I'll to god

И Јувентус заинтересиран за Пандев

Италијанскиот фудбалски прволигаш Јувентус подготвил понуда за купување на најдобриот македонскиот играч Горан Пандев.      Оваа вест вчера ја објави еминентниот италијански дневен лист "Газета дело спорт“. Според информациите на "Газета“, Пандев подолг период бил следен од скаути на Јуве, а пред извесно време за негово ангажирње било добиено "зелено светло“ и од тренерот на тимот, Клаудио Раниери.      Италијанскиот весник потенцира дека Лацио сигурно ќе го продаде Пандев во претстојниот летен преоден рок, зашто постои опција македонскиот репрезентативец сам да го откупи договорот на една година пред неговиот истек во 2010 година. Исто така, една од причините поради која би го продале Пандев е желбата на луѓето од Лацио да соберат пари за целосно да го откупат напаѓачот Мауро Зарате од Ал Сад.

 

Па штом тоа го пишува Газета дело спорт значи има информации од прва рака кои најверојатно се добиени од раководството на Јувентус.

Ednostavno nasiot najdobar fudbaler! FORZA PANDEV1

Трофеј за Лацио, трофеј за Горан Пандев!
Лацио го освои Купот на Италија! Лацијалите по подоброто изведување на пенали ја совладаа Сампдорија! Прв трофеј за Горан Пандев!
	Титула за Лацио, титула за Горан Пандев! Римјаните ја совладаа Сампдорија по подоброто изведување на пеналите и заслужено дојдоа до трофејот. Голем ден за навивачите на Лацио, конечно Римјаните се радуваат на трофеј. Пандев во вистински момент се врати на теренот и одигра значаен дел од овој голем меч за Лацио. Натпреварот започна одлично за Лацио, по само четири минути игра Мауро Зарате постигнува гол и носи голема радост на Олимпико. Во тие моменти Лацио доминираше на теренот, Сампдорија беше во подредена улога. Во 26та минута Горан Пандев имаше фантастична можност да му донесе предност од 2-0 на Лацио, Коларов биеше силно, Кателаци одбрани, топката дојде до нашиот интернационалец кој од идеална позиција не реализираше, голманот на Сампдорија уште еднаш на висината на задачата. Само пет минути подоцна Сампдорија казнува, асистенција на Касано до Пацини кој со глава постигнува гол за 1-1. Во продолжението се играше рамноправно со по некоја шанса и за двете екипи. Пандев во 58та минута повторно се најде во шанса, по асистенција на Фоџа биеше со отсвртување, но голманот Кастелаци уште еднаш одбрани. Горан Пандев поради едно месечната пауза не беше најдобро физички подготвен, излезе во 73та минута, на негово место влезе Томазо Роки. До 90та минута немаше нов погодок по што се отиде на две продолженија од по 15 минути. Резултатот остана ист и по продолженијата, пеналите требаше да го решаваат победникот на Купот на Италија. Касано прв тргна кон белата точка, ѕвездата на Сампдорија биеше лево по земја, фантастична одбрана на Муслера и предност за Лацио. Ледесма прв изведуваше за Лацио, одличен погодок, Лацио поведува во пенал серијата. Паломбо реализираше за Сампдорија, Томазо Роки ја погоди стативата и ги врати надежите на тимот од Џенова. Во третата серија Пацини реализираше за Самдорија, Розенал погоди за Лацио. Даниеле Гастелдано, Акарди и Дел Векио реализираа за Сампдорија пред финалната сеија. Коларов, Зарате и Лихштајнер погодија за Лацио. Кампањаро шутираше последен за Сампдорија, Муслера одлично го одбрани неговиот удар. Осман Дабо го реализираше победничкиот пенал за Лацио, голема радост на Олимпико. Покрај големиот трофеј, Лацио преку купот обезбеди и учество во Европа. Горан Пандев има огромен удел во оваа титула, бидејќи со седум гола е најдобар стрелец во Купот оваа сезона.

"Старата дама" сериозно "заљубена" во Пандев

Меѓу серијата европски клубови кои сериозно се заинтересирани за услугите на најдобриот македонски фудбалер, Горан Пандев е веќе интензивно поврзуван со еден од најдобрите италијански клубови, Јувентус.

Директорот на "црно-белите" од Торино, Алесио Секо, како што пренесува италијанската "Спортмедија", е подготвен да го одврзе ќесето во летниот преоден рок за втор напаѓач, а прва нивна цел е Горан Пандев кој треба да биде повеќе од квалитетна замена за Давид Трезеге.

