А кризата ни е веќе на врата, сакал некој да признае или не...

Ќе ја почувствуваме најсилно во 2009 година, пред се во реалниот сектор... Банкарскиот сега за сега е стабилен, пред се поради неповрзаноста на домашните банки со америчките инвестициони банки и поради нивното финансирање од штедните депозити на граѓаните... Но, и тука ќе има сигурно повратно влијание од кризата во реалната економија, преку намалување на штедењето...

 

Каква врска има дефицитот со железните монети од 10 и 50 денари?...

 

Железните пари се економски поисплатливи од книжните, кои бргу се кинат и расипуваат, па се прави соодветна замена на книжните со кованици.

Вредноста на парите не ја определува материјалот од кој се направени, туку нивната куповна моќ.

И не е точно дека железните пари се невредни (ако си бил на запад ќе знаеш, притоа за запад не ја сметам Албанија)...

Кризата најмногу ќе ја осетиме следната година, не само ние, 2009 ќе биде лоша година за цел свет. Како ќе се справи нашата економија со кризата, уште од сега се осеќа: отпуштања од работа, сигурно ќе има и затварање на фабрики, намалување на куповната моќ на потрошувачите, намалување на штедењето, оттука намалување на банкарскиот кредитен потенцијал, па намалување на кредитирањето на стопанството...  Намалени инвестиции, намален раст на БДП, зголемување на надворешно-трговскиот дефицит...

Тешко ќе биде...

 

Обично после кризата следува период на депресија, па оживување и  просперитет...

Циклусот е тој, но што ќе произлезе од оваа глобална криза тешко е да се каже.

http://www.kanal5.com.mk/ShowNews.aspx?ItemID=41577&mid=1500&tabId=1&tabindex=0 -  Владата објави пакет мерки за ублажување на последиците од светската финансиската криза

 

 Четиригодишно мирување и отпишување на обврските на фирмите по основ на придонеси за задолжително здравствено осигурување, отпис на каматите по основ на персонален доход, данок на добивка, ДДВ, данoци на имот и придонеси за пензиско осигурување под услов обврзниците во целост да го намират главниот долг, плаќање на даночен долг на рати, оданочување на добивка  само ако е распределена во дивиденди, намалување на царините пред се за суровините, пониско оданочување на земјоделците, се дел од мерките кои Владата ќе ги преземе со цел да се ублажат евентуалните последици од светската финансиска криза во реалниот сектор во Македонија.

- Владата на синоќешната седница донесе пакет од 10 превентивни мерки за помош на македонското стопанство за да се ублажат евентауалните последици  во реалниот сектор кои може да ги предизвика светската финансиска криза. Вкупната поддршка на стопанството изнесува околу 330 милиони евра, истакна на денешната прес-конференција премиерот Никола Груевски.

Образложувајќи ги мерките што го донесе Владата, тој појасни дека обврските по основ на придонеси за здравствено осигурување ќе бидат во мирување во наредните четири години, по што, доколку редовно се сервисираат тековните обврски, тој долг во целост ќе биде отпишан.

Фирмите ќе можат да добијат отпис на каматите по основ на повеќе даноци и придонеси, во целост доколку ја исплатат главницата до 31 април 2009, за 75 проценти ако тоа го направат до 31 август и до 50 проценти ако долгот го платат  до крајот на годинава.

Предвидено е репрограмирање на даночните обврски, односно фирмите кои имаат потешкотии во работењето да можат даночниот долг да го отплаќаат на рати и тоа најногу до 36. Како гаранција ќе треба да дадат банкарска гаранција во износ од 100 проценти од долгот или хипотека во висина од 250 проценти од долгот.

- Владата донесе одлука и да го одложи за една година стапувањето во сила на одредебите од  Законот за платен промет кои забрануваа плаќање за фирми кои имат блокирани сметки, рече Груевски.

Тој информираше дека побарувањата на државата по основ на јавни давачки ќе бидат претворени во траен влог во друштвата ОХИС, ЕМО, Тутунски комбинат Прилеп и Еврокомпозити.

- Се работи за фирми кои долго време имаат  акумилирано обврски. Со оглед дека државата има мнозински удел, обврските кон државни институциите ќе бидат претворени во траен влог, со што ќе се санираат состојбите во овие фирми и тие ќе станат атрактивни за продажба на заинтересирани инвеститири кои ќе ја продолжат и прошират дејноста, рече Груевски.

Тој додаде дека мерките птредвидуваат оданочување на добивката само доколки биде распределена во дивиденда, за разлика од досега кога се оданочуваше сета добивка која не беше реинвестирана. Владата смета дека таа добивка доколку не е распределена во дививенди ќе остане во земјата  и ќе даде позитивни ефекти.

Планирано е и намалување на царините. - Тоа се однесува на суровините за трговијата, економијата, информатичкото општество... Тоа значи дека нашите компании ќе имаат можност да станат поконк*рентни со увезување на суровини без царини или со намалени царини, рече министерот за економија Фатмир Бесими.

Меќу предвидените мерки се и двегодишно проолнгирање на плаќањето данок на камата на штедните влогови и пониско оданочување на земјоделците. Тоа значи дека оние кои имаат добивка до 5.000 евра ќе бидат целосно ослободени од данок, а оние до 20.000 ќе платат само 400 евра данок на доход.

