Костените кои се едни од главните обележја на есента, како што веќе спомнавме можете да ги јадете печени или варени, можете од нив да направите вкусни мали бомбици, а исто така можете да ги употребите за подготвување на фил со кој ќе ја филувате тортата, која денес ви ја нудиме како наш предлог.

За подготовката на оваа вкусна торта со костени, покрај состојките кои ќе ви ги кажеме, во самата подготовка потребно е да внесете и многу љубов и внимание.
Костените се разбира дека ќе си ја завршат својата работа, т.е. ќе ѝ дадат на тортата еден посебен и неодолив вкус, но и љубовта со која ќе ја подготвувате тортата ќе биде причина повеќе за таа да биде навистина неверојатно вкусна.

Ви посакуваме пријатна и лесна работа, а кога тортата ќе биде спремна за консумирање, ви предлагаме со чаша црвено вино уште повеќе да го збогатите нејзиниот вкус.

Состојки за пандишпан:
4 јајца
4 лажици шеќер
4 лажици брашно
1 лажица какао
2 лажици масло

Состојки за фил:
6 јајца
200 гр. шеќер
250 гр. путер
250 гр. пире од костени
1 лажица ситно мелено кафе
1 лажица рум
50 гр. чоколадо
1 пакетче ванилин шеќер
2 кесички шлаг пена

Подготовка на пандишпанот:

1. Белките се матат со миксер заедно со шеќерот и постепено една по една им се додаваат жолчка не престанувајќи со матењето. 
2. Брашното се меша со какаото и со постојано мешање со лажица се става во смесата со јајцата.
3. Смесата за пандишпан се става во тркалезен, или во друга форма калап за торта, претходно убаво намрсен со масло и посипан со брашно. Може наместо масло и брашно да се употреби и хартија за печење.
4. Пандишпанот се пече 20 минути во претходно загреана рерна на 200°Ц. Испечениот пандишпан се вади од калапот и се остава убаво да се излади.
 

Подготовка на филот:

1. Јајцата, шеќерот и ванилиниот шеќер се ставаат во сад да се стопат над пареа со постојано мешање, додека смесата не се згусти.
2. Откако смесата ќе ја добие потребната густина се трга од пареата и во неа се додава чоколадото. Смесата се остава убаво да се олади.
3. Путерот се мати со миксер додека да стане пенест и во него се додаваат кафето, румот и пирето од костени (претходно сварени, убаво исчистени и убаво миксирани) и оваа смеса се става во претходната изладена смеса. 
Сѐ убаво се меша додека филот убаво се соедини.
 

Финална подготовка на тортата:

1. Изладениот пандишпан се враќа во калапот во кој се печел. Над него се става изладениот фил и калапот се става во фрижидер за да се стегне тортата со филот.
2. Кесичките шлаг се матат според упатството за употреба и со добиениот шлаг се премачкува целата површина на тортата. Одозгора тортата можете да ја украсите со неколку претходно сварени и исчистени јатки костени, или по ваша желба.

Тортата од костени и лешници е традиционален македонски десерт кој ќе ви ja заблажи празничнaта трпеза на утрешниот ден.

За да ја подготвите треба да набавите – 1 килограм варени, лупени и пасирани костени, 250 гр шеќер, 300 гр чоколада за готвење, 200 гр пржени и мелени лешници, 250 гр путер, 300 мл слатка павлака.

Потребно време за подготовка на овој специјалитет е 30-на минути, не сметајќи го времето за ладење.

Во тенџере на оган го ставаме шеќерот, додаваме 100 милилитри вода и мешаме со лажица. 200 гр чоколада ја кршиме на парчиња и ја ставаме да се топи на пареа. Откако шербетот ќе ја добие потребната густина, го тргаме тенџерето од оган.

Во сад за матење ги ставаме пасираните костени. Го додаваме шербетот и мешаме со лажица.  Потоа во садот ги додаваме мелените лешници и мешаме со лажица додека состојките не се соединат.

Во тенџере на оган ги ставаме парчињата путер. Садот со растопената чоколада го тргаме од оган и мешаме со лажица за чоколадата побрзо да се излади. Тенџерето со растопениот путер го тргаме од оган. Растопената чоколада ја додаваме во садот со костените и лешниците и промешуваме. Потоа во садот го додаваме растопениот путер и мешаме со лажица додека не добиеме хомогена маса.

Торта од костени

СОСТОЈКИ

за тесто
• 5 јајца
• 5 големи лажици брашно
• 5 големи лажици шеќер
• 1 ванилин шеќер

за крем од костени
• ½ кг пире од костени
• 200 гр путер
• 200 гр шеќер
• 1 ванилин шеќер
• 1 мала лажица рум
• 100 гр чоколадо за готвење
• 1 дл вода
• 1 кесичка шлаг
• 2 дл слатка павлака

ПОДГОТОВКА
Состојките за тестото се мешаат со помош на миксер. Добиеното тесто се налева во калап за печење. Потоа, се пече на температура од 220℃ околу 20 минути.

Во меѓувреме, се мешаат водата и румот. Потоа се додаваат шеќерот, ванилиниот шеќер, путерот и чоколадото. Сите состојки се мешаат на умерен оган, сѐ додека не се истопат и соединат.

Вака подготвената смеса се додава на пирето од костен и се мешаат додека не се добие хомогена смеса. Откако, во посебен сад, ќе го изматате шлагот, додајте го кон смесата и повторно добро измешајте.

Потоа, обложете го со алуминиумска фолија калапот во која ќе ја оставите тортата во фрижидер. Фолијата премачкајте ја со путер и налејте ја смесата со костени. Одозгора ставете го тестото и затворете ја фолијата. Се остава преку ноќ, да отстои во фрижидер.

Следното утро, тортата се превртува обратно и се вади од калапот. Се поставува на стаклена чинија и одозгора се премачкува со шлаг од слатка павлака или глазура од чоколадо.

Состојки
4 јајца
12 лажици шеќер
2 лажици какао
4 лажици брашно
1 пециво
2 штангли рендана чоколада + 4 лажици мелени ореви.
фил
800гр варени лупени костени
250гр маргарин
250гр шеќер во прав
2 кесички шлаг пена
200мл млеко
100гр чоколада

Јајцата се матат со шеќерот а потоа се додаваат и преостанатите состојки и се пече пандишпан во плех 32-40.
Фил
Костените се лупат и се пасираат или се ставаат во блендер. Маргаринот се мати со шеќерот во кремаста маса. Кесичките шлаг пена се матат со млекото и полека кон нив се додава пирето од костени. На крај се додава и маргаринот, се заедно се мати и се добива прекрасен мазен крем со кој се премачкува пандишпанот.
Најогоре се ренда чоколада а овој пат изборот падна на блок чоколадата и прекрасно се спои и вкусот.

Бајадера со костени