Куглов со чоколада, портокал и мандарини

Состојки
200 гр мелени ореви
100 гр сечкана чоколада
6 јајца
200 гр шеќер
200 гр маргарин
кора од 1 портокал и сок од 1мандарина
4 аранчини од портокал
1 лајче цимет
1 пециво
130 гр брашно
прстофат сол
Глазура
100 гр чоколадо
2 лажици масло

Вкусен колач со мирис на цимет, чоколада и арома на портокал .
1. Жолчките се двојат од белтоците. Се прави цврст снег од белките и се оставаат на страна.
2. Жолчките се миксираат со шеќерот. Се додава маргаринот и постепено се додаваат сите други состојки и 100 гр чоколада.
3. Се печи во силиконска модла на 180С-40мин.
4. Во друг сад се топи 100гр чоколада и малку масло и се прелева врз кугловот. Одозгора се ставаат украсни трошки

Мафини со мандарини

Состојки
6 мандарини
4 јајца
50 мл стопен путер
50 мл масло
250 гр шеќер
200 гр брашно
100 гр гриз
1 пециво
50 гр сечкано црно чоколадо
Прелив
200 мл сок од исцедени мандарини
150 гр шеќер
3 лажици мед

Мандарините ставете ги во едно тенџерче, прелијте ги со ладна вода и ставете ги да се варат две минути. Истурете ја водата, турете нова ладна вода и пак ставете ги да се варат две минути. Исцедете ги и кога ќе се оладат испасирајте ги. (во блендер)
Изматете ги јајцата со шеќерот, па додајте го путерот и маслото, па сите суви состојки. На крајот измешајте го исечканото чоколадо.
Печете ги во калап за мафини, на 180 степени.
За преливот, измешајте го сокот со шеќерот и медот, зовријте го и преку секое мафинче прелијте по малку. Можете најпрво мафинчето да го дупнете со чепкалка за заби на неколку места.

Чоколадни тортици со портокал

Состојки
За тесто
5 јајца
150 мл млеко
120 гр шеќер
50 гр брашно
40 гр какао
1/2 прашок за пециво
1 ванилин шеќер
За крем
200 гр чоколадо за готвење
400 мл слатка павлака
4 лажици сок од портокал
1 лажичка рендана кора од портокал
4 лажици рум
За чоколадна глазура
100 гр чоколадо со висок процент на какао
50 гр путер
Чоколадо во тесто, чоколадо во кремот и чоколаден прелив во составот на овие тортици треба да ви биде доволна препорака за да го пробате овој прекрасен рецепт. Тестото е меко и ровко па заедно со филот и глазурата едноставно се топи во уста. За љубителите на чоколадо вистинско задоволство.

Подготовка
1. Жолчките и шеќерите ги матиме пенасто. Белките ги матиме во снег од белки.
2. Сувите состојки ги мешаме па ги додаваме заедно со млекото во жолчките па на крај лесно со шпатула ги соединуваме белките во смесата.
3. Во четвртаста тава за печење со димензии 20х30 или слична димензија, ставаме хартија за печење и смесата ја делиме на три дела. Секој дел го печеме посебно на нова хартија за печење, на температура од 180 степени само 8-10 минути во загреана рерна.
Додека тестото се пече го подготвуваме чоколадниот крем.
4. Слатката павлака ја ставаме на оган до вриење (да не врие), па во неа го додаваме чоколадото да се растопи. Мешаме додека да добиеме мазна смеса која ќе ја оставиме да олади.
5. Потоа додаваме сок од портокал, кората и рум и мешаме со миксер да се соедини и волуменизира смесата.
6. Кремот го делиме на два дела и премачкуваме две кори кои ги редиме една врз друга, значи кора-крем-кора-крем-кора-глазура.
7. За глазурата ја топиме чоколадата заедно со путерот и со добиената смеса ја премачкуваме тортата. Додека не е стегната глазурата поминуваме нежно со вилушка по неа за да добиеме шарки на тортиците.
Оставаме да се излади и соедини и сечеме тортици по големина и желба.

