ВЕРСКИ ВЕСТИ

Огромен билборд го покри влезот на Соборниот храм

Билјана Ставрова

26.03.2007

Еден од најголемите билборди во градот, го покри влезот на Соборниот храм. Место поглед на најголемата црква во Македонија, сега верниците ќе гледаат рекламни пораки од билбордот на „Еуролинија“.

Со жестоките реакции, свештениците минатата година успеаја барем да го одложат поставувањето на рекламното пано. Дали сега „Еуролинија“ добила амин од првите луѓе на МПЦ?

Старешината на Соборниот храм, отец Васил Станков, остана недостапен за А1.

Одлуката на одговорните ги разедини свештениците во Храмот, едни се спротивставуваат, други не сакаат да коментираат.

Иако пред четири месеци градоначалникот на Скопје, Трифун Костовски го убедуваше архиепископот Г.г. Стефан дека не дал дозвола за поставување на билборд пред Соборниот храм, денес „Еуролинија“ ја заврши својата работа.

Македонската јавност се надева дека билбордот кој е исправен пред врата на Храмот, ќе биде отстранет пред велигденските празнувања.

„Не е во ред, против билборди сум. Огромно е, не ми се допаѓа, а по професија и архитект сум па малку и тоа ме боли, ама нема каде да се каже, сигурно дека ќе го тргнат, не му е местото таму“, велат граѓаните.

Градските власти сметаат дека рекламното пано не го попречува одвивањето на сообраќајот, на раскрсницата пред Храмот.

ГРАЃАНИТЕ И АРХИТЕКТИТЕ РЕАГИРААТ НА ПАНОТО ПРЕД СОБОРНАТА ЦРКВА

Билбордот го „собори“ црковниот храм

Градските власти најавуваат дека ќе ја преиспитаат дозволата за поставување на рекламното пано и најверојатно ќе го тргнат од пред верскиот објект


Поставувањето билборд пред Соборниот храм „Свети Климент Охридски“ е голем скандал и упад во јавниот простор без никаква контрола, револтирано реагираат архитектите и граѓаните. Тие бараат градските власти итно да ја повлечат дозволата што и' ја дале на фирмата „Еуролинија“ за поставување големо рекламно пано пред маркантниот верски објект. 
Веќе неколку дена работниците го поставуваат големиот билборд, кој е долг осум, а висок три метри. Конструкцијата за паното почна да се мести лани во ноември, но тогаш бурно реагираа свештените лица од црквата. Тие се закануваа дека сами ќе ја урнат ако Градот не го стори тоа, плашејќи се дека најголемата црква ќе ја засенат непристојни реклами. Но завчера секретарот на Скопската епархија, прота Коста Станоевски, рече дека дале согласност за монтирање на големото пано, под услов таму да се афирмираат и религиозни содржини.

- Со „Еуролинија“ и градските власти се договоривме на билбордот да нема непристојни пораки. Договорено е црквата да добие и донација за дозволата што ја дадовме - рече прота Станоевски.

Граѓаните што вчера го посетуваа Соборниот храм беа зачудени од монтирањето на билбордот и се прашуваа како црквата и градските власти го дозволиле тоа.

- Ова е криминал. Ја кријат црквата со билборди. Билбордот мора итно да се тргне, а градските власти да сносат одговорност. Кој може да гарантира за содржините што ќе се промовираат на него, денес за пари се' се може - велат верниците.

Архитектите сметаат дека просторот на кој е изграден Соборниот храм е значаен за целиот град, а неговото нарушување со комерцијални билборди е чин што ја прелева чашата со погрешните урбанистички експерименти.

- Ова веќе не може да се поднесе, постапката е скандалозна, без трошка здрав разум и мора да се санкционира. Не може комерцијалните пораки да го заземаат просторот на архитектурата во градот. Мора да се преиспита целата политика на рекламирање на јавните површини. Има градови во кои воопшто нема реклами во центарот, а кај нас најубавите глетки на објектите се узурпираат со реклами. Апелирам градските власти итно да го тргнат билбордот од пред црквата, оти градот им припаѓа на сите, а не на поединци - вели Минас Бакалчев, професор на Архитектонскиот факултет.

