ЧУДА

belichka напиша: brza напиша: ti si megu SOumnite,....a,be daj,ako ste razumni stvorenja nema da tropate tuka za nekoj si shto bil nad se ,.....a,be postojat samo prirodni zakoni, i sprema niv e se ,....kakov gospod ve spopal?!Razbiram vo pochetokot na choveshtvoto da veruvale vo takvi neshta,ama sega,.....ako postojat chuda,treba da postojat za site,a,ne samo za nekoi koi shto ne mozat i ne sakaat da ja vidat vistinskata prichina za niv,...ama, shto vikate,togash ne bi ni bile chuda,.....ako sudish za nekoj dali e umen ili ne,sprema toa dali veruva vo toa shto ti veruvash,...........................e,pa,da znaesh deka jas sum NAJBEZUMNIOT!   :)) ako znaese deka i prirodnite zakoni se pokoruvaat na Bog nema vaka da zboris i toa deka najgolemite naucnici......

Религијата и науката заедно продолжуваат да водат непрестана и никогаш ослабувачката борба против Скептицизмот и Догматизмот, прогив неверието (атеизмот) и суеверието, а насочувачкото мото во оваа борба отсекоташ и секогаш во иднината гласи: „Кон Бога!“

Како дополнување на примерите изложени во тој текст ќе наведам неколку цитати од некои од најзначајните дејци на современата наука. Оние коишто не ги препознаат имињата на научниците или незнаат по што се тие значајни, се сомневам дека можат да имаат некаков кредибилитет да зборуваат за науката.

Мислам дека тоа и е сржта на проблемот – што луѓе коишто имаат крајно оскудни, да не речам никакви, познавања од природните науки си земаат за слобода „научно“ да ги интерпретираат своите суеверија. Колку се при тоа трагикомични, веројатно никогаш нема да сфатат. Кога на тоа ќе му се додаде преголемата мера на површност, карактеристична за денешниот македонец, збирот е самоуверен дилетант, максимално онеспособен за критичка дебата. Да го цитирам повторно светиот владика охридски и жички, Николај: Лесно е да го научиш животното; лесно е да го научиш простакот; но тешко е да го научиш оној којшто ненаучен веќе им станал учител на другите.

Еве ги најавените цитати*:

Со Божјиот ред на структурата на светот, којшто е уреден преку Божјата премудрост – кој не би бил поттикнат да се восхитува на Творецот Којшто сè створил?
Никола Коперник (1473 – 1543)

Работата на астрономијата значи читање на Божјите мисли… Законите се во границите на можноста за сфаќање на човечкиот дух; Божја желба била да ни дозволи да ги препознаеме… Ти благодарам Господе Боже, Творче наш што си ми допуштил да ја видам убавината во Твојата творевина!
Јохан Кеплер (1571 – 1630)

Многу се среќни и правилно убедени оние на коишто Бог им дал интуитивно да ја сфатат верата. А оние коишто го немаат тоа, можеме тоа сознание да им го дадеме само по пат на разумни заклучоци, чекајќи Бог да им даде духовна проникливост…
Блез Паскал (1623 – 1662)

Блез Паскал кај нас најмногу е познат како физичар; помалку е познато дека тој на свои 18 години ја има конструирано првата механичка сметачка машина којашто се вбројува во предците на денешните компјутери, а (во Македонија) уште помалку е познато дека бил мошне религиозно активен и пишувал теолошки расправи коишто имале големо влијание.

Нè восхитуваат… редот, симетријата, хармонијата. Бог е чист ред. Тој е Творецот на универзалната хармонија.
Годфрид Вилхелм Лајбниц (1646 – 1716)

Како ќе биде во другиот живот кадешто Семоќниот ќе нè исполни со Својата љубов? Љубовта чии благословени дејства нема да бидат прекинувани со промени. Тоа ќе биде среќа над сè што можеме да замислиме во нашата сегашна состојба.
Леонард Ојлер (1707 – 1793)

Најубделив доказ за постоењето на Бога е… очигледанта хармонија којашто го одржува функционирањето на вселената во којашто се наоѓаат живите битија… она што им треба за нивниот духовен и физички развиток.
Андре-Мари Ампер (1775 – 1836)

Јас сум Христијанин што значи дека верувам во божеството Христово, исто како Тихо Брахе, Коперник, Декарт, Њутн, Лајбниц, Паскал… како сите големи астрономи и математичари од минатото.
Августин Луис Коши (1789 – 1857)

Математичките закони, како што гледаме кај Кеплер, се видлив израз на Божјата волја и Кеплер го обзема одушевување заради тоа што бил првиот којшто ја препознал убавината на Божјите дела. Ако во извесни нешта новите откритија се навистина противречни на црковното учење – тоа нема никакво значење – со оглед на тоа што е можно со таква непосредност да се препознае Божјото делување во природата.
Вернер Хајземберг (1901 — 1976)

Ова, секако, ни од далеку не е сè што може да се издвои, и не станува збор дека со ова се набројани сите религиозни научници, но сметам дека примериве се доволни за да секој што поседува макар и ронка здрав разум сфати колку е апсурдно да се тврди дека науката и религијата се спротивставени.