Без разлика дали сте настинати , дали ве мачи желудникот, имате осип или исекотина, првата помош се наоѓа во вашата кујна. Некои куќни лекови се само бабини приказни, но некои се покажаа како ефикасни низ генерации.

Мед

Користете го за : Помали исекотини и изгореници, кашлица и болка во грлото

Како делува : Повеќето од нас го ставаат медот во чај за да ја намалат болката во грлото, но тој веќе со векови се користи и за лечење на рани. Истражувањата покажаа дека медот помага и кај смирување на исекотини, а неодамнешната холандска студија издвои дека протеинот дефансин 1 има антибактериско дејство.

Обидете се: Нанесете топол мед на помала исекотина или изгореница, а местото потоа заштитете го со газа или завој и менувајте го еднаш дневно. Сепак, ако имате исекотина или рана која предизвикува оток, грозница или болка, консултирајте се со лекар, бидејќи можеби ви е потребен антибиотик.

Сол

Користете го за: Синусите , воспаление на грлото

Како делува: Кога ќе се измеша солта со вода во повисока концентрација од сол во нашето тело, тоа ќе предизвика да се извлечат течностите од ткивото.

Обидете се: За болка во грлото, стопете половина лажица кујнска (или пак подобро морска сол) во чаша вода и едноставно исплакнете го грлото. За синусите, шмркајте ја водата. Користете само дестилирана вода или пак сварена па изладена на собна температура.

Чај од нане

Користете го за: Болки во стомакот и проблеми со варењето
Како делува: Маслото од листот и стебленцето на нането го смируваат варењето, го олеснуваат протокот на гасови и ги отстрануваат пречките. Доколку болката е предизвикана од рефлукс - кисело чувство и пржење во градите, избегнувајте го овој чај.

Овесни снегулки

Користете ги за: егзема , изгореници , осип

Како делува: Овесот содржи фитохемикалии со антивоспалително дејство кое го смирува чешањето и воспалението на кожата. Повеќето лекари препорачуваат користење на инфламаторен колоиден овес, но вам ќе ви биде корисен било кој вид.

Обидете се: Овесните снегулки сомелете ги во прав. Ставете ги во шолја со топла вода и потопете ги, па почекајте 15-на минути. Доколку користите колоиден овес, тогаш само директно ставете ги во шолја со вода.