Dave's Kitchen: Вкусна домашно подготвена пастрмајлија

Изненадете го Вашето семејство и пригответе им превкусна пастрмајлија.

Ќе ви бидат и повеќе од благодарни! За овој рецепт од кујната на Давор ќе ви бидат потребни следните состојки:

• 1кгр. Екстра бело брашно Тип 400- Жито Лукс
• 600 мл. млака вода
• 2 лажичиња сол
• 2 лажичиња шеќер
• 100 гр. масло за јадење
• 1 квасец
• 150 гр. ситно исечкано пилешко месо посолено и отстоено во сол минимум 30 минути
• 1 јајце

Начин на подготовка: 

Од сите состојки се замесува тесто и се остава тестото да стаса околу 90 минути. 

Се размесува и се дели на 4 дела. Секој дел се расукува во форма на чамец со притискање на средишниот дел за краевите да бидат повисоки. 

Се редат парчињата месо низ целата пастрмајлија и се пече во загреана рерна на 250 степени околу 15 минути, па се намалува на 200 уште 10-тина минути. Кога ќе фати кора пастрмајлијата се премачкува со свинска маст. 

Две до три минути пред да биде готова искршете го јајцето, изматете го и прелијте го врз месото. Печете уште 2-3 минути. 

Добар апетит!

За повеќе рецепти од кујна на Давор посетете ја неговата FB странаDave’s Kitchen.

Овошна пита со јаболка за оние кои не се вешти во печење колачи

Crumble или пита која се рони, е рецепт од познатиот готвач Гордон Ремзи, која се подготвува со овошје и тесто. Има вкус на овошна пита, а наменета е да ја подготвуваат домаќинките кои сакаат благи работи, но не се многу вешти во подготвување на истите.

• 6 лажици бел шеќер
• 1 кесичка ванилин шеќер
• малку цимет во прав
• 6 јаболка со лушпи
• 3 лажици сушена брусница
• кора од 1 лимон
• сок од ½ лимон

Потребни состојки за тестото:

• 100гр брашно
• 2 лажици кафеав шеќер
• малку цимет
• 4 лажици граноли или мусли со јаткасти плодови

Начин на подготовка:

- Загрејте ја рерната на 200°С. За тоа време направете ја карамелата во мал сад

- Во садот ставете бел шеќер, малку цимет и ванилин шеќерот и ставете ја смесата на оган да се претвори во карамела. Не ја мешајте смесата, туку повремено потресувајте го садот.

- Во карамелата додајте три изрендани јаболка со лушпи, измешајте и оставете ги да се готват минута или две.

- Потоа додајте ги и останатите три јаболка исечени на коцки, лимоновата кора и сокот и на крај сушените брусници. Сето тоа добро измешајте го и тргнете ја смесата од оган.

- Направете тесто од брашно, кафеав шеќер, цимет и коцка ладен путер. Сите состојки мешајте ги со прстите додека не добиете смеса како лебни трошки, а потоа додајте ги гранолите или муслите.

- Истурете го тестото врз печените јаболка и сушените брусници и сето тоа заедно ставете го во рерна на 200 степени околу 12-14 минути додека тестото не добие златна боја.

НАЈДОБАР РЕЦЕПТ ЗА ВРТЕНА ПИТА

Dave’s Kitchen: Необична пита со портокал

Давор оваа недела за нас подготви невообичаена пита од портокал. Ова е вкусен, летен и најважно лесен рецепт за правење со кој ќе го соберете целото семејството на едно место.

Еве што сè ќе Ви биде потребно за да го направите: 

Потребни состојки:

• 500 гр. кори за баклава
• 5 портокали
• 250 гр. масло за јадење
• 250 гр. шеќер
• 250 гр. млеко
• 2 пакетчиња ванила
• 3 јајца
• 1 лажичка прашок за пециво
• 1 лажичка сода бикарбона

За шербетот:

• 700 гр. шеќер
• 500 гр. вода

Начин на подготовка:

Од 5-те портокали земете 2 и ставете ги во тенџере со вода, на оган на ниска температура и оставете да стојат околу 1 час. Од останатите 3 портокали изрендајте ја кората и исцедете го сокот. 

Потоа подгответе го шербетот. Кога водата и шеќерот ќе зовријат промешајте за да не останат зрнца од шеќерот. Оставете да врие околу 5 минути и тргнете го на страна. Во шербетот додадете го сокот од 3-те портокали и оставете комплетно да се излади. 

На работната површина извадете ги корите од баклава и одделете ги така што секоја кора нема да се допира една со друга. Оставете ги да се исушат на собна температура околу 1 час или час и половина. Кога ќе почнат да се ронат комплетно тогаш се спремни за следната постапка.

Во блендер ставете ја кората од портокал, двата портокали (со се целата кора, но исцедени од сокот), додадете го маслото и шеќерот. Изблендирајте додека не се соединат сите состојки заедно. Потоа додадете го млекото, ванилата и јајцата. Повторно блендирајте околу 2 минути додека не се соединат сите состојки. На крајот додадете го пецивото и содата. 

Корите искршете ги така што ќе се создадат мали парчиња. Додадете ги во смесата со влажните состојки и убаво промешајте. Претурете ја смесата во тавче за печење кое претходно ќе го премачкате со путер и ќе го посипете со брашно.

Печете околу 35-40 минути на 160 степени или додека не добие убава темна боја. За тоа време сирупот ќе биде веќе изладен. Штом се испече питата посипете ја додека е врела со ладниот шербет. Оставете да го впие шербетот околу 1-2 часа и уживајте во прекрасниот вкус на портокал заедно со Вашите најмили. 

Можете да декорирате со топка сладолед или пак со слатко од портокал и гранче свежо нане. 

Dave’s Kitchen: Погача од тесто за кифли

Ова тесто може да го употребите за подготвување на вкусни и меки кифли, а воедно и за подготовка на погача.

Потребни состојки:

• 270 мл млеко
• 2 ½ лажички инстант квасец
• 60 гр шеќер
• 2 јајца
• 600 гр брашнo
• 1 лажичка сол
• 60 мл масло за јадење
• 1 жолчка и млеко за премачкување
• 100 гр путер за премачкување

Начин на подготовка:

Замесете тесто од сите состојки и оставете да стаса околу 90 минути. Поделете го тестото на два дела, еден помал и еден поголем дел.

Во средина на тавчето за печење ставете го помалото парче оформено во топка. Од другото парче расукајте правоаголна кора и премачкајте ја со 100 гр путер и свиткајте ја во ролат.

Наредете ја кората околу топката во тавчето, па потоа со ножици пресечете парчиња и свиткајте ги наназад. Оставете да стаса 10 минути и премачкајте со жолчка и млеко. Печете на 180 околу 35 минути.

Брза пита со тиквички и сирење

Состојки:

2 поголеми тиквички

200 мл кисела павлака

200 грама сирење

3 лажици презла

4 лажици брашно

4 јајца

100 мл масло

сол по вкус

половина лажиче сода бикарбона

(или прашок за пециво)

Тиквичките излупете ги, нарендајте ги на крупