ВЕРСКИ ВЕСТИ

НЕМА СИНОДСКА СЕДНИЦА, МПЦ СИ МОЛЧИ

Г.Г. Стефан бара кртови

Вечер дознава дека наместо сериозност во расчистување на овие три најнови скандали, Поглаварот г.г. Стефан изминативе неколку денови интензивно го барал кртот во МПЦ. Сакал да дознае кој ги хранел медиумите со информации и со документи. Поединечно разговарал со неколку Архиереи, притоа обвинувајќи ги дека тие работат против неговиот, но и против угледот на МПЦ.

Македонската православна црква официјално се уште молчи за скандалозните хипотекарни договори околу хотелот Изгрев во Струга и за продажбата на црковното земјиште во Козјак. Одговор нема ниту за скандалозниот договор за заедничка градба на станови и трговски центар меѓу Скопската епархија и приватната фирма КОНСТ-ИНГ.
Поглаварот на МПЦ, Архиепископот г.г. Стефан и покрај барањето на македонските Ахриереи, се уште не ја закажал синодската седница, од која верниците очекуваат работите да бидат многу појасни. Прашањето, ќе има ли и од кого ќе се бара одговорност за разпродажбата на црковниот имот и скандалозните бизнис релации на одредени поединци во МПЦ, засега останува без одговор.
Иако се најавуваше и седница на Архиепископскиот Управен одбор, по избивањето на скандалите, досега такво нешто не се случи. Изворите на Вечер велат дека седница на САС на МПЦ, може да се очекува најрано кон средината на февруари, кога од Австралија ќе се врател митрополитот г.Петар. Сепак неизвесно е дали на таа седница оваа точка ќе биде на дневен ред.
Вечер дознава дека наместо сериозност во расчистување на овие три најнови скандали, Поглаварот г.г. Стефан изминативе неколку денови интензивно го барал кртот во МПЦ. Сакал да дознае кој ги хранел медиумите со информации и со документи.
Поединечно разговарал со неколку Архиереи, притоа обвинувајќи ги дека тие работат против неговиот, но и против угледот на МПЦ. (М.Н.)


КРТОВИ ИЛИ НОЕВИ ?!
Од избивањето на првиот скандалозен договор за хипотеките на хотелот Изгрев во Струга, секоја недела македонскиот Архиепископ во Соборниот храм во Скопје сослужува со македонските владици. Серијалот го почна со Струмичкиот митрополит, г. Наум, кого одредени црковни кругови го обвинија дека стои зад целата ситуација, сакајќи да издејствува наводна смена во врвот на МПЦ. Г. Наум тоа го демантираше.
Вчерашната неделна литургија во Соборниот храм во Скопје ја служеше Повардарскиот митрополит, г. Агатангел.
Во неговата беседа, со сличен тон како што тоа го направи пред една недала и македонскиот Архиепископ, ги обвини новинарите за уривање на достоинството на Црквата.
-Како што денес се напаѓа Архиепископот и Црквата, тоа не било правено ниту во турско, изјави митрополитот г. Агатаннгел.
Вечер јавно го потсетува Повардарскиот Митрополит на неговите реченици кажани во еден од телефонските разговори со новинарот на Вечер.
-Ви сте од Господа благословени. Да знаете тоа што го работите е порака од Господа. Тој преку Вас сака да се средат работите во нашата црква, рече во еден телефонски разговор митрополитот г. Агатангел.
Овие промени во ставовите, црковни лица ги толкуваат со зборовите на спасителот Христос, кога ги имал најголемите страдања.
-Господи прости им не знаат што прават. Или во случајов, не знаат што зборуваат.

do koga copy paste daj da kazeme nesto sto znaeme a ne copy od google mozam milon stranici da ti kopiram so samo eden click vsusnost dva clicka no ne double prvo copy pa posle paste

da ama ne razbrav so bile dali hristijani ili katolici ako imas informacii te molam pisi nemozev da slusnam od pocetok.