ВО БЕЛГИЈА ПОЧНАА ПРЕГОВОРИТЕ ЗА НОВИОТ ШЕФ НА "ЦРВЕНО-ЦРНИТЕ"

Јаневски: Емоциите работат за Вардар!!!

*"Добив понуда а конечниот одговор од двете страни ќе биде до утре. Уште кога заминав од Вардар си ветив дека еден ден ќе се вратам", коментира нашиот стручњак по состанокот со Коста Костовски

ВЕТЕРАНОТ ИМА НОВ КЛУБ И ТОА НА БЛИСКИОТ ИСТОК

Шаќири во Азербејџан за 300.000 долари

*Карабах од Баку е новиот клуб на нашиот поранешен капитен

Артим Шаќири (35), потпиша двегодишен договор со азербејџанскиот клуб Карабах од Баку за годишна заработувачка од 300.000 долари. Тој вчера беше промовиран пред медиумите како најголеми засилување за оваа екипа во пресрет на новата сезона.

"Среќен сум што дојдов тука. Добив одлични вести за вашиот клуб од Ѓоко Хаџиевски кој е на клупата на ФК Баку. Доаѓам за успеси и мислам дека ќе се бориме за високи дострели", кажа Шаќири на прес конференцијата за време на неговата промоција како нов член на Карабах. Тој е најавен како човекот кој долги години бил капитен на Македонија и предводникот на националниот тим во успесите со Англија.

"Ветувам дека ќе дадам се од себе. Ми требаат добри натпревари за да се вратам во националниот тим на Македонија. Мислам дека нема да имам проблем со тоа што дојдов во Азербејџан", додава поранешниот капитен на нашиот национален тим кој по настапите во Халмштад, Тенис Борусија, Хит Горица, Коротан, Малатија, ЦСКА, Вест Бромвич, Интер Турку, Алборг, Вадуз и Беса се одлучи кариерата да ја продолжи во екипа од Азербејџан.



Сега Христов е на ред

Идната недела во Азербејџан кариерата треба да ја продолжи уште едно наше познато фудбалско име. Ѓорѓи Христов веќе го најавивме како засилување за ФК Баку на Ѓоко Хаџиевски. Доколку биде се како што треба новата сезона во Азербејџан ќе биде мноигу интересна затоа што Христов против Шаќири ќе се борат за водечките позиции во Азербејџан. Тоа се двајцата најдобри стрелци во нашиот национален тим.

КОМИСИЈА ЗА МОЛБИ И ЖАЛБИ НА ФФМ

Ѓорчепетровци без 5000 евра

РЕПРЕЗЕНТАТИВЦИ НА ГАНА И НИГЕРИЈА ЌЕ ГИ ОСВЕЖУВААТ РЕДОВИТЕ НА НАЈТРОФЕЈНИОТ МАКЕДОНСКИ КЛУБ

Иди Баба од Гана во нападот на Вардар!

* Покрај ангажманот на 26-годишниот Ганец поранешен член на Ахен и Макаби Тел Авив, и младинскиот репрезентативец на Нигерија, Метју Ифеани ќе биде на проба меѓу "црвено-црните"

Поранешниот младински репрезентативец на Гана, Иди Баба треба да биде новото освежување во напаѓачките редови на најтрофејниот македонски клуб на патот кон остварувањето на новите шампионски амбиции. Покрај Иди Баба "вардарците", кои од вчера се наоѓаат на подготовки на Златибор, наредниве денови треба да добијат уште еден фудбалер од африканскиот континент, младинскиот репрезентативец на Нигерија, Метју Ифеани.

"И двајцата фудбалери од Гана, односно Нигерија до крајот на месецов очекуваме да се приклучат на подготовките на тимот на Златибор. Се работи за фудбалери кои играат во нападот, односно средниот ред", ни ја потврди вчера информацијата за новите ангажмани и Дејан Чекаров од раководството на Вардар.

Според најавите, 26-годишниот напаѓач Иди Баба сосема извесно, согласно препораките и сопственото фудбалско минато, треба веднаш да биде ангажиран во редовите на "црвено-црните". Се работи за офанзивец кој бил член на младинската репрезентација на Гана, а во својата кариера претходно на европскиот континент настапувал и за германскиот второлигаш Алеманија Ахен, но и за еден од најдобрите израелски клубови, Макаби Тел Авив.

Иди Баба во периодот од 2000 до 2003 година кога го носел дресот на Алеманија Ахен на вкупно 67 официјални натпревари постигнал 38 погодоци за својот тим. Од 2003 до 2005 година е член на Макаби Тел Авив, а потоа по малезискиот Перак се враќа во својата земја од каде, пак, сега се наоѓа пред трансфер во нашиот најтрофеен клуб.

За разлика од Иди Баба, 20-годишниот Нигериец Метју Ифеани, кој игра во средниот ред, е без позначајно клупско искуство, меѓутоа сепак и податокот што е член на младинската репрезентација на Нигерија веројатно укажува на извесните фудбалски квалитети. Ифеани, сепак, по приклучувањето на подготовките на Вардар ќе мине извесен период со црвено-црниот состав пред да следи и официјалниот потпис за негов ангажман во претстојната сезона.

По преземањето на Вардар од страна на групацијата "Гофи", односно Трифун и Коста Костовски, двајцата африкански фудбалери Иди Баба и Метју Ифеани треба да бидат новите засилувања на тимот од "Градски" по веќе реализираните трансфери на Тони Мегленски и репрезентативецот Артим Положани.

В. Булатовиќ

И двајцата ќе се приклучат на Златибор

И двете новонајавени засилување на "црвено-црните", Ганецот Иди Баба и Нигериецот Метју Ифеани на подготовките на тимот на Златибор треба да се приклучат до крајот на оваа недела.

Од вчера Вардар предводен од шефот на стручниот штаб Ратко Достаниќ веќе ги реализира подготовките на Златибор каде е планирано одигрување на три пријателски натпревари, со ОФК Београд (28 јуни), Будуќност и Зета. На Златибор отпатуваа вкупно 24 фудбалери, од кои 17 од минатогодишниот состав на шампионот Работнички К, пет од досегашниот состав на Вардар и новите имиња Тони Мегленски и Артим Положани.

КЛУБОТ И НАТАМУ ЌЕ СМЕТА НА СВОИТЕ НАДЕЖИ КОИ ЌЕ БИДАТ ОТСТАПЕНИ ВО РАБОТНИЧКИ

Младите "вардарци" на "калење"

Од новото раководство на Вардар потенцираат дека и натаму ќе сметаат на своите млади фудбалери кои го понесоа комплетниот товар во последните три кола од минатогодишниот шампионат, откако првотимците се одлучија да ги бојкотираат официјалните натпревари, при што со единствена цел добивање што поголема минутажа ќе бидат понудени за отстапница во Работнички или во некој друг клуб од домашната Прва лига.

"Подготвен е список на сите млади фудбалери кои ќе имаат разговори за отстапување во Работнички. Доколку не се најде заеднички јазик со Работнички, околу финансии или било што друго, тогаш ќе следи позајмица во некој друг клуб, се со цел да имаат што поголема минутажа а ќе бидат под наше будно око", велат од раководството на Вардар.

Иван Ковачевски, Дарко Стојанов, Трајче Стојковски, Петар Стефановски, Марко Костенцовски, Мартин Јанушев, Ниметуља Ајдари заедно со Ангелковски, Крстиќ, Стојановски понесоа огромна тежина изминатите два месеци во одбрана на црвено-црниот дрес, оставајќи печат дека сепак се работи за фудбалери на кои мора да се смета во иднина. И минатогодишните првотимци Борче Ристовски, Филип Спасески, Пеце Коруновски, според најавите ќе бидат позајмени на Работнички.

Од 16 јули во Охрид

По враќањето од Златибор на 5 јули, фудбалерите на Вардар од 16. до 26 јули ќе реализираат уште едни подготовки надвор од Скопје, овој пат во нашиот најголем туристички центар Охрид.

Неопходноста од нови подготовки надвор од главниот град доаѓа откако во моментите на трансформација "црвено-црните" сепак малку порано го почнаа тренажниот процес за новата сезона.

ДОСЕГАШНИОТ СПОНЗОР НА ВАРДАР СЕ СЕЛИ ВО ПРИЛЕП

УФА Медија од денеска во Победа!?

*"Големи се шансите Слободан Вујчиќ да дојде во нашиот клуб", коментира Маријан Стојкоски, директорот на прилепчани

Многу мистерии преовладуваа околу судбината на Победа. Клубот зад себе ја имаше најлошата сезона, многу фудбалери поради финансиите си заминаа од екипата, а низ чаршијата со споменуваа еден куп комбинации околу тоа на кој начин ќе се спаси клубот од градот под Марковите кули. Сепак, добрата вест доаѓа во "пет до дванаесет". Денеска е стартот на подготовките во Победа, а од денеска во клубот се очекува и новиот спонзор. Нема дилеми дека тоа е УФА Медија и Слободан Брацо Вујчиќ. Тоа е спонзорот кој со години беше на чело на Вардар.