И претседателот на Здружението на архитектите на Скопје, Вангел Божиновски, гледа скандал во билбордот пред „Свети Климент Охридски“.

- Тоа не е во ред, има места на кои може и места на кои не може да се поставуваат големи реклами. Постапката со овој билборд е вистински фаул, а оној што го дозволил тоа треба веднаш да си замине од функцијата. Градските власти направиле сериозен пропуст, а и „Еуролинија“ згрешила што ја прифатила локацијата. Во случајов не се работи за обична црква, тоа е Соборен храм на МПЦ и неговата околина мора да се третира со големо внимание. А тоа што така лесно се носат некои важни одлуки, тоа зборува за нешто - вели Божиновски.

Во „Еуролинија“ велат дека дозволата за билбордот ја добиле уште лани во јуни, а важи до јуни 2008 година. Градските власти, пак, објаснуваат дека дозволата ја дале откако добиле согласност од МПЦ и најавуваат дека ќе го отстранат билбордот.

- Има наредба од градоначалникот Трифун Костовски да се преиспита одлуката. Не можам да прејудицирам, но најверојатно билбордот ќе се тргне од спорното место - вели Јован Христовски, раководител на Секторот за собраќај во Град Скопје.

Соња Христовска

ЗАГРОЗЕНА ИСЛАМСКАТА ВЕРСКА ЗАЕДНИЦА

Радикали окупираа две скопски џамии

Радикални структури надвор од Исламската верска заедница контролираат и управуваат со скопските џамии Јахја-пашина на Бит-пазар и Тутунсуз во Гази Баба, тврди за „Дневник“ висок функционер на Заедницата.  - Воопшто не знаеме што се случува таму. Во Јахја-пашината џамија има наш имам задолжен да ги врши само верските обреди, но се' друго се одвива надвор од каква било контрола. Нема џамиски одбор, кој треба да се грижи таа регуларно да работи, како што е пракса во сите други наши верски објекти. Повеќепати безуспешно сме барале полицијата да интервенира и да ги отстрани овие луѓе од џамијата - нагласи нашиот соговорник, член на Мешихатот на ИВЗ.

Во ИВЗ посочуваат дека токму во овие џамии се сконцентрирани радикални верски структури, кои не сакаат да дејствуваат во нејзините рамки.

- Имаме сознанија дека тие се поврзани со припадниците на вехабитското учење, кои се обидуваат се' подлабоко да се инфилтираат меѓу нашите верници. Бараме џамиите да се ослободат и да се вратат во состав на Заедницата - посочуваат во Мешихатот на ИВЗ.

Пред две години Заедницата беше принудена својот најголем верски празник Рамазан-бајрам да го прославува во Султан-Муратовата џамија наместо традиционално во Јахја-пашината. Причината била тоа што тогашниот в.д. реис ул улема Бахри Алиу стравувал од можни инциденти. Во овој период ИВЗ ја потресуваше голема внатрешна криза, во која имаше и оружени упади и физички напади врз поглаварот и свештениците. Новоизбраниот поглавар Сулејман Реџепи успеал да издејствува неговото устоличување да биде во Јахја-пашината џамија, но на церемонијата немало претставници на радикалната струја.

Во ИВЗ неодамна потврдија дека вехабитското учење е присутно во земјава, но не во такви размери за да може да го потисне традиционалниот ислам. Вехабизмот е традиционално учење во исламот, кое не ги признава државните граници, а Коранот го смета за единствен устав на универзална исламска држава.

Реџепи неодамна беше во Нови Пазар, каде што присуствуваше на формирањето на Исламската верска заедница на Србија на чело со Муарем Зукорлиќ. Во близина на овој град српската полиција откри бункер со оружје, кој се поврзува со петчлената група вехабисти.

