Слатко од боровинки

Боровинките ги миеме и ги цедиме. Ставаме ред шеќер, ред боровинки и може да ги оставите неколку часа во фрижидер да пуштат сок.
Јас сум постојано во недостаток на време, па оваа тура воопшто не ја оставив да пушти сок, едноставно веднаш ги ставив да вријат на оган.
Потребно е да се варат 20 минути, при што на почетокот на варење им ставив сок од 1 лимон, а по 20 те минути им ставив 2-3 кришки лимон и ги варев уште 5 минути.
Жешко се става во тегла. Полесно здравје и лаик може да си направи вакво слатко.

Можете и повеќе шеќер да ставите, ако сакате поблаго да ви биде слаткото.
Излегува една тегла од 750 гр.

Слатко од круши за 5 минути - Пјатиминутка

Овој вид на слатко од круши се вика Пјатиминутка, оти се вари само 5 минути, вкусот е неодолив, а што арома има во кујната, тоа е посебна приказна... доколку имате многу круши слободно да спремете слаткото за зимоска, нема да згрешите.

1. Крушите се мијат, се чистат од семките и дршките, потоа се рендаат.
2. Изренданите круши се промешуваат заедно со шеќерот и се оставаат на еден час да пушти сокот.
3. Потоа се додава циметот, се мешаат и се ставаат на умерен оган да се зовријат. Отколку слаткото ќе зоврие се вари 5 минути и се трга на страна.

Доколку сакате да спремете за зимоска - слаткото треба да се собира жешка во стерилизирани тегли.
Од оваа количина ми излегоа една и пол тегла.

Со атрактивен изглед и неодолива арома овој домашен џем од нане бргу може да стане вашиот омилен сладок намаз. 

Во овој основен рецепт со нане можете по желба да додадете и зелени јаболка, рузмарин, лимонов сок... Со овој рецепт ќе добиете 6 шолји или помали теглички. 

Состојки 

• 60 г свежи листови нане

• 1 л вода 

• 1 кг шеќер

• 1 кесичка желатин во прав 

• една или две капки зелена прехрамбена боја (по желба)

Начин на подготовка 

Измијте и исечкајте ги листовите нане. Ставете ги сад за готвење и прелијте ги со вода. Оставете ја водата да проврие, тргнете ја од оганот и оставете го садот покриен 10 минути. Потоа процедете ја водата низ трислојна газа. Оставете да се цеди, а потоа притиснете ја газата за да го исцедите и остатокот од сокот (чајот). 

Во добиениот сок додадете ја прехрамбената боја (ако ја користите) и измешајте го желатинот. Ставете го сокот да проврие на посилна температура, мешајќи повремено. Кога ќе проврие додадете го и шеќерот и оставете го да се вари само една минута, притоа мешајќи. Тргнете го садот од оган и тргнете ја пената од врвот (ако се појави). Добиениот џем веднаш префрлете го во топли тегли, кои нема да ги полните до врвот туку ќе оставите 1 центиметар празен простор од врвот. Теглите убаво затворете ги, стерилизирајте ги и оставете ги да се оладат. Чувајте ги на суво, проветрено и студено место. 

Потребни состојки:

700-800 г рендани дуњи

1 кг шеќер

300 мл вода

1 лимон

100 г сечкани ореви

Постапка:

Во шерпа ставете шеќер, додадете вода и згответе густ сируп, па тргнете од оган.

Дуњите излупете ги и изрендајте ги, па веднаш ставете ги во шерпата со сирупот, за да не потемнат. Варете го слаткото додека да згусне, па пред крај додадете сечкани ореви и тркалца од лимон.

Кога ќе биде сварено ставете во тегли и добро затворете. Теглите можете да ги свртите со капакот надолу и така да ги оставите до следниот ден.

Слаткото е преубаво!

Домашно слатко од вишни марелици

Многу едноставно за спремање, а вкусно, миризливо домашно слатко.

Прво вишните се мијат, па им се отстрануваат семките.
Се ставаат во тенџере во кое ќе се вари слаткото.
Преку вишните се става шеќерот, кој може да варира со 100 гр, се во зависност од тоа колку се благи вишните. Се става и прстофат лимонтус, за да не се распаѓаат при варењето.
Се остава во фрижидер преку ноќ, вишните да го пуштат својот сок.
Другиот ден, утрото се ставаат на шпорет и се вари слаткото.
Тенџерето благо се протресува со рацете, лево, десно, не се меша, со цел вишните да останат цели.
Во текот на варењето, се отпенува слаткото, со помош на чиста лажица.
Се вари од 25-30 минути.
Готовото слатко се трга од шпорет и се покрива со чиста наводенета кујнска крпа.
Нека стои така се додека потоплно не се олади.
Потоа се збира во чисти тегли и правец на рафт со зимница.

Одлично одговара со сладолед, палачинки, пржени лепчиња

Забелешка-Марелиците се хибрид меѓу цреша и вишна. По надворешниот изглед на стеблото марелиците личат на цреши, а по плодот на вишна. Постои мал број сорти марелици, а кај нас најпозната е автохтоната сорта по потекло од Битола, позната како Битолска марелица.

Состојки
1 кг мали домати во облик на крушка
1 кг шеќер
1 лимон
2 пакетчиња ванилин шеќер
1 чаша вода

За подготовка на ова слатко ви требаат мали плодови на крушковиден домат. Најдобро е плодовите да бидат полузрели и со приближно иста големина. Моите, за жал, не беа такви. Беа позрели од што требаше да бидат, па добив сосема поинаков краен производ. Мислам дека подобар од тоа што требаше да биде „“)

Подготовка
1. Доматите измијте ги и добро исушете ги на хартија.
2. Шеќерот ставете го во поголемо тенџере, ставете ја водата и сварете сируп кој ќе биде погуст од тој што го спремате вообичаено. Потоа додадете ги доматите. Варете го додека две капки од шербетот ќе капнат една по друга.
3. Додадете ја ванилата и лимонот исечен на тенки кругови и варете уште 2-3 минути. Тргнете го од огнот, распенете го и покријте го со мокра крпа.
4. Утредента соберете го слаткото во тегла.

Ова е идеалната ситуација. Кажав дека доматите што јас ги имав беа позрели од тоа што требаше, па се случи нешто што не го очекував. Кога ги ставив во сирупот, по 5 минути варење лушпата на доматите почна да пука. Потоа со помош на лажица и лажичка внимателно ги одвоив лушпите од доматите, па добив слатко од лупени домати.
Слаткото има многу интересен вкус. Ќе видите на сликите дека доматите беа со различна боја, а од тоа зависи и нивниот вкус. На жолтите многу малку се чувствува вкусот на домати, а на црвените најмногу.