"Големи се шансите Слободан Брацо Вујчиќ да дојде во нашиот клуб. Со неговото спонзорство клубот ќе застане на здрави нозе и ќе ги има сите предуслови во новата сезона да атакува на највисоките позиции", кусо прокоментира Маријан Стојкоски, спортскиот дирекотор на прилепчани.

УФА Медија и Брацо се гледаат како спасители на Победа кои би му помогнале на Ацуле Забрчанец да излезе од кризата која го тресе клубот веќе подолго време. Веќе од поодамна пропаднаа сите најави дека Витаминка заедно со уште неколку други фирми од Прилеп ќе успеат да направат превласт.

Најавите велат дека Брацо со себе во Победа ќе ги донесе сите "бунтовници" од Вардар. Сите оние "негови" фудбалери од типот на Перендија, Бојовиќ, Секулоски...

Сепак, има и многу нејасни работи од типот како Брацо ќе функционира со Ацуле. Двајцата сакаат да газдуваат со клубот во кој речиси не остана ништо. Најдобрите фудбалери си заминаа па така летово ќе мора да се тргне речиси од "нула".

Меѓудругото со најавите за влез на познатиот германски ТВ концерн во Победа се потврдија најавите дека популарниот Брацо нема намера да го заборави македонскиот клупски фудбал. Го загуби Вардар па така сега мора да бара нова база, а Прилеп и Победа го имаат потребниот рејтинг иако главниот проблем е тоа што клубот не е од Скопје.



Брацо: Уште сум во трилема

Во текот на вчерашниот ден во телефонски разговор Слободан Брацо Вујичиќ ни изјави дека с$ уште не е 100% сугурно дека тој влегува со спонзорство во Победа.

"Точно е дека сакам да преземам еден клуб од Македонија. Но засега с$ уште нема одлука кој ќе биде тој клуб. Три клуба се во игра. Може да ви потврдам само дека еден од нив е Победа", ни изјави вчера Брацо Вујчиќ.

Не е тајна, и покрај тоа што Вујчиќ не сакаше да потенцира, дека останатите два клуба се второлигашот Локомотива, кој од поодамна живее и со извесна негова помош, но и Македонија ЃП.

Здравески е "бетониран"

Без разлика на тоа што доаѓа нов спонзор тренерот Николче Здравески е "бетонира" на својата функција. Тој денеска ќе ја врши прозивката и тој ќе бара од управата на клубот засилувања со кое екипата ќе може да се надева на подобри успеси во новата сезона. Мотив повеќе за сите во Победа е тоа што сезоната почнува со вечниот ривал Вардар.

Според најавите, и Ацуле и Брацо немале ништо против Здравески да остане на тренерската функција.

Се "скенира" секој дел од играта

* "Ги имаме максималните услови овде, на Златибор, за реализација на програмата од првата фаза на подготовки", вели помошниот тренер на Вардар, Жикица Тасевски

Максимално активно вардаровите фудбалери под раководство на шефот на стручниот штаб Ратко Достаниќ уште од самиот почеток ги стартуваа подготовките на Златибор.

Во очекување на пристигнувањето на двајцата нови африкански фудбалери 26-годишниот напаѓач Иди Баба од Гана и младинскиот репрезентативец на Нигерија, фудбалер од средниот ред, Метју Ифеани, кои по тест периодот треба да бидат ново освежување на "црвено-црните" редови, "вардарците" во базата на Златибор наидоа на одлични услови.

"Впечатокот на почетокот е одличен. Ги имаме максималните услови овде, на Златибор, за реализација на програмата од првата фаза на подготовки", вели помошниот тренер Жикица Тасевски, притоа дополнувајќи:

"Спортскиот центар во кој сме сместени ги има сите неопходни инфраструктурни услови, почнувајќи од фитнес центрите па с$ до двата фудбалски терени, за остварување на потцртаното".

Според програмата на Достаниќ, покрај двата тренинга, претпладневниот и вториот од 18:30 часот, во меѓувреме фудбалерите низ видеопроекции добиваат комплетни анализи за секој дел од играта.

Достаниќ на подготовките на Златибор има на располагање 24 фудбалери, а до крајот на неделата составот ќе биде дополнет и со Иди Баба и Метју Ифеани, кои во моментов ја докомплетираат неопходната документација пред приклучувањето на тимот. Од раководството на Вардар најавуваат и можност на проба да пристигнат двајца фудбалери од Србија, меѓутоа сето тоа во зависност и од договорот со Ратко Достаниќ, кој во моментов ја "скенира" неопходноста од пополнување на одредени позиции во составот.

За време на подготовките на Златибор "црвено-црните" планираа одигрување и на три пријателски натпревари, при што првиот е веќе закажан со ОФК Београд на 28 јуни, а се очекуваат дуели и со Партизан, Зета или Будуќност.



Вајс и Ковачевиќ под контрола на Далип

Фудбалерите од одбраната Мирослав Вајс и Жељко Ковачевиќ се единствените од составот на Златибор кои поради мали повреди тренинзите ги реализираат под специјална програма контролирани од страна на кондицискиот тренер Метин Далип.

Вајс по извршената атроскопија за време на паузата веќе полека се враќа во неопходниот ритам. Останите фудбалери се комплетно на располагање на шефот на стручниот штаб на Вардар, Ратко Достаниќ.

Младеновиќ ново име во Вардар!

* "По враќањето на тимот од Златибор и официјално ќе биде потпишан договорот со искусниот Ненад Младеновиќ кој претходно има настапувано и за белгискиот Гент и Металург Доњецк", ни изјави спортскиот директор на Вардар, Саше Милошевски

Вардаровата експедиција од подготовките на Златибор на 5 јули ќе се врати со уште едно засилување во нападот, искусниот српски офанзивец од редовите на ФК Смедерево, Ненад Младеновиќ.

И официјално, раководството на "црвено-црните" комплетно ги договори трансферните услови за доаѓањето на 31-годишниот Младеновиќ во вардаровиот дрес кој веќе се приклучи на составот на Ратко Достаниќ на подготовките на Златибор.

"Комплетно се е договорено Младеновиќ во следната сезона да го носи нашиот дрес", ни ја потврди информацијата и спортскиот директор на Вардар, Саше Милошевски, притоа дополнувајќи:

"Иако е сосема се јасно официјалниот договор со српскиот фудбалер ќе го потпишеме по враќањето на тимот од Златибор. Се работи за искусен, корпулентен но брз напаѓач кој сигурно ќе биде засилување во офанзивните редови".

Најтрофејниот македонски клуб на Ненад Младеновиќ ќе му биде осми клуб низ досегашната професионална кариера. Во Вардар доаѓа од Смедерево, а претходно во шампионатот на Србија има настапувано и за ОФК Београд (од 1997 до 1999 година), но и Обилиќ (од 1999 до 2002) каде три сезони беше најдобар стрелец. Својата интернационална кариера ја започнува во 2002 година минувајќи во редовите на украинскиот прволигаш Металург Доњецк каде останува три сезони, а по одличните настапи во Украина во 2005 година минува во редовите на еден од најдобрите белгиски клубови Гент каде настапува до 2007 година. Од 2007 година е во српскиот прволигаш Смедерево од каде една полусезона има минато и на позајмица во Ал Ахли.

Српскиот фудбалер вчера на Златибор требаше да ги реализира и првите тренинзи со новите вардарови соиграчи. Во моментов "вардарци" во нападот ги имаат и Бобан Јанчевски, Бурхан Емурлаху, Филип Петров, Музафер Ејупи и Немања Милисављевиќ.

Во клубот за престојната сезона странци се и Србите Жељко Ковачевиќ, Лазар Станишиќ, Немања Милисављевиќ и Иван Јовановиќ, како и крилниот дефанзивец, Нигериецот Адекунле Лукмон.

В.Булатовиќ

Поранешен репрезентативец на Србија

Новото засилување на Вардар, Ненад Младеновиќ (13.12.1976) е и поранешен репрезентативец на Србија.

Во биографијата на Младеновиќ зад неговото име се запишани и три официјални настапи во периодот од 2002 до 2003 во дресот на тогашната репрезентација на Југославија.

На пријателскиот натпревар на Југославија со Мексико во февруари 2002 година, настапил во составот заедно со Драгослав Јевриќ, Славиша Јокановиќ, Младен Крстајиќ, Синиша Михајловиќ, Владимир Југовиќ, Предраг Мијатовиќ, Саво Милошевиќ, Дејан Станковиќ, Матеја Кежман...

Во очекување на преговорите со Африканците

По ангажманот на Младеновиќ, според информациите од "Градски", неизвесно засега останува официјализирањето на договорите со двајцата претходно најавени африкански фудбалери, Иди Баба од Гана и Нигериецот Метју Ифеани.

Со оглед на големиот број странци во клубот, деновиве продолжуваат преговорите по што ќе биде дефинирано дали ќе има ангажирање и на нивните услуги.

"Продолжуваат преговорите со двајцата наведени Африканци. И покрај тоа што претходно го очекувавме нивното приклучување сепак, дополнително ќе биде донесена одлуката дали ќе следи официјален ангажман", вели Саше Милошевски.