- Очигледно е настојувањето на вехабизмот да се наметне и на овие простори, но нашите верници нема да го прифатат - изјави по враќањето реис ул улема Сулејман Реџепи.

парите секаде си го нашле местото....

EvAngelos напиша: Бомбаш самоубиец се самоодбрани разнесувајќи 12 цивили!

еееј... ова ти беше добро. Миралем? Абу?

C.B. напиша: Имам у БиХ осуђен на педофилију Кантонални суд у Бихаћу прогласио је имама, вероучитеља у џамији, Зухдију Мулалића кривим за педофилију. Он је проглашен кривим за казнено дело блуда над шест девојчица, узраста од шест до 12 година, у првом случају те врсте у БиХ. Како је јавила ТВ Федерације БиХ, због блудних радњи над малолетним девојчицама, Мулалић, из места Језерско у северозападном делу Босне, осуђен је на две године затвора. Девојчице које су биле жртве похађале су у дужем временском раздобљу верску наставу код Мулалића. (Бета)

ZAREM MUHAMEDANCITE OSTANUVAAT RAMNODUSNI SPREMA OVA?????????

SRAMOTA!!!!!!!!!!!

Вистината за МПЦ на официјалниот сајт на Руската Православна Црква

Додека расколничката организација МПЦ вложува напори да ја промовира својата „вистина“, Руската Православна Црква ја знае вистината за МПЦ.

На неодамнешната средба со претставниците на самопрогласената „Македонска Црква“ Патријархот Вартоломеј во потполност ја поддржал позицијата на Српскиот Патријархат

Како што веќе беше соопштено, на 21 Февруари Патријархот Константинополски Вартоломеј прими делегација на самопрогласената „Македонска Црква“.

На средбата, одржана по барање на македонската страна, Предстојателот на Константинополската Црква во потполност ја поддржал позицијата на Српскиот Патријархат, пренесува агенцијата RNN.

Тој особено нагласил дека таканаречената „Автокефална Црква“ на бившата југословенска република Македонија не може да биде прифатена како канонска Православна Црква, а исто така, укажал и на невозможноста за прифаќање на називот „Македонска“ во врска со спомнатата јуриздикција.

Овие проблеми веќе добро се познати, кажал Вартоломеј, обраќајќи се кон членовите на делегацијата. Како што е соопштено, Патријархот со суров тон ги прашал македонските претставници дали се тие ополномоштени да истапат со какви било нови предлози.

Непризнатата во Православниот свет „Македонска Црква“ ја претставувале митрополитот Тимотеј, епископот Наум и архимандритот Порфириј.

http://www.patriarchia.ru/db/text/205103.html

Расколничката МПЦ ќе го суди Архиепископот г. г. Јован на Велики четврток

Дали постои некаква символика во тоа што судењето на Неговото Блаженство Архиепископот охридски и Митрополит скопски г. г. Јован за кривично дело „затајување“, за кое беше ослободен од Основниот суд во Велес, а Апелациониот суд во Скопје го врати на повторно судење, е закажано за 05-ти Април 2007 год., односно на Велики четврток?

По барање на расколничката организација, која се самонарекува МПЦ, почнувајќи од 2003 год., па се досега, власта прави политички прогони врз Архиепископот г. г. Јован. Како резултат на тие политички прогони тој е веќе двапати затворан. На последното судење, на кое беше обвинет дека затаил цели црковни буџети во период од четири години, беше ослободен од судот во Велес, но по жалба на Јавниот обвинител, Апелациониот суд во Скопје го врати делото на повторно судење. Судот во Велес го закажа судењето токму на Велики четврток. Со какво лице ќе дојдат тужителите, расколничката МПЦ, да го судат Архиепископот г. г. Јован на Велики четврток?

