Ролат со мелено месо и палачинки

Состојки
Смеса за 4 палачинки
4 јајца
100 мл млеко, малку магданос и брашно
Ролат од мелено месо
1 кг мелено месо
2 јајца
150 гр презла
1 рендан кромид
1 лажица вода
1 лажица масло
1 лајче сол,црн бибер и црвена пипер (по желба)
Ролат со морков
3 јајца
1 филџан масло
200 мл јогурт
1 филџан рендан морков
1 филџан сирење рендано
1 филџан рендана салама
1 филџан магданос
1 пециво
6лажици брашно

Овој рецепт ми го кажа пред 20 години мојата драга колешка Весна. Многу е вкусен и декоративен затоа го правам за секоја свечена пригода.
Најпрво се прават палачинките каде во смесата е ставен исечканиот магдонос. Кога ќе се испечат од едната страна се тргаат и не се печат од горната страна.Така се прават 4 палачинки. Значи се печат само од едната страна.
Ролат
Сите состојки убаво се мешаат. Се остава да се одмори 15мин. Смесата од мелено месо се дели на 2 дела. Едниот дел се расукува-плеска со рацете на прозирна фолија и се обликува како правоаголник. Врз него се ставаат двете палачинки легната од печената страна. Значи непечената останува горе. Се витка ролат се премачкува со белка и се става да се пече.170Ц-35мин.
Во текот на печењето се премачкува уште неколку пати.Исто се прави и со вториот ролат.Кога ке се испечат се ладат ролатите и потоа се сечат.Наздравје!

Ролат со морков
Се матат јајцата и се додава маслото, јогуртот ренданиот морков, сирењето, саламата, магданосот и пецивото. На крајот се додава брашното. Сето ова се печи во долг плех 180С-25мин.Се лади и се филува со крем сир.

Состојки:

За ќофте:

- 500 грама мелено месо;
- 1 главица кромид;
- 2 лажици путер;
- 100 милилитри млеко;
- 2 јајца;
- 100 грама презла.

За сос:

- 2 лажици путер;
- 4 лажици брашно;
- 800 милилитри говедска супа;
- 200 милилитри павлака за готвење.

Подготовка:

Издинстајте го ситно исечканиот кромид со путерот, па потоа смесата ставете ја во поголем сад. Додадете го меленото месо, јајцата, презлата, млекото и солта, па соединете.

Оставете ја смесата во фрижидер околу еден час, а потоа со рацете формирајте ќофриња, ставете ги во плех кој што претходно сте го обложиле со хартија за печење, па печете 20 минути на температура од 220 степени Целзиусови.

За сосот потребно е да го растопите путерот, да го додадете брашното, па да мешате пет минути. Потоа истурете ја говедската супа, постојано мешајќи, зголемете ја температурата, па додадете ја павлаката за готвење и оставете да зоврие.

Зачинете со сол и бибер, варете пет-шест минути, додадете ги ќофтињата, па почекајте додека сосот не згусне.

Послужете со компир.

Пријатно јадење!