Трансфери 09-10

Реал нуди 80 милиони евра за Кака

Кралскиот клуб од Мадрид е готов да му понуди на Милан сума од неверојатни 80 милиони евра, за да оваа екипа во своите редови го добие извонредниот напаѓач Кака. За да се реализира ваквата намера мадриѓаните во текот на следната недела планираат во Милано да испратат делегација која ќе се обиде да го убеди раководството на Милан во своите намери. Неофицијално, за Милано ќе патуваат Мијатовиќ и Балдини. Овие двајца влијателни функционери на Реал веќе разговарале со менаџерот на Кака, Гаетано Паолино, меѓутоа нивната намера најверојатно ќе биде тешко остварлива, бидејќи раководството на „росонерите“ реши да го задржи најдобриот свој играч и во следната сезона.

Интер предлага замена на Адријано за Ето

Италијанскиот првак Интер, е готов да му предложи трампа на каталонскиот гигант Барселона, според која напаѓачот Адријано би заминал во редовите на шпанскиот прволигаш Барселона, а во спротивен правец би пристигнал камерунецот Самуел Ето, пишува во вчерашниот број на шпанскиот дневен весник „Ел Мундо Депортиво“. За ваквата можност како што дознава овој медиум било разговарано на заедничката вечера, која ја организирал поранешниот член на каталанскиот клуб Луис Фиго, а сега член на Интер, со првиот човек на Барселона, Жоан Лапорта. Италијаните предвидуваат и поголема парична сума за трансферот на Ето во нивниот клуб, која засега остана во тајност. Лапорта посакува во следната сезона во своите редови да го има двоецот Адријано - Роналдињо кој според него и досега одлично функционирал во редовите на бразилската репрезентација.