Верските слободи се нов приоритет за Македонија

Билјана Ставрова

Надбискуп Доминик Мамберти

Верските слободи нов приоритет за Македонија. Усвојувањето на законот, со кој црквата на Вранишковски и одвоената бектешка заедница би добиле легализација, мора да се случи што побрзо, за Македонија да добие позитивни оценки од Европската Унија и НАТО.

Кревањето на приоритетот за усвојување на овој закон следува откако политичкиот дијалог профункционира, со што автоматски беше симнат од дневен ред.

Само два дена откако генералниот секретар на НАТО, Шефер, од Охрид го посочи како клучен елемент за членство, а Советот на Европа донесе резолуција, денеска и Ватикан притисна врз македонската Влада.

„Светата столица верува дека наскоро ќе биде донесена легислатива, особено во делот во врска со религиозните слободи, која ќе биде во согласност со европските стандарди“, изјави надбискуп Доминик Мамберти, шеф на дипломатијата на Ватикан.

Главна пречка за усвојувањето на законот за верски слободи е противењето на МПЦ и Исламската верска заедница. Двете најголеми верски заедници не го менуваат ставот - законот е непотребен.

Портпаролот на МПЦ, владиката Тимотеј, со оценка, освен некои ситни протестантски групации кои ловат во матно, МПЦ, католичката црква и ИВЗ се едногласни дека не е потребна либерализација во верското делување.

Поглаварите на најголемите верски заедници од средбата со надбискупот Мамберти, кој е денеска во Скопје, да ја пренесе пораката од Ватикан, излегоа со изјави дека критиките од НАТО и ЕУ не се упатени директно кон црквата и верските заедници.

„Верските заедници ги уживаат правата и од наша страна нема никакви забелешки во тој поглед“, рече г.г.Стефан, поглавар на МПЦ.

„Веруваме дека секој еден граѓанин, секој еден верник во РМ ќе се почувствува дека ги ужива сите права“, вели реис ул улема ефенди Реџепи, поглавар на ИВЗ.

Министерот за надворешни, Милошоски, оптимист. Законот е во финална верзија, наскоро ќе влезе во Парламентот.

Антонио Милошоски

„Сигурен сум дека тоа ќе биде еден модерен закон кој во себе ќе содржи квалитет, можеби на одредени места и подобар во однос на регионалните постигнувања во овој правец“, рече Антонио Милошоски, министер за надворешни работи на РМ.

Посетата на надбискупот Мамберти беше повод за покана до папата Бенедикт 16-ти да го посети регионот.

На денешната средба во Клубот на пратениците, најголемите верски лидери од земјава заедно со надбискупот Мамберти не разговарале за законот за верски заедници, кој што во последниве три години доживеја осум верзии, а од февруари годинава чека да влезе во собраниска процедура. Тие меѓу себе разговарале за нивната добра меѓурелигиска соработка.

Малку постара вест, но ИНТЕРЕСНА

Груевски: Недостоинствено е да се моли за влез во „Прохор Пчињски“

Горан Момировски

Никола Груевски

Владата сака да го зачува националното достоинството и затоа по три недели чекање го повлекла барањето, српската Влада да посредува кај МПЦ на македонска делегација да и се дозволи да го посети „Прохор Пчињски“ на Илинден.

Според Премиерот, срамота е нацијата секоја вечер до 2 август пред ТВ екраните да исчекува дали СПЦ ќе се смилува и ќе дозволи прослава на местото каде што е одржано второто заседание на АСНОМ.

Груевски сепак остави можност, Собранието или Претседателот да продолжат со дипломатските напори и преку своите канали да добијат дозвола за чествување на Илинден на српска територија.

Тој не пропушти да му префрли на претседателот Црвенковски за посетата на „Прохор Пчињски“ пред три години, кога Црвенковски се ракуваше со Јован Вранишковски.

„Мислам дека додека не се разрешат односите меѓу МПЦ и СПЦ ние не треба на таков недостоинствен начин Да се изложуваме до последен ден, до последна минута да чекаме што ќе се случи, инаку тоа е одлука на владата. Освен владата државата има и други институции, има Собрание, има Претседател, коишто може да имаат различно мислење и понатаму да чекаат, до последниот ден, некои од нив можеби имаат желба да се ракуваат со расколникот Јован“, изјави Никола Груевски.

Според премиерот, одлуката на Македонската телевизија, која побара Шефот на државата да го финансира телевизискиот пренос од Пелинце каде тој ќе говори, е неразумна.

Сепак, кај Груевски се уште постои дилема дали тоа е е навистина одлука на МТВ или, пак, се работи за нарачка на претседателот Црвенковски за да се претстави во јавноста како жртва на владата.

Патријархот на Романската Православна Црква се Упокои во Господа

Блаженејшиот Теоктист (Арепашу) е роден на 7-ми Февруари 1915 год. во селото Точилени во Ботошанската област во североисточна Молдавија. На 5ти Март 1950 год. бил ракоположен во Епископ ботошански.

Изборот на неговото Блаженство Теоктист за Претстоител на Романската Православна Црква е направен на 9-ти Ноември 1986 год., а чинот на интронизацијата е извршен на 16 Ноември истата година.

Неговото Блаженство беше петтиот Патријарх на Романија.

Патријаршиската резиденција на Романскиот Претстоител и катедралниот храм во чест на рамноапостолните свети Константин и Елена се наоѓаат во Бук*решт.

На 30-ти Јули Блаженејшиот Патријарх Теоктист се пресели при Господа како резултат на срцев удар после извршена хируршка интервенција.

На 31- Јули телото на упокоениот Претстоител ќе биде пренесено во катедралниот храм на Бук*решт. Денеска Постојаниот Синод на Романската Православна Црква ќе ја донесе прогармата на простување со Патријархот Теоктист.