Во продолжение го поставуваме Завршниот збор што Неговото Блаженство Архиепископот охридски и Митрополит скопски г. г. Јован го даде пред судот во Велес минатата година по истото обвинение.

---

ЗАВРШЕН ЗБОР
на Архиепископ охридски и Митрополит скопски г.г. Јован
на судењето за кривичното дело „затајување“ по чл. 239 ст. 4 в.в.ст. 1 в.в.чл. 45 од Кривичниот законик

Почитуван претседателе на судскиот совет,

Ќе се потрудам да бидам многу краток и тоа од три причини, иако обвинението со кое се теретам е многу опширно.

Прво, затоа што во исказот кој судот ми дозволи да го дадам бев доволно опширен и мислам дека ги одговорив сите аспекти од обвинението, второ затоа што доказната постапка докажа дека обвинението е потполно неосновано и трето, а можеби и најважно што во политичките процеси колку повеќе зборуваш тоа е повеќе на твоја штета. Тоа добро го испробав, низ неколку политички процеси кои власта ми ги конструира и овој пат решив барем да не си трошам зборови.

Тоа дека и овој судски процес е конструиран за политичка пресметка со мене мислам дека ниту се крие, ниту оној кој го конструирал, а тоа е власта сака да има конспиративност.

Прво Управата за Безбедност и Контраразузнавање ми ја запали куќата, потоа дојде јавната безбедност и она што не беше изгорено го заплени. И тоа ги заплени токму документите и архивите за овој судски процес, а никогаш потоа не ги врати. Кога овој суд побара доказ дали полицијата ми ги вратила запленетите материјали, добивте одговор дека ми ги вратиле, ама не направиле записник за тоа. Дали е тоа можно, навистина да ги вратиле, а да немаат записник за тоа, судот нека цени, но кај мене ќе остане сомнеж дека тоа е направено во соработка со јавното обвинителство за да ги оневозможат да се прикажат моите докази. Во нормални услови и во правна држава, само овој непобитен факт, дека полицијата ми ги одзела клучните документи за процесов е доволен за ослободителна пресуда, но во овие наши услови ...

Ќе бидам искрен, давајќи одбрана за делото за кое сум обвинет се чувствував многу бедно. Не затоа што сум горд, или за тоа што не сакам да дадам отчет, туку затоа што судејќи ме мене за затајување се суди целата Црква, дури некои нејзини високи управители и да не се свесни за тоа. И тоа не се суди Црквата внатре во Црквата, туку се суди пред сите јавно.

Потешко значи ми е тоа отколку директно без процес да бев осуден. И вака и така, јас веќе навикнат на живот во затвор. Така немаше да падне сомнеж на Црквата. Немаше да падне сомнеж дали е можно ова за кое сум обвинет да го правел само еден од осумте владици во МПЦ. Но, за срамот кои го нанесоа на Црквата нека мислат оние кои дадоа предлог за гонење, а тоа е МПЦ, при тоа свесни дека црковните канони забрануваат свештени лица да се судат во граѓански судови.

Но, ако оние кои го дадоа предлогот не се вични ниту во црковното, ниту во кривичното право, требаше малку повеќе доблест да има јавниот обвинител и да не подига обвинение, особено затоа што истрагата и вештачењето дадоа цврсти докази дека во овој случај нема кривично дело. Во почетокот на овој судски процес, јас и напишав едно остро пимо на јавнот обвинител во кое ја укорив за тоа што превзема и противзаконски и противуставни дејства влегувајќи во работата на верските заедници кои според устав се одвоени од државата, а со тоа државата или било која државна институција нема право да им врши финансиска контрола.

Како минува времето гледам дека малку сум избрзал, зашто после моето затворање се докажа дека јавниот обвинител всушност само се појавува на судењето, можеби и без тоа да го сака, ама мене ме гони државата и тоа од највисоко ниво, од претседателот на државата г–динот Бранко Црвенковски кој јавно кажа дека Охридска Архиепископија на која сум Архиепископ ќе ја уништела МПЦ и затоа на секој начин требало да се спречи нејзиното постоење.