Последната, десета мерка, е откажување од трошење на парите кои биле наменети за новогодишните празници во сите државни институции, фондови, агенции, јавни препријатија и АД во јавна соптвеност. 

Премиерот Груевски истакна дека Владата и натаму будно ги следи состојбите во оваа сфера и оти е подготвена навремено да презема и други мерки доколку се покаже дека тоа е потребно, како што е закон за 100 процентно покривање на штедните влогови на граѓаните и фирмите во банките. Според него, банкарскиот сектор е стабилен, Македонија е далеку од рецесија, но реалниот сектор може да трпи одредени последици заради тоа што многу македонски компании своите производи ги извезуваат на европскиот и светскиот пазар, каде дел од земјите веќе прогласија рецесија.

- Сериозна поддршка за стимулирање на растот за наредната година ќе се даде и со преструктуирањето на буџетот во насока на зголемување на продуктивните капитални расходи на ниво од 480  милиони евра, наменети за десеттици инфрстуктурни проекти, рече Груевски.

Македонската Влада не очекува дека овие мерки ќе предизвикаат сериозни буџетски импликации.

- Нашата проценка е дека во првата половина од наредната година сите овие ефекти од буџетска гледна точка ќе немаат некој посериозен ефект од аспект на надмирување на буџетските расходи. Кон средината на наредната година, а ако е потребно и порано, ќе биде направен ребаланс на буџетот. Нашата проценка е дека во првата половина од годината трошоците ќе бидат намирени во целост, рече министерот за финансиси Траклјко Славески.

Владата очекува Македонија во наредната година да задржи економскиот раст и тој да се движи околу 5,5 проценти.

- Нашите проценки се дека економскиот раст ќе биде околу 5,5 проценти, а на меѓународните институции нешто под пет отсто. Тој ќе биде онолкав колку што ќе постигне приватниот сектор и капиталните инвестици на државата, рече вицепремиерот Зоран Ставрески, додавајќи дека Владата очекува со новите мерки да се задржи солиден раст со оглед на сотојбите во светот каде економиите се или на работ или  во рецесија.

За предложените мерки се потребни законски измени кои Владата веќе ги подготвила, а треба да ги усвои Собранието на Македонија.

Не само што признаа дека реалниот сектор е веќе зафатен од кризата, туку се решија и нешто конкретно да преземат...

 

 

Од ЕУ и Светска банка ни прогнозираа раст најмногу до 4,5% и тоа оптимистички...

После кога нема да го достигнат... кој ќе е крив?...

 

 

Што се чудиш?

Ова ти е доказ дека сите сме стручњаци и сите знаеме се’

На математиката или...?

Пред секоја Нова година, се пумпаат цените на аранжманите и на масовното хистерично славење по кафеани... а сепак кафеаните се полни и место нема за лек.

И што има врска тоа со кризата?

Мислиш ќе останат празни ресторантите и хотелите... оти е криза?

 

Криза не е само моментално нарушување на балансот понуда-побарувачка. Како една од фазите на економскиот циклус, современите кризни нарушувања се поблаги и полесно се пренесуваат од една до друга земја, поради испреплетеноста и поврзаноста на националните економии.

 

Засега, барем кај нас има доволно елементи кои го означуваат периодот како кризен:

-количини стоки кои не можат да се продадат (нема пласман),

-смалена инвестициона активност

-зголемување на невработеноста (со трендот на отпуштања претежно од металната индустрија)

-делумно намалување на производството (повторно најмногу во металната па и во текстилната индустрија) 

-намалување на кредитна активност и пораст на каматните стапки

-голем пад на цените на акциите...

Кризата во финансискиот сектор досега не одбегна, но во реалниот е се повеќе присутна...

Кај нас е така.

 

А за односот западни-источни економии си во право...

Доаѓа времето на експанзија на источните економии кои се повеќе растат.

 

 

 

 

 

Од „Скопски легури“ на принуден одмор се над 700 вработени.

Во „Бучим“ веќе е донесена одлука за престанок на производството од 1 јануари. Дома си одат над 400 рудари, а само стотина ќе останат да ги одржуваат машините.

Ако се заостри кризата, затворање најавуваат и другите рудници „Саса“, „Злетово“ и „Тораница“.

Најголем пад на производството во ноември има во металската и во текстилната индустрија. Производството на метали, во споредба со истиот период лани, е намалено за 37,6%, а производството на метални производи опаднало за 49,4%. Кризата ги погоди и текстилната и кожарската индустрија. Производството на ткаенини е во пад од 10,8%, а преработувачката на кожа е намалена за 10%. Во минатиот месец текстилните погони произвеле за 23,9% помалку облека отколку во октомври минатата година.

 

Како ќе се преживее 2009-та, не се знае. Ќе биде страшна година.

А кај што е најтенко, таму се кине...

 

 

 

 

sega koga ke ja aktuelizirame i primenime TRETTATA kosmicka mreza..eeeee....

Не мислев на структурна криза на стокови фондови, а и темава не е отворена за тоа, мајче ја интересирала моменталната светска криза и нејзиното рефлектирање врз нашата економија т.е. врз нејзиниот семеен буџет

Кај најде на бадник да пишуваш за кризата... јас идам по темите да се релаксирам од печење лепчиња и мотање сармички... (не сум госпојца)

Поздрав... имај убави празници