Рецептот е можеби еден од најлесните што ќе го сретнете од турската кујна, притоа потребните состојки не се толку скапи и скоро секој може да си ги дозволи.

Првпат ова извонредно јадење го пробав кога бев на гости кај едни пријатели во Истанбул, а бидејќи јадењето беше толку вкусно, ги замолив да ми го дадат рецептот, кој сега го споделувам со вас

Најубавото и најлесно турско пиде

Потребни состојки

• 1 пакетче сув квасец
• 2-3 прстофати шеќер
• 2 шолји ладно пресно млеко
• Брашно, онолку колку што ќе поприми млекото
• Малку путер
• Малку сол
• Кашкавал во количина по ваша желба

Начин на подготовка

Во млекото додадете и измешајте го квасецот и путерот, а потоа додадете го и брашното и солта. Замесете го тестото и оставете го да отстои. За половина час тоа би требало да биде готово.

Во тестото додадете малку масло и кашкавал, исецкан на парчиња и потоа, оформете топка од тестото. Во средината од истото, направете мала вдлабнатина.

По 20-тина минути испечете го пидето. Тоа ќе биде готово, кога ќе се вцрвени како и при подготовката на пица.

Турското пиде со кашкавал е највкусно кога ќе се консумира веднаш по неговото печење, односно топло. По ваша желба, може да го сервирате со малку павлака.

Турски десерт Kıbrıs Tatlısı Tarifi

Состојки
Шербет
2 чаши вода
1/2 чаша шеќер
Пандишпан
3 јајца
1/2 чаша шеќер
1/2 чаша зејтин
1 чаша презла
1 чаша јаткасти плодови
1 чаша кокос
1 паковка ванила
1 паковка пециво
Крем
1 литар млеко
1 чаша нишесте
1/2 чаша шеќер
1 паковка ванила
200мл слатка павлака

Прво се приготвува шербетот. Водата и шеќерот се ставаат во сад на оган. Нека провријат 5 минути и се трга да се олади.

Тавчето во кое ќе се пече е со големина 28 на 28 см.
Се премачкува со масло.
Во сад ги матиме добро јајцата со шеќерот и кога ќе ја добијат својата густина ги додаваме останатите состојки.
Промешуваме убаво. Ќе добиеме малку густа смеса.
Со шпатула ја префрламе во садот во кој ќе печеме, израмнуваме и ставаме во загреана рерна на 180.
Печеме на тивко.
Проверуваме кога е готово со чепкалка и вадиме од рерната.

Ја прелеваме тортата оставаме да впие.

Вариме крем.
Млекото го промешуваме со шеќерот и ванилата.
Одземаме мал дел од млекото за да го промешаме густинот.
Кога млекото е врело, го додаваме густинот и мешаме да ја добиеме потребната густина.
Го тргаме садот од оган. Оставаме да одмори 5 минути и ја истураме слатката павлака и мешаме со миксер.
Кремот е готов.
Нанесете го врз тортата кога двете ќе бидат млаки.
Попрскајте со кокос.
Оставете да се излади добро (јас оставив преку ноќ)
Пресечете ги внимателно коцки и служете.

Забелешка
Според мој вкус, ова е многу шеќер во шербетот.
Мислам дека треба да се намали количината.
Чашата е од 200мл.

Лахмаџун лиснатици

Состојки
Лиснато тесто
250мл. вода
100мл. зејтин
1 лажица оцет (јаболков или вински)
1 лажичка сол
600-650гр. брашно
маргарин за премачкување
Фил
500гр. месо
2 средни главици кромид
2 чешниња лук
1 домат
2 пиперки (црвена и зелена)
1 лажица доматно пире
1 лажичка сенф
1 лажица црвен пипер
1 лажичка мешан зачин
по 1/2 лажичка ким, кари, мајчина душичка, бибер, чили
по вкус сол
1 јајце за премачкување

Лахмаџун или уште турска/арапска пица. Верувам на сите познато, а имаме и рецепт тука. Се решив за една малку поинаква варијанта, плус и рецепт за универзално лиснато тесто кое може да го комбинирате со секаков фил. Многу лесно за подготовка, без да има диплење по неколку пати и одмарање во фрижидер па да отиде цел ден =)))

1. Од сите состојки за тесто замесете средно меко тесто кое не лепи. Поделете го на 6 еднакви дела и од секој дел развлечете коричка со дебелина 6-7мм. Убаво премачкајте со слој маргарин и потоа исечете ја на еднакви ленти (6 или 7). Виткајте ги една по една да формирате полжавче. Убаво набрашнете и ставете ги на чинија. Од сликите ќе видите поубаво. Кога ќе ги направите сите 6 топчиња ставете ги во замрзнувач 1 час.
2. Едно по едно развлечете ги во нешто поголема коричка од тацна за кафе (дебелина 7-8мм, подебела кора од претходно). Исечете на четвртинки, ставете фил во средина и преклопете како плико, средишниот шпиц дел да биде од горе. Само внимавајте да не ги преклопувате сите страни една врз друга, треба да бидат преклопени само со краевите. Така средени сите пликчиња повторно ги враќате во замрзнувач убаво да замрзнат (најдобро преку ноќ). Замрзнати се редат на плех, се премачкуваат со изматено јајце и се ставаат да се печат во убаво загреана рерна на 220-250С.
3. За филот во тава на оган ставете го ситно сецканиот кромид да се пржи. По кратко додадете го и протиснатото лукче. Кога ќе омекнат додадете ги ситно сецканите пиперки да се запржат, а потоа и месото. Кога месото ќе добие убава боја додадете го сенфот, зачините, ситно сецканиот домат и доматното пире. Пржете додека не испари течноста. Оставете филот малку да се излади пред да ги правите пликчињата.

