Салати

Компир салата со јајца

Потребно:

* 800 г компири
* 4 јајца
* 1 главица кромид
* малку магдонос
* 1 лимон
* 1 лажица капар
* 1 помала краставица
* оцет
* малку масло
* 100 г мајонез

Приготвување: сварете ги компирите и исечете ги на тркалца. Сварете ги јајцата, излупете ги, па исечете ги на парчиња. Со миксер измешајте ги мајонезот, капарот, исечканиот кромид, магдоносот, краставицата исечена на парчиња и оцетот. Со измиксираната смеса зачинете ги компирите, па салатата украсете ја со тврдо варените јајца.

Црвено-зелена салата

Потребно:

* 2 јајца
* 2 домати
* 1 зелена пиперка
* 10 црни маслинки
* 1 главица зелена салата
* 1 лажичка сенф
* сок од 1/2 лимон
* 4 лажици маслиново масло
* бибер
* сол

Приготвување: сварете ровки јајца и исечете ги на четвртинки. Доматите исечете ги на помали парчиња, а пиперката на тенки тркалца. Маслинките исчистете ги од семките, а листовите од зелената салата искинете ги со раце. Во чинија измешајте ги сенфот, сокот од лимон, маслото, солта и биберот. Во смесата додадете го подготвениот зеленчук, а на крај додадете ги јајцата.

Преливи за салати

* Универзален прелив за салати
Изматете 3 лажици масло, 1-2 лажици оцет или сок од лимон, малку сол, многу малку шеќер, помала главица рендан кромид, малку бибер и лажичка ситно сечкани зачински треви (магдонос, целер, домашно нане, мајчина душица).

* Прелив со павлака
Добро изматете една до две лажици масло, исто толку оцет или сок од лимон, малку сол и малку шеќер, ситно сечкан магдонос и на крај додадете 2 лажици кисела павлака, а по желба рендан кромид или толчен лук

* Мајонез со рен
Измешајте 125 г мајонез, 2 лажици кисела павлака, 2 лажички рендан рен и многу малку шеќер.

* Прелив со сирење
Измешајте 125 г крем сирење, 125 г мајонез, 2 лажици кисела павлака и многу малку шеќер. Овој прелив користете го за салати од свеж зеленчук.

* Прелив за салата од домати
Направете маринада од половина чаша маслиново масло, 2 лажици вински оцет, 1 лажичка сол, малку бибер и 2 лажици ситно сечкан босилек, па во смесата ставете ги сечените домати да отстојат 2-3 часа пред служење.

* Прелив за салата од краставици или од варено цвекло
Изматете една чаша кисело млеко со ситно сечкани зачински треви, а по желба додадете лук и две тврдо варени и ситно сечкани јајца.

* Прелив за салата од компири
Изматете половина чаша масло, 1 лажичка сенф, 1 лажичка сол, 4 лажици сок од лимон и на крај додадете ситно сечкано луто пиперче.

* Прелив за зелена салата
Добро изматете половина чаша масло, сок од 1 средно голем лимон, 1 лажица црно вино, 1 лажичка сенф, 1 лажица мед, 1 чешне истолчен лук и малку бибер.

Преливи за салати (2)

* Прелив за салата од домати
Направете маринада од половина чаша маслиново масло, 2 лажици вински оцет, 1 лажичка сол, малку бибер и 2 лажици ситно сечкан босилек, па во смесата ставете ги сечените домати да отстојат 2-3 часа пред служење.

* Прелив за салата од краставици или од варено цвекло
Изматете една чаша кисело млеко со ситно сечкани зачински треви, а по желба додадете лук и две тврдо варени и ситно сечкани јајца.

* Прелив за салата од компири
Изматете половина чаша масло, 1 лажичка сенф, 1 лажичка сол, 4 лажици сок од лимон и на крај додадете ситно сечкано луто пиперче.

* Прелив за зелена салата
Добро изматете половина чаша масло, сок од 1 средно голем лимон, 1 лажица црно вино, 1 лажичка сенф, 1 лажица мед, 1 чешне истолчен лук и малку бибер

Потребно:

600 г боранија
100 г шунка
100 г печурки од тегла
2 чешниња лук
масло
оцет
сол
бибер

Приготвување: исчистената боранија варете ја 25 минути во солена вода. Исцедете ја, па измешајте ја со ситно исечканиот лук, печурките исечени на ливчиња и со шунката исечена на коцкички. Сето тоа зачинете го со сол, бибер, масло и оцет. Салатата добро измешајте ја и послужете ја.