Четири важни прашања кои треба да си ги поставите пред јадење

Помеѓу домашните работи, семејните обврски и роковите поврзани со работата, животот може да стане вистински хаос. Во таквите денови најмногу страда нашиот организам. Покрај зголеменото ниво на стрес, телото дополнително го оптоваруваме и со нездрава исхрана.

Во недостаток на слободно време почнуваме да јадеме брзи оброци и посегнуваме по првата храна која ќе ни се најде при рака, при тоа не внимавајќи дали истата е здрава и дали воопшто сме гладни. Без оглед дали вашата цел е да ослабете или да се храните здраво, запрете малку пред првиот залак и поставете си ги следните четири прашања. 

Дали сум гладна/гладен?

Многу пати посегнуваме по храна од досада, депресија, среќа или од не можноста да се воздржиме и да не пробаме. Затоа, следниот пат пред да го отворите фрижидерот најпрво запрашајте се дали воопшто сте гладни и дали ви е време за јадење.

Ги добивам ли со оваа храна потребните хранливи материи?

Храната која ја внесувате мора да ги нуди потребните витамини и хранливи материи кои му овозможуваат нормално функциорирање на организмот. Покрај тоа што треба да биде здрава, исхраната мора да биде и балансирана. Доколку појадокот кој го имавте беше богат со белковини, тогаш за ручек би требало на вашето мени да се најде храна која е богата со растителни влакна, железо или витамин А. На секој оброк гледајте како на делче од сложувалка која се нарекува „исхрана“.

Колку калории содржи оваа храна?

Некој оброк може да биде здрав, но да содржи многу повеќе калории отколку што ви се потребни за тој период од денот. Зависно од вашата телесна тежина и желба за слабеење, внимавајте појадокот да ви содржи помеѓу 300 и 500 калории, ручекот помеѓу 400 и 600, вечерата нешто помалку, а ужината околу 150.

Постои ли поздрава алтернатива?

Белиот леб заменете го со интегрален, салатите јадете ги без вештачки преливи, а за десерт наместо разни колачи и торти избирајте свежо овошје. Секогаш кога сте во можност одлучувајте се за поздрава варијанта на вашите оброци за да го намалите бројот на внесени калории, масти, холестерол, натриум и шеќер
.

Јагоди: Од вкусно овошје до моќен афродизијак

Здравата и хранлива јагода во 100 грама ја содржи целокупната дневна доза на витамин Ц, а во себе има одвај 50 калории, па се смета за најдобар пријател на витката фигура.

Љубителите на ова црвено овошје треба да знаат дека може да го чуваат во фрижидер до три дена. При миењето отстранете ги зелените делови и мијте во цедалка со силен млаз вода. Не е препорачливо да ги потопувате и оставате подолго време во вода бидејќи на тој начин губат од својата нутритивна вредност. Доколку се решите да ги замрзнете имајте предвид дека на тој начин може да се чуваат најмногу до година дена.

Освен тоа јагодите се нарекуваат и овошје на љубовта поради нивното афродизијачко дејство како и поради тоа што честопати се незаменлив дел од љубовната игра особено кога се комбинираат со шампањско, шеќер во прав и течно чоколадо.

Јагоди со ликер

Потребен ви е еден килограм јагоди, 3 лажици ликер Cointreau, кора од портокал, 4 лажици шеќер и листови од нане. Јагодите ставете ги во сад, прелијте ги со ликер, додајте изрендана кора од портокал и шеќер. Потоа прекријте го садот и оставате го да отстои со цел јагодите да се натопат во течноста. Пред послужување промешајте еднаш и украсете со лист нане.

Сладолед од јагоди и мед

За овој вкусен сладолед ви се потребни 450 грама јагоди, лажица лимонов сок, 4 лажици мед, неколку капки екстракт од ванила и 500 мл немасен јогурт. Измешајте ги јагодите со медот со сокот од лимон и екстрактот од ванила и јогуртот. Ставете ја смесата во пластичен сад, а потоа во замрзнувач. По два часа измешајте со жица за матење и повторно ставете ја смесата во замрзнувач додека не се замрзне.

Јадете поздраво, повкусно, пораскошно - триесет и шести дел

Доматите се силен антиоксиданс

Хранливи материи во доматите

Доматите содржат голема количина на витамин Ц, скоро 40% од препорачаната дневна доза од витаминот кој што е есенцијален за силен и здрав имун систем. Исто така, содржат и витамин А кој што придонесува кон растот и регенерацијата на ткивото. Во една студија се цитира дека Т лимфоцитите или белите крвни клетки, како и сите клетки во мукозалната бариера на дигестивниот, респираторниот и уринарниот тракт имаат потреба од витамин А. Доматите содржат и витамин Б6 кој што помага во борбата со слободните радикали кои што предизвикуваат оштетувања на клетките и инфекции.

