Македонски фудбал

Костов го напушти кормилото на Работнички

По серијата слаби резултати и неполни четири месеци на функцијата, Влатко Костов повеќе не е шеф на стручниот штаб на Работнички. Тој поднесе оставка по нерешениот резултат со екипата на Скопје.
- По најновиот неуспех и нерешениот резултат со Скопје, ја понудив својата одговорност пред управата на клубот, со цел да покажам, пред се, на играчите дека никој не е незаменлив. Овој клуб заслужува многу повеќе од тоа четврто место на табелата - изјави Влатко Костов.
Довчерашниот прв помошник на Костов, Горан Петревски, е именуван за нов тренер на Работнички и своето деби ќе го има на денешното дерби со Вардар

Отпишаниот Пелистер изненади во Скопје

Победата на Пелистер од 2-1 на гостувањето кај Работнички е најголемото изненадување во 25. коло, но и во досегашниот дел од фудбалската сезона во Првата лига. Битолчани немаа освоено ниту бод на гостувањата во првенството. По победата во градското дерби против Вардар минатото коло, се чинеше дека Работнички конечно се најде на посакуваниот колосек, но така не мислеше убедливо последнопласираниот противник, кој пред овој дуел имаше четири порази во низа и само три победи во целата сезона. На Работнички не им помогна ниту брзото водство со голот на најдобриот стрелец во лигата, Борче Маневски, во 9 минута. Бујчевски во 23 минута погоди за 1-1, а пресвртот го приреди Симоновски во 80. минута.

- Противникот беше потценет, но и нам не ни досудија пенал за 2-0 што може добро да се види и на видеото што кружи на интернет. При 1-1 игравме со четири напаѓачи, но ни се случи една контра од страна на противникот, а потоа беше тешко да се израмни - вели стрелецот Маневски.

Раководството на поразената екипа за денеска најави состанок на кој ќе се расправа за евентуалните казни, но и за други одлуки во врска со последниот резултат на трикратниот првак.

Ова му е втор пораз условно како домаќин на тимот од Дебар маало оваа сезона, покрај оној првиот од Тетекс во август на почетокот од 2010/2011.

Металург брзо го заборави минатонеделниот пораз од Силекс и со 2-1 беше поуспешен од Скопје во дербито на двата тима од Автокоманда. Миле Крстев во свој стил во 2 минута погоди од слободен удар за водство на Металург, додека Скопје, кој грчевито се бори за опстанок, возврати преку својот најдобар стрелец Христијан Кировски во 35. минута. Музафер Ејупи му ја донесе победата на второпласираната екипа со вистински еврогол, откако неговиот силен удар се одби од пречката и заврши во мрежата во 69. минута.

Како мало изненадување може да се смета победата на Брегалница од 2-0 кај Тетекс, кој досега на домашен терен обезбеди седум победи и имаше само еден пораз. Илиев и Мандак беа творци на победата со прецизните удари во 6 и 62 минута.

Мрежите мируваа на мечот Хоризонт Турново - Напредок. Вчера се играше мечот Шкендија - Силекс, а за денеска е закажана средбата Ренова - Вардар.

Металург останува на исто растојание од лидерот Шкендија

Победи остварија водеќките четири клуба во петте натпревари кои попладнево се одиграа од 27 коло од Првата фудбалска лига на Македонија. Нема промени на врвот на табелата, Шкендија ја задржа бодовната предност од пет бода пред второпласираниот Металург.

Најубедливата победа ја оствари токму Металург на стадинот во Автокоманда во Скопје против последнопласираниот Пелистер со 5:0. Работнички на стадионот во Чаир беше подобар од Хоризонт Турново со 3:1, а во Тетово Ренова славеше триумф против Напредок со 4:1.

Единствената гостинска победа во ова коло ја постигна Силекс во Тетово против Тетекс со 2:0. Без победник заврши натпреварот во Штип меѓу Брегалница и Скопје. Во вчерашниот натпревар лидерот Шкендија го совлада Вардар со 2:0.

