Топлификација

Сметките за исклучените од парното невалидни?

Сметките на „Топлификација“ за исклучените корисници од парното греење може да паднат на суд, а компанијата не може да ги тужи неплаќачите бидејќи нема склучено договор со нив. Ова за „Дневник“ го тврдат извори од Регулаторната комисија за енергетика која летово го донесе новиот Правилник за топлинска енергија, според кој и исклучените корисници треба да плаќаат фиксен износ. Нашите соговорници потенцираат дека според Законот за облигациските односи во овој случај нема договорно-доверителен однос меѓу снабдувачите и станарите. Според нив, за да платат, граѓаните треба да добијат некаква услуга од компанијата, а исклучените имаат решение за прекин на меѓусебните односи со што обврската за плаќање на фактурата за услугата престанала. Граѓаните што се исклучија од системот на „Топлификација“ се децидни дека нема да ги плаќаат сметките барем додека не одлучува Уставниот суд. Од фирмите за снабдување на скопјани со топлинска енергија, пак, велат дека тие ќе ги тужат неплаќачите и имаат основа да испратат фактури и да наплатат и за услуга која исклучените граѓани не ја добиваат.

- Не е логично да се наметне обврска да плаќаат и исклучените. Во случајов нема договорно-доверителен однос меѓу снабдувачот со топлинска енергија и исклучениот станар. Kомпаниите не може никого да тужи ако не ги плаќа сметките бидејќи тужбите нема да бидат валидни. За да платам фактура, треба да добијам некаква услуга. Kај исклучените има решение за прекин и таа обврска за плаќање сметки престанала. Инаку, Правилникот веќе се контролира на Уставен суд, кој еднаш веќе ја укина таа обврска за граѓаните – вели член на Регулаторната комисија за енергетика.

http://dnevnik.com.mk/?ItemID=9A0451A29691474494106BDF4E0165EB&utm_source=daily.mk

Фала Богу!

Ова го велиме од првиот ден кога се отвори темава.

Се плаќа само доколку се бара нечија услуга, доколку се склучи договор за користење на истата и доколку таа биде испорачана од едната страна на договорот и искористена од другата.

Кога корисникот на услугата ќе изјави дека повеќе не сака да ја користи, а другата страна ќе дојде и физички ќе го исклучи од својот систем тогаш de jure и de facto договорот е раскинат од обете страни.

Доколку во договорoт не стои оти со неговото раскинување ќе следат пенализирања или додатни трошоци за некористење на услугата тогаш секакво наплаќање на истите е незаконско и претставува силување на народот, рекетирање на една монополска организација, без обзир каква одлука донела регулаторната комисија. 

Не треба човек да биде правно лице за да го разбере ова.