Дали постои Бог?

1.     Верувањето во Бог:

Муслиманите веруваат во еден, единствен, неспоредлив Бог, Кој нема син ниту здруженик, и никој нема право да биде обожуван освен Него. Тој е Вистинитиот Бог, и секое друго божество е лажно. Тој ги поседува најубавите и највеличенствените имиња, и совршените и возвишени својства. Никој не ја поседува Неговата божественост, ниту пак Неговите својства. Во к*ранот, Бог се опишува Себе си во следниве стихови:

            „Кажи: ,Тој е Алах, Еден е! Алах е заштитник секому. Не родил и не е роден, и никој не Му е рамен!‘“

(к*ран, 112: 1 - 4)

Слика: 112. поглавје  од к*ранот, напишано со Арапска калиграфија.

Никој нема право да се призива, да се моли, да му се моли, или да му се искажуваат дела на обожување, освен на Бог.

==============================================================46

Бог е Семоќен, Создател, не зависи од никого, Одржувач на целиот универзум. Тој управува со сите работи. Тој не зависи од Неговите созданија, а сите Негови созданија зависат од Него. Тој сè слуша, сè гледа и сè знае. На совршен начин, Неговото знаење ги опфаќа сите работи, и она што е јавно и она што е тајно. Тој знае што се случува, што ќе се случува и како ќе се случува. Ништо во светот не се случува без Неговата одредба. Она што Тој ќе одреди да се случи, се случува или да не се случи, нема да се случи, ако Тој така одлучил. Неговата волја е над волјата на луѓето. Тој има моќ над сите работи, и Тој е моќен да направи сè. Тој е Милостивиот, Сомилосниот, и Најдоброчинителот. Во едно од кажувањата на Пратеникот Мухамед, нека е Божјиот мир над него, стои дека Бог е помилостив кон Своите созданија, отколку мајката кон своето дете.[1] Бог не е неправеден ниту насилен. Тој е Најмудар, во сите свои постапки и одлуки. Ако некој бара нешто од Бога, тој тоа може да го бара директно од Него, без да бара некој посредник.

Бог не е Исус, и Исус не е Бог.[2] Дури и самиот Исус, го негирал тоа. Бог ни вели во к*ранот:

„Сосема не веруваат оние кои што велат: ,Алах е Месих, синот на Мерјема.‘ А Месих говореше: ,О синови Израилови, обожувајте Го Алах – Господарот мој и Господарот ваш! На оној кој што ќе му припише здруженик, Алах ќе му го забрани Џенетот и престојувалиштето негово ќе биде огнот! На неверниците никој нема да им помогне!‘“

 (к*ран, 5: 72)

================================================================47

Бог не е тројство. Бог рекол во к*ранот:

„Сосема не веруваат оние кои велат: ,Алах е еден од тројцата.‘ Нема друго божество достојно за обожување освен еден Бог. А ако не престанат со она што го зборуваат, болна казна, навистина, ќе го стигне секој од нив кој неверник ќе остане. Зошто не Му се покајат и не побараат прошка од Него? А Алах е Простувачот и Сoмилосниот! Месих, синот Мерјемин, е само пратеник.“

(к*ран, 5: 73 - 75)

Исламот негира дека Бог се одмoрил седмиот ден откако го создал светот, и дека Тој се борел со еден од Неговите ангели, и дека Тој ковал завера против човештвото, или пак дека Тој се инкарнирал во човечко суштество. Исламот исто така негира припишување на било какво човечко својство на Господ. Сето ова се смета за богохулие. Бог е Возвишен. Тој е далеку од било каков недостаток. Тој никогаш не се заморува. Тој никогаш не спие.

Арапскиот збор Алах се однесува на Бог (Еден и Единствен, Вистинитиот Бог, Кој е Создателот на целиот универзум). Зборот Алах е едно од имињата на Бог, кој се користи од страна на оние кои што зборуваат арапски, од страна на Арапските муслимани и од страна на Арапските христијани. Овој збор единствено се користи за да се опише Божјото едноштво. Зборот Алах, се појавува во к*ранот 2150 пати. На Арамејскиот јазик, јазик кој е многу сличен со Арапскиот, а е и јазикот кој што Исус вообичаено го зборувал,[3] за Бог исто така се користи зборот Алах.