Киро Глигоров (1917-2012)

• Македонија

По завршување на средното образование во скопје во 1936та Глигоров заминува во Белград каде се запишува на Правниот факултет, кој го завршува за три години. Во 41та се враќа во Македонија, а 43та се оженил со неговата сопруга Нада со која имаат две ќерки и еден син.

Глигоров во овој период двапати бил апсен, а членувал и во илегални македонски здруженија. 1941та се вклучува во подготовките на АСНОМ. На првото заседание на втори август 1944 го водел записникот а на истото е избран за член на АВНОЈ. На второто заседание е избран за член во президиумот на АСНОМ.

По формирањето на Југославија извршува голем број високи функции.

1945  до 1947 година работел како помошен генерален секретар на Претседателството на Владата на ФНРЈ.

1947 година,  Министерството за финансии на ФНРЈ,

Помошен министер за финансии до 1952 година.

1952 до 1953 година помошен претседател на Стопанскиот Совет на владата на Борис Кидриќ.

1953 до 1955 година заменик директор на Сојузниот завод за стопанско планирање

1956 Сојузната влада како секретар за стопанство-координатор.

1955 до 1963 година секретар на секретаријатот на СИС за општостопански работи.

1962 бил избран за член на Централниот комитет на СКЈ.

1962 до 1967  бил сојузен секретар за финансии.

Кога на 26 јули 1963 година, главниот град на СР Македонија, Скопје, го зафатил катастрофален земјотрес, Глигоров бил задолжен од страна на СИС за обнова на Скопје

1967 до 1969 станал потпретседател на Сојузниот извршен совет.

1969 до 1971 член на Претседателството на ЦК на СКЈ како и на Извршното биро.

1971 до 1972 член на Претседателството на СФРЈ.

1972 до 1974 член на Извршното биро на Претседателството на СКЈ

1974 до 1978 претседател на Собранието на СФРЈ

1978 до 1987 член на Советот на Федерацијата и член на ЦК на СКЈ.

Глигоров се пензионира во 1987 година, по што бил вклучен во тимот на претседателот на Сојузниот извршен совет, а во Македонија се враќа во 1989та.

27 јануари 1991 година со 114 гласови "ЗА", Киро Глигоров е избран за прв претседател на Република Македонија.

По референдумот на 8 септември 1991 година ја прогласи независност.

Во октомври 1994 година победува на првите претседателски избори во македонија со 52,4% од гласовите. 
На 8 април 1993 година Република Македонија стана 181 членка на Обединетите нации, за време на претседателскиот мандат на Глигоров.

На 3 октомври 1995 година врз Глигоров беше извршен неуспешен обид за атентат. Кој го преживеа атентатот со тешки повреди.
Случајот се уште не е затворен а МВР води истрага за откривање на атентаторот и по 16 години.

По атентатот Глигоров на функцијата се врати на 10 јануари 1996 година и ја извршуваше се до крајот на мандатот во 1999та.

Глигоров ја претставуваше државата на најзначајните светски настани.

Киро Глигоров не мируваше и во пензионерските денови, како активен публицист публицист. Во 2001 година ги објавува мемоарите „Македонија е се што имаме", а тој е  основач и на фондацијата Глигоров која поддржува проекти од културата и уметноста.

Глигоров е одликуван со:
Орден на југословенското знаме со лента
Орден на Републиката со златен венец
Орден Братство и единство со златен венец
Орден на трудот со црвено знаме
Орден 65 години од победата во големата татковинска војна 1941-1945.

Глигоров во 2005 година стана прв носител на „Орден на Република Македонија,,.

Иван Кузмановски

http://sitel.com.mk/dnevnik/makedonija/politichkiot-zivot-na-kiro-gligorov

Мислам дека Претседателот Киро Глигоров заслужи да има тема на овој подфорум. Иако дел од неговите дела не ми беа по ќејф особено изјавата дека Македонците се Словени и немат врска со Античките Македонци и Алекдандар Македонски, сепак го почитувам како политичар кој многу направи за Македонија. 

А за некој одлуки како промената на знамето и уставот и до ден денешен не ми е јасно колку тој бил директно виновен. Затоа мислам дека има добра основа да се продискутира за ликот на Киро Глигоров од историски аспект.