Здолништа со молив крој: Истакнете ги колковите и фигурата

Здолништата што некогаш беа резервирани само за деловен и класичен стил, денес се омилен избор и за дневен и вечерен стајлинг.

Здолништата со молив крој својата популарност ја заслужија благодарение на тоа што и ласкаат на женствената фигура, ги нагласуваат колковите и секоја силуета ја прават заводлива.

Овие здолништа лесно се комбинираат за деловен изглед со кошули и палта, но може да ги носите и за вечерно излегување со краток топ. Одлично функционираат со високи потпетици, чизми и балетанки, а предводничките на „street style“-от храбро ја комбинираат со патики.

Здолништа со А крој: Жешко парче за есен што прилега на секоја градба

Педесеттите одамна поминаа, но еден тренд од тоа време се враќа на голема врата – здолништата со А крој.

Стегнати со ластик точно во половината, таму каде што женското тело е најтесно, овие здолништа и ласкаат на секоја жена. Навистина не постои градба на која не и прилега овој крој.  Со неа не грижете се дали колковите ќе ви изгледаат пошироки или ќе изгледате пониски. Важно е само да ја погодите должината на сукњата.

Ако имате широки колкови вашиот избор нека биде модел без набори и фалти. Ако немате нагласени колкови, хармоника наборите се тотален хит. Високите и витки дами нека одберат должина под колената, а пониските ќе изгледаат супер во модел со должина над колената.

Одлично се комбинираат со било какви маици, блузи кошули, како и со кратки сакоа.