Состојки

    600 гр. тиквички
    на вкус мешавина од сув зеленчук, бибер и сол
    според потребата гриз
    според вкус лук,и магдонос
    околу 500 мл. млеко
    малку путер и масло

- Измешајте ги сувиот зеленчук, биберот и солта.
- Насецкајте лукот и магдоносот и измешајте ги.
- Тивкичките измиени доколку се млади нема да ги лупите, исечете на тенки тркалца или по должина, посолете со мешавината од сувиот зеленчук, солта и биберот.
- Ставете во тањир гриз и секоја тиквичка само од едната страна извалкајте ја во гриз. Редете во подмачкана тава со масло, така што страната со гризот да биде одозгора. Посипете малку од мешавината лук и магдонос, па продолжете со истата постапка се додека ги потрошите тиквичките. Најодозгора посипете само со магдонос.
- Внимателно залијте ги со млекото во кое исто така сте ставиле од мешавината на сувиот зеленчук, солта и биберот. Исецкајте малку путер на коцки - ставете одозгора, додадете и малку масло. Вака приготвени ставете на тивко да печат во рерната, на 180С додека не заруменат малку.
Одличен ручек кој ако избегнете лукот и зачинките... е добро и како бебешка храна.
Вака приготвените тиквички се одличен прилог кон печено мевце без разлика какво, а и засебно како целосен оброк со салата...одлично.
Рецепт на една дама  која има најголема, најискрена и најтопла насмевка ... Драгана Петрович. Гаго- Благодарам мадам!

Состојки

    750 грама млади тиквички ( или 3 средно големи )
    350 грама кравјо сирење
    6 јајца
    8 лажици гриз
    3 лажици растопен путер
    150 грама сланина
    1 лажиче сол
    1 лажиче црн бибер

Изрендајте ги измиените тиквички сосе лушпа.
Посолете ги и оставете ги да пуштат вода.
Потоа убаво исцедете ги со раце од водата што ја пуштиле.
Изгмечете го сирењето и во него додадете ги тиквичките.
Одвојте ги жолчките од белките и додајте ги во сирењето и тиквичките, а од белките изматете снег.
Додајте во смесата гриз, растопен путер, сол, бибер и сланина.
На крај, се ставете во изматените белки, убаво измешајте и истурете ги во подмачкан плех.
Печете во загреана рерна на 200 степени, 30 минути.

Обожавам тиквички, а на овој начин припремени се превкусни.
Може да употребите и друг вид на сувомеснат производ по желба.
Ова е одлична вечера после двонеделниот пост.

Добар апетит!

Има толку многу рецепти за овој вкусен производ, но ние сакаме да го споделиме со Вас еден од најдобрите.

Состојки:

1 тиквички (2 помали)

70 гр. кашкавал

100 гр. павлака

1 чешне лук

магдонос , копар , сол – по вкус

Подготовка:

Измијте ги тиквичките, исечете ги на парчиња и зачинете ги со сол

Изрендајте го кашкавалот

Лукот измелете го или згмечете го со преса

Измешајте ги кашкавалот, лукот и павлаката. Ако сакате, можете да му додадете на сосот и ситно исечени зачини.

Намачкајте ја тавата со масло и наредете ги тиквички. Рамномерно распоредете го одозгора крем сосот.

Печете на 180 степени околу 20 минути.

Добар апетит!

Јадење чиј вкус долго ќе го памтите…

Ова летно јадење подгответе го за ручек или за вечера и уживајте во неповторливиот вкус.

Од намирници потребно е – 2 тиквички со средна големина, 100 грама шунка или сланина, 150 грама крем сирење, 50 грама моцарела или некое друго сирење кое лесно се топи, 1 чили пиперка, неколку листа босилек и сол и црн пипер.

Подготовка

Исечкајте ги тиквичките по ширина, внимавајќи да не ги пресечете сосема, за да добиете форма на армоника. Шунката исечкајте ја на лентички. Ставете по една до две лентички помеѓу секој рез на тиквичките и притиснете ги лентичките подоле во тиквичката.

Таквите тиквички префрлете ги во сад за печење кој претходно сте го намастиле малку. Печете на 200 степени околу 10-на до 15минути, во зависност дали сакате тиквичките да бидат малку крцкави или не.

Додека тиквичките се печат, подгответе го полнењето – крем сирењето, изренданата моцарела, ситно исечканата чили пиперка и босилекот, помешајте ги во глатка смеса. Наросете сол и црн пипер по вкус.

На крајот, наполнете ги тиквичките со смесата, изрендајте врз нив уште малку кашкавал и печете уште 10-минути, додека кашкавалот и сирењето се стопат. Послужете го јадењето топло.

Сезоната на тиквички е пред нас, а од оваа намирница се подготвуваат најразлични вкусни јадења. Ние ви предложуваме да го дегустирате специјалитетот од тиквички во бешамел сос.

Потребни намирници – 3 средно големи тиквички, 150 грама кашкавал (или пак, моцарела), сол, оригано, црн пипер и мирудии по желба, 1 лажица павлака, 2 јајца.