ФУДБАЛСКАТА ФЕДЕРАЦИЈА ОДОЛГОВЛЕКУВА СО РАСПРАВАТА ЗА БАРАЊЕТО НА ВАРДАР ЗА СУСПЕНЗИЈА НА 15 ФУДБАЛЕРИ

Повторно нема одлука за суспендираните

* "Би било голема грешка доколку ФФМ направи преседан во овој случај", вели спортскиот директор на Вардар, Саше Милошевски

ФФМ и натаму ги остава под знакот на неизвесност најтрофејниот македонски клуб но и 15-те се уште актуелни негови фудбалери повторно одложувајќи ја одлуката околу барањето на ФК Вардар за потврда на шестмесечната суспензија на играчите кои во мај оваа година го бојкотираа клубот.

Како што е познато "црвено-црните" на 16 мај доставија комплетна документација до ФФМ за суспензија на 15 фудбалери, меѓу кои Георгиевски, Богатинов, Перендија, Бојовиќ, Секуловски, Д. Ристевски, Станковиќ, Роберто Карлос, Леповиќ, Мојсов, Фабио, Савиќ и Пименте Соуса а кои во моментов се надвор од тренажниот процес на "црвено-црните", меѓутоа во само една недела од Комисијата за молби и жалби при ФФМ по вторпат го одлагаат донесувањето на конечната одлука овој пат за понеделник (7 јули).

"Нас не изненадува постојаното одлагање со оглед на тоа што согласно правно-регулативните рамки се е сосема јасно. Би било голема грешка доколку ФФМ направи преседан при еден ваков случај, и луѓето од Фудбалската федерација мислам дека се сосема свесни за тоа. Доколку не се потврдат суспензиите би се создал еден ланец во иднина група фудбалери да се договорат и да ги бојкотираат официјалните натпревари без притоа да сносат никаква санкции", вели спортскиот директор на Вардар, Саше Милошевски.

Инаку, наведените фудбалери по барањата на Вардар до ФФМ за нивна суспензија, минатиот месец покренале и сопствени барања до ФФМ за раскин на договорите на штета на клуб. Одолговлекувањето на одлуката дефинитивно не е од корист ниту на фудбалерите кои и натаму ги прати неизвесноста околу продолжувањето на кариерите. Деновиве тренираа самоиницијативно во Охрид и на игралиштето на второлигашот Локомотива во очекување на разврската. Отворено се шпекулира дека поголемиот дел од нив ќе завршат во прилепска Победа заедно со поранешниот финансиер на Вардар, Слободан Брацо Вујчиќ.

Од канцеларијата на "црвено-црните" очекувајќи ФФМ да ги потврди суспензиите, пак, потенцираат дека ќе може да реализираат трансфер но со соодветна отштета бидејќи околу тоа единствено се прашува Вардар со оглед на тоа што тие се под договор со тимот од "Градски".

МЛАДИОТ ВАРДАРЕЦ ЌЕ ГО ЗАОКРУЖИ СОСТАВОТ ЗА НОВАТА СЕЗОНА

И Дарко Стојанов во првиот тим

И младиот вардаров фудбалер, левокрилниот дефанзивец Дарко Стојанов ќе биде приклучен на првиот тим за наредната сезона на "црвено-црните".

18-годишниот Стојанов на составот на Ратко Достаниќ ќе се приклучи веднаш по враќањето од подготовките на Златибор.

"Со Дарко Стојанов дефинитивно го заокружуваме составот за следната сезона. Ни недостасуваше фудбалер на левата бековска позиција па откако го комплетиравме и тоа играчкиот кадар е дефиниран, без некои нови засилувања. Може единствено некои фудбалери да бидат отстапени на Работнички меѓутоа сето тоа ќе зависи од одлуката на Достаниќ", ни изјави спортскиот директор Саше Милошевски.

Дарко Стојанов е младински репрезентативец од вардаровата школа. Во финишот од сезоната беше дел од младите "црвено-црни" фудбалери кои го понесоа првенствениот товар по бојкотот на првотимците.

Утре против Будуќност на Златибор

"Вардарци" утре на Златибор ќе го одиграат и вториот пријателски натпревар за време на првата фаза од летните подготовки. Противник на "црвено-црните" ќе биде еден од најдобрите црногорски клубови Будуќност од Подгороци. Во првиот контролен дуел на Златибор фудбалерите загубија од ОФК Београд со 2:1.

Веднаш по средбата со Будуќност составот на Ратко Достаниќ се враќа во Скопје, а од 16 јули предвидено е заминување во Охрид каде исто така се планирани два пријателски натпревари.

ВАРДАР ПО ВРАЌАЊЕТО ОД ЗЛАТИБОР ЌЕ ОТСТАПУВА ФУДБАЛЕРИ НА РАБОТНИЧКИ ЗА НАСТАПИТЕ ВО ЛИГАТА НА ШАМПИОНИТЕ

Османи и Аксентиев остануваат "романтичари"

* "Од оние кои изминатиов период беа на подготовки на Златибор најверојатно во нашите редови ќе остане и Минас Османи, а се очекува договор и со напаѓачот Аксентиев", вели претседателот на Работнички, Драган Поповски

По враќањето на вардаровата експедиција викендов од подготовките на Златибор, денеска се очекува најпрво низ интерен разговор меѓу раководството и стручниот штаб на "црвено-црните", а потоа и во договор со управата на Работнички да биде познато кои од фудбалерите кои досега беа на располагање на Ратко Достаниќ сепак и во следната сезона ќе останат во редовите на "романтичарите".

"Денеска треба се да биде познато, бидејќи последниот збор секако го има Достаниќ околу тоа дали и натаму ќе смета на сите фудбалери или сепак некои ќе останат во Работнички", вели спортскиот директор на Вардар, Саше Милошевски.

Со најава дека во Работнички остануваат барем двајца фудбалери Минас Османи и Ефтим Аксентиев, вчера потенцираше и претседателот на Работнички, Драган Поповски.

"Иако се уште не е ништо дефинитивно бидејќи утре (н.з денеска) се ќе биде познато, сепак од оние кои изминатиов период беа на подготовки на Златибор најверојатно во нашите редови ќе остане и Минас Османи, а се очекува договор и со напаѓачот Аксентиев. Се работи за двајца квалитетни фудбалери кои сигурно ќе ни бидат неопходни за настапите во квалификациите од Лигата на шампионите, но и за домашното првенство", вели Поповски, веднаш дополнувајќи и околу очекувањата и за други фудбалери од редовите на новиот Вардар.

"Откако ќе разговараме и со раководството на Вардар верувам дека ќе добиеме уште некој фудбалер од 'црвено-црните' редови кои ќе ни помогнат за настапите на европската сцена. Што се однесува до новите имиња, денеска исто така треба и официјално да се потпише договор и со фудбалерот од средниот ред Конгоанецот Рок Итуа", не информираше во текот на вчерашниот ден Драган Поповски.

В. Булатовиќ

Бугаринот Маринов се нуди за тренер

Во текот на вчерашниот ден бугарските медиуми лиферуваа информација дека македонскиот шампион Работнички води преговори со бугарскиот стручњак Иван Маринов - Маслара.

"Нема никаква вистина околу тоа. Изминатиов период, во моментите на трансформација на клубот многу тренери се нудеа на наша адреса, меѓутоа ние имаме стручен штаб а може да ви кажам дека во моментов нема никакви разговори со Маринов", вели Поповски.

ВО РЕДОВИТЕ НА ШАМПИОНОТ ОЧЕКУВААТ И ДЕЛ ОД СУСПЕНДИРАНИТЕ "ВАРДАРЦИ"

Разговори со Секуловски и Ристевски

Во редовите на шампионите очекуваат засилувања и од некои од суспендираните вардарови фудбалери за чиј статус денеска треба да се изјасни Комисија за молби и жалби на ФФМ.

"Ние ја очекуваме одлуката од ФФМ дали ќе ја потврди суспензијата на фудбалерите кои во мај го бојкотираа настапот за Вардар. Каква и да биде одлуката на ФФМ, ние и околу ангажманот на некои од тие фудбалери ќе разговараме со актуелното раководство на Вардар", вели Поповски, притоа дополнувајќи и кои се за нив интересни фудбалери.

"Ние ќе разговараме со Владимир Секуловски и Димче Ристевски за кои постојат големи шанси да дојдат во нашите редови. Мислам дека за нив е можна преселбата, а за некои други од тие 13 фудбалери ќе видиме дополнително".

Инаку, во очекување на одлуката на Комисијата за молби и жалби суспендираните "вардарци" под финансиската капа на Слободан Брацо Вујчиќ самоиницијативно изминатиов период тренираа во Охрид.

И Муарем со шампионот

Муарем Муарем, фудбалскиот талент кој пред некој месец требаше да замине во таборот на турскиот Анкараспор, тренира со Работнички по што деновиве дефинитивно ќе треба да се знае дали ќе биде дел од редовите на шампионот за настапите во Лигата на шампионите против Интер Баку. Муарем е екс фудбалер на Слога и на Скопје и некогашен репрезентативец до 19 години.