Начини за подготовка на доматите

Доматите можат да се приготват на најразлични начини и постојат многу здрави начини на подготовка каде што тие ќе ги задржат своите нутриционални вредности. Се разбира дека најголемата количина на хранливите материи од доматите ќе ја добиете ако ги консумирате сурови или како додаток во салата. Но, исто така, можат да бидат и потпржени со мала количина на маслиново масло и лук со што на површина ќе излезе слаткоста на доматот без да се уништи неговата хранлива вредност. На тој начин тие се уште покорисни. Користењето на доматите во течна состојба како додаток на тестенините претставува здрав начин да се добијат сите витамини кои што тие ги нудат.

Придобивки за здравјето

Доматите имаат многу мала количина на холестерол и заситени масти. Нивната голема придобивка е одржувањето на здрав крвен притисок и помош при превенција на срцевите заболувања или други проблеми поврзани со срцето. Големата количина на витаминот Б6 заедно со витаминот Ц помага во градење на силен имун систем преку борба со инфекциите, како што е настинката, како и регенерирање на клетките кои што се оштетени од слободните радикали. Доматите се одличен извор на диетални влакна кои помагаат за одржување на здрав дигестивен систем и превенција на констипација асоцирана со недостаток на влакна во исхраната.

Доматите се одличен додаток кон здравата исхрана бидејќи нудат голема нутритивна вредност и можност за различни начини на консумирање. Било тие да се консумираат сирови или приготвени, додаваат вкус и есенцијални витамини на секое јадење.

Драгоцен зеленчук и природен еликсир

Празот делува како природен антибиотик го намалува крвниот притисок, го јакне имунитетот, го намалува холестеролот и превентивно делува на појава на малигни заболувања.

Празот има долги, сплеснати, зеленкасти листови што растат еден до друг во форма на цилиндер. Може да порасне и до половина метар. Подземниот дел е бел, меснат и задебелен. Неговата арома е порафинирана од аромите на повеќето сродници.

Енергетска и нутритивна вредност

Бидејќи празот е во групата заедно со лук и кромид, има слични карактеристики, но значително поблаг вкус и мирис.

Според нутритивниот состав сличен е на своите сродници, но содржи малку повеќе белковини, бета-каротин и витамин Ц. Свежиот праз е одличен извор на манган, железо, фолна киселина, витамините Ц и Б6. Имајќи во вид дека со варењето се намалува количината на витамини и минерали, варениот праз станува добар извор на манган и осреден извор на железо, фолна киселина и витамин Б6.

Лековитост

Празот е драгоцен поради содржината на органосумпорни компоненти, фитохемикалии што се разликуваат во одделни групи на зеленчук, а секоја од нив поволно влијае на здравјето. Фитохемикалиите, а често наречени и фитонутриенти, биолошки се активни растителни молекули кои во соработка со витамини и минерали поволно влијаат на здравјето. Бидејќи го помагаат метаболизмот,на тој начин ја превенираат појавата на малигни заболувања и ги подобрува одбрамбените системи во организмот. Празот и неговите сродници содржат тиосулфонати кои со сечење на зеленчукот поминуваат во сулфиди. Тие материи делуваат како природни антибиотици, го намалуваат крвниот притисок, го зајакнуваат имунолошкиот и кардиоваскуларниот систем, го намалуваат холестеролот, ги активираат ензимите кои учествуваат во детоксикација на организмот и ја превенираат појавата на малигни заболувања.

Празот може да се јаде свеж или варен, што не ја намалува вредноста на фитохемикалиите иако одредениот губиток на микронутриентите со готварската подготовка не може да се одбегне.

За да се спречи поголем губиток на драгоцените состојки при варењето, се препорачува празот (како и останатите видови зеленчук) да се стваи во жешка, наместо во студена вода.

Празот е богат со етерично масло, кое во органите за варење го поттикнува излучувањето на соковите за варење, а добро влијае и на излачувањето на мочта.

Рано напролет се користи за прочистување на организмот ,за обновување на цревната флора, а има и благо лаксативно дејство.

Коктел од зеленчук

Доколку сакаме на организмот да му пружиме најмногу што можеме, разновидната исхрана секако дека подразбира дневно внесување од 3 до 5 оброка со зеленчук што повремено ќе го вклучи и празот, без разлика дали се работи за свеж или варен зеленчук, дали е свеж, замрзнат или конзервиран.