Добар апетит =)

*Јас правев 1ипол доза, односно 36 парчиња па состојките за филот се точно за толку.
*Првиот пат кога ги правев по грешка малку повеќе ги развлеков коричките па не ми се толку пуфкасти, но имате во прилог и друга слика од наредното правење (со сирење) па убаво се гледа колку се лиснати.

Гавурдаги – турска салата

Состојки
2 домати
1 пиперка
1 кромид
1 млад кромид
50 гр сечкани ореви
1/2 китка магдонос
листови од две гранчиња свежо нане
феферонка по вкус
маслиново масло
сируп од калинка или балсамико оцет
лимонов сок
сол и мелен кумин по вкус

На југот на Турција има планина по која оваа вкусна салата го добила името. Одлично оди со ќебапи и ќофтиња, ама и во време на пост со тазе печено лебче.


Подтотовка
Исечкајте го зеленчукот на ситни парчиња. Во еден сад измешајте ги маслиновото масло, лимоновиот сок, сирупот од калинка и солта. Прелијте го сечканиот зеленчук и оставете 15 минути да ги впие соковите. Додадете ги оревите и послужете.

Забелешка
Доколку немате сируп од калинка ставете една лажица оцет балсамико, не дека е многу соодветна замена, ама и така е вкусна салатата. Може и лук да се насечка во салатата, а може и свежа краставичка, но ова е оригиналниот рецепт, кој може да го комбинирате по вкус и желба.

Peynirli pisi - Турски рецепт за пишии
Состојки
1 јајце
1 чаша млеко
3 чаши брашно
1 лажичка пециво
200 гр сирење

Рецепт кој се спрема брзо без да се чека да стаса тестото.
Во сад се замесуваат горе наведените состојки.
Тестото ако ви е лепливо додадете уште малку брашно.
Кога ќе биде убаво за работа,меко а не лепливо тогаш разделете го на 12 топчиња.
Од секое топче развлечете коричка и извадете со чаша по три кругови. Во секој круг ставете сирење па преклопете ги како месечинки и затворете ги со вилушка.
Веднаш пржете ги во загреано масло.
Вадете ги врз кујнска хартија за да се впие мрснотијата.
Да напоменам дека оргиналниот рецепт е да се работат тие 12 топки и да добиеме 12 пишии.
Но нас ни се многу големи, па јас ги направив помалечки и мислам дека големината е доволна.
На здравје појадокот.

Неверојатно меки и со величествен вкус, овие турски лепчиња се сон на секој човек што ужива во добрата и вкусна храна. Совршени за ужина, а еве како сосема лесно да ги приготвите уште денес.

 Испечати рецепт

Меки турски лепчиња во тава

Неверојатно меки и со величествен вкус, овие турски лепчиња се сон на секој човек што ужива во добрата и вкусна храна. Совршени за ужина, а еве како сосема лесно да ги приготвите уште денес.

Вкупно време30 мин

Оброк: закуска

Кујна: Турска

Клучни зборови: печени лепчиња

Порции: 4

Состојки

• 400 гр брашно
• 250 гр кисело млеко
• 5 гр сода бикарбона
• 1 прстофат сол

Начин на подготовка

• Измешајте го брашното со солта и содата и пресејте ги.
  
• Следно, исипете го и киселото млеко и замесете го тестото.
  
  
• Намачкајте ги вашите раце со растително масло, за да го избегнете лепењето на тестото по нив.
  
• Потоа, поставете го тестото во ладилникот да отстои 10 минути.
• Оформете го тестото и разделете го на 5 еднакви делови. Неопходно е секое парче да биде обликувано во тенок слој.
  
• Пред да ги поставите во тава, направете дупчиња со помош на вилушка, врз целата површина на питите. Испечете го добро во загреана тава, без да додавате растително масло.
  
• Печете и од двете страни, додека питите не ја добијат потребната кафеава нијанса.
  

Турската јајла чорба е една од најпознатите чорби на класичната турска кујна. Во турската култура, јогуртот има многу посебно место и го користат во комбинација со безброј јадења како ќебапи, мезе, како и главни јадења.

Потребни состојки:

• 60 гр ориз
• 700 милилитри вода
• 250 милилитри јогурт
• 1 жолчка од јајце
• 1 лажичка сол
• 2 лажици путер (или маргарин)
• 2 лажици нане во прав

Начин на подготовка:

1. Прво измијте го оризот и потоа ставете го во тенџере заедно со 500 милилитри вода, додајте сол и варете околу 15 минути, додека не омекне. Потоа намалете ја топлината.
2. Во сад, изматете го јајцето, ставете јогурт, брашно и 200 милилитри вода и добро измешајте.
3. Додадете ја смесата со јогурт во тенџерето и промешајте полека за да оставите оризот и јогуртот добро да се измешаат. Постојано мешајте додека не зоврие (варете околу 10 минути).
4. Во посебна тава, стопете го путерот и додадете го нането, промешајте неколку пати и потоа истурете го во чорбата.