Фан клуб Горан Пандев

Атлетико ќе го купи Горан Пандев

*Шпанците утре во Рим со 15.000.000 евра за потписот на најдобриот фудбалер на Лацио

Горан Пандев е на чекор до трансфер во Атлетико Мадрид. Најдобриот фудбалер на Лацио и на Македонија треба да биде главното засилување за тимот од "Висенте Калдерон" за настапите во Лигата на шампионите.
"Македонски спорт" од блиски извори дознава дека делегацијата на Атлетико Мадрид утре ќе пристигне во Рим на финални преговори со Лацио, Пандев и менаџерскиот тим на нашиот фудбалер.

Цифрата која клубот од Шпанија е подготвена да ја плати за потписот на Пандев изнесува 15.000.000 евра. Понудата на тимот од Мадрид е актуелна од пред 3 недели и барем засега тие се најконкретни во обидот да го купат Пандев од Лацио.
Атлетико Мадрид инсистира да го донесе Пандев во своите редови уште во овој зимски преоден рок. Овој клуб пролетва игра во 1/8 финалето од Лигата на шампионите против Порто.
Шансите за трансфер на струмичанецот во Мадрид се големи со оглед на тоа дека тој с$ уште не го продолжил договорот со Лацио, а по крајот на оваа сезона за цифра од околу 3.000.000 евра би можел да замине од "Олимпико".
Пандев - Агуеро - Форлан!!! Тоа е машината за голови која ја сонуваат луѓето и фановите на Атлетико Мадрид. Дали ќе дојде до трансфер, ќе покажат следните 2-3 дена.
До деталите за сериозноста на преговорите со Атлетико Мадрид стигнавме откако цела Европа беше бомбардирана со веста дека Пандев во јуни ќе го засили Баерн Минхен.

Баерн не се дава - 18.000.000 евра

Викендов медиумите го преселија Горан Пандев во Баерн Минхен. Трета најава дека струмичанецот е пред портите на клубот од Минхен. Нагласено беше дека Баерн подготвил последна понуда до Лацио, која е тешка 18.000.000 евра. Пандев би заминал во тимот на Клинсман како замена за Подолски. Веќе видена приказна која трае со години. Така барем беше во деновите од ланскиот зимски преоден рок и во текот на летната пауза.

GOOORAN PAN-DEV!

Bravo dete!

никој од лацио не призна и нема да признае дека лацио без пандев е НИШТО
сите викаат добар е ова она а никој не се најде да каже дека он е најдобар еве на која утакмица не игра готова лацио ко изгубени тоа што има слаба плата тоа башка овој инзаги има поголема од недо а грее клупа абе тоа тие...

Лацио во паника, Пандев заминува...

Само неколку дена по римското дерби и по голот во мрежата на Рома следи нова офанзива низ медиумите во Италија кои се преплавени со шпекулациите за иднината на Горан Пандев. Македонецот си оди од Лацио, а клубот е во паника. Пандев се уште не го продолжил договорот со римјаните а сезоната завршува. Лацио нема финансиска моќ да ја добие битката со гигантите кои се борат за потписот на Пандев. Струмичанецот е на слатки маки, а доаѓа времето кога треба да се стави крај на сите дилеми. Нервозен е Клаудио Лотито, првиот човек на Лацио, кој конечно призна дека за Пандев има понуди од големи клубови како Баерн Минхен и Ливерпул.

"До 30 април треба да ги решите сите дилеми со Пандев и Зарате. Имавме многу состаноци и преговори. Мислам дека со двајцата ќе ја завршиме работата. Тие се иднината на клубот. Пандев има понуди од клубови кои во моментов имаат посилна финансиска моќ (Баерн М. и Ливерпул), но тој сака да остане во Рим. Ние на неговите менаџери веќе му понудивме нов петгодишен договор со тоа што првата сезона ќе игра за плата од 1.500.000 евра, а потоа цифрата ќе се зголемува", панично кометира Лотито за весникот "Ил Темпо".

Е ова е нешто ново!!! Ова се вика паника затоа што барем досега Лотито многу се ценкаше кога станува збор за Пандев, чиј услов беше да има годишна плата од 2.000.000 евра место досегашните 600.000 евра по сезона. Лотито долго споменуваше цифри од 800.000 евра па и 1,2 милиони а еве го сега и со понуда од 1,5 милиони евра. Стравува дека Пандев си оди, а стравува и дека Лацио нема добро да наплати за слободата на Македонецот. Во јуни менаџерите на нашиот најдобар фудбалер можат да го активираат правилото 17 на ФИФА според кое Пандев ќе може да си го откупи договорот за сума од околу 3.000.000 евра, што е лошо за Лацио кој многупати одбиваше за Пандев и цифри од 12.000.000 до 18.000.000 евра.

Она што го дознавме е дека покрај Баерн и Атлетико стигнала и нова понуда за Пандев од Ливерпул. Се обновуваат преговорите со англискиот клуб кој ќе се обиде да им ги расипе сметките на Германците и Шпанците.

Саботното дерби во Рим го следел и Свен Горан Ериксон. Тој летово би можел во Баерн Минхен или Челзи. Во неговиот нотес веќе подолго време стои името на Пандев кој би можел да замине во клубот каде за нов шеф ќе биде назначен токму поранешниот селектор на Англија.

А Пандев и неговите менаџери ја добиваат битката околу тактизирањето и околу преговорите со Лацио. Летото се ближи, а со тоа се ближи и денот на разделбата меѓу Пандев и Лацио. Сепак, времето ќе покаже. Последните најави кажуваат дека фудбалерот и неговиот менаџерски тим се фокусирани кон трансфер во нова средина. За разлика од претходните преодни рокови, сега имаме појасна слика. Сега Пандев може да си замине без да го праша Лацио!!! А секој ден има нови клубови кои се на листата кои имаат желба во своите редови да го видат Пандев. Покрај трите поинуди се споменуваат уште Интер, Фиорентина, Зенит, Валенсија... Сите тие се со подобар рејтинг од Лацио и нудат повеќе од 2.000.000 евра годишна плата за нашиот фудбалер.

Да ама во Англија има поголема конк*ренција,додека во Баер Минхен би бил главен напаѓач,ќе постигне многу голови и плус ЛШ загарантирана секоја година.

Па не можеш да кажеш дека во Баерн има слаби стручнаци и слаби тренинзи,погледни само кои играчи од светска класа излегле или пак се дооформиле тамо.

Па Пандев ќе биде следниот нивен расен голгетер според мене,нормално доколку замине во Минхен.