ВЕРСКИ ВЕСТИ

Na koe nivo se sposobni decata vo Italija ushte od prvo odd. da imaat veronauka kako zadolzitelen predmet i toa catolika....mojot vnuk e osloboden od tie chasovi zatoa shto e ortodox,megjutoa koga pred 2 god.mislam beshe vo isto vreme veligden profesorkata mu rekla da ostane zatoa shto toa shto ke go predava toj den,za voskresenieto Hristovo e zaednichko za dvete veriE sega vo Italija pod veronauka vsushnost se podrazbira-izuchuvanje na katolichka i samo katolichka vera,nema fakultativna nitu bilo kakva druga nastava za ostanatite religii.Vsushnost za ostanatite religii se uchi po predmetot geografija na kulturite i civilizaciite i toa na primer edna cela godina samo za religiite vo svetot

Znachi neznam kako ke bide kaj nas....ama sigurno kalabalak ke napravat

АНАЛИЗА НА ВЕСНИКОТ „ПОЛИТИКА“

Радикален исламизам продира на Балканот

Според Меѓународната кризна група, вехабизмот во регионот на Нови Пазар се појавил уште во 1997 година, кога новиот имам во една локална џамија барал од муслиманските верници да се молат на вехабистички начин

Српскиот полковник Момир Стојановиќ пред три години беше сменет од функцијата директор на Воено-безбедносната агенција по неговото смело предупредување дека се очекува продор на радикалниот исламизам во Србија и Црна Гора.

Деновиве, кога на планината Нинаја е откриен камп полн со оружје и уапсени се четворица исламистички екстремисти, се потврдува дека разузнавачите и полковникот Стојановиќ имале право, а јавноста полека сфаќа дека вехабитите, момчињата со долги бради и без мустаќи, не се само следбеници на изворниот ислам, туку се движење што ги загрозува традиционалните муслимани во Босна и Херцеговина, во Србија и во Црна Гора, пишува белградскиот весник „Политика“.

- Според оперативни сознанија на Воената агенција за безбедност, на подрачјето на рашко-полимската област и во северниот дел на Црна Гора дејствуваат екстремистички исламски организации, односно вехабите. Тарикат дејствува во Македонија, а во Косово и на северот на Албанија дејствуваат ќелии на Ал каеда - предупреди ВБА во 2004 година.

И Меѓународната кризна група во извештај пред две години нагласи дека во Санџак има вехабити и оти тоа екстремистичко движење се' повеќе се шири.

- Има околу 300 вехабити, не се цврсто организирани, само 50 се активни, но нивното влијание јасно се чувствува - оцени МКГ во 2005 година.

Аналитичката група нагласи дека вехабизмот во регионот на Нови Пазар се појавил уште во 1997 година, кога новиот имам во една локална џамија барал од муслиманските верници да се молат на вехабистички начин. Луѓето се спротивставиле и по само пет дена го протерале имамот.

- И покрај слабиот прием и вознемиреноста меѓу Бошњаците, вехабизмот стануваше се' поочигледен. Веројатно најзначајна беше улогата на санџачкиот муфтија Муамер Зукорлиќ, кој бил толерантен кон вехабистичкото движење и порадикалните облици на исламот, кои не се типични за Балканот - соопшти Меѓународната кризна група пред две години.

Вехабизмот е екстремно политичко-религиозно движење што потекнува од Саудиска Арабија. Се појавило во 18 век, под водството на Мухамед Абдул-Вехаб. Неговите следбеници се најекстремните исламски пуританци. Муслиманите на Балканот, пак, претежно се сунити. Вехабизмот на овие простори пристигнал за време на Босанската војна.

„Политика“ пишува дека се проценува оти денес во регионот има меѓу 500 и 1.000 вехабисти, кои предизвикале повеќе инциденти. Во Нови Пазар во јуни 2006 година тие спречија концерт на групата „Балканика“. Екстремистите ги расфрлаа инструментите, а на посетителите им порачаа: „Браќа, одете си дома, овие овде работат против исламот. Ова се ѓаволски работи“. Неколку месеци подоцна Исламската заедница на Санџак побара полициска заштита откако вехабисти нападнале верници во Арап-џамијата.

На Косово има околу 30 школи за изучување на к*ранот, пишува „Политика“. Тие своето толкување на к*ранот го наметнуваат на погреби, на обреди на сунет и на други верски собири.

Агенцијата Танјуг, повикувајќи се на медиуми од Приштина, наведува дека за развојот на вехабизмот на Косово придонесле и невладини организации, кои се' уште дејствуваат под закрила на заедничкиот Саудиски комитет за помош на Косово и на Чеченија. Оваа добродетелска исламска фондација на својата страница на интернет им нуди на косовските деца образование во повеќе од 30 училишта низ покраината.

- Наместо да плаќаат, децата може да добијат награда од 50 евра ако научат наизуст избрани ајети и сури од к*ранот. На вдовиците, на отпуштените работници и на селаните, вехабистите им даруваат по 150 евра за да го прифатат исламот во најрадикалната форма. На тој начин се создаваат генерации на муслимани што не му се лојални на Косово, туку на исламската интернационала - забележува Танјуг.

Вехабистите го признаваат к*ранот, но тврдат дека директно го толкуваат зборовите на пророкот Мухамед и имаат ултраконзервативен став за прашањата на верата и на верската пракса. Следбениците на ова движење се залагаат за враќање на изворниот ислам и за негово ослободување од вести, суеверија, отстапки, ереси и идолопоклонства. Вехабистите истакнуваат дека муслиманите, меѓу другото, не смеат да слушаат музика и да гледаат телевизија, ниту при молитва да се обраќаат на кој било пророк или ангел.