Кризата пристигна и во Македонија

    Глобалнaтa економија изгледа почнува да се извлекува од глобалната рецесија, но тоа зајакнување, се чини ќе биде „анемично“, при што би можело долго да потраат некои неповолни показатели, вака сметаат и аналитичарите кои предвидуваат бавно зајакнување на светската економија.

САД и Јапонија имаат најдобри шанси меѓу големите економии први да се извлечат од проблемите, постепено јакнејќи ја деловната доверба, но како што се очекува, големата невработеност и натаму ќе расте во САД и Европа.

Аналитичарите прогнозираат дека стопанствата на САД и Јапонија од третиот квартал ќе продолжат со раст, додека евро зоната ќе доцни по нив за речиси еден квартал.
    Почетокот и брзината на зајакнувањето ќе варира, при што Азија ќе биде предводник, САД ќе ја следат, додека Европа ќе заостанува зад нив, укажаа некои економисти.

Организацијата за економска соработка и развој (ОЕЦД) минатата недела ја зголеми проекцијата на стопанскиот раст за своите 30 членки, првпат по две години, но истовремено предупреди дека растечката невработеност и големиот раст на буџетскиот дефицит претставуваат закана за економската санација.Обемот на кредитите истовремено ќе остане скромен на многу пазари, бидејќи банките ќе ја пополнуваат својата капитална база, намалена од загубите.

 Зоната на еврото и натаму ќе биде погодена од невработеноста, падот на извозот и проблемите во финансискиот сектор кои продреа во домашната побарувачка.

Околу 30 милиони лица во светот ја загубиле или ќе ја загубат работата во периодот од 2007 до 2010 година, покажуваат податоците на Организацијата за економска соработка и развој (ОЕЦД).

Во извештајот се потенцира загриженоста на ОЕЦД за состојбата на глобалната економија, која ја преживува најдлабоката криза во изминатите седум децении.

- Загубата на работните места се должи пред се на финансиската криза и последиците кои таа со себе ги носи во сферата на економијата, кои ги турнаа повеќето развиени земји во рецесија.Според ова можеме да утврдиме дека кризата  го  треси цел свет,не можеме да очекуваме дека ние сме  земјата на чудата па да не прескокне нас,но сепак поминуваме многу подобро од некои други земји..