Полициска држава-Објаснение

        OBJASNUVANJE


             ИНФОРМАЦИИ ОД ВЕСТИ НА А1

Сите корисници на дрога не се криминалци

Сите корисници на дрога не се криминалци, извикувајќи ја оваа парола 15 невладини организации од мрежата за намалување на штети, протестираа пред Собранието.

Сакаа да им дадат до знаење на пратениците дека не треба да го гласаат законот, каде корисниците на дрога и дилерите се изедначени.

Донесувањето на овој закон, според нив, не само што има сериозни недостатоци, туку и е спротивен од националната стратегија за дроги донесена во Собранието минатата година.

„Третманот на овој проблем го враќа петнаесетина години назад и нема никаква врска ниту со европски, ниту со цивилизациски стандарди“, изјави Владимир Милчин, Институт отворено општество.

Новиот закон не ги почитува човековите права и ја руши заштитата на приватност на личниот и семеен живот на зависникот.

„Ќе дојдеме во ситуација да се доведеме да прекршуваме човекови права, па потоа да го лечиме проблемот што сами ќе го создадеме“, рече Мирјана Најчевска, Сектор за човекови права и разрешување конфликти.

На пратениците, на влезот од Собранието, се обидоа да им образложат зошто да не го поддржат законот. Но, протестот очигледно нема да влијае на нивната одлука за или против.


Со предлог законот за користење дроги и психотропни супстанции, ќе се стават во ист кош зависниците и криминалците кои произведуваат и продаваат дрога, предупредуваат невладините организации и експертите.

Според нив, спорен е членот од законот во кој стои дека за да се сузбие неовластената употреба и промет на опојните дроги, државните органи, општините, училиштата, културните установи, здруженија на граѓани, сите треба да пријават во полиција ако дознаат работи поврзани со злоупотреба на опојни дроги и психотропни супстанции.

„Ако зборуваме за приватност и ако зборуваме за право на дискреција, што е дефинирано во законот за пациентите и за што владата строго се залага, сега произлегува дека ние докторите ќе бидеме обврзани да ги пријавуваме сите пациенти, кои и така се тешко достапна група, која се крие заради ставот на општеството“, изјави Славица Гајдаѕис Кнежевиќ, невропсихијатар.

„Нашето прашање е дали воопшто може да се зборува за заштита на животот и здравјето на луѓето што употребуваат дрога, ако истите прво се прогласат и се третираат како криминалци, што треба да се сузбијат на исто рамниште со производителите и трговците на дрога“, рече Елеонора Стојановиќ, претседател на ММНШ.

Невладините организации кои работат со корисниците на дрога го критикуваа Министерството за здравство дека не биле консултирани при изработката на законот.

Не била побарана помош ниту од Министерството за труд и социјала, ниту во делот за остварување на социјалната заштита на зависниците.

Од Министерството за труд велат дека им било побарано мислење за законот дури кога бил готов. Законот е веќе на дневен ред во Собранието, пратениците за него ќе дебатираат в понеделник.


Секоја ординација да води евиденција на препишување на лекови кои содржат опојни дроги, како што се хептанон, метадон, барбитурати. На ваков начин ќе се избегнат злоупотребите и ќе се знае кој лекар на кого го препишал лекот. И аптеките ќе водат регистар на издадени лекови.

„Таа документација ќе им биде достапна во секое време и на Министерството за здравство, значи на Секторот за контролирани супстанции кај нас, на МВР“, изјави м-р Илчо Захариев, директор на Биро за лекови.

Ова го предвидува новиот предлог закон за опојни дроги кој деновиве ќе се најде во владина процедура. Целта е да се намали потрошувачката и нелегалното производство на опојни дроги.

Како транзитна земја, Македонија е на удар. Преплавена со разни видови дрога, доживува експлозија од бројот на зависници. Најопасната, хероинот, ја користат 52% од зависниците, 40% земаат марихуана, 8% се на синтетички дроги.

Во Струмица е најден нов многу опасен вид синтетичка дрога, донесени како таблети од Унгарија. Веднаш е ставена на листата контролирани супстанции.

„Во државата ни се појави нешто што досега го немаше, а тоа е мескалинот. Тоа се практично халуциногени дроги кои доаѓаат од Централна Америка, но се запленети и спори кои можат лесно да се одгледуваат во кој било визба“, рече Захариев.

Ригорозни казни предвидува кривичниот закон. Глоба од 10 до 15 илјади евра предвидуваат новите прекршочни санкции за сите оние кои одгледуваат и вршат производство на опојни дроги.



Изменето од dzole007 - 20.Јули.2007 во 14:22

kako toa mislis izednaceni ...za kolku grama ? za doza sto pisue u zakonot toj ?

Nasava vlada, konstantno naogat nekoj zakoni kolku da se zanimavet tie i da macket oci deka rabotet nesto i diskutiret za nekoj banalni zakoni dali da gi doneset ili ne ko se drugo da e vo red vo drzavava

znaci pojma nemate sto kako

slusaj ajde odjebi u velikim koracima  ...

pa koj rece deka imam ??:??

u koja smisla se izednacuva ?