http://www.crnobelo.com/hrana/recepti/36410-rucek-za-mrzlivi-krckava-pica-od-star-leb" rel="nofollow -

Кога нема да ви се готви, а сепак ќе ви се јаде нешто сочно, наместо да порачувате пица - направете си домашна.

Предноста е што стариот леб ќе добие многу подобар вкус и нема ништо да фрлите.

Ви требаат само неколку состојки кои веројатно ги имате во фрижидер:

• 10тина парчиња (сув) леб
• 100g кајмак
• 1 јајце
• 1 лажица издробено тврдо сирење
• 200ml млеко
• 100g кулен или салама по желба
• 300g кашкавал по желба
• Кечап
• Оригано, сол

Подготовка:

Подмачкајте една тепсија со масло или путер, распоредете ги парчињата леб, така што со мали парченца ќе ја пополните секоја празнина.

Во посебен сад измешајте го јајцето со млекото, кајмакот, сирењето и сол по желба. Прелијте преку лебот.

Наредете а саламата, а кашкавалот исечкајте го на парчиња.

Оставете половина час лебот да ги впие состојките, па потоа печете на 220 степени околу 20 минути. Зачинете и послужете.

http://www.crnobelo.com/hrana/recepti/36410-rucek-za-mrzlivi-krckava-pica-od-star-leb" rel="nofollow">

-------------
Јакиот човек има само една слаба страна-жената што ја сака!

ПИРОШКИ, ПИТИ И РОЛАТИ ОД ТВРД ЛЕБ

Што правите со тврд, сув и исушен леб? Не фрлајте го, ви даваме рецепти со кои можете да го збогатите менито

Лебот е еден од најважните продукти, барем во исхраната на балканскиот човек, а неговиот состав е добро познат - брашно, вода, квасец, сол, шеќер, а некои ставаат и малку витамин Ц. Брашното има белковини (протеини) и скроб, трите растворливи белковини се албуминот, глобулинот и протеазата, а нерастворливи се глутеинот и глијадинот. При замесувањето на тестото, растворливи протеини се раствораат во водата и ја формираат структурата на лебот. Глутеинот создава низа од долг и тенок синџир од молекули, а глијадинот ги сврзува овие синџири, формирајќи мостови. Како резултат на тоа се формира мрежа од два протеина, глутеин и глијадин. Смесата од овие два протеина е позната под името глутен. Ете затоа по месењето е важно тестото да се одмори. Дали сте знаеле дека корката од лебот е покорисна во споредба со мекиот дел од внатрешноста? Германскиот биохемичар Томас Хофман, на пример, дошол до сознание дека при процесот на печење, во корката на лебот се формираат различни антиоксиданси, што ја прави многу здрава. Инаку, што правите со тврд, сув и исушен леб? Не фрлајте го. Од сувиот леб можете да направите трошки што ќе ги искористите за похување, тој може да се потпече, да се измеле или истолчи и, се разбира, да се направат пржени лепчиња и двопек. Еве уште некој совет како да го искористите бајатиот леб.



Мусака од леб

Потребно е:

1 векна стар леб 

300 г сирење 

200 мл павлака 

200 мл кисела вода 

200 мл млеко 

3 јајца 

сол, сусам 

50 г зелени маслинки без семка



Лебот се сече на тенки парчиња и се реди во подмачкано тавче. Настрана се мати едно јајце со 100 мл кисела вода, се полива врз првиот ред лепчиња и одозгора се става дробено сирење и сечкани маслинки.

Се реди вториот ред лепчиња и се додава преостанатиот фил, т.е двете јајца, 100 мл кисела вода, павлаката, млекото и дробеното сирење. Полијте го врз лепчињата и убаво распоредете го филот. Одозгора попрскајте со масло. Оставете да стои 30 минути. Посолете со сусам. Загрејте ја рерната на 200 Ц степени и печете додека не поцрвене.



Пирошки

Потребно е: 1 бајат леб 

2 јајца 

100 г кашкавал или сирење 

100 г салама 

50-100 мл млако млеко или вода 

100 г трошки од леб

Подготовка

Лебот се кршиме на ситни парчиња, се полева со млеко или вода за да омекне и се оставаме да покисне околу 10-15 минути. Во меѓувреме, сечкаме салама и кашкавал и матиме јајца. Лебот го замесуваме малку, па потоа ги додаваме јајцата, саламата и кашкавалот. Ставаме и трошки од леб и убаво месиме да се добие смеса од која може да се формираат пирошки. Пирошките ги валкаме во трошки од леб и пржиме во загреано масло.



Салата

Потребно е:

600 мл кисело млеко 

2-3 лажици кисела павлака 

2 лажици зејтин 

средината од 1 векна леб 

лук 

толчени ореви

Во сад ставете газа, во неа млекото и за кратко време нека се процеди векната. Ставете го млекото во друг сад, додадете кисела павлака и зејтин, по по вкус сол, лук и зејтин и измешајте. Додадете ја изронетата средина и малку толчени ореви. Измешајте и салатата е готова.



Лажна пита

Потребно е: 10 парчиња бајат леб, 4 јајца, 150 мл јогурт, 150 мл масло за јадење, 150 мл кисела вода, 200 г урда сол, 30 г путер, мирудии по желба и малку ајвар. 

Сето ова се меша додека не се добие компактна смеса. Потоа се става во подмачкан плех, се попрскува со масло, а пред самото вадење се наросува со рендано сирење. 



Ролат од бајат леб

Потребно е:

половина векна бајат леб

100 г сирење

100 г трошки од леб

100 г салама

2 јајца

100 г на парична казна сирење



Сомелете го лебот и додадете едно јајце, малку млеко, сол и добро измешајте. Кашкавалот, саламата и сирењето се рендааат и се додаваат во смесата. Површината ја посипуваме со трошки, потоа ја развлекуваме смесата и внатре редиме неколку варени јајца. Тоа се витка како ролат, се става во тава и се пече околу 20 минути. Пред да се извади, може да се намачка со кечап или да се нароси со пармезан. 



Макало

Потребно е:

1 главичка лук

2 филџани бајат леб

половина филџан оцет

1/2 филџан масло, по можност маслиново 

сол

малку магдонос

малку мелени ореви



Лепчињата се топат во вода и се цедат, се толчи лукот и се меша со лебот, а потоа се додаваат и другите состојки со постојано мешање. На крај, се полева во загреано масло, се меша и макалото е готово.



Пица пита

150 г чадено мисиркино 

месо 

150 г мрсен колбас 

4 јајца 

550-560 г бајат леб, исечкан на парчиња 

700-800 мл топло млеко 

100 г мајонез 

кечап 

150 г пармезан 

Лебот се натопува во топло млеко и се остава да отстои половина час. Изматените јајца се додаваат во смесата, а потоа и сите состојки, исечкани на парчиња, заедно со мајонез и кечап. Смесата се става во подмачкан плех, се израмнува и пред вадењето се посипува со пармезан.

https://www.crnobelo.com/hrana/recepti/75853-chetiri-recepti-so-koi-kje-go-iskoristite-stariot-leb" rel="nofollow - - Четири рецепти со кои ќе го искористите стариот леб

Крутони со магдонос

Потребни состојки:

• 100 ml масло (можете да користите и путер или маргарин)
• 200 g леб исечен на мали коцки
• Прстофат сушен магдонос

Начин на подготовка:

Загрејте го маслото и во тавата додајте ги лебот и магдоносот. Пржете додека лебот не добие златно жолта боја.

Тргнете ја тавата од оган и ставете ги крутоните на хартија за да се исцедат од маслото.  По желба може да додадете и други состојки.

Француски тост

Потребни состојки:

• 3 јајца
• 1 лажица павлака
• 1 лажица јаворов сируп или мед
• 1 лажичка екстракт од ванила
• 25 g несолен путер

Начин на подготовка:

Во плиток сад изматете ги јајцата, павлаката, јаворовиот сируп и екстрактот од ванила.

Растопете го путерот во голема тава на среден оган.

Секое парче леб потопете го во смесата од јајца од двете страни.