За заминувањето на Пандев од Лацио се повеќе се пишува и откако е поизвесно да и претседателот на "лацијалите" Клаудио Лотито чувствува дека сега е можноста да се заработи на нашиот фудбалер со оглед на тоа што веќе во 2010 завршува неговиот договор. А, во моментов и потребно е дополнување на финансиите на клубот како би се откупил договорот на Мауро Зарате.

Јувентус и минатата сезона пројави интерес за нашиот репрезентативец, меѓутоа сега "старата дама" според размислувањето во Италија е во сериозна предност пред останатите клубови.

ЗАМИНУВАМ!!!

До крајот на месецов Горан Пандев се очекува да го реализира трансферот во англискиот тим Тотехнем. Тоа е последната најава и најконкретната понуда за нашиот најдобар фудбалер. Клубот од Англија понуди 15.000.000 фунти (околу 20.000.000 евра), што е одлична сума за фудбалер кој летово може да го активира правилото 17 на ФИФА и за само 3.000.000 евра да замине од Лацио. Сите погледи се насочени кон Лондон, а по долги преговори, разговори и тензиии Пандев ексклузивно за "Македонски спорт" открива детали поврзани за неговата иднина:

"Заминувам од Лацио. По 5 години минати тука, во Рим, дојде време да се сменат клупските бои. Потребен е нов предизвик и тоа е нормална работа во кариерата на секој фудбалер. Јас го сакам Лацио но мислам дека ми треба некој поголем предизвик", се зборовите на Пандев, кој заедно со неговите менаџери и управата на клубот од Рим одлучија:

"Имав отворен разговор со претседателот Лотито. Тоа беше пред два дена кога му кажав дека мојата одлука е да го напушатм клубот. И самиот е свесен дека тоа е најдоброто решение во овој момент. Не сакам да си одам по секоја цена и затоа му понудив на клубот да преговара со сите понуди кои се на мојата адреса и Лацио да заработи од моето заминување. Сакам да му се оддолжам на клубот преку кој стигнав до ова што сум сега. Според правилата на ФИФА, можам летово да го откупам договорот и да заминам од Лацио за мали пари, но јас сакам коректна разделба и затоа мојот сегашен клуб ќе треба да добие добра цифра од моето заминување".

Лацио денеска го игра последниот меч на домашен терен во Серија А ова сезона. Тоа ќе биде и последното танго за нашиот најдобар фудбалер на "Олимпико".

"Натпреварот со Реџина е презакажан за денеска. Тоа ќе биде и мојот последен меч за Лацио на Олимпико. Посакувам овој меч да го завршам со победа, а би бил и пресреќен доколку дадам и гол кој би бил десетти за мене во оваа сезона. Сепак, разделбата ќе се памети по успехот кој го направивме пред неколку дена и победата во Купот на Италија", се зборовите на струмичанецот околу неговиот денешен настап на последниот меч на Лацио на домашен терен.

Последната понуда која стигна на адресата на Пандев е онаа од Тотенхем. Многу фактори укажуваат дека токму клубот од Лондон ќе биде новата дестинација за Пандев. Англичаните понудија сума од 16.000.000 фунти и тоа е бројка која во моментов е најголема од сите екипи кои пројавија интерес за потписот за најдобриот фудбалер на Македонија.

"Понудата од Тотенхем е конкретна, но не е единствена. Има неколку клубови и сите тие се за респект. Ќе треба во текот на наредниве неколку дена добро да се размисли и да се одбере најдобрата понуда. Сакам да одам во Англија, во силен тим и во екипа каде ќе имам голема минутажа. Парите не се секогаш во преден план. Тоа мислам дека го докажав во последните 5 сезони играјќи во дресот на Лацио. Пак ќе речам дека треба добро да се размисли, но добро е тоа што имам добар избор", појаснува Пандев.

Зошто Тотенхем!? Затоа што менаџерот Хери Реднап прв отворено кажа дека Пандев е неговата главна трансферна цел за ова лето. Овој клуб понуди најмногу пари и од таа бројка сите добро ќе заработат. Почнувајќи од фудбалерот па се до неговиот сегашен клуб Лацио. Тотенхем веќе почна да прави место за Пандев со најавите дека од клубот летово заминуваат напаѓачите Павличенко и Бент.

Сепак, ова не е крајната одлука. Следат денови на преговарања, одлагања... Малку европски екипи можат да конк*рираат и да влезат во трка кога по еден играч ќе тргне клуб од Англија. Тотенхем може да има проблем само од Челзи, Арсенал и Ливерпул, кои исто така имаат интерес за фудбалерот на Лацио.