум. Таквиот состав го поттикнува производството на црвените крвни зрнца, го јакне срцето, одбранбената сила на организмот, а се користи и како средство против цревни паразити и камен во бешиката. Дури и пациентите кои имаат заболен црн дроб и не поднесуваат маснотии, без проблеми може да јадат ореви во умерени количества.

Омекнете го месото со киви

Кивито содржи ензим кој помага во разградувањето на протеините, па ако ставите неколку тркалца од ова овошје на месо на 10 минути пред печењето ќе биде многу помеко.
Пушачите би требало во што поголеми количества да јадат киви поради големото количество на витаминот Ц (на 100 г има 250 милиграми витамин Ц), зашто ја подобрува циркулацијата и штити од воспаленија. Треба да се има на ум дека кивито, како и другото егзотично овошје, може да предизвика алергии, особено кај децата помлади од 5 години

Пиперката - храна и лек

Пиперката кај нас е мошне омилена храна. Без ајвар, пинџур или печени пиперки не може да се замисли домашната зимница. Повеќе се јаде преработена отколку свежа, но таа е добра за нашето здравје, а често е и вистински лек. Таа ги содржи витамините Б1 и Б2, но е еден од главните извори на витамин Ц.
Ако пиперката е помесната, посочна, поголема, позрела и поцрвена, тогаш има и повеќе витамини и провитамини и е полековита. Во зелената пиперка има помалку витамини и кетонски соединенија, а во црвената има повеќе каротен.

Во 300 мл маслиново масло ставете 1 дафинов лист, 4 чешниња лук, 4 лути пиперчиња, 1 лажичка сол и 2 лажици шеќер. Сето тоа добро измешајте го и оставете го да отстои, т.е. додека шеќерот и солта не се стопат. Ова масло е одлично за разни салати со лут вкус.

Стручњаците од националниот институт за здравје во Холандија изнесоа податок дека децата кои користат доволно количество на интегрални житарки и риби се во помала опасност да заболат од астма. Тоа е резултат од истражувањето спроведено врз 598 деца меѓу 8 и 13 години во кое се испитувала структурата на исхраната и ризикот од добивање на оваа болест. Покрај тоа, констатирано е дека кај помалите пациенти кои веќе имаат проблеми со дишењето, овие продукти влијаат да се ублажат тешкотиите.

* Дека сувото овошје е природен засладувач кој може да се мери со медот.
* Дека покрај шеќерот со сувото овошје земате и изобилство на минерали, растителни влакна и дел од витамините, кои овошјето ги содржи во свежа состојба.
* Дека сувото грозје, сувите сливи и сувите кајсии се мошне богати со железо.
* Дека поради сето тоа сувото овошје помага во отстранување на заморот, во лекувањето анемија, запек и многу други пречки поврзани со варењето на храната и претставува драгоцена состојка во исхраната на децата.

Мали совети во кујната

* Непријатниот мирис од карфиолот ќе го отстраните кога со него ќе варите парче тврд леб или земичка завиткани во платнена вреќичка. Карфиолот лесно се распаѓа за време на варењето. Затоа, добро е да се врзе во чиста. Ќе остане убав и бел ако во водата во која го варите ставите малку млеко (половина филџан на два литра вода).
* Краставиците ќе останат подолго време свежи и цврсти ако ги завиткате во влажна хартија.
* Младиот компир најлесно и најбрзо ќе го исчистите, а притоа нема да добиете темни дамки на рацете, ако го ставите во ќеса од груба ткаенина или во вреќа и додадете полна рака сол. Треба да ја заврзете ќесата и да ја триете со двете раце како кога месите тесто.
* Треба да се знае дека од зеленчукот, само компирите се ставаат во студена вода, па потоа се варат, додека зелката, кељот, спанаќот и другиот зеленчук се ставаат во вриена вода.
* За зеленчукот да ја зачува убавата зелена боја, не ставајте капак на тенџерето во кое го варите.

Совети од кујната

* За да може во исто време да бидат варени мал и голем компир, треба да го избоцкате големиот компир со чепкалка на повеќе места.
* Печените компири ќе бидат повкусни и ќе имаат поубава боја ако пред печењето ги испрпелкате во малку брашно.
* Пирето од компири треба да се меша со топло, а не со студено млеко. Тогаш ќе има поубава боја и нема да се направат грутчиња.

http://vegetarijanstvo.kauza.mk/?p=107 - 5 интересни податоци за доматот

http://vegetarijanstvo.kauza.mk/files/2010/04/Tomato-front.png">

Домат

Одгледани во домашна градина, купени на пазар или во супер маркет, доматите се вистинско уживање во овој пролетен а особено во летниот период. Свежи или во конзерва секогаш даваат посебен шмек како главен продукт во салата или како додаток во јадењето кое го подготвувате. Во шопска или во грчка салата, наредени во ордевер или така, сечени на парчиња со малку сол, доматите секогаш ќе ве освежат и ќе ве направат да се чувствувате супер што сте ги изеле. Еве супер пет податоци за доматите:

1. За доматите во минатото се мислело дека се отровни, бидејќи токсичен алкалоид бил најден во стеблата и ливчињата.
2. Зготвениот домат содржи ликопин (светло црвен каротен кој се наоѓа во зеленчуци и овошја во црвена боја, како папаја, морков, лубеница) и се смета за храна која го превенира ракот на простата.
3. Надвор од Валенсија, Шпанија, во селото Bunyol, секоја година во последната среда од месец август, се одржува фестивал во борење со домати, La tomatina. Некои од правилата при борење со домати се: забрана за носење конзервирани домати во шишиња, не смее да се носат маички, доматите пред да се фрлат треба да бидат смачкани, после звукот на втората петарда, борбата престанува.
4. Доматите мора да се наводнуваат почесто, бидејќи во случај да не се наводнат неколку дена, тие се сушат веднаш.
5. Првата супа од домати е направена во 1872 година

http://vegetarijanstvo.kauza.mk/?p=218 - 5 начини квалитетно да го употребите оревот

Ореви

Оревите се едни од растенијата кои се многу богати со протеини. Богати се со влакна, витамин Б, магнезиум, витамин Е. Од сите јаткасти производи, оревите се најбогати со омега 3 масло, важно за намалување на лошиот холестерол и заштита на срцето.  Еве 5 супер начини за употреба на оревот во секојдневната исхрана:

1. Наместо да грицкате колачиња, соленки или чипс, скршете неколку ореви и изедете ги за ужина
2. Наместо да ставите месо или некој месен производ во салата, тостирајте неколку ореви на тава, исецкајте ги и попрскајте врз салатата.
3. Феферонките во пица, можете да ги замените со половинки ореви.
4. Наместо сланина и јајца, за појадок, јадете неколку ореви кои ќе бидат совршена протеинска замена.
5. Даваат супер крцкав вкус во секое јадење, особено се одлични во свежа овошна салата, каде наместо да ставите шлаг, една рака ситно сецкани ореви ќе дадат посебен и уникатен вкус на целото освежително доживување.

Совети од кујната

* Доматите лесно ќе ги излупите ако ги потопите во вриена вода и веднаш ги извадите.
* Пресоленото јадење можете да го спасите ако му додадете еден свеж компир или едно парче леб. Тие ја апсорбираат вишокот сол.
* Крофните или другите пржени колачи ќе бидат многу поубави ако во тестото сипате малку пиво.
* Силните мириси лесно продираат во јајцата, па затоа никогаш не чувајте ги до магдонос, лимон или до други продукти со јаки мириси.

Измешајте во друг сад една свежа жолчка од јајце со неколку капки масло и малку сол во вид на крем и потоа додајте го на кремот. За да не се случи ништо неочекувано, сите додатоци извадете ги најмалку 15 мин. порано од фрижидер и оставете ги да се загреат на собна температура.

Сосот е премногу течен

Едно до две лажици нишесте за јадење измешајте со малку студена вода, турете го во сосот и варете го со мешање. Ако може да има и неколку калории повеќе: 1 лажичка брашно и една лажичка путер, потоа измешајте ги.

Заборавено предгреење

Или загревајте го повеќе на воздух или оставете го колачот во студена рерна и продолжете го времето на подготвување за 10-15 мин.

Пресолено

Ако има премногу сол во супата или во чорбите, можете да ставите еден компир кој ќе ја прими солта: парченцата компир се варат неколку минути заедно со супата, се вадат и се додава малку вода или млеко. Во премногу солен гулаш или пресолена болоњеза се мешаат неколку парчиња домати. Пресолените сосови се отстоплуваат со додавање вода, млеко или прелив и се зачинуваат со малку шеќер. Пресолената салата се меша со коктел од домати исечени на половина,парчиња пиперки или ситно сечкана репка. Многу пресолениот зеленчук се тура во сито и, ако е потребно, малку се измива. За да се надомести загубата на витамини, зеленчукот се послужува со големо количество на свежо сечкани зачини.

Прелуто

Малку обично или кокосово млеко, една лажичка јогурт или парчиња од домати и малку шеќер ја намалуваат лутоста на карито.

Иако постојано се истакнува дека најздраво е да се јаде свежо овошје и зеленчук, бидејќи со готвењето се губат некои хранливи состојки, изгледа дека постојат исклучоци.

Научници од Илиноис дојдоа до чудно откритие. Иако постојано се истакнува дека најздраво е да се јаде свежо овошје и зеленчук, бидејќи со готвењето се губат некои хранливи состојки, изгледа дека постојат исклучоци. Имено, откриено е дека готвениот домат е поздрав од свежиот! Американските научници истакнале дека доматот е најголем извор на антиоксиданси и ликопени, но за разлика од другиот зеленчук и овошје има поголема моќ кога е зготвен. Хранливите материи содржат заштитни механизми кои спречуваат воспаление и создавање на крвни згрутчувања.

Уште од порано е познато дека консумирањето на домати го намалува ризикот од карцином, остеопороза и кардиоваскуларни болести, па овој сочен зеленчук е добар за целосното здравје. Ликопенот на доматот заштитува од рак на простата, дојки и белите дробови. Покрај ликопенот, доматот содржи и многу други состојки со антиоксидантни својства.

Се работи за витамините Ц и А. Тој е и добар извор на влакна кои поволно дејствуваат на нивото на холестеролот и шеќерот во крвта. Лица заболени од артериосклероза имаат причини да консумираат домати. Доматот е богат со калиум, витамин Б6 и фолна киселина, а сето тоа придонесува за здравје на срцето и крвните садови.

Доматот, како еден од ретките значајни извори на витамин К, е важен за здравјето на коските. Витаминот К1 го активира протеинот одговорен за задржување на калциумот во коските, додека витаминот Б2 кој исто така го има многу во доматот, се покажа делотворен во намалување на зачестени напади на мигрена.