Забелешка
Во овие тортици бидејќи немав портокал во моментот на подготовка па малку импровизирав. Имено, наместо сок од портокал ставив сок од лимон во кој измешав мелени аранчини, со што добив вкус на портокал =)

Портокалопита

Состојки
7-8 листови готови кори за пита
400 гр густ јогурт или лајт кисело млеко
200 гр масло
150 гр шеќер
4 поголеми јајца
2 портокали
1 пакетче ванилин шеќер
1 пакетче прашок за печење
За сируп
150 гр шеќер
250 мл сок од портокал
1 пакетче портокал шеќер (или ванилин ако немате таков)

Од едно пакетче кори за пита имавме и ручек и десерт. 

Извадете ги корите и разделете ги да се исушат некој половина час. Треба да станат кршливи и да крцкаат.
За тоа време, ставете ги портокалите во вода со сода бикарбона да се подисчистат од пестицидите.

Во сад измешајте го јогуртот, маслото, шеќерот, ванилата и јајцата со помош на жица за матење и додајте му рендана кора од портокалите.
На крај издробете ги исушените кори и измешајте.

Смесата истурете ја во намастена тава 20х30 и печете ја на 165С 40на минути додека не добие фина боја одозгора.

Додека се печи питата пригответе го преливот. Исцедете ги портокалите. Ако е потребно исцедете уште еден и додадете вода до мерката или можи да користите природен џус од портокал. Ставете ги заедно со шеќерот на рингла и мешајте додека зоврие, т.е. стопи шеќерот. Тргнете, и ставете го портокал или ванила шеќерот.
Доколку сакате поблага да ви е питата или пак сметате дека се покисели портокалите, по желба можи да си додадете уште шеќер.

Испечената пита исечете ја на коцки, прелијте ја со шербетот и оставете ја неколку часа да се впие пред да ја послужите.

*Доколку сакате, пред печење питата можи да ја наредите со парчиња портокал и така да ја печите. Јас решив да ја послужам со парче свеж портокал одозгора, но ако би имале сладолед, една топка во чинијата одлично би се вклопил со питава.

Овој уникатен зимски рецепт дефинитивно вреди да се проба! Ќе одземе само неколку минути од вашето време, а притоа истиот важи за еден од највкусните десерти со мандарини, што ќе ги воодушеви обожавателите на ова кралско овошје!

 Испечати рецепт

Колач со мандарини

Овој уникатен зимски рецепт дефинитивно вреди да се проба! Ќе одземе само неколку минути од вашето време, а притоа истиот важи за еден од највкусните десерти со мандарини, што ќе ги воодушеви обожавателите на ова кралско овошје!

Вкупно време30 мин

Оброк: Десерт

Кујна: Американска

Клучни зборови: колач со мандарини, мандарини

 

Порции: 4

Состојки

• 4 јајца
• 1 кафена шолја пресно млеко
• 1 кафена шолја шеќер
• 1 кафена шолја масло / растопен путер
• 1 кафена шолја кисело млеко
• 1 ќесичка пециво
• 2,5 шолји брашно
• 1 ќесичка ванила
• Половина кг мандарини

Начин на подготовка

• Излупете ги мандарините и исечете ги на половина.
  
• Покријте го садот со хартија за печење и нанесете шеќер, а одозгора потоа наредете ги мандарините.
  
• Изматете ги јајцата со шеќерот до добивање хомогена смеса, а потоа додадете ги пресното и киселото млеко и маслото. На крај додадете ја ванилата. Измешајте го брашното со пецивото, пресејте и исипете го во тестото и добро измешајте.
• Добиеното тесто додадете го врз мандарините и поставете го колачот да се пече на 180°C додека да добие златна боја.
  
• Пред сервирањето, свртете го колачот наопаку.
  

Колач со лимон и какао