"Да, во Работнички сум, таму тренирам но се уште не сме се договориле. Ќе седнеме деновиве и ќе разговараме па ќе видиме", истакна Муарем кој на завчерашната пријателска средба со Скопје беше стрелец на гол за "романтичарите".

ПОРАЗ И НА ВТОРИОТ ПРИЈАТЕЛСКИ НАТПРЕВАР

Вардар немоќен и со Будуќност

БУДУЌНОСТ - ВАРДАР 2:0 (1:0)

Игралиште на хотел "Швајцарија" на Златибор. Гледачи: 150. Главен судија: Чедомир Милиќ (Севојно). Стрелци: Недељковиќ 40', П. Вукчевиќ 90' (Б).

БУДУЌНОСТ: Вујадиновиќ, Перишиќ, Џуришиќ, Вуковиќ, Секулиќ, Јововиќ, Чабаркапа, Видовиќ, Ваљехо, Шчепановиќ, Недељковиќ. Уште играа: Рајовиќ, Сантош, Густаво, Н.Вукчевиќ, Делиќ, П.Вукчевиќ, Николиќ, Беќирај, Шафранац, Аговиќ

ВАРДАР: Пачовски, Божиновски, Станишиќ, Ковачевиќ, Глигоров, Јовановиќ, Масев, Положани, Аксентиев, Милисављевиќ, Јанчевски. Уште играа: Кметовски, Брага, Пеев, Најдовски, Мегленски, Ејупи, Петров, Османи, Емурлаху

Со пораз и на вториот пријателски натпревар "црвено-црните" во саботата ги завршија подготовките на Златибор. И покрај тоа што загбија со 2:0 од црногорскиот шампион Будуќност, според извештаите од Златибор "вардарци" одиграле далеку поквалитетна средба во однос на онаа првата со ОФК Београд.

Фудбалерите на Будуќност до водство стигнаа во 40. минута во моментите на целосна доминација на нашиот најтрофеен клуб кога Иван Јовановиќ пропуштил одлична можност за погодок. Мора да се истакне дека и голманот Томе Пачовски во 15. минута одлично го одбранил ударот на Секулиќ.

Во вториот дел, низ рамноправна игра во која очигледен бил заморот од активните првични физички подготовки и кај двете екипи, Будуќност преку Вукчевиќ сосема на крај неочекувано стигна и до убедлив триумф.

РАБОТНИЧКИ И ВАРДАР, СЕПАК, НЕ УСПЕАЈА ДА СЕ ДОГОВОРАТ ЗА "СУСПЕНДИРАНИТЕ", УШТЕ ПОМАЛКУ ЗА НЕКОЛКУ ЗВУЧНИ ИМИЊА ЗА ПОМОШ ВО ЛИГАТА НА ШАМПИОНИТЕ

Кметовски може, Станишиќ не...!!!

*Работнички побара 3-4 имиња од Вардар за помош во квалификациите во ЛШ. Соседот дозволи само голманот Љупчо Кметовски да замине кај шампионот за одредено време, додека за Станишиќ и другите не сакаше да ризикува од евентуални повреди

Нема спектакуларности во списокот на Работнички кој беше пратен до УЕФА синоќа нешто пред крајниот рок, 20 часот. Ниту Георгиевски, ниту Савиќ и др. "суспендирани" не успеаја да се "извлечат" од Вардар и да потпишат за Работнички. Соседот само попушти околу Владимир Секуловски, кој веднаш потпиша за шампионот и беше ставен на списокот. Во текот на денот се преговараше на релација Работнички - Вардар околу 3-4 фудбалери на Вардар кои би играле како позајмени во квалификациите во Лигата на шампионите за нашиот првак. Единствено "падна" договор за голманот Љупчо Кметовски иако беше блиску до договор и за можеби најдобриот стопер во Лигата Лазар Станишиќ. Но во последен момент Вардар не го пушти Србинот, очигледно дека не сакаше да ризикува од евентуална повреда.

Ново е тоа што вчера за Работнички потпишаа Димитрија Лазаревски, Александар Крстевски, Рок Итуа, Муарем Муарем, Минас Османи, Владимир Туневски и сите тие се ставени на списокот за квцалификациите во Лигата на шампионите. И покрај тоа што имаше преговори со Кемал Аломеровиќ и Кристијан Наумовски, сепак, и двајцата не се договорија со претседателот Драган Поповски и, најверојатно, кариерата ќе ја продолжат во странство.

Ете тоа е епилогот од последниот ден за пријавување на играчи до УЕФА. Не сакаме ништо да коментираме, да прејудицираме, да предвидуваме околу тоа каков резултат може да се очекува од нашиот шампион на двомечот со еден Интер Баку, кој носи засилувања од типот на Бјелкевиќ со десетгодишно искуство во тимот на Динамо Киев.

Љупчо Кметовски сигурно ќе биде на голот, за одбраната конк*рираат Адекунле Лукмон, Александар Крстевски, Димитрија Лазаревски, Владимир Секуловски и уште неколку младинци. Во средниот ред на списокот се Рок Итуа, Бојан Михајловиќ, Емир Шабани, Минас Османи, Влагојче Љамчевски, Менсур Идризи, Владимир Туневски. И на крај во нападот ќе играат Баже Илијоски, Крсте Велкоски, Ардијан Нухиу, Муарем Муарем.

З. Ѓоршоски

СПИСОКОТ НА РАБОТНИЧКИ ЗА ЛШ

Љупчо Кметовски

Адекунле Лукмон (Камерун)

Александар Крстевски

Димитрија Лазаревски

Рок Итуа (Конго)

Бојан Михајловиќ (Србија)

Муарем Муарем

Крсте Велкоски

Баже Илијоски

Емир Шабани

Минас Османи

Ардијан Нухиу

Филип Мишевски

Благојче Љамчевски

Менсур Идризи

Владимир Туневски

Владимир Секуловски

Горан Богдановиќ

Душко Трајчевски

Кирил Трајчевски

Тони Илиевски

Душко Ѓорѓевиќ

Од Скопје се тргнува в недела во 15 часот

Експедицијата на Работнички за Баку од Скопје тргнува в недела, во 15 часот. Во Истанбул се пристигнува по час и половина лет, за по мала пауза да се лета за Баку. Според планот во главниот град на Азербејџан "романтичарите" треба да слетаат околу 1 часот во понеделник. Првиот тренинг ќе го имаат истиот ден околу 18 часот, а вториот утредента во раните утрински часови (15 јули) кога и се игра натпреварот.

МИНАС ОСМАНИ:

Во Работнички повеќе ќе напредувам!

По десетдневна работа во Вардар младиот играч за врска во договор со раководството на "црвено - црните" сепак се враќа во Работнички.

"Оваа опција е најдобра за мене. Мислам дека во Работнички имам шанса повеќе да напредувам во мојата кариера и затоа е добро што вака излезе. Н$ чекаат евро настапите, како и долга сезона во нашиот шампионат и националниот куп", ни изјави Османи.

ШВАЈЦАРЦИ ЌЕ СУДАТ ВО БАКУ

Кој е Цирил Цимерман?

Швајцарците ќе ја делат правдата на првиот натпревар во Баку кој се игра на 15.07.2008 (вторник) во 18 часот по македонско време. Главен судија ќе биде Цирил Цимерман, додека негови помошници ќе бидат неговите сонародници Луис Фернандез и Томас Хабергер. Четврти е Алан Биери исто така од Швајцарија. За делегат на оваа средба од страна на УЕФА одреден е Жан - Франсоа Крук од (Белгија). Што се однесува, пак, до Цимерман, тој има 32 години и ова за него ќе биде деби натпревар на официјални натпревари во сениорска конк*ренција. Досега во својата интернационална кариера има судено на средбата Италија - Албанија за селекции од младинска категорија. Две години суди во Првата лига на Швајцарија, минатата сезона главен бил на 23 меча на кои покажал само три црвени картони.

Реваншот во Скопје, на 22 јули, во 17:30 часот

Работнички и Интер Баку својот реванш ќе го играат во Скопје, на 22.07.2008 (вторник). Овој меч се игра на "Градски", со почеток во 17:30 часот поради тоа што моментално на нашиот стадион нема рефлектори поради изградбата на северната трибина. Инаку, за реваншот дополнително ќе се одреди судиската четворка. Се знае само дека делегат ќе биде Габриел Вајс од Словачка.

ИНТЕР БАКУ ПРИЈАВИ 23 ФУДБАЛЕРИ

Ходукин со проверени сили

За разлика од Бобан Бабунски, кој имаше големи проблеми да го состави списокот на пријавени играчи до УЕФА за натпреварите од 1. квалификациско коло од Лигата на шампионите, стратегот на Интер Баку, Валентин Ходукин, немаше проблеми. Тој за мечевите со Работнички смета на 23 проверени фудбалери. Мал проблем имаше само со Низами Гаџиев. Прво го стави на список, а потоа го тргна од него. Мало изненадување е изоставувањето на репрезентативниот голман Џахангир Хасанзаде. Веројатно станува збор за повреда.

