ПРАВОСЛАВНИ,КАТОЛИЦИ,ИЗВОРНИ ХРИСТИЈАНИ

"4 Не прави си идол (на грчки: икона), ниту некаква слика на она што е горе на небото, или долу на земјата, или во водата под земјата.
5 Немој да им се поклонуваш, ниту да им служиш, зашто Јас Господ, твојот Бог, Сум ревнив Бог.." Излез 20:4-5

Pravoslavie напиша: Ако го прочиташ внимателно стихот 5 во контекст на стихот 4, ќе видиш дека овде не се зборува “Немој да си правиш медиум за комуникација со Бога“, туку вели “Немој да им се поклонуваш на оние нешта кои ќе ги создадеш со товоите раце.

Па зарем иконите не се нешта создадени со човечки раце?
Тогаш ти објаснив, еве и пак ќе ти повторам:
Идол или икона е произволно создаден уметнички лик на небесни или земни суштества на кои им се припишуваат религиозни својства или функции.
Во античкиот свет киповите, статуетките и сликите на разни реални или имагинарни ликови биле во масовна религиозна употреба. Така било во древниот Египет, така и во античка Грција, така и во Римската империја. Најчесто тие статуи или слики претставувале одредени богови или биле симболи на богот во кој луѓето верувале.
Ваквата практика е санкционирана со ПРВАТА од 10-ти Божји заповеди, каде Господ ни порачува:
"Јас сум Господ, твојот Бог... немој да имаш други богови покрај Мене."

Втората Божја заповед не се однесува на создавање други богови, зашто тоа е регулирано со првата заповед.
Втората Божја заповед се однесува на недозволен приод кон Господ Бог!

Pravoslavie напиша: Оваа заповед било потребно да им се даде на луѓето кои го напуштиле Мисир, поради тоа што таа средина била идолопоклоничка. Што значи идолопоклонство, најубаво може да се разбере, ако се прочита она што се случувало кај народот под планината Синај додека луѓето го чекале Мојсеј да се симне.

Во 5-те Мојсееви книги (Законот,Тората) има околу 628 заповеди (забрани, инструкции) кои Бог преку Мојсеј им ги наложил на евреите.
Ако втората Божја заповед била локална и со локално значење (за луѓето кои го напуштиле Мисир), тогаш Божјиот Прст немало неа посебно да ја издвои на двете камени плочи и немало да нареди тие плочи да се чуваат во Шаторот на Средбата, во Ковчегот на Заветот, во Светината над Светините, со генерации и генерации подоцна.

Кога едно богато момче, кое не го напуштило Мисир, го прашало Исус што да прави за да наследи вечен живот, Исус почнал да му ги набројува 10-те Божји заповеди. (Мaрко 10:18)
Значи иако момчето не го напуштило Мисир, тие заповеди важеле и за него.

Pravoslavie напиша: 1. Ние не им се поклонуваме НА ИКОНИТЕ, туку се поклонуваме ПРЕД ИКОНИТЕ.

Зошто?
Дали Христос се поклонувал пред икона?
Дали апостолите се поклонувале пред икона?
Дали некој маргинален Христов ученик во Библијата се поклонил пред икона?

Зборот "Икона" се сретнува само 10 пати во Новиот Завет (во Откровението) и вo СИТЕ СЛУЧАИ, БЕЗ ИСКЛУЧОК! се однесува на "Иконата на Ѕверот" и на казната и проклетството со кое Бог ќе ги удри оние кои ќе се поклонат пред таа икона!
Размисли малку за ова, не е наивна работа!

Pravoslavie напиша: 2. Ние не ги имаме иконите за богови, туку имаме ЕДЕН БОГ ВО ТРОИЦА и само Нему Му се Поклонуваме, само Нему Му служиме, само Него го имаме за Бог, за Спасител, за Создател, за Татко!

Христос рече:
"Доаѓа часот и веќе настапи, кога вистинските поклоници ќе Му се поклонуваат на Таткото во дух и вистина, зашто Таткото сака такви поклоници.
Бог е Дух и оние кои Му се поклонуваат, треба да Му се поклонуваат во дух и вистина" Јован 4:23,24

Pravoslavie напиша: Во врска со иконите уште нешто: Една слика вреди колку илјада зборови. Не мора човек да е писмен за да би учел за Бога! Иконите се илустрирано Свето Писмо.

Тогаш зошто Бог не ни прател Илустрирана Библија, туку не "осиромашил" само со Неговиот Пишан Збор?
Зошто Христос велеше: "Напишано е!", а не велеше: "Насликано е!"
Зошто Христос е наречен "Словото", а не "Сликата"?
Зошто сите Библиски писатели ги пишувале своите откровенија, а не ги сликале?
Зошто Бог им зборувал, а не им сликал?
Зошто Божјиот Прст пишуваше на плочите (на Мојсеј), а не сликаше по нив?
Библијата е наречена Божјиот Збор, а не Божјата слика!

Pravoslavie напиша: Ако некој неписмен застане пред икона, а не ја разбере, доволно е да има близу некој кој знае, и сето тоа да му го објасни. Ем ќе научи повеќе, ем ќе се случи Заедничарење со некој поупатен од него, кој би бил (уште) некој преку кого таа душа би го градела своето Спасение. Следствено, имаме и ОЦРКОВУВАЊЕ, т.е. приклучување на уште еден човек во Црквата Христова.

Ваков сличен пример имаш во Дела апостолски 8:26-35, со една "мала" разлика што таму евнухот не гледал во икона, туку читал од Библијата (пророк Исаија) и со уште една "мала" разлика, што Филип не му објаснувал од икона, туку од Писмото:
"А Филип ја отвори својата уста и почнувајќи од тоа место во Писмото, му проповедаше за Исус" Дела 8:35

Да не се залажуваме дека живееме во неписмено време. Основното образование е задолжително по закон. Овој изговор не поминува во 21 век!
Христовиот слоган беше и останува: НАПИШАНО Е! А не "НАСЛИКАНО Е!"

Pravoslavie напиша: Иконите се Храна за очите на главата и Храна за очите на Душата. Некои од нас имаат поизострено сетило за мирис, па тие примирисувајќи го темјанот можат да го почувствуваат Мирисот на Бога. Трети имаат поизострено сетило за слух, па Црковното Пеење повеќе ги приближува кон Бога.

Црквата не е Музеј, ниту Театар, ниту Опера. Ако некој доаѓа во црква заради овие работи, можеби треба да го почастиме со една карта за на Балет, Опера, Театар или да го прошетаме во Музеј.
Не сакам да бидам иронично сфатен, но зарем погоре сакаш да кажеш дека Бог мириса на темјан?  Се шалам, знам дека не мислиш на тоа, ама внимавај што пишуваш.

Pravoslavie напиша: Се разбира, Светото Писмо ни е Корен, Темел, Основа!

Вратете се кон Него и се ќе биде во ред!