Така, за да се заштити МПЦ, државата отвори неколку судски спорови против мене. Веќе ме сместија во затвор и мислат дека со продолжени судења кои ги најавуваат, нас ќе нè истоштат, истовремено ќе нè казнат, а МПЦ среќно ќе си живее.

За да се оствари кривичното дело за кое сум обвинет потребно е некој да ми доверил некои средства или предмет и јас да сум ги задржал со нив да располагам или пак сум му ги дал на некој друг тој да ги употребува. Самиот факт што ниту во обвинителниот акт, ниту во доказната постапка се утврди што е тоа што ми било доверено, а јас сум го затаил, е основа судот да утврди дека нема кривично дело и да донесе ослободителна пресуда. Од друга страна, дури и летимичен поглед на обвинителниот акт дава впечаток дека е подигнат за друго кривично дело: „злоупотреба на службената положба и овластувања”, а не за кривично дело „затајување”. За да не испадне дека иако сум обвинет за затајување, судот да ме суди за злоупотреба, или како медиумите тоа го нарекуваат малверзации, би замолил да се има во предвид тоа дека одлуките на верските заедници, според чл. 14 од Законот за верски заедници и религиозни групи не произведуваат дејства надвор од самите заедници. Тоа значи дека се нелигитимни во правниот промет. Со други зборови, одлуките кои ги носела Црквата, нејзините тела и органи, а нејзино тело е и самата служба на Митрополитот не предизвикуваат дејство ниту пред овој суд. Дали некои тела и органи во Црквата вршеле пренамена на средства и претурале од еден фонд во друг, не може и не смее да биде од интерес на судот. Тоа е внатрешна црковна работа, иако како што вештачењето и самата доказна постапка покажа, за сите поголеми суми одлучувал Епархискиот Управен Одбор, а за она што не одлучувал дал позитивно мислење кога се усвојувала завршната сметка.

Бидејќи судскиов процес е јавен, а средствата за информирање вршеа огромен притисок преку јавноста, нека ми биде дозволено да го кажам и следново:

Судот го отстрани од можност да го следи процесот Епископот Марко дремвицки затоа што оцени дека со некоја негова изјава правел притисок врз судот. Но, не отстрани ниту еден од претставниците на средствата за информирање затоа што со своите груби лаги вршеа не еднократен туку континуиран притисок врз судот.

Не е ли притисок за судот и не требаше ли претставниците од средствата за информирање да бидат опоменети дека вршат притисок врз судот со тоа што изјавуваа дека сумата која е предмет на затајувањето е 550 000 €. Сега, кога процесот завршува и кога е многу лесно да се утврди дека сите средства од буџетите кои се споменуваа во обвинението не се повеќе од 200 000 €, треба да чувствуваат срам оние кои намерно сакаа да направат лажна слика. Имено, дури и да усвоеја сума од 200 000 € како предмет на затајувањето, пак ќе беше нереално, зашто во тој случај како за ништо друго не се трошеле средствата: ниту се исплаќало плати, ниту патни трошоци имало, ниту се одржувале објектите, ниту канцелариски материјал се купувало, единствено испаѓа како некој само да внесувал средства, а јас само да сум ги затајувал.

Ќе завршам со тоа дека не само што не се чувстувам виновен за кривичното дело за кое сум обвинет, туку сметам дека целата доказна постапка покажа дека не сум направил кривично дело затајување. Се надевам дека судот правилно ќе ги цени фактите, не под притисок на политиката и средствата за информирање.

Затоа, согласен во сè со мојот бранител, барам судот да го одбие обвинителниот акт, како акт подигнат од неовластен тужител, а во колку тоа не го усвои да донесе ослободителна пресуда бидејќи не е остварено дејството на кривичното дело за кое се теретам.

Изменето од C.B. - 05.Април.2007 во 18:01