МАНАСТИРИ

Fojnička regesta

Свети Јован Бигорски

Манастирот Свети Јован Бигорски се наоѓа во долината на прекрасната живописна река Радика. Најблискиот град на овој манастир е Дебар на 21 км одалеченост а од мавровско туристичко подрачје е на 24 км одалеченост. 

Овој манастир е пример на туристички мотив од антропоген карактер кој самостојно го привлекува вниманието на туристичките постители. Манастирскиот комплекс се наога во бигровитите карпи на планината Бистра, на нејзините краји северозападни падини. До манастирот се стигнува по тесен асвалтиран пат, кој се издвојува од главниот пат, спроти најблиското населено место селото Ростуше.

Присапот до манастирот е возможен со лесен автомобил, додека со автобуси постојат технички можности да се паркираат во подножјето на манастирот. Најкорисно е да се стигне до манастирот со пешачење. Овој манастирски комплекс има поволно туристичко-геогравска положба. Манастирот Свети Јован Бигорски е опкружен со природни туристички ресурси како што се: планината Бистра, во чии пазуви е сместен Мавровскиот туристички локалитет со едно од најатрактивните вештачки езера, Мавровското Езеро, потоа кањонската долина на реката Радика која е една од најживописните на балканот, високите врвови на планината Кораб, близината на вештачкото езеро Шпиље и др.

Манастирскиот Комплекс се наоѓа скоро на самата западно-македонска магистрала која го поврзува Скопје со туристичките атрактивни локалитети во републиката која се наога кај охридското езеро. Овие вредности и атрактивноста на манастирот привлекуваат голем број посетители.

Манастирот Свети Јован Бигорски се наоѓа на надморска височина од 740 метри. Просечната температура изнесува 10 степени, додека летната просечна температура е 18 степени. Просечната влажност на воздухот е 74 %, додека просечната летна влажност изнесува 68 %. Сите овие вредности на манастирот погодуваат за човечкиот организам да се релаксира.

Портите на манастирот Свети Јован Бигорски се направени од благородно масивно дрво и опточени со метални топки. Манастирскиот комплекс се состои од: Сејменската Кула која била седиште на сејмените кои го штителе објектот од нападите на качаците, потоа манастирската Црква, комплексот од конаци во форма на буквата П, костурницата која се наоѓа веднаш до самата Црква и ново изградените гостински конаци. Целиот манастирски комплекс има мошне неправилна геометриска форма.

Манастирската Црква по се изгледа дека е направена на темелите на некоја постара црква која овде датирала од почетокот на 11 век, односно од 1021 год. Денешниот облик и форма манастирот го добил во 19 век кога и таа е живописана. Во 1021г. кога Црквата е за прв пат изградена, се претпоставува дека била насликата старата икона на светецот Јован Претеча, по што таа и го добила своето име, додека зборот Бигорски произлегува од бигрениот карактер на подлогата каде што е напраен манастирот

Во црквата доминира големиот иконостас во резба која е изработена од мајсторите копаничари Петре Филиповски и Макарие Фрчковски. Овие мајстори копаничари изработувале импозантни дела. Тие имале направено иконостас во резби и во Црквата Свети Спас во Скопје. Иконостасот во Црквата Свети Јован Бигорски бил направен помеѓу 1830-1840г. Мајсторите ги вградиле и сопствените ликови на дрвената импозантна целина.

Прочуениот Живописец Дичо Зограф пак ги изработил бројните фрески во Црквата. Во почетокот на 19 век архимандриот Арсение бил Игумен во манастирот во тоа време, од него и датираат и првите конаци и нивната изградба е во непосредна поврзаност со името на Архимандритот.

Големиот западен конак се наоѓа на три нивоа. Се состои од приземје и два ката. Во приземјето се наоѓаат помошните простории: Котларница, магацин, мала трпезарија како и санитарен чвор. На вториот кат се наоѓаат монашките ќелии чиј вкупен број со оние на третиот кат изнесуваат 10. Во манастирот престојуваат 4 монаси и 2 искушеника. Во текот на сезоната во работа се влкучуваат и други лица чувар, хигиенска техничарка и др. На вториот кат во чело на прекрасниот чардак се наоѓа гостинската соба која е многу убаво уредена. Секој добронамерник во манастирот е почестен со топло кафе и локум, уживајки во прексрасниот ентериер направен во македонски стил со дрвени троножци, стари софри, но и луксузни фотељи, пријатни за седење. На третиот кат освен игуменските простории се наоѓа и шнајдерница, библиотека и работна соба.

Источниот манастирски конак е изграден на две нивоа и тоа приземје и кат. Во долниот дел се наоѓа женската трпезарија, а на горното ниво е машката трпезарија. Машката трпезарија е уредена и може да обедуваат близу 300 посетители. Горната трпезарија се состои од автентичните првобитни маси и клупи кои датираат со градењето на манастирот

Помеѓу двете нивоа се наоѓаат амбарници. На горното ниво се наоѓа прекрасен чардак со софра, валчеста. Двата дела од комплексот и западниот и источниот се поврзани со двокатна конструкција каде доминира кујната  која се наоѓа во горниот кат и е наречена Маѓерница. Во кујната има созидано прекрасен камин и фурна. Во овој дел се наоѓа и монашката нова трпезарија која е скоро реновирана и опремена со најсовремен интериер. Целиот овој дел од постари конаци се наоѓа во северниот дел од комплексот. 

Во овој манастир може да престојуваат посетители подолго време затоа што има гостински конак, значи дека овој манастир нема улога само на транзитна, одностно излетничко-рекреативна станица. Во манастирот има режим испишан на посе*ен лист каде се наведуваат правилата за оние кој ќе ноќеваат во манастирот.
Една од обврските на посетителите кои ќе ноќеваат во манастирот односно ќе престојуваат подолго време е обврзната утринска литургија која трае од 7-8 часот. Цената за едно ноќевање во овој манастир изнесува 150 ден. Гостинскиот конак се наоѓа издолжен на влезната порта на јужната страна на комплексот и се состои од приземје и кат. Приземјето има функција на магацински простор. Во едниот дел има мала изложбена просторија како и чуварска соба. Во горниот дел се наоѓаат десетте соби за сместување на посетителите. Вкупниот број на легла е 41.

Една од собите е уредена помодерно и во неа претстојува владиката кога е гостин во манастирот. Покрај собите овде се наоѓаат и два санитарни чвора, како и заедничка кујна со трпезарија

Манастиорот Свети Јован Бигорски е во надлежност на Дебарско-Киччевската Епархија. Во дворот на манастирот бликаат неколку јаки извори на вода, на кои едниот е при самиот влез, а вториот во продолжение на црквата и се состои од три јаки чепура. Во манастирот е спроведена уредна телефонска линија преку која може да се комуницира и да се прават одредени резервации. Телефон 79-064. Престојот во овој манастир е вистинско задоволство. Највеќе гости се собираат на 10-11 септември и на 7 јули односно Иван ден.

Изменето од Pravoslavie - 13.Декември.2006 во 08:51

Внеси реплика	страница 12 3 4 >
Tweet