ГОЛМАНИ: Илхан Хасанов, Жуниор Вилсон (Бра), Свилен Семенов (Буг).
ОДБРАНА: Самир Абасов, Данило Асиоли (Бра), Алијар Исмаилов (Рус), Милан Загорац (Срб), Владимир Левин, Хајал Мустафеев, Марко Петриќ (Срб).
СРЕДЕН РЕД: Горан Арнаут (Срб), Валентин Белкевиќ (Блр), Махмуд Гурбанов, Петар Златинов (Буг), Емин Имамалиев, Елвин Мамедов, Бранислав Червенко (Чеш), Олег Шишкин (Рус).
НАПАД: Хаган Мамедов, Валтер Гуглеман (Уру), Џавид Гусеинов, Роман Гузло, Асив Мамедов.

ШЕСТМЕСЕЧЕН ПОЛИТИЧКИ СКАНДАЛ ВО ГРЦИЈА СО ТРАНСФЕРОТ НА НАШ ФУДБАЛЕР ОД ВАРДАР ВО ОФИ

ФИФА го спаси Македонецот во Грција

*Јове Костовски од екипата на ОФИ беше жртва на грчката тврдоглавост затоа што на меморандумот на ФФМ стои името "МАКЕДОНИЈА"

Речиси цела недела во Грција одредени медиуми "бомбардираа" за проблемите кои ги има фудбалерот Јове Костовски. За нашиот младински репрезентативец се наведуваше и тоа дека е една од најголемите жртви на спорот меѓу двете соседни земји околу проблемот со името. Јове Костовски цели 6 месеци немаше право да настапува за грчкиот тим ОФИ од Крит. Тој во зимскиот преоден рок замина кај нашиот јужен сосед кога беше еден од најдобрите стрелци во првиот дел од шампионатот.

Пред неколку дена новиот тренер на ОФИ нареди:

"Костовски е одличен играч. Тој ми треба!!! Каков е тоа спор кој нема врска со фудбалот".

Пишуваа медиумите и потсетија дека нивната фудбалска федерација не дава зелено светло за реализација на трансферот од едноставна причина што на меморандумот на ФФМ стои името "МАКЕДОНИЈА". Грчкиот фудбалски сојуз веќе со месеци нема никаква комуникација со нашата федерација токму поради спорниот меморандум и нашето уставно име.

"По серијата пишувања конечно и една добра вест за мене. ФИФА издаде провизорен сертификат па така сега ќе има право за настап за ОФИ. Ваквата вест дојде во текот на вчерашниот ден и тоа по 6 месеци чекање и обиди да се даде зелено светло за мојот трансфер. Сега повеќе нема проблеми и затоа ќе се фокусирам само кон настапите за мојот клуб", коментира Јове Костовски од Крит, нашиот младионски репрезентативец кој стана жртва на грчката тврдоглавост.

Грците не отстапуваат од својата политика во спортот и затоа летово се реализираа малку трансфери на наши фудбалери кај јужниот сосед.



Роберт Петров како Бугарин!!!

Чудно, но вистинито. Роберт Петров пред неколку дена направи трансфер во тимот на Пансериакос од Сер. Сепак, Грците не би биле Грци доколку повторно не прават провокации. Петров е најавен како фудбалер од Бугарија и никаде не споменуваат дека тој е стандарден репрезентативец на Македонија. Точно е дека фудбалерот има и пасош од Бугарија, но зошто секогаш Грците се тие кои во заштита на своите идеали не даваат правилни информации.

Среќа при својот трансфер во Грција ова лето имаше Илјами Халими. Тој од Азербејџан замина во тимот на Касторија па така нема проблем со издавањето на потребниот сертификат. Проблеми ова лето ќе имаат сите оние фудбалери кои од клубови од Македонија заминуваат во Грција.

КОМИСИЈАТА ЗА ЗАШТИТА НА ЗАКОНИТОСТА ДОНЕСЕ ПРЕДЛОГ ОДЛУКИ ДО УО НА ФФМ ОКОЛУ СЛУЧАЈОТ "СУСПЕНДИРАНИ ВАРДАРЦИ"

Потврда на суспензиите, без казна од 5.000 евра!

* На вчерашниот состанок Комисијата донесе и мериторна конечна одлука да биде поништена одлуката на Комисијата за молби и жалби за раскин на договорите на штета на фудбалер, што значи по истекот на суспензиите за играчите повторно ќе важат професионалните договори со ФК Вардар

Комисијата за заштита на законитоста при ФФМ на вчерашниот свој долг, исцрпувачки состанок не го прифати барањето на суспендираните вардарови фудбалери донесувајќи предлог одлука до УО на ФФМ за потврда на шестмесечните суспензии изречени од дисциплинскиот орган на ФК Вардар, меѓутоа Комисијата ја укина паричната казна од 5.000 евра која претходно им беше потврдена и од Комисијата за молби и жалби.

"Донесовме предлог одлука до Управниот одбор да биде потврдена времената казна од шест месеци суспензија за фудбалерите, со оглед на тоа што согласно член 43 (точка 6) од Дисциплинскиот правилник на ФФМ обврска на професионалниот фудбалер е редовно да учествува на тренинзите и натпреварите на својот тим", ни изјави веднаш по вчерашниот состанок претседателот на Комисијата за заштита на законитоста, Драган Симоновски, притоа објаснувајќи ја и предлог одлуката за укинување на паричната казна.

"Предлог одлуката да се укине паричната казна од 5.000 евра, односно да не се верифицира одлуката на ФК Вардар, е поради тоа што според член 56, односно член 93 од Дисциплинскиот правилник на ФФМ за таков прекршок не може кумулативна одлука од суспензија и парична казна. Има или суспензија или парична казна. Со оглед на тоа што суспензиите се оправдани, тогаш не е можна парична казна".

На вчерашниот состанок Комисијата, разгледувајќи го овој случај, донесе и мериторна конечна одлука да биде поништена одлуката на Комисијата за молби и жалби во делот во кој се потврдува раскин на договорите на штета на фудбалер. Тоа значи дека по истекот на суспензиите играчите нема да имаат аматерски статус во клубот, но повторно им се враќа статусот од пред 9-ти мај, фудбалери под професионални договори со ФК Вардар.

"Донесена е конечна одлука, бидејќи како Комисија имаме право да носиме и мериторни одлуки, да се поништи дел од одлуката за раскин на договорите на штета на фудбалер затоа што Дисциплинскиот орган на ФК Вардар кој ја донел таа одлука како таков орган не може да носи такви решенија. Одлука за раскин на договорите може да носи тој и што потпишал соодветен договор со фудбалерите, претседателот на клубот или од негова страна назначен заменик, а не дисциплинскиот орган кој сам и покренува постапка и сам одлучува по истата", истакнува Симоновски.

Според правно-регулативните рамки до истекот на суспензиите фудбалерите нема да може да бараат раскин на договорите на штета на клуб поради неплатени придонеси, бидејќи како што одлучи и Комисијата за молби и жалби нивните барања за раскин на договорите се поднесени подоцна од веќе изречените суспензии. Што значи Георгиевски, Богатинов, Перендија, Станковиќ, Леповиќ, Мојсов, Роберто Карлос, Савиќ и Фабио кои веќе и од Комисијата за заштита на законитоста имаат потврдени суспензии, како и Бојовиќ и Пименте Соуса кои поради неприсуство с$ уште немаат официјално но истото ги очекува, ќе мора во следниот период доколку сакаат веднаш да ги продолжат своите кариери сепак да најдат заеднички јазик со раководството на Вардар.

СТРУЧНИОТ ШТАБ ЌЕ ИМА ЛИЦЕНЦА ЗА СТАРТ НА ПРВЕНСТВОТО

Стратев ќе биде комплетно исплатен

Стручниот штаб на Вардар на чело со Ратко Достаниќ, сепак, ќе добијат лиценци од Тренерската организација за претстојното првенство откако од клубот до предвидениот рок во среда ќе го решат проблемот со неисплатените финансиски средства кон поранешниот тренер на Вардар, Зоран Стратев.

"На прагот сме на договор со Стратев. Ќе го заокружиме и ова прашање со тоа што ќе му ги исплатиме на поранешниот тренер шесте заостанати плати во висина од по 500 евра, со што до утре членовите на стручниот штаб ќе ги добијат неопходните лиценци", соопшти вчера Костовски.

И Иди Баба се приклучува

Во следните два дена на вардаровиот тим треба да се приклучи дефинитивно и нигерискиот напаѓач Иди Баба.

26-годишниот Нигериец, поранешен член на германскиот Алеманија Ахен и на израелскиот прволигаш Макаби Тел Авив, иако доаѓа со одлични препораки прво ќе треба да ги задоволи критериумите на стручниот штаб пред да го официјализира потписот со најтрофејниот македонски клуб.

