Ќунефе - Турски десерт со кадаиф

Состојки
200-250 гр. пресен кадаиф
40-50 гр. путер
70 гр. моцарела
20-30 гр. фстаци
Шербет
1/3 чаша (од 200мл) шеќер
1/3 чаша вода
малку сок од лимон
Прекрасен турски деликатес.
За подготовка на овој рецепт во Турција се користат специјални чинии, но и обични метални чинии вршат работа.
За овој рецепт е потебен пресен кадаиф (турски, грчки).
Кадаифот се кини на мали парчиња, путерот се растопува и се додава на кадаифот.
Половината од кадаифот се става во метална чинија или тавче и се притиска. Над кадаифот се додава моцарелата или ако имате пресно несолено сирење кое што се растопува може да го искористите. Над сирењето се додава другата половина од кадаифот и пак се притиска
Така подготвеното ќунефе се пржи на многу тивок оган од едната страна додека да добие златна боја, потоа се врти од другата страна. За пржењето потребно е некаде половина час.

За шербетот се смесуваат состојките и се вари за кратко.
Млакиот шебет се додава на жешкото ќунефе и се остава за малку на оган потоа се тргнува од оган и се додаваат ситно сечканите фстаци.
Од овие состојки се добива едно ќунефе.

Турски бухти

Состојки
4-1/2 чаши брашно
1 чаша густин
1 чаша маслиново масло
1 белка
1 лажица истант квасец
1-1/2 чаша млеко
2 лажици шеќер
1-1/2 лажички сол
За премачкување и посипување
1 жолчка
1 лажица масло
колку е потребно бел и црн сусам... може и микс на семиња

Овој рецепт за тестото, а може да се полнат, останува вие да си изберете.
Постапка
Растворете го квасецот во топлото млеко во кое сте додале шеќерот, солта, потоа додадете го маслото, но не го ставајте одеднаш целото. Оставете ако се покаже за потребно, со него ќе го домесете тестото. Додадете ја лесно разматената блека, брашното измешано со густинот, месете да добиете фино нелепливо тесто. Оставете да стаса. Размесете го тестото и поделете го на топчиња во големина на мандарина, наредете во плекчето и оставете нека стасуваат околу 20 мин. Со остар нож или ножица направете засек, премачкајте со жолчката и посипете со сусамот. Ставете нека се печат на 190 степени. Готови се кога ќе заруменеат убаво.
Совет
- Како што реков, маслото не го истурајте одеднаш, можеби нема да е потребно цела 1 чаша. Тоа многу зависи од самото брашно.
- Ако сакате да ги полните можете во засекот да ставите парче сирење или да направи на дланката мала кора од секое топче, па полнете ги со фил од варен компир згмечен или нарендан во кој ќе додадете сирење, бибер, пржен кромид... измешајте и на средината на секоја мала кора ставете од филот, затворете и формирајте повторно топче. Јас денес си ги правев сосема празни, ќе бидат за забава, па нека секој си стави што сака. 

Состојки
550 гр. брашно
1 лажица шеќер
1/2 лажичка сол
2 лажици зејтин
1 свеж квасец
250-300 мл. млака вода
Премаз
100 мл. гроздов сируп (маџун)
200 мл. вода
1 лажица брашно
За посипување
150 гр. сусам

Овие симити познати се на многумина од вас, во Турција ги продаваат на секој агол. Ова е рецептот кој јас го имам за овие симити.
Подготовка
1. Во еден длабок сад ставете го брашното и направете вдлабнатина во него. Во неа издробете го квасецот, додадете го шеќерот и млаката вода. Измешајте колку да се стопи квасецот. Не мора да чекате да стаса.
2. Додадете ја солта и зејтинот и замесете меко тесто кое не се лепи за рацете. Убаво изработете го тестото (месете околу 10 мин.). Ставете го во набрашнет сад и оставете да стаса убаво.
3. За тоа време, испржете го сусамот во едно тавче „на суво“. Не додавајте зејтин, путер или сл.
4. Подгответе го и премазот со тоа што во еден подлабок и широк сад ќе го ставите маџунот, водата и брашното и убаво ќе промешате.
5. Откако стасало, измесете го повторно и поделете го на шест дела од кои ќе направите топчиња. Јас го мерев тестото на вага и секое топче тежеше некои 150-160 гр.
6. Земете едно топче и во средина со плаците направете дупка. Со помош на плаците оформете го симитот, но притоа немојте да тегнете туку само внимателно „гмечете“ го тестото.
7. Секој симит најпрво потопете го на кратко во премазот од маџун и потоа „извалкајте“ го во сусамот.
8. Ставети ги во плех на хартија за печење и печете ги на 200° 25-30 минути.
Тестото е со неутрален вкус, какво и треба да биде. Кој сака посолено, тогаш солта во тестото зголемете ја на 1 до 1 1/2 лажичка.
Симитите непечени, можете и да ги замрзнете и по потреба да вадите и да печете и така да имате топли симити за појадок. Доколку ги печете замрзнати, тогаш времето на печење се продолжува за 5 минути. Инаку, замрзнатите симити имаат 6 месеци рок на траење.
Добар апетит!

Состојки
За филот
2 парчиња праз
100 мл масло
1 лажиче мешан зачин
За тесто
1 кг брашно
450-500 мл млака вода
1 коцка свеж квасец
1 мало лажиче сол
1/2 мало лажиче шеќер
За премачкување и попрскување околу 300 мл масло.

Рецептот стар, начинот на подготовка нов.
Тестото се замесува на стандарден начин.
Брашното сеено, квасецот разматен.
Се додава млака вода и сол.
Се замесува средно тесто.
Се остава да стаса,а откако ќе се дуплира,се размесува и се делина 8 топчиња.
Се делат на две купчиња по 4 топчиња.
Секое топче се расукува, па се премачкува масло.
Се редат така 3 корички,а на четвртата не се мачка масло Така ги правите и другите четири.
Ова доаѓа како лиснатите соленки кога ги изработуваме.
Од првите четири корички растегнуваме една голема.
Со сукалката ја натапкуваме како на помошните слики со паралелни прави, а потоа ја вртиме сукалката и во спротивен правец повторно ја притиснуваме сукалката.
За по јасно видете на сликите.
Тоа го правиме за кората да биде ровка кога ќе се усука, да се делат коричките под неа од маслото.
Потоа ја превртуваме од другата страна и пак ја сукаме.
Исуканата кора се протега во тавата.
Нека биде подолга кората нека излегува од тавата по неколку сантима.
Кората попрскајте ја со масло.
Потоа врз неа се нанесува филот,и какошто пишав погоре,ако е цел праз,тогаш запржете го,ако се само перца, ситно се сецкаат и зачинуваат.
Иако не ги пржите ставете масло во перцата.
Останатите 4 кори исто така изработете ги како првава и постелете ја врз филот.
Ставајте ја со сукалката да биде набрана кората.
Каде што ќе се соединат двете кори завиткајте ги навнатре како венец на суканото.
Оставете да нарасне комадот околу 30 минути ако е топло, ако не оставете малку повеќе.
Печете во загреана рерна додека не порумени.
Потоа извадете го од рерната попрскајте го малку вода и масло и пак вратете го назад нека постои во исклучена рерна 5 минути.
Покријте го со чиста крпа и нека постои надвор откако ќе го извадите.
На здравје

Имам бајалди е турско јадење, а неговото име во буквален превод значи „имамот се онесвести“. Приказната за тоа како ова јадење го добило името вели дека кога имамот го пробал јадењево, се онесвестил од добриот вкус.  

Состојки 

• 4 големи долги модри патлиџани

• 9 лажици маслиново масло (или повеќе ако е потребно)

• 12 чешниња лук 

• 1 голем кромид исечкан на тенки полумесечини

• 2 пиперки, благи и исечкани на мали парчиња

• 1 голем домат, исечкан

• 1 шолја сечкан магдонос

• 1/2 лажица сол

• 1/2 лажица шеќер 

• 1/2 лажица мелен бибер

• 1 голем домат, изрендан

Начин на подготовка

Излупете ги модрите патлиџани на линии, посолете ги убаво и оставете ги на страна 45 минути. Не сечете ги врвовите. 