Пржете ги парчињата по една минута на секоја страна, додека не добијат златно-кафеава боја.

Но, повеќе нема потреба да го фрлате стариот леб.

Постојат многу рецепти за кои ви е потребен токму стар леб, а во продолжение погледнете четири предлози:

Пудинг со леб и путер

Потребни состојки:

• 250 ml полномасно млеко
• 300 ml павлака
• 1 лажичка екстракт од ванила
• 3 цели јајца и 1 жолчка
• 3 лажици шеќер
• 8 парчиња бел леб
• 50 g растопен путер
• 75 g суво грозје или какво било суво овошје
• Кора од половина лимон
• 2 лажици кафеав шеќер

Начин на подготовка:

Загрејте ја рерната на 180 степени.

За да го направите пудингот, измешајте ги млекото и павлаката во тенџере и загрејте ја смесата, но не дозволувајте да зоврие. Во меѓувреме, изматете ги јајцата и жолчката со белиот шеќер.

Постепено додавајте ја смесата со млеко во јајцата со мешање. Потоа додајте и екстракт од ванила.

Тавата намачкајте ја со масло. Исечете ги корките од лебот, пресечете ги парчињата на половина и намачкајте ги со растопениот путер. Дел од лебот наредете на дното на тавата.

Измешајте го сувото овошје со лимоновиот сок и половина од смесата додајте ја во тавата.

Распределете го преостанатиот леб во тавата, а потоа додајте ја преостанатата смеса со овошје.

На крај, додајте ја смесата со млеко и јајца и оставете да се впие. Додајте малку кафеав шеќер и печете 35-40 минути.

Брускети

Потребни состојки:

• Маслиново масло
• Парчиња леб
• Крупна сол

Начин на подготовка:

Премачкајте ги парчиња леб со маслиново масло и додајте крупна сол.

Во загреана рерна печете ги 2-3 минути.

Испечените брускети можете да ги намачкате со омилениот намаз, да им додадете домати и моцарела или да ги збогатите и со друг зеленчук како пиперка или тиквичка, печурки и што и да посакате - изборот е ваш.

https://www.kafepauza.mk/zivot/kaserola-so-bajat-leb-i-cimet-sovrshen-pojadok-koj-mozhe-odnapred-da-go-podgotvite/" rel="nofollow - - Касерола со бајат леб и цимет – совршен појадок кој може однапред да го подготвите

Подгответе го специјалитетот ден претходно, а утрото ставете го во рерна и за еден час имате совршен појадок. Циметот е омилен зачин за време на божиќните празници, па затоа „обојте“ го празничното утро со оваа совршена арома!

Потребни состојки:

• 1 стар леб (околу 1/2 кг) исечен на парчиња
• 230 г крем сирење
• 6 големи разматени јајца
• 800 мл полномасно млеко
• 50 г кафеав шеќер
• 1 мала лажичка цимет
• 1 мала лажичка екстракт од ванила
• Прстофат сол
• 125 г шеќер во прав
• 20 г издробени житарки со цимет

Начин на подготовка:

1. Подмачкајте една голема тава со масло за готвење.
2. Рамномерно распоредете ги парчиња стар леб во садот, преклопувајќи ги меѓусебно. Додадете крем сирење одозгора и помеѓу парчињата, рамномерно распределувајќи ја целата количина.
3. Во голем сад изматете ги заедно јајцата, 3 шолји млеко (700 мл), кафеавиот шеќер, циметот, ванилата и солта додека добро не се измешаат.
4. Истурете ја смесата врз лебот. Притиснете го лебот за секое парче леб добро да се натопи. Покријте ја тавата со пластична фолија и оставете ја во фрижидерот да преноќи.
5. Следното утро, загрејте ја рерната на 180ᵒ C.
6. Отстранете ја пластичната фолија и ставете го специјалитетот да се пече 50 до 60 минути, сè додека површината не стане крцкава.
7. Во помал сад, разматете ги заедно шеќерот во прав со 100 мл млеко. Прелијте ја содржината врз касеролата и наросете мелени житарки со цимет.

Добар апетит!