ПОРАНЕШНИТЕ "ЦРВЕНО-ЦРНИ" ФУДБАЛЕРИ СЕГА ВО ПАКЕТ НАЗАД ВО КЛУБОТ

За Вардар во полн сјај

* "Компарирајќи со периодот кога заминавме, сега се враќаме во клуб со далеку пореални амбиции за конечно освојување титула. Двојната круна е наш императив", велат Глигоров, Ѓошевски, Кметовски, Масев и новиот капитен Вајс

Пакет преземањето на раководството од страна на поранешните финансиери на македонскиот шампион со себе повторно во најтрофејниот наш клуб врати и пет поранешни "вардарци" кои на не баш славен начин го напуштаа клубот за сега, по неколку години пауза, конечно отворено да ги најават шампионските "црвено-црни" амбиции.

Никола Глигоров, Никола Ѓошевски, Љупчо Кметовски, Данчо Масев не така одамна беа дел од Вардар.

"Кога клубот беше оптоварен со серија проблеми заминав од Вардар. Сега е нешто сосема ново. Сега реално може да зборуваме за остварување на шампионските амбиции и конечно, по неколкугодишна пауза, радост за сите наши навивачи", вели Глигоров на кого се надоврзува размислувањето на членот на шампионската генерација од 2001 и 2002 година, Никола Ѓошевски.

"Моменталната ситуација ме потсетува на онаа од 2001 година, а не на онаа од пред две години пратена со серија проблеми. Има одлична атмосфера, организација и играчки состав за повторување на успесите од 2001 и 2002 година кога едноподруго бевме шампиони. Објективно гледано сигурен сум дека може да дојдеме до двојната титула", истакнува левокрилниот дефанзивец.

Најискусниот меѓу нив голманот Љупчо Кметовски дополнително оптимистички расположен.

"С$ освен двојна круна според мене би било неуспех. Ги имаме сите предуслови, па зошто да не бидеме отворено победнички расположени. Конечно, Вардар е прв кандидат за титула".

Меѓу "екс-вардарците" и момчето кое ги мина младинските школи во клубот а сега се враќа со капитенската лента, репрезентативецот Мирослав Вајс.

"Мислам дека Вардар оваа година мора да се покаже во полн сјај, онака како што посакуваат да го видат сите навивачи. Погледнато низ сите аспекти сигурно дека императивот е двојната круна. За тоа сме тука, без разлика на квалитетот, размислувањата или очекувањата на другите клубови во лигата", вели Вајс.

За вардаровите фудбалери вистинското лице на клубот, сепак, ќе треба да се демонстрира низ првенствените натпревари.

"Минавме напорни подготовки, меѓутоа с$ во интерес на тоа што следи. Тренинзите, пријателските натпревари се нешто сосема поразлично од официјалните дуели. На теренот ќе треба да ги оправдаме епитети први фаворити за титула, а ние сме подготвени за тоа", велат вардаровите фудбалери.

ПО ВЧЕРАШНИОТ СОСТАНОК СО ПОТПРЕТСЕДАТЕЛОТ КОСТОВСКИ

Бајевски и дефинитивно останува

По вчерашниот состанок со потпретседателот Коста Костовски, напаѓачот на "црвено-црните" Александар Бајевски и дефинитивно останува во вардаровиот состав во следните шест месеци.

Договорено е Бајевски да биде дел од напаѓачките редови во следниот период, со тоа што доколку во текот и по крајот на есенскиот дел се отвори можност за интернационален ангажман да може истиот и да се реализира.

"Ние и претходно рековме дека Бајевски е добредојден во нашите редови. Конк*ренцијата во нападот дополнително се зголемува", велат од раководството на "вардарци".

ДЕНЕСКА ПРЕС-КОНФЕРЕНЦИЈА ВО ПРЕСРЕТ НА СЕЗОНАТА

Промоција на нови спонзори, нов дрес...

Денеска, со почеток од 12 часот, во просториите на Еуростандард Банка најтрофејниот македонскиот клуб ќе ја одржи првата своја прес-конференција во пресрет на новиот шампионат.

Покрај очекувањата за претстојното првенство, на средбата со медиумите меѓудругото ќе биде промоцијата на новиот вардаров дрес, како и претставувањето на новите спонзори во клубот.

ПОВЕЌЕ ОД УСПЕШНО ДЕБИ НА РАТКО ДОСТАНИЌ НА КЛУПАТА НА НАЈТРОФЕЈНИОТ МАКЕДОНСКИ КЛУБ

Ме интересира 100% агресивен Вардар

"Мора да играме агресивно, офанзивно, убаво за око, а фудбалерите да дадат 100% од своите можности... Така се бори за Вардар", вели тренерот на "црвено-црните"

Новиот шеф на стручниот штаб на "црвено-црните", Ратко Достаниќ, остави зад себе повеќе од успешно деби на клупата на најтрофејниот македонски клуб...

Огромни се очекувањата од навивачите и целокупната домашна фудбалска јавност од Вардар оваа година, насочувајќи ги секако погледите пред с$ кон Достаниќ и неговите фудбалери, од кои, сега се очекува комплетно да го вратат и резултатски клубот на местото од пред шест години.

"Вербата во себе и во тоа што го играме на терен сигурно е можеби главниот услов за остварување на потцртаните резултатски цели. Така беше и случајот на првиот наш официјален натпревар кога трпеливо ги градевме нашите акции, без никакво брзање, што на крајот и н$ награди", вели Достаниќ, кој не крие дека е задоволен од ефектот на своите фудбалери на натпреварот со Победа.

"Тоа што мене интересира, и сакам да го видам на теренот, е да играме агресивно, офанзивно, убаво за око, а фудбалерите да дадат 100% од своите можности... Тоа сигурно го очекуваат и навивачите, затоа што само така се бори за Вардар, а притоа резултатите нема да изостанат", истакнува тренерот на Вардар.

Очигледна, посебно во второто полувреме разликата меѓу двете екипи во квалитетот, но пред с$ и во физичката подготовка. Но, српскиот стратег тоа сепак не сака да го коментира...

"Околу тоа јас не би коментирал. Не е на мене да судам, за тоа што јас и фудбалерите го работиме. Други нека пресудат околу евентуалните разлики во играта и односот кон неа", вели Достаниќ, кој сепак не крие и потенцира дека уште на првиот свој натпревар на "Градски" лесно увидел дека публиката и тоа како го сака фудбалот.

Инаку, по дводневната пауза вардаровите фудбалери денеска го продолжуваат редовниот тренажен процес. Според информациите од клубот надминати се проблемите со стомачниот вирус на поедините фудбалери. Милисављевиќ, Брага, Петров и Станишиќ веќе настапија и на првиот натпревар сезонава, а добро се чувствуваат и Иван Јовановиќ и младиот голман Марко Јовановски.

На денешниот тренинг треба за првпат да се јави и најновото засилување 26-годишниот нигериски напаѓач Иди Баба, кој во својата досегашна кариера, меѓу останатите клубови, има настапувано и во германскиот второлигаш Алеманија Ахен, како и во израелскиот Макаби Тел Авив. Проблемите со повредата ги надминува и Мирослав Вајс, а многу брзо активно на зелениот терен се очекува да се вратат и левокрилниот дефанзивец Никола Ѓошевски и напаѓачот Бурхан Емурлаху, кои поради повредите во Охрид работеа под посебна програма.

В.Булатовиќ

Канцеларијата во нови простории

Вардаровата канцеларија веќе официјално е префрлена во новите работни простории во Градскиот трговски центар во Скопје.

Новото раководство, како еден од предусловите за успешно и организациско функционирање на клубот, ги опреми новите простории во кои ќе биде сместена канцеларијата.

Деновиве активно се подготвува интернет страницата на клубот која ќе треба да профункционира за десеттина дена.

"Тест" противници од Бугарија или Србија

Со оглед на тоа што Вардар претстојниот викенд е слободен а следниот официјален натпревар во домашниот шампионат ќе го има на 24 август со Пелистер на "Градски", во меѓувреме сосема неопходно "црвено-црните" планираат одигрување и на два пријателски натпревари.

За овој викенд од управата и стручниот штаб се во потрага на противник од Бугарија или Србија.

"Во контакти сме со некои од прволигашите од нашето соседство, со цел да се пополни празниот викенд во кој сме слободни поради откажувањето на Башкими, меѓутоа засега с$ уште нема прецизен термин и противник", велат од раководството на "црвено-црните".

"Вардарците" планираа контролен дуел и следниот викенд (16/17 август) меѓутоа за тој термин можно е да се одигра "тест" средба и со домашен фудбалски клуб.

ПРВИОТ СТРЕЛЕЦ И НА ПРИЈАТЕЛСКИТЕ И НА ОФИЦИЈАЛНИТЕ СРЕДБИ

Јанчевски навестува атак на "гол врвот"

Бобан Јанчевски уште од самиот старт навестува дека ќе биде еден од главните домашни претенденти за освојување на врвот од листата на стрелците оваа година.

30-годишниот напаѓач е првиот стрелец на официјалните натпревари од актуелниот шампионат 2008/2009 за новиот Вардар, меѓутоа беше и стрелец на првиот погодок за тимот од "Градски" и на стартот од годинашниве подготовки на дуелот со српскиот прволигаш ОФК Београд.

"Тоа што сите го посакуваме е единствено добри наши изданија во континуитет и пред с$ враќање на довербата кај сите наши навивачи дека Вардар повторно се враќа на старите патеки. Очигледно е дека сега ќе мора да се почувствуваат плодовите и од напорните наши подготовки на Златибор и во Охрид", истакнува Бобан Јанчевски.

ЛЕВИОТ БЕК НА ВАРДАР НАПРАВИ ТРАНСФЕР ВО БЕЛОРУСИЈА

Ристевски една година во Динамо Минск!!!

Борче Ристевски, младиот десен бек кој минатата сезона настапуваше во Вардар од вчера е нов член на Динамо Минск од Белорусија. Тој во текот на вчерашниот ден по долгите преговори со раководството на еден од најдобрите клубови од оваа земја успеа да најде заеднички јазик и потпиша едногодишен договор.

"ЦРВЕНО-ЦРНИТЕ" ВО ОБИД ДА ЈА ЗАЧУВААТ НАТПРЕВАРУВАЧКАТА ФОРМА ЗА ВРЕМЕ НА ТРОНЕДЕЛНИОТ "СЛОБОДЕН ТЕРМИН"

Достаниќ: "Паузата, голем проблем"

* "Реално имаме навистина проблеми со големата пауза во првенството затоа што по само едно одиграно коло сега како да имаме еден вид нов почеток на подготовките", вели тренерот на "вардарци"

Две натпреварувачки кола, па пауза, па повторно две рунди натпревари и повторно две недели пауза е ритамот на домашните клубови како дел од мислениот, а недосмислениот старт на новиот шампионат, на кој уште се надополни и откажувањето на кумановско Башкими.

"Црвено-црните" токму по само еден одигран официјален натпревар на стартот со Победа, а како "жртва" и на откажувањето на Башкими, сега три недели до средбата со Пелистер на "Градски" на 24 август се во обид да ја зачуваат натпреварувачката форма...

"Ваквата пауза за нас навистина претставува голем проблем", вели и шефот на стручниот штаб на Вардар, Ратко Достаниќ. "По само едно одиграно коло сега како да имаме еден вид нов почеток на подготовките, меѓутоа веројатно ќе мора да се привикнеме на тоа во овој период".

Сепак, поради тоа неизбежни се пријателските натпревари.

"Да, затоа ја одигравме и онаа средба со Динамо Врање изминатиов викенд, а сега в сабота на стадионот 'Борис Трајковски' н$ очекува дуелот со Маџари. Меѓутоа, да бидеме искрени не е исто пријателски и официјален натпревари. И психологијата меѓу фудбалерите при пријателските средби е сосема поразлична, затоа ние и низ тренажниот процес пред с$ работиме на одржување на активниот ритам, со цел што помалку да се почувствува паузата, посебно пред дерби натпреварот со Пелистер", истакнува Достаниќ.

"Слободниот термин" беше искористен и за индивидуален тест на физичката подготвеност.

"Може слободно да кажеме дека добиените резултати ни овозможија момент за ново задоволство со оглед на тоа што има напредок на физичката подготовка. Сепак, и фудбалерите се свесни дека едноставно добрата физичка подготовка е пред с$ значајна за остварување на потцртаните шампионски амбиции", вели првиот човек на клупата на "црвено-црните".



Вардар домаќин во сабота

Најтрофејниот македонски клуб своите натпревари како домаќин низ актуелното првенство место во недела ќе ги игра во сабота.

Вчера комесарот за натпревари на ФФМ, Миле Спиркоски, го прифати барањето на ФК Вардар, согласно календарот за натпревари, своите првенствени натпревари како домаќин во сезоната 2008/2009 да ги игра во сабота.

ПОЗНАТИ РЕЗУЛТАТИ ОД ФИЗИЧКАТА ПОДГОТВЕНОСТ НА ФУДБАЛЕРИТЕ

Ханџиски: "Во 99% подобрување на параметрите"

И на првата средба на "вардарците" со Победа очигледна беше физичката надмоќ на "црвено-црните" фудбалери. Меѓутоа, по тестовите извршени изминатава недела дефинитивно од комплетниот стручен штаб може да бидат дополнително задоволни поради подобрувањето на комплетните параметри.

"Ова се неопходни тестови кои се реализираат насекаде во фудбалскиот свет, за да се види до каде е тренажниот процес во однос на физичката подготовка", вели докторот на Вардар, Зоран Ханџиски, притоа дополнувајќи:

"Генерално кога би ги презентирале резултати, може да кажаме дека индивидуално во 99% кај фудбалерите има подобрување во однос на претходните тестови, односно подигнување на соодветните параметри".

Се надминуваат проблемите со повредите

Во вардаровите редови полека се надминуваат проблемите со повредените фудбалери.

"Покрај враќањето на Ѓошевски и Емурлаху, веќе активно дел од тренинзите се и Вајс, Ковачевиќ, Бобан Јанчевски, што е многу значајно за нас, а се приклучуваат и Муса Али, Љубисављевиќ така што за продолжението ќе располагаме со комплетниот состав", истакнува шефот на стручниот штаб на Вардар.

ТИМ - МЕНАЏЕРОТ НА ВАРДАР, РАТКО ДОСТАНИЌ, ЕДВАЈ ЧЕКА ДА ПОЧНЕ ДЕРБИТО СО ПЕЛИСТЕР

Нема проблем, ја преземаме улогата на фаворит!!!

*"Проблем беше оваа тринеделна пауза, сите со нетрпение го чекаме дуелот со вечниот ривал, јасно е дека сме фаворити и не бегаме од таа улога", потенцира Достаниќ

Конечно по тринеделна пауза, в сабота, на "Градски" во Скопје најголемиот фаворит за титулата во овој шампионат ќе одигра натпревар. Втор откако стартуваше оваа сезона. Досегашниот биланс е еден меч, три бода и гол разлика 3:0. Победа падна во Скопје на 3 август. Сега на ред е вториот пелагониски прволигаш, Пелистер од Битола.

"Сите ние во Вардар, а посебно јас како прв човек во стручниот штаб едвај посакувам да дојде сабота и вечното дерби со Пелистер. Ова тринеделна пауза навистина ни направи проблем. Се обидовме преку неколку пријателски и контролни средби да го задржиме натпреварувачкиот ритам, но, сепак, официјални мечеви се нешто сосема друго. Затоа велам дека со нетрпение го чекаме саботно вечно дерби со Пелистер", посочува тим - менаџерот на Вардар, Ратко Достаниќ.

Во домашната фудбалска јавност на неколку дена пред овој натпревар како ретко кога Вардар се посочува како апсолутен фаворит. Доказ дека е така е и коефициентот во обложувалниците за победа на домашните кој изнесува 1.35.

"Искрено воопшто не ме интересираат тие коефициенти и слични глупости поврзани со обложувалниците. Мене ме интересира како Вардар ќе одигра. Што се однесува, пак, до улогата на фаворит, ќе повторам она што го кажав на првата прес - конференција како тренер на Вардар. А тоа е дека сум свесен дека Вардар во овој шампионат на секој меч ќе ја има улогата на фаворит. Затоа потенцирам дека нема проблем да ја прифатиме оваа улога и на овој и на сите останати натпревари. Тоа можеби е своевиден притисок за нашите фудбалери, но се знае што значи Вардар и тие мораат по секоја цена да играат со таков притисок", заврши Достаниќ.



Вардар да има што повеќе репрезентативци

Достаниќ не гледа никаков проблем што дури тројца од неговиот тим престојуваат во Луксембург, тоа се Томе Пачовски, Мирослав Вајс и Артим Положани.

"Најважно е сите тројца да одиграат квалитетно, да се вратат здрави и без повреди. Има два дена да се 'вратат' во нормала, зошто тие се искусни професионалци и нема да има никаков проблем да се аклимитизираат пред дербито. Инаку, камо среќа бројот на репрезентативци од Вардар да биде што поголем. Кога најтрофејниот клуб во Македонија ќе има 7-8 репрезентативци тогаш Вардар ќе биде голем клуб, ние се стремиме кон тоа да го оствариме", дополни Достаниќ.

Од Битола се најавуваат 500 "чкембари"

Од канцеларијата на Вардар информација дека и гостинот од Битола ќе има свои навивачи. Според спортскиот директор на "црвено - црните", Саше Милошевски, од таборот на Пелистер се најавувало бројка од 500 навивачи кои в сабота ќе пристигнат во Скопје и ќе го бодрат својот тим на ова наше вечно дерби. Се разбира дека далеку погоголем ќе биде бројот на домашните навивачи кои ќе му дадат поддршка на својот Вардар во надеж дека ќе ја забележи и втората победа. Значи покрај битката на теренот се очекува и навивачки "дуел" меѓу "Комитите" и "Чкембарите".

