Се од тиква

Состојки
180гр. брашно
1 јајце
1 банана
250гр. пире од тиква
1/2 лажичка сода бикарбона
1 лажичка прашок за пециво
100гр. кафеав шеќер
1 лажица какао во прав
1 лажичка ситно мелено кафе
150гр. кисела павлака
1 лажица цимет
100гр. сецкани ореви

- Во сад се соединува брашното, кафеавиот шеќер, содата, прашокот за пециво, циметот и сецканите ореви.
- Во друг сад се соединуваат мокрите состојки, пасираната банана, јајцето, пирето од тиква и киселата павлака.
- Постепено се додаваат сувите во мокрите состојки, добиената смеса се дели на два дела и во едниот се додава какаото во прав и кафето.
- Во калап за леб, обложен со хартија за печење се истура половина од темната смесата, па половина од светлата и така се додека се има метеријал.
- Се пече 50-55 минути на 175Ц.

Состојки
250 гр исчистена тиква
170 гр ореви
150 гр шеќер
150 гр брашно
4 јајца
1 паковка ванилин
1 паковка пециво
по потреба шеќер во прав

Уште една варијанта на колач со тиква и ореви, кој е мек, вкусен и едноставен во приготвување :)

1. Излупените ореви се сецкаат ситно и се мешаат со варената и згмечената тиква.
2. Јајцата се матат со миксер заедно со шеќерот и ванилинот, потоа се додаваат брашното и пецивото, смесата се промешува и се додаваат оревите со тиквата.
3. Смесата се става во намрсено и набрашнето тавче бр. 24 и се пече во рерна на 180 степени околу 40 минути.
4. Приготвениот колач се наросува со шеќер во прав.

Во смесата може да се додаде малку изрендана кора од портокал.

Состојки
1 кгр. тиква хокаидо
За кремот
500 мл. млеко
4 јајца
4 лажици шеќер
2 ванили
За облога на внатрешноста на тиквата
според потребата брашно
3 лажици шеќер

Малку различно да е..
 
- Тиквата се отвара сечејки го горниот дел кај рачката, но отворот не би требало да биде голем. Со рака исчистете ги семките и внатрешноста на тиквата.
- Побрашнете ја тиквата во внатрешната исто како кога побрашнуваме плехче.
- На тивок оган стопете го шеќерот во карамел, внимавајте да не ви прегори, додека е во течна состојба излијте на дното од тиквата малку протресете за да се подели и на зидовите. Тоа се работи побргу. Замотајте ја тиквата во фолија.
Крем карамел
- Се матат јајцата со шеќерот, но не во густа пена, се додава млекото и ванилите. Се размешува уште малку, се трга, се налева од добиената смеса во тиквата до самиот врв.
- Внимателно преместете ја тиквата во подлабок сад наполнет со вода која ќе биде до ниво на едно два прста до самата висина на тиквата. Покријте со одсечениот дел кој ќе ви послужи како капак, а после извесно време при самиот крај тргнете ја како би се испекол и одозгора кремот.
- Ставете во загреана рерна на 160-170 степени да се тивко вари-пече најмалку околу 2 часа. Кремот е печен кога на допир со раката ќе осетите дека тој е доволно густ и цврст
- Кога е готова извадете ја веднаш од водата, оставете до потполно оладување, а потоа сечете и уживајте во овој убав спој на вкусови.
Напомена
- За време на печењето на тиквата нивото на кремот се намалува од претходно ставен во тиквата, бидејки од самиот крем останува малку, слободно отворете и долијте, затворете ја рерната и нека продолжи да се пече.
- Кремот не го матете премногу за да не ви се направат шуплини при печењето.
- Во никој случај не ја сечете додека е топла, мора потполно да олади.
- На мене ми остана од самиот крем, го поделив во мали садчиња, истовремено го ставив во рерната да се потпече кремот.
- Додека е тиквата со кремот во рерна, повремено надгледувајте. Ако водата премногу силно врие, намалете температурата или едноставно подотворете ја малку рерната и пак затворете.
Крајно благодарна сум на Ивана Крстева - рецептот е нејзин, го правев точно како што препорача таа - а јас овде го пренесов.

Состојки
1 Хокаидо тиква од цца 2 кг
по вкус маслиново масло
по вкус сол
по вкус бибер
по вкус суво оригТиквата прво измијте ја под млаз вода, за да се одстранат евентуалните нечистотии. Пресечете ја на половина и со лажица извадете го семето и опната во која се наоѓа истото. Потоа исечете ја на приближно еднакви парчиња и излупете ги. Кората од Хокаидо тиквата се јаде, меѓутоа јас повеќе ја сакам кога кората и‘ е излупена.

Исечените парчиња тиква, ставете ги во подлабок сад и додадете ги маслиновото масло и зачините. Со раце убаво измешајте, за зачините да можат да се залепат на секое парче. Вака зачинетата тиква, наредете ја во плех обложен со хартија за печење.

Печете на 200 Ц, додека тиквата не омекне и краевите не почнат благо да црнеат.

Може да се јаде како самостоен оброк, како прилог или како додаток во салата (зелена салата, печена тиква и фета сирење), топла или ладна. Јас повеќе ја сакам во втората варијанта затоа што ми има поубав вкус.

• Чорба од тиква и јаболка

Состојки
500 гр. исчистена тиква
1 јаболка - Грени смит
1 помал кромид
2 чешниња лук
2 лажици маслиново масло
1/2 лажица сув зеленчук
на вкус сол, мускатно оревче, бибер, каенски пипер
за послужување - на вкус2 лажици пропечени семки од тиква
на вкус зрна калинка
на вкус магоднос

- Измијте ја тиквата, исчистете ја само од семките и исечете на помали парчиња. Ставете во тава послана со хартија за печење. Јаболката исто така исчистете и расечете на половина, кромидот излупен исто така расечен, додадете го и лукчето - залијте со маслиновото масло, покријте со капак или алу-фолија и нека се пече во загреана рерна на 200 степени додека тиквата да омекне.
- Со лажица извадете го месото од тиквата, со блендер изблендирајте заедно со јаболката, кромидот, лукот. Ставете во касерола, додајте вода за да ја добиете саканата густина, зачинете, ставете на оган да се вари неколку минути.
- Топла послужете ја со посипани препечени семки од тиква, а вкусот надополнете со зрна од калинка.

Напомена
- Можете да додадете и кисела павлака доколку ја сакате таквата комбинација.
- Експирементирав: наместо да печам, во касеролата ставив прво да се пржи кромидот, додадов потоа тиквата, јаболката и лукот, залив со пилешки бујон, зачинив, вкусовите се разликуваат, но не толку битно, зависно колку време имам на располагање, го избирам начинот на кој ќе ја приготвам чорбата.

Состојки
За прв фил
4-5 бисквити
50гр. бадеми
1 портокал
20гр. путер
1 ванила пудинг
млеко (според упатството)
За пире од тиква
200 гр (4-5 резниња) тиква
4 лажици шеќер
4 бисквити
1 ванилин шеќер

Најпрво најправете го пирето/филот од тиква.
Тиквата се вари со малку вода околу 20 мин додека не омекне сосема. Се додава шеќерот и мешајте убаво да се растопи.
Со блендер се мешаат бисквитите и пирето.
Нека се лади додека ги спремате другите работи.

Првиот слој го правите со мелени бисквити, мелени бадеми и путерот кој стоела малку на собна температура.
Додадете сок од портокал да добиете убава смеса.
Изрендајте кора од портокал за да даде преубава арома.
Наредете го филот во чашите во кои ќе послужувате.

Потоа направете го пудингот според упатството. Нека се олади 4-5 минути и ставете врз првиот слој. Во пудингот ставете цели бадеми, таман ќе омекнат и ќе дадат убава структура.
Почекајте да се олади и на крај ставете го пирето од тикви.
Ќе ви шепнам тајна, Јас не чекав и ми пропадна пирето во пудингот. :)) Ама вкусот си го имаше исто.

На крај исцедете уште малку сок од портокал, изрендајте чоколадо, кора од портокал и искршете бадеми.
Почекајте да се олади.
Или не чекајте. )

Земете лажици, викнете си ги најблиските и уживанција.
Малку се заиграв со есенската декорација. Ама ми беше ќеф и убаво фотографирање со вкусен десерт.

На здравје.

Состојки
425 грама тиква
1/3 чаша кафен темен шеќер
1/4 чаша мед
1 лажица сок од лимон
1/4 лажица цимет

Путерот од тиква е супер рецепт не само за оние кои ја обожаваат тиквата и вкусните јадења приготвени со неа, туку верувам ќе им се допадне на сите кои сакаат да пробаат нешто ново и вкусно, без разлика на возраста. Исто така верувам дека ќе ги израдува луѓето кои внимаваат што внесуваат во своето тело, како и на романтичните души кои ја сметаат есента за свое омилено годишно време.

Кога го завршував путерот од тиква, почувствував како слаткиот пријатен мирис од тегличката го исполни мојот дом со мирис на есен. Ако се сложувате со барем дел од ова што го напишав, тогаш, еве го рецептот за путер од тиква кој ќе ви даде наутро го намачкате на тост ќе ви даде доволно енергија и убав почеток на денот, или навечер ќе ве опушти додека сте гушнати со саканите под топлото ќебе, уживајќи во вкусни палачинки филувани со овој путер.

Тиквата ја излупив и исечкав на ситни парченца. Потоа заедно со тиквата веднаш ги ставив шеќерот, медот, лимонот и циметот во тенџере на тивок оган. Кога почна да врие мешав додека не омекнаа парчињата тиква. Кога омекна тиквата го тргнав тенџерето од оган и смесата ја ставив во блендер. Откако се беше изблендирано и изедначено, смесата ја вратив во тенџерето и додадов две чаши вода. Постојано мешав се додека не се појави трага од лажицата на дното на садот. Тоа е знак дека путерот од тиква е готов. Почекав малку да се олади и путерот го собирав во тегличка, а веќе беше таман за мачкање на тост, палачинки, бисквити, колачи или на што вам ви се допаѓа.
Треба да се чува во фрижидер.
И тоа е тоа, вкусно, здраво и полно со витамини.