Црвенковски не е добредојден во Грција ако патува

Претседателот Бранко Црвенковски го откажа учеството на Самитот на шефови на држави на Југоисточна Европа, што ќе се одржи на 13 јуни во Атина, поради несогласувањето на грчките власти за слетување на владиниот авион со кој требаше да пристигне шефот на македонската држава.

Кабинетот на претседателот соопшти дека за ваквата одлука на грчките власти е известен од Канцеларијата за врски на Република Грција во Скопје, од каде се понудени други начини за пристигнување на Црвенковски во Атина, а кои се одбиени од кабинетот како неприфатливи.

Причините за недозволеното слетување на владиниот авион се идентични со причините кои грчките власти и ги посочија на приватната авиокомпанија од Република Македонија, чии прелети беа забранети во Грција, се вели во соопштението од претседателскиот кабинет.

Според претседателот Црвенковски, ваквата постапка е спротивна на меѓународните норми и принципи и не придонесува во развојот на добрососедските односи и на заложбите за споделување на заеднички европски и демократски вредности.

Инаку, покана за учество на овој Самит до шефот на македонската држава беше упатена од страна на грчкиот претседател Каролос Папуљас и од генералниот директор на УНЕСКО Коичиро Мацура, кој е коорганизатор на Самитот.

Претседателот Бранко Црвенковски го откажа своето учество на Самитот на шефови на држави на Југоисточна Европа, кој ќе се одржи на 13 јуни во Грција поради забраната на грчките власти Црвенковски да слета во Атина со авионот на Владата на Република Македонија.
- Кабинетот на Претседателот за ваквата одлука на грчките власти е известен од грчката Канцеларија за врски во Скопје, при што од истата се понудени други начини за пристигнување на претседателот Црвенковски во Атина, кои се неприфатливи, се вели во соопштението од Кабинетот на Црвенковски.

Образложението за забраната за слетување на владиниот авион е идентично со причините кои грчките власти и ги посочија на приватната авиокомпанија МАТ, чии прелети беа стопирани од Грција само поради името на компанијата и ознаките на авионите.

Според шефот на државата, ваквата постапка е спротивна на меѓународните норми и принципи и не придонесува во развојот на добрососедските односи и на заложбите за споделување на заеднички европски и демократски вредности.

Ова е најсериозен дипломатски скандал на Грција досега, на кој вчера остро реагираше и македонската влада. Според владиниот портпарол Ивица Боцевски, ваквата одлука е само уште една во низата провокации и уцени од Грција, кои имаат за цел да ја натераат Македонија да попушти во спорот со името.
- Очигледно е дека продолжуваат оние ситни провокации од грчка страна поврзани со нашето име, идентитет, притисоци, закани и уцени да се реши спорот на начин кој не и одговара на Република Македонија. Таа тактика не беше, не е и нема да биде успешна, изјави Боцевски.

Покана за учество на овој Самит до Црвенковски беше упатена од страна на грчкиот претседател Каролос Папуљас и од генералниот директор на УНЕСКО Коичиро Мацура, кој е коорганизатор на Самитот.
Македонските власти веќе упатија протестна нота до Грција по забраните за прелет на авионите на МАТ, на што реагираше и Брисел, но Атина не ја повлече одлуката. Македонско-грчките односи не биле толку затегнати уште од времето на ембаргото од нашиот јужен сосед. (Д.М.)

НЕДОЗВОЛУВАЊЕТО ТРАНЗИТ ЗА ГРЧКИТЕ ВОЈНИЦИ НИЗ ЗЕМЈАВА, ГИ ЗАТЕГНУВАЛО ОДНОСИТЕ СКОПЈЕ-АТИНА!
Грција пак ни се заканува со НАТО!

За македонските надлежни институции, грчките видувања се неосновани, бидејќи во Брисел е констатирано дека е неопходно комплетирање на документите
Грчките војници се сили на НАТО и за проблемот со Македонија ќе се занимава Алијансата и КФОР, вели министерката за надворешни работи на Грција, Дора Бакојани, во изјавата што ја пренесуваат грчките медиуми. Министерот за одбрана на Грција, Евангелос Меимаракис констатира дека овој проблем ги затегнува односите меѓу Атина и Скопје. "Македонското Министерство за надворешни работи ја обвини грчката страна дека користи политика за да ја претстави Македонија како поттикнувач на проблеми. Скопје забрани минување низ неговата територија на грчки воен конвој. Војниците беа сопрени на влезот во Македонија и вратени назад, откако македонските цариници им побарале документи на КФОР", пишуваат грчките медиуми.

Во земјава не се чекаше Атина да го информира НАТО за случајот, туку надлежните во Брисел веднаш беа запознаени по што се констатираше дека грчките војници кои беа упатени кон Косово мора да ја комплетираат документацијата. Од граничната полиција информираа дека до вчера попладнето не им било најавено дека во Македонија треба да влезе грчкиот воен контингент кој ќе транзитира до Косово. Оттаму укажуваат дека пријавувањето на транзитот на вакви контингенти се врши преку координативниот центар на НАТО силите што се наоѓа во Петровец.

Фактите во случајот се на страна на Македонија. Согласно со СОФА договорот за движење на вакви воени конингенти потребен е НАТО патен налог и документ за идентификација, а не како што беше случајот со овој контингент на мировници кои поседувале само национални документи напишани на грчки јазик, а списокот на луѓе и опрема не одговарал на фактичката состојба. Како што информираа од македонското МВР во вторникот од грчка страна пристигнал автобус со 46 војници, кои требале да се приклучат на контигентот на НАТО на Косово, по неколку часа пак на граничниот премин пристигнал конвој од 25 грчки воени возила со уште 77 војници кои исто така не поседувале соодветни документи. http://www.vecer.com.mk/?ItemID=10D912B3AFEEDB4E83C030014E83680F