Билетот ќе чини 60 денари

Продолжува акцијата на Вардар со цел на натпреварите кога е домаќин да привлече што поголем број гледачи. Да ја врати публиката на "Градски". Ако на првиот меч со Победа влезот беше слободен и имаше околу 4.000 гледачи, в сабота на дербито со Пелистер билетот ќе чини симболични 60 денари. Со тој билет секој гледач ќе добие гратис знаменце со лого и боите на клубот, како и освежувач за автомобил.

dobro ke ve pozdravam

taka koga palis albansko zname ne mozes ni vo kumanovo da vlezes hhiihihhi

ПОРАДИ ИНЦИДЕНТОТ ЗА ВРЕМЕ НА НАТПРЕВАРОТ СО РЕНОВА, НАЈТРОФЕЈНИОТ МАКЕДОНСКИ КЛУБ ЗАРАБОТИ НЕОЧЕКУВАНО ВИСОКА КАЗНА

ФФМ "удри" 4 средби по Вардар

* Изненадувачкото е што за многу поголеми инциденти кога биле физички претепувани фудбалери, судии, делегати, во минатото Башкими или Шкендија минувале со слични казни

Навивачите на Вардар, ајде што не се пожелни во средините надвор од својот "Градски", во следните четири натпревари нема да имаат можност да го гледаат својот клуб и на средбите на домашен терен.

Според одлуката од вчерашниот состанок на Дисциплинската комисија на ФФМ поради инцидентот на Јужната трибина за време на натпреварот од 4. коло во Првата лига против Ренова, најтрофејниот македонски клуб следните четири првенствени средби како домаќин ќе мора да ги игра без публика. Како што стои во образложението на Дисциплинецот, казната следи поради инцидентот кој се случил во 85. минута од натпреварот со Ренова кога од страна на навивачите на ФК Вардар било нападнато раководството на ФК Ренова.

Јасно е дека "црвено-црните" мора да понесат своја одговорност за немилите сцени, меѓутоа изненадувачкото е што претходно за многу поголеми инциденти кога биле физички претепувани фудбалери, судии, делегати, па и на самиот терен, а натпреварите биле прекинувани, во минатото Башкими или Шкендија минувале со без малку слични казни. Очигледно е дека за некои во ФФМ силен Вардар во моментов е добар "терен" за неаргументирано "изживување"...

"Вардарците" сега натпреварите со Напредок (20 септември), со Хоризонт Турново (4 октомври) и Металург (25 октомври), како и средбата на домашен терен од 1/8-финалето од Купот на Македонија ќе мора да ги играат без публика. Додека на дерби дуелот со Работнички на 18 октомври, со оглед на тоа што Вардар ќе биде гостин, на "Градски" сепак најтрофејниот клуб ќе има навивачи.

Инаку, на вчерашниот состанок на Дисциплинската комисија на ФФМ, меѓудругото забрана од два натпревари настап поради неспортски однос добија фудбалерите Раде Каранфиловски (Маџари С), Марјан Стојанов (Вардар Декамел) и Едис Абди (Охрид), додека со по еден натпревар поради втор жолт картон се казнети Димитар Капинковски (Победа), Александар Крстев (Хоризонт Турново) и Бесарт Исаку (Охрид).

Второлигашот Вардар Декамел е казнет со парична казна од 250 евра поради присуство на неслужбени лица пред просториите за време на натпреварот со ФК Цементарница, додека со истата парична казна е казнет и ФК Скопје поради влегување на неслужбени лица на натпреварот со ФК Кожуф.



ВАРДАР ЌЕ ПОДНЕСЕ ЖАЛБА ДО ФФМ

Костовски: "Некоректно преголема казна..."

По вчерашната одлука на Дисциплинецот неизбежна и реакцијата од раководството на најтрофејниот македонски клуб.

"Ние сме подготвени да ја почитуваме секоја одлука на органите на ФФМ, меѓутоа апсолутно не сме задоволни што ФФМ во ниту еден момент не го зеде во предвид и нашиот став околу случувањата", вели потпретседателот на Вардар, Коста Костовски, притоа дополнувајќи:

"Се работи за објективно превисока казна. Висината на казната воопшто не соодејствува со случувањата на Јужната трибина. Одговорно тврдам дека немаше инцидентно однесување на нашите навивачи за вака висока мерка. Се беше навремено спречено. Ние ќе поднесеме жалба до ФФМ, и очекувам да биде намалена казната. Јас лично ќе барам и конкретен одговор од органите на ФФМ која е причината за ваквиот однос кон Вардар, кој во моментов со својот нов изглед повторно ги враќа навивачите на трибините, што всушност, ако не се лажеме, е желбата на сите кои работат во фудбалот. Која е целта тогаш на една вака превисока казна?".

"Црвено-црните" мора да се раздолжат со Цементарница 55

Дисциплинската комисија вчера донеса одлука со која се задолжува ФК Вардар да ја изврши одлуката на Арбитражниот совет на ФФМ број 03-228 од 7 мај 2008 година и да го исплати долгот на пет еднакви рати кон ФК Цементарница заклучно со 31 декември 2008 години, средства кои се должат за трансферот на фудбалерот Александар Васоски. Доколку одлуката не се спроведе до утврдениот датум во тој случај ќе следи суспензија за Вардар. Претходниот договор, пак, меѓу двата клуба а во присуство на раководни лица на ФФМ беше средствата да се исплатат во 12 рати.

Исто така ФК Вардар е задолжен да ја изврши одлуката на Арбитражниот совет на ФФМ најдоцна до 1 октомври 2008 година да го исплати долгот кон ФК Силекс за трансферите на Даниел Ивановски и Мартин Богатинов.

КАЗНА И ЗА ТРЕНЕРОТ НА ПОБЕДА

Здравески еден месец "замрзнат"

Шефот на стручниот штаб на Победа, Николче Здравески, заработи казна од еден месец забрана за вршење на каква било функција поврзана со фудбалскиот спорт поради отстранувањето од терен во 9. минута на натпреварот со ФК Напредок.

Претседателот на Победа, Александар Забрчанец, пак, доби опомена поради неовластено влегување во терен при постигнувањето на гол на екипата на Победа на натпреварот со Напредок.

И Милано и Ренова ќе плаќаат

Исплата, согласно одлуката на Арбитражниот совет на ФФМ, најдоцна до 1 октомври 2008 година ќе мора да извршат и ФК Милано и ФК Ренова.

Милано ќе мора да го подмири долгот кон ФК Работнички, додека Ренова кон ФК Силекс.

Доколку одлуките не се спроведат до утврдениот датум, според информацијата од ФФМ, како и во случајот со ФК Вардар, исто така ќе следи суспензија за двата клуба.

Јас навистина не сваќам што е Вардар крив...Патем мме...па кој прв почна....!!!!!!!!

ВТОРИОТ ТИМ НА "ЦРВЕНО-ЦРНИТЕ" ВО ЖДРЕПКАТА ЗА ОСМИНАФИНАЛЕТО ОД ЧЕЛЕНЏ КУПОТ

Денеска противникот за МРК Вардар

Екипата на МРК Вардар, која успеа да дојде до пласман во осминафиналето од Челенџ купот, денеска го очекува својот следен противник со кој ќе треба да игра дури на средината од февруари.
Во комбинација за противници на "црвено-црните" се неколку добри екипи со коишто, сепак, може да се надева на пласман во следната рунда.
Доколку рангирањето пред ждрепката биде како досега тогаш ќе има два шешири во коишто ќе се најдат вкупно 16 тима. Затоа што натпреварувањето го напуштија неколку од подоброрангираните состави ќе има мало поместување, а со тоа МРК Вардар се најде на 7. место од оние кои минаа во осминафинале. Според тоа "вардарците" се во групата на носители и утре ќе ги избегнат составите на Ресица, Бакау, Берн Мури, Кремс, Скиф Кранодар, и Динамо Полтава.
Затоа, пак, на мегдан во СРЦ "Кале" може да дојдат осум тима од коишто тренерот Темелковски смета дека за пласман понатаму најдобро би дошле Бугарите од тимот на Добруџа.
"Кога би можеле да бираме тогаш Добруџа е мојот избор. Сепак, ние не се оптоваруваме премногу со противникот бидејќи најважно е ние да играме добро. Тоа го потврдивме и против Филипос Вериа. Се виде она што го зборувавме. Кога се игра добро и се дава с$ од себе на теренот тогаш и три гола може да бидат доволно. Ако, пак, има опуштање тогаш ниту десет нема да завршат работа и да донесат пласман во следната рунда. Затоа, нам ни е потполно јасно дека против секој противник мораме да одиграме", коментираше Темелковски.
Во секој случај Темелковски даде и свое видување за тоа дека против дел од тимовите кои фигурираат како можни за ждрепката ќе биде полесно да се дојде до позитивен резултат. Покрај Добруџа во таа група се наоѓаат и Инсбрук од Австрија и Будуќност од Црна Гора. Против Турците и Грците ќе биде потешко, но со овој состав на МРК Вардар никој нема да се наигра. Веќе е надминат психолошкиот притисок за деби на меѓународната сцена и затоа сега се очекуваат подобри резултати.