КАРАОРМАН -  СТРУГА

ТОП 5 ЛОЈАЛНИ ФУДБАЛЕРИ

За македонските фудбалски интернационалци е вистинска реткост да издржат во еден клуб една или две сезони. Ние немаме свој Хавиер Занети, Аргентинец кој 15 години од својот живот му даде на италијански Интер. Ако се погледнат кариерите на некои фудбалери, тие како да се натпреваруваа кој ќе впише повеќе клубови во својата биографија. Но, таков е спортскиот живот, секогаш се бара нешто подобро.

"Вест" избра петмина македонски фудбалери кои невообичаено подолго останале верни на еден клуб.

1. Ока Николов

Можеби, не спаѓа во групата на интернационалци, бидејќи е германски државјанин, но кој друг фудбалер со македонско потекло може да се пофали со таква лојалност кон еден клуб. Николов е голман на Ајнтрахт Франкфурт непрекинато уште од 1994 година, па иако на периоди го губеше првотимскиот статус, оттогаш собра над 300 настапи. Пет пати го носеше и дресот на Македонија, но никогаш не зеде државјанство, па тоа беше ограничено само на пријателски средби.

2. Тони Савевски

Битолчанецот остави таква трага во дресот на АЕК, што и натаму се смета за еден од најдобрите странци кои играле во грчкото првенство. Тој го замени Вардар со атинскиот клуб во 1989 година и тој остана неговиот единствен клуб до крајот на кариерата 12 години подоцна. Во меѓувреме, одигра 356 натпревари и постигна импресивни 52 гола, а има и една сезона во Лигата на шампионите.

3. Николче Новески

Во Германија замина како анонимец од Пелистер пред 12 години, а денес е капитен на клуб од елитната Бундеслига. Од Ханза, преку Ерцгебирге, до Мајнц, 31-годишниот дефанзивец се селеше од првата во втората лига и обратно, но следната сезона ќе му биде седма по ред во дресот на популарниот "Нулфинфер". Колку е важен за тимот на Мајнц, покажува фактот што минатата сезона пропушти само еден од 34-те натпревари.

4. Бошко Ѓуровски

Постариот од најпознатите македонски фудбалски браќа носеше дрес на само два клуба откако во рани тинејџерски години го замени родното Тетово со Белград. Во првите 12 години, тоа беше Црвена звезда, каде што уживаше голема популарност меѓу навивачите. Остатокот од кариерата го помина во швајцарскиот прволигаш Сервет, кадешто се задржа шест сезони, до пензионирањето во 1995 година.

5. Илчо Наумоски

И додека секое лето се зборува дека ќе премине во овој или оној клуб, високиот репрезентативен напаѓач за тоа време успеа да собере околу 150 настапи и 40 погодоци во дресот на австрискиот прволигаш Матерзбург. Речиси целата кариера на прилепчанецот е врзана за австриската Бундеслига и во новото првенство влегува како староседелец на Матерзбург, играјќи ја шестата сезона.

Караџиќ и Цветков си заминаа од Силекс

 И покрај резултатската криза која владее во редовите на прволигашот Силекс, раководството на кратовци наместо да го засилува тимот, деновиве ослободи двајца играчи од обврските. Десниот бек Симе Цветков (19), иако летово пристигна во Кратово, по само два месеца го напушти клубот.
-Дојдов да играм, а не да седам на клупа. Не ја добив вистинската шанса од тренерот Андовски и затоа одлучив да побарам нова средина - вели Цветков.
Иако беше најавен како големо засилување, кратовци не успеаја да ги комплетираат документите на Црногорецот Миодраг Караџиќ и трансферот пропадна. На оваа листа може да се додаде името и на напаѓачот Благојче Марковски, кој иако има важечки договор со Силекс, уште од мај не се појавил во Кратово.
- Иако договорот не ми е завршен, мојот ангажман во Силекс е завршен. Во потрага сум по ангажман во странство, но пречка е обесштетувањето кое го бара Силекс - ни рече Марковски

Резултати од натпреварите во Првата македонска фудбалска лига

11.09.2010 А, откако не се прославија и нашите фудбалски репрезентативци, денеска се вративме во домашната реалност. Во 6-тото коло од првата лига тетовското дерби и припадна на Ренова, скопското на Вардар, Работнички успешно во Битола, врвот и натаму за Металург. Металург - Брегалница 1-0 со голот на Ѓуриќ. Силекс - Тетекс 0-0, Ренова - Шкендија 1-0, пресуди Али на десет минути до крајот. Вандаир, Вујчиќ и Маневски за Пелистер - Работнички 0-3. Вардар - Скопје 1-0, стрелец Пандовски. Утре Хоризонт Турново ќе го пречека Напредок. mailto:iJ&@jGpl - Табела: Металург 11 бодови Хоризонт Турново 10 Тетекс 9 Шкендија 8 Ренова 8 Напредок 8 Скопје 7 Работнички7 Пелистер 4 Силекс 4 Брегалница 3 Вардар 3 http://www.a1.com.mk/vesti/pecati.asp?VestID=127287 - http://www.a1.com.mk/vesti/sportpecati.asp?VestID=127287 - javascript:NovProzorec%28127287%29 - http://kajmakot.softver.org.mk/prijavi/?url=http://www.a1.com.mk/vesti/default.asp?VestID=127287 - http://kajmakot.softver.org.mk/prijavi/?url=http://www.a1.com.mk/vesti/sport.asp?VestID=127287 -

Најинтересниот натпревар од 8. коло во македонската Прва фудбалска лига, дуелот меѓу лутите ривали Вардар и Шкендија, заврши со триумф на гостите од Тетово. Така по пауза од неколку кола најтрофејниот клуб во нашата земја пак е на последното место на табелата, а прволигашот од Тетово со триумфот во Скопје покажа дека е подготвен да се бори и за шампионската титула.
Лидерот на табелата Металург и Пелистер одиграа без голови под Тумбе кафе, со што "металурзите" и натаму се без пораз, како и Тетекс, кој вечера му гостуваше на Хоризонт.
Екипата на Работнички по три успешни кола, одново ја почувствува горчината на поразот. "Романтичарите" се совладани од Силекс на гостувањето во Кратово, што им е трет пораз сезонава и одново се најдоа во долниот дел на табелата.

Резултати: Скопје - Напредок 1:0 (Кировски 90'), Вардар - Шкендија 0:2 (Сали 62', Цуцули 74'), Ренова - Брегалница 2:0 (Емурлаху 16', Али 52'), Силекс - Работнички 2:0 (Темелков 73', 90'пен), Пелистер - Металург 0:0. Хоризонт - Тетекс играа вчера.

Металург го прокнижи првиот пораз

Имате многу рамностојно првенство во Македоија

Во Кичево навивачите на Шкендија го симнаа македонското знаме

Шкендија без навивачи на гостувањата