Табела: Шкендија 58 бодови, Металург 53, Ренова 50, Работнички 47, Силекс 37, Хоризонт Турново 37, Напредок 36, Тетекс 34, Брегалница 33, Скопје 29, Вардар 21, Пелистер 15

Комплетирано е 29. коло во Првата фудбалска лига на Македонија. Во последниот меч, одигран денеска, фудбалерите на Тетекс, пред свои гледачи, славеа во дуелот со Скопје. Гостите поведоа непосредно пред одморот благодарение на погодокот на Кировски, за во вториот дел Тетекс преку Наумовски во 66. минута и Јовановски во 73. минута, да стигне до важни бодови за изгенување на баражот.

резултати и стрелци:

Тетекс - Скопје 2:1
Наумовски 66', Јовановски 73' - Кировски 44'

одиграно вчера
Шкендија - Напредок 4:1
Емини 13', Ардијан Нухиу 37', Сали 58', Хасани (п) 80' - Левков (п) 81'

одиграно во саботата:
Силекс - Вардар 0:1
Фабио Силва 44'

Брегалница - Пелистер 4:0
Попанев 28', Георгиев 60', Велинов 75' Алексов (п) 90'

Металург - Хоризонт Турново 1:1
Илијоски 45' - Милушев 9'

Ренова - Работнички 2:2
Емини 45', Ристов 62' - Маневски 8', Тунески 29'

Табела:
Шкендија 64 бод
Металург 57
Ренова 52
Работнички 51
Хоризонт Т. 39
Силекс 38
Тетекс 37
Брегалница 37
Напредок 36
Скопје 30
Вардар 25
Пелистер 15.

Поради предвремените избори во Република Македонија терминот за одигрување на бараж натпревари за пополнување на Првата фудбалска лига, кој требаше да се одиграат на ден 05. јуни 2011. година (недела) се променува и истите ќе се одиграат на ден 02. јуни 2011. година (четврток) со почеток во 16:30 часот.

Согласно пропозициите во натперварувачката 2010/2011 година десетто пласираниот од првата лига игра со трето пласираниот од втората лига, деветто пласираниот од првата лига игра со четвртопласираниот тим од втората лига.

Управниот одбор при Фудбалската федерација на Македонија на денешната седница во Прилеп, го искористи овластувањето на Собранието на ФФМ да разговара за проширување на Првата фудбалска лига на Македонија и одлучи да го одбие предлогот елитното фудбалско друштво да се прошири на 16 членови.

УО при ФФМ донесе заклучок да се подготви посебна седница на која ќе се разговара за резултатите на фудбалската репрезентација на Македонија во квалификацискиот циклус 2012 година и понатамошниот статус на актуелниот селектор на националниот тим Мирсад Јонуз.

Тренерот на Работнички, Горан Петрески полека го комплетира составот за настапите во Лигата на Европа и новата сезона во домашното првенство. Најнови на списокот на засилувања, денеска промовирани, се Владица Брдаровски и Горан Станковски.

И двајцата ги одбработуваат првите полесни тренизи заедно со физиотерапевтот, со оглед на тоа дека имаат ситни повреди, но се очекува до недела кога Работнички на белградска "ЈНА" ќе одигра пријателски меч со Партизан, да бидат подготвени.

И Брдаровски и Станковски се повратници во македонскиот фудбал бидејќи изминатиот период настапуваа во Чешка (Брдаровски), односно Молдавија (Станковски).

„Очекувам во настапите во Лигата на Европа да стигнеме далеку и да играме со некој тим од рангот на Атлетико Мадрид и Тотенхем, а во домашното првенство да се бориме за шампионската титула“ - изјави актуелниот младински репрезентативец Владица Брдаровски.

"Мислам дека најквалитетната екипа во Македонија во моментов е Работнички и затоа мојот избор е токму Работнички“ - потенцираше повратникот во Работнички, Горан Станковски кој во 26 мечеви за Работнички има постигнато 14 голови.

Од таборото на Работнички и веста дека до заминувањето на мини-подготовките во Белград в недела се очекува и официјализирање на договорот на уште еден повратник во тимот од Дебар Маало, Димитрија Лазаревски кој веќе почна да ги одработува првите тренинзи со екипата.