ВЕРСКИ ВЕСТИ

МАКЕДОНЦИте ВО АВСТРАЛИЈА РЕВОЛТИРАНИ ОД МИТРОПОЛИТОТ

Митрополитот деспотски, со диктатура управува со црковните општини и имоти, се жалат Македонците во Австралија

Владиката Петар со години врши духовен тероризам врз нас и тој веќе ја доживеа својата кулминација, обвинуваат припадници на македонската заедница во Австралија. Тие се револтирани што Синодот на МПЦ досега не го отворил прашањето за проблемите во Австралиско-новозеландската епархија, ниту покажал волја да ги реши. Македонците реагираат на волунтаризмот на владиката, кој со своето однесување се' повеќе ги дистанцира иселениците од МПЦ. 
- Последната жртва на владиката Петар е Дончо Јазевски, претседател на „Св. Недела“, кој со своите сонародници издигна духовен храм, а за возврат митрополитот го казни со одземање на Светата причест и го отстрани од функцијата без да се одржи собрание - вели Ицо Најдовски, уредник на македонската радиопрограма „ЗЗЗ“

Според него, повеќе од триста илјади Македонци се загрижени за постојните проблеми во Македонската австралиска православна епархија. Вели дека ни најстарите македонски жители на Австралија не паметат вакви делби во македонската заедница предизвикани од духовно лице, кое треба да ја претставува МПЦ и да ги обединува, а не разединува луѓето.

Јазевски е само еден од многуте примери на недуховно однесување на митрополитит.

- Во еден документарен филм го искажав моето незадоволство од владиката Петар, свештенството, епархијата и нејзините органи и тела. Документарецот беше прикажан во Македонија и веднаш потоа била донесена одлука без Црковен суд, без Суд на честа, без какви било информации доставени до мене, дека по наредба на владиката не смеам да земам причест - објаснува Јазевски. Тој бара прошка што со години грешел, давајќи му поддршка на митрополитот Петар, а преку него и на МПЦ.

Според нашите соговорници од црковните општини во Мелбурн, Сиднеј, Канбера... проблемите во македонската заедница почнале во 1996 година, со доаѓањето на владиката Петар, како надлежен за таа епархија.

- Откако ја презеде епархијата, тој постепено почна да се ослободува и да ги брка од црковните општини токму луѓето што го донесоа во Австралија. Оттогаш до денес направи неколку промени во статутот и во правилникот на македонските православни црковни општини. Владиката Петар планирано успеа да изгради цврст монопол со некои од свештениците. Сето тоа му даде и огромни ингеренции на деспотски начин и преку својата диктатура да управува со црковните општини и со црковните имоти - вели Најдовски.

Македонците во Австралија го сметаат за контроверзно неговото поставување за митрополит. Лично Петар ги „поучувал“ иселениците како да побараат смена на тогашниот митрополит Тимотеј. Благодарение на неговите блиски соработници од Австралија, кои му дале безрезервна поддршка, тој успеал да го добие владичкиот престол во Австралија. Меѓу нив најверни му биле Ристо Димовски и споменатиот Дончо Јазевски од Голд Кост, Боб Спасеноски од Канбера, Симе Ацевски, Јанко Георгиевски и Миле Панов од Мелбурн, Мирче Аневски и Александар Дупешоски и отец Митко Мачески од Сиднеј, како и Трае Трајановски од Њу Кастел. Во тоа време Петар имал поддршка и од други македонски лидери и активисти. Но, не ги исполнил ветувањата што ги дал пред да биде избран за митрополит, а за да не мора да даде отчет во телата и во органите на епархијата поставувал само свои луѓе, најчесто свои роднини.

Македонската заедница во Австралија денес има околу 37 црковни објекти со имотен капитал од над 60 милиони долари.

- Користејќи ја и злоупотребувајќи ја довербата на верниците, тој успеа да придобие голем дел од македонскиот народен имот во Австралија. Ако се земе предвид дека имотот вреди над 60 милиони долари, не е чудно ако владиката Петар се полакомил по имотите - велат Македонците во Австралија. Тие очекуваат Синодот на МПЦ да го повлече владиката Петар од епархијата, а за проблемите што тој ги предизвикува меѓу Македонците во Австралија ќе го известат премиерот Груевски.

(Р.Д.)

е, секоја му чест на митрополитов

ЦАРИГРАДСКА ПАТРИЈАРШИЈА

Вишемилионска грчка заједница у Америци предузима бројне кораке како би помогла Цариградској патријаршији, сматрајући да је изузетно угрожена од турских власти. Веома утицајно братство мирјана „Свети Андреј Првозвани“ иницирало је оштро писмо, које су потписала 42 од 50 чланова спољнополитичког одбора америчког Конгреса, у коме се тражи од Турске да одмах измени своју политику према патријаршији и укине све рестрикције према њој. Братство, чији се чланови називају „архонти Васељенског трона“, има око хиљаду чланова, готово искључиво Грка, који својим великим иметком или положајем утичу на америчку политику.
Образлажући захтеве према Турској, предстојник братства, Антоније Лимберакис изнео је да у Турској живи само 2.500 Грка, већином старих. Како власти траже да патријарх и епископи буду рођени у Турској и њени држављани, ускоро кандидата за  епископат неће бити, што угрожава опстанак патријаршије. Није далеко тренутак да у Турској више не буде Грка. Та држава мора да призна да патријарх не води турску инситуцију, како говоре, већ да патријаршија има историјски, васељенски, светски карактер који је признат, како од свих православних, тако и од неправославних Цркава и других религија. Турски став је „екстремно антипатријаршијски“, а САД морају да искажу „одлучност“ и заштите хришћанске установе.
Апели упућени Турској до сада нису доносили резултате. Прошле године протест је упутио амерички Сенат, а ни Европска унија својим интервенцијама није ништа постигла.
Генерални секретар Светског савета цркава (ССЦ), пречасни Самуел Кобија упутио је турској влади писмо у коме тражи заштиту за хришћане, а посебно указује на угрожавање живота патријарха Вартоломеја и јерменског цариградског патријарха Месроба. Кобија  осуђује „грозно убиство“ тројице хришћана недавно у Малатији, истичући да то није усамљен случај.

ЕУ: Кршењето на верските слободи е неприфатливо

Билјана Ставрова

Нова порака од Европа. Кршењето на верските слободи е неприфатливо. Советот на Европа, чија членка е и Македонија, донесе резолуција за почитување на принципот за одвоеност на црквата од државата.

Комитетот на министри на Советот на Европа доби задача да им го обезбеди на сите верски заедници правото на слободна вероисповест во земјите-членки на организацијата. Меѓу нив е и Македонија со закон за верски заедници кој со години чека своја либерализација.

За теолозите, проблемот околу донесувањето на новиот законот е во најголемите верски заедници. МПЦ се штити од црквата на Вранишковски, а ИВЗ од одвоената бектешка заедница.

Затоа не се откажуваат од спорниот член 8, кој недозволува регистрирање на две верски заедници од иста вероисповест.

„Нашата реалност најубаво ние ја знаеме, без оглед што некои од надворешните релевантни фактори можеби добронамерно мислат дека ќе се обезбеди доза на поголема демократија за некоја работа“, изјави Сулејман Реџепи, поглавар на ИВЗ.

„Треба да се почитуваат 99% од припадниците на верските заедници во оваа земја“, рече г.г.Стефан, поглавар на МПЦ.

Аналитичарот Даниел Димевски за А1 објаснува, Македонија како демократско општество мора да ги прифати препораките од Советот на Европа.

Тоа значи сериозна конк*ренција на различните конфесии. Нашиот специфичен случај, признавањето на таканаречената охридска архиепископија, ќе наиде на ограничувања, и тоа поради заштита на автентичното име. Од страна на Вранишковски е направена злоупотреба, името ќе биде предмет на рестрикција, вели Димевски.

Законот за верски заедници за три години претрпе осум верзии. Иако беше најавено во Парламентот да влезе пред пет месеци, тоа не се случи.

Последната декларација од Советот на Европа треба да ги натера македонските владици конечно да сфатат дека новиот закон за регистрација на верските заедници, кој треба да го донесе Собранието на РМ, мора да ја добие својата најлиберална форма.