Близнаци - две во едно или едно во две?

Египетска загатка на тивката прегратка

...,,Нијанкхкхнум и Кхнумхотеп се држат за раце и се допираат со носовите, омилениот начин на бакнувањe.Двајцата мажи насликани во прегратка во една египетска гробница веќе 43 години цел на разни шпекулации.Пред повеќе од 40 години, кога египтолозите првпат влегоа во гробницата, очекуваа да бидат изненадени. Истражувачите на новооткриени гробници секогаш го очекуваат тоа, но овој пат не беа разочарани, беа збунети. Тоа беше во далечната 1964 година, пред Каиро, во непосредна близина на Скалестата пирамида во некрополисот на Сахара и малку подалеку од сфингите и пирамидите во Гиза. Во новооткриената гробница немаше кралски мумии или запрепастувачки накит. Меѓутоа, истражувачите сопреа со потрагата кога нивните ламби од керозин фрлија светлина врз уметноста на ѕидот во најсветата просторија.

Таму, изделкани во камен, беа сликите на двајца мажи како се прегрнуваат. Нивните имиња беа испишани над нив: Нијанкхкхнум и Кхнумхотеп. Иако не биле благородници, сепак, тие биле многу почитувани во палатата како главни маникири на кралот во периодот од 2380 до 2320 г. пр.н.е., во времето познато како петтата династија на Старото кралство. Дотерувањето на кралот била почитувана професија. Археолозите беа изненадени. Во антички Египет вистинска реткост било елитните гробници да бидат делени од две лица со очигледно ист статус. Вообичаената практика за таквите мртовечки храмови била тие да бидат последното почивалиште на една истакната личност, неговата сопруга и децата. И уште поневообичаено било две лица од ист пол да бидат насликани прегрнати. Во други сцени се гледа како тие се држат за раце и се допираат со носовите, омилениот начин на бакнување во антички Египет....,,


... ,,Сликите на Нијанкхкхнум и Кхнумхотеп изделкани во нивната гробница крај Гиза, подигната за време на Старото кралство. Со текот на годините уметноста од ѕидот на гробницата инспирираше забележителни шпекулации. Една интерпретација беше дека двете лица биле браќа, најверојатно идентични близнаци и ова можеби е најпрвиот опис на близнаци. Другата, пак, беше дека лицата биле во хомосексуална врска, понова интерпретација што доби поддршка меѓу геј-поддржувачите. Сега египтолог на Њујоршкиот универзитет влезе во дебата со трета интерпретација. Тој собрал посредни докази дека двете лица можеби биле споени близнаци, познати како сијамски близнаци...,,