Состојки
400 г сув интегрален леб
2 јајца
150 мл јогурт
150 мл кисела вода
5 лажици пченичен гриз
5 лажици пченкарно брашно
150 мл масло
1 прашок за пециво
200 гр сирење
200 гр маслинки
малку сол
50 гр сусам
50 гр семки од сончоглед

Лебот исецкајте го на коцки и малку потпечете го во тавче без масло. Јајцата изматете ги со миксер, додадете го јогуртот, маслото, киселата вода, пченкарното брашно, гризот, прашокот за пециво и матетете додека не добиете хомогена смеса. Додадете малку сол. Потпечените кубети од леб измешајте ги во изматената смеса и додадете го издробеното сирење, исецканите маслинки и семките од сончоглед. Сето тоа убаво измешајте го, ставете го во силиконски калап и наросете го со сусам. Ставете го да се пече во загрена рерна на 200 степени околу 30тина минути. Исечете ја питата на парчиња и послужете ја додека е топла со јогурт или кисело млеко. Пријатен доручек!

Додатоците како суво грозје, брусници, суви сливи, одбирајте ги смаи, а комбинации има колку што сакате. И ефтин и брз десерт.

 Состојки:

5 кришки стар леб
2 лажици стопен путер

50 г суво грозје или некое друго суво овошје

4 јајца

400 мл млеко

100 г шеќер

1 ванилин шеќер

Мелен цимет

рум

Приготвување: 

1. Загрејте ја рерната на 175 степени.
2. Здробете го лебот на помали парчиња и ставете ги во тепсија за печење. Врз лебот истурете ги стопениот путер и сувото грозје.
3. Во еден сад измешајте ги јајца, млекото, шеќерот, ванилата, циметот и румот се додека не се соединат. Прелијте ја смесата врз лебот и притиснете го со вилушка за да се прекрие целосно со смесата.
4. Печете околу 45 минути.

Подгответе го специјалитетот ден претходно, а утрото ставете го во рерна и за еден час имате совршен појадок. Циметот е омилен зачин за време на божиќните празници, па затоа „обојте“ го празничното утро со оваа совршена арома!

Потребни состојки:

• 1 стар леб (околу 1/2 кг) исечен на парчиња
• 230 г крем сирење
• 6 големи разматени јајца
• 800 мл полномасно млеко
• 50 г кафеав шеќер
• 1 мала лажичка цимет
• 1 мала лажичка екстракт од ванила
• Прстофат сол
• 125 г шеќер во прав
• 20 г издробени житарки со цимет

Начин на подготовка:

1. Подмачкајте една голема тава со масло за готвење.
2. Рамномерно распоредете ги парчиња стар леб во садот, преклопувајќи ги меѓусебно. Додадете крем сирење одозгора и помеѓу парчињата, рамномерно распределувајќи ја целата количина.
3. Во голем сад изматете ги заедно јајцата, 3 шолји млеко (700 мл), кафеавиот шеќер, циметот, ванилата и солта додека добро не се измешаат.
4. Истурете ја смесата врз лебот. Притиснете го лебот за секое парче леб добро да се натопи. Покријте ја тавата со пластична фолија и оставете ја во фрижидерот да преноќи.
5. Следното утро, загрејте ја рерната на 180ᵒ C.
6. Отстранете ја пластичната фолија и ставете го специјалитетот да се пече 50 до 60 минути, сè додека површината не стане крцкава.
7. Во помал сад, разматете ги заедно шеќерот во прав со 100 мл млеко. Прелијте ја содржината врз касеролата и наросете мелени житарки со цимет.

Добар апетит!