Грижа кон родителите

Второзаконие 5:16

   Во христијанството грижата кон родителите е посебно нагласена. Таа не само што е стимулирана во Светото Писмо, туку таа претставува и обврска.
Во Стариот Завет грижата кон родителите е заповедана во 10-те Божји Заповеди.

Почитувај ги татка си и мајка си, како што Господ, твојот Бог, ти заповеда, за да живееш долго и за да ти биде добро на земјата, што Господ, твојот Бог, ти ја дава. 
(Второзаконие 5:16)

Исполнувањето на оваа заповед Бог го наградува со долг и добар живот на земјата. "за да живееш долго и за да ти биде добро на земјата".
Бог толку ја нагласил грижата кон родителите што за прекршувањето на оваа заповед, санкцијата било смртна казна!
"Кој ќе ги проколне татка си или мајка си нека биде погубен.”
(Излез 21:17)

Во Новиот Завет почитта и грижата кон родителите исто така е повторена од Исус Христос и од апостолите.
Тука ќе ги повторам стиховите кои Мариа Магдалена ги наведе:

“Деца, на родителите свои бидете им послушни во се, зашто тоа Му е благоугодно на Господа!“
(Колошјаните 3:20)

“Вие деца, бидете им послушни на родителите свои, во името на Господа, зашто тоа е справедливо. Почитувај ги татка си и мајка си - тоа е првата заповед со ветување, за да ти биде добро, и да живееш долго на земјата“
(Ефешјаните 6:1-3)

Интересна е тука забелешката на апостолот дека, иако ова било 5тата заповед од 10-те Божји Заповеди, сепак ова е првата заповед со ветување (награда!)

Исто така интересно е да се спомне дека кога Исус, како по обичај, се препирал со фарисеите и книжниците тој во една прилика ги укорил нив заради нивното лукаво прекршување на оваа заповед заради некои си свои традиции (човечки преданија).

"Тогаш фарисеите и книжниците, од Ерусалим, Му пристапија на Исуса и рекоа: ”Зошто Твоите ученици го престапуваат преданието на старите? Бидејќи не си ги мијат рацете, кога јадат леб.” А Тој во одговор им рече: „Зошто и вие ја престапувате Божјата заповед, заради вашето предание? Зашто Бог рекол: ‘Почитувај ги татка си и мајка си,’ и ‘Кој го злоречува татка си или мајка си, со смрт нека умре;’ а вие велите: кој ќе му рече на татка си, или на мајка си: ‘Она со што би можел да се ползуваш од мене, Му е подарено на Бога, тој не треба да дава на татка си или мајка си;’ и така го укинавте Божјиот збор заради вашето предание. Лицемери! Добро Исаија пророкуваше за вас, велејќи: ’Овој народ Ме почитува со усните, а нивното срце е далеку од Мене. Но напразно Ми се поклонуваат, учејќи науки, што се човечки заповеди.’”
(Матеј 15:1-9)

(Забелешка: Верувам дека Исус слично би ги искарал и денешниве православци кои, исто така, заради своите преданиа ги прекршуваат Божјите Заповеди)

Исус Христос уште како мал (12 годишна возраст) им бил послушен на Своите родители.

И слезе со нив и дојде во Назарет, и им беше послушен.
(Лука 2:51)

Толку би додал јас на оваа тема, иако не верувам дека оваа тема би произвела некоја посебна дискусија на форумов. Познато е дека кај сите верници присутни на овој подфорум (муслиманите, христијаните, православците, атеистите итн.) грижата кон родителите е императив.

Внеси реплика	страница <123 4 7 >
Tweet