Црвено - црни новости

друже ај те молам...само без кавги се друго може

Milano - Vardar   1 : 3     Kraj!

Bravo za fudbalerite uste ednas odlicno odigraa...


Komiti bea zapreni na patarina pred kumanovo! uste eden dokaz deka celo vreme se raboti vo makedonija protiv Komiti i Vardar!

Milano - Vardar 0 : 1    6min Jancevski

dobro ke ve pozdravam

добро ние не палевме шо тука истураш гнев? ај ти се молам кам даун

Вардар - Ренова 3:1

Вардар триумфално го отвори четвртото коло од најсилната македонска фудбалска лига. На „Градски“ 3:1 против Ренова, за најубедлив старт на сезоната во последните шест години. Трет пат дома, трет пат постигна три гола, но овој пат и прими еден гол.

Ренова безболно ја поднесуваше надмоќноста на домаќините се до судиското продолжение од првото полувреме кога Муса Али го отвори резултатот.

Во 63-та минута Милосављевиќ зголеми на 2:0, а Петров не почека ни 10 минути за да ги тргне дилемите околу победникот.

Почесниот гол за гостите го постигна Емини од удар од белата точка на 5 минути до крајот откако Вајс направи прекршок во казнениот простор.

Комплетното четврто коло на програмата е утре од 16 часот. Најинтересен е дуелот во Битола меѓу Пелистер и Работнички, натпревар кој ќе можете да го проследите во директен пренос на програмата на А2.

Македонија Ѓорче Петров му гостува на Силекс, во Прилеп играат Победа и Напредок, а во Скопје новајлиите Металург и Хоризонт Туново. Слободен е тимот на Милано.

ОД ТАБОРОТ НА "ЦРВЕНО - ЦРНИТЕ" ЗА УТРЕШНИОТ МЕЧ СО "ГИПСАРИТЕ" СЕ НАЈАВУВА НОВ ТРИУМФ И ПРОДОЛЖУВАЊЕ НА ПОБЕДНИЧКАТА СЕРИЈА

Вардар има лек за "бункерот" на Ренова

*Стручниот штаб на Вардар нема да менува ништо во формацијата и составот за мечот со Ренова, единствено настапот на стоперот Ковачевиќ е под голем знак прашалник

Утре, на "Градски" Вардар во третиот натпревар на свој терен и трет во оваа сезона ќе оди на трета победа. По уверливите триумфи над Победа и Пелистер (со по 3:0) "црвено - црните" ќе ја нагостат Ренова, екипа која важи според имињата на играчите, финансиската стабилност на клубот и амбициите за една од нашите најдобри во Првата лига. "Гипсарите" во минатите две сезони беа традиционално најнезгодиот ривал за Вардар. Можеби дојде времето за наплата на долговите.

Во текот на вчерашниот ден стручниот штаб заедно со играчите гледаа касети од двата меча со Победа и Пелистер. И покрај победите имаше грешки па затоа Ратко Достаниќ со својот помошник Жикица Тасевски инсистираше истите да им се укажат на фудбалерите со цел тие да не се повторуваат на следните мечеви. Исто така стручниот штаб на Вардар има информации дека Ренова утре, најверојатно, ќе игра со засилена одбрана, т.н. "бункер" со намера да остане непоразена, поточно да изненади со освојување на еден бод.

Токму затоа Вардар се подготвува за игра против класична одбранбена формација, со намера исто така да се стопираат евентуалните контранапади од кои Ренова очекува многу.

Стручниот штаб на "црвено - црните" нема да менува ништо во формацијата (значи Достаниќ ќе игра најмалку со двајца класични напаѓачи) и составот кој го понесе главниот товар на претходните две средби. Можеби ќе менува нешто во стоперската линија зошто настапот на робусниот Жељко Ковачевиќ поради повреда на ложата е под голем знак прашалник. На полесни повреди се жалат и Драган Љубисављевиќ, потоа Дени Масев и Артим Положани, но како што стојат работите на еден ден пред мечот се очекува сите тројца да бидат стартери. Кога сме кај оние што се жалат на повреди е и Никола Ѓошевски, кој уште нема минутажа во новата сезона. Достаниќ на него ќе може да смета најверојатно на средбата со Милано во Куманово, меч кој се игра на 14 идниот месец.

Билетот повторно ќе чини 60 денари

Од канцеларијата на Вардар сме информирани дека билетот за мечот со Ренова исто како со Пелистер ќе биде 60 денари. Оваа цена која навистина е симболична е со цел и на овој натпревар (впрочем како што беше со Победа и Пелистер) да има што поголем број љубители на фудбалот на нашиот најголем стадион. Со секој билет секој гледач повторно ќе добие и гратис знаменце со логото на Вардар, како и освежувач за автомобил.

Клубот ги прифаќа препораките на навивачите

Вардар се реши (таа одлука е на клупско ниво, значи мислење за тоа дадоа сите структури во клубот вклучувајќи ги и луѓето од стручниот штаб како и фудбалерите) кога е домаќин средбите да ги игра в сабота. Со тоа не се согласија дел од навивачите на нашиот најтрофеен клуб, особено оние од постарата генерација кои најчесто преку писма до медиумите па и со лични препораки до челниците на клубот побараа средбите на Вардар да се играат в недела. Сите укажувања и препораки клубот ги зеде предвид и сепак остана на одлуката (барем оваа полусезона) натпреварите како домаќини да ги играат в сабота. За во иднина ќе се размислува во зимската пауза.


VARDAR IMA LEK ZA BUNKEROT NA RENOVA, ALI DALI IMA RENOVA LEK ZA TOPOVITE NA VARDAR