Save

Ставете 1/3 шолја маслиново масло во длабока тава за пржење. Додадете го кромидот, целите чешниња лук и исечканите пиперки. Пропржете сè додека кромидот не стане проѕирен. Мешајте постојано за кромидот и лукот да не потемнат. Ова е еден од клучните чекори за „Имам бајалди“. 

Потоа во тавата додадете ги фино сечканите домати, магдоносот, сол, бибер и шеќер. Гответе уште 5 минути. 

Во друга тава загрејте 1/4 шолја маслиново масло и пржете ги модрите патлиџани на секоја страна додека не добијат златна нијанса, 1 - 2 минути. Тргнете ја тавата од оган и ставете ги модрите патлиџани во тава за печење да се оладат. 

Save

Расечете ги модрите патлиџани по средината, до половина. Не сечете ги по целата должина. Ако сакате да направите поголем отвор, користете ги рацете. Направете форма на кану. 

Save

Распоредете ја смесата за полнење еднакво низ патлиџаните. Наполнете ги убаво. Потоа додадете го ренданиот патлиџан, покријте ја тавата за печење со алуминиумска фолија и направете неколку дупки на фолијата за да може пареата да излезе.

Save

Печете на температура од 180 степени околу 45 минути сè додека патлиџаните не бидат готови. 

Save

Балкон3 ви подготвува Гулаџ (Güllaç) – традиционален турски десерт, посебно ценет за време на Рамазанските пости

Турската кујна е позната по хранливите и многу вкусни десерти со млеко.

Млечниот десерт Гулаџ – güllaç (gioul-LAHCH )  се наоѓа на врвот на оваа листа. Имено станува збор за бел, мек и лесен десерт кој е направен од неколку слоеви кори – од пченкарно брашно и пченкарен скроб, натопени со засладено млеко и зачинети со Розова вода или екстракт од ванила.

Овој традиционален десерт може да го сретнете на излогот во сите ресторани и слаткарници кои служат традиционални турски десерти. Обично е гарниран со семе од свежа калинка, ореви, фстаци, лешници кои му даваат екстра вкус и текстура.

Никогаш не е доцна да го пробате овој десерт за кој еден сопственик на слаткарница ќе каже „Тој е бел како ангел, и со многу добар вкус исто така “.

Овој десерт особено се цени за време на светиот месец Рамазан, бидејќи е лесен за стомакот по долгиот испоснички ден. Имено за време на Рамазан потрошувачката на корите и на овој десерт расте над 85% . Но овој десерт може да се сервира во било кој период од годината.

За да подготвите Гулаџ дома потребни ви се следниве состојки :

10  güllaç кори

1 ½  литар млеко

350 гр.шеќер
1 чаша сецкани ореви или фстаци

и калинка за гарнир

Подготовка:

Најнапред стоплете го млекото заедно со шеќерот, притоа млекото треба да е навистина жешко за да може да се растопи шеќерот во него. Во тава ставате една  gullac кора и истата  ја  прскате со млеко, причекајте млекото да се впие и истата постапка повторете ја и за останатите четири кори. Откако ќе ја завршите постапката со петата кора на истата ги посипуваме сечканите ореви или фстаци. По ова ја повторувате постапката со редењето на корите и попрскувањето со млекото со останатите пет кори, а на крај го истурате остатокот од млекото над колачот.

Истиот го ставате во фрижидер добро да се излади. Притоа сакам да ви напоменам да не се разочарувате доколку корите ви имаат неправилна форма или ви испукаат имено од млекото истите ќе набабрат и ќе се изедначат.

Откако добро ќе се излади може да ја сервирате сечејќи ја на коцки или баклави, наросете ја со фстак, орев или кокос. А како гарнир може да додадете и калинки, малинки или јагоди.

Уживајте со десертот на Балкон3

На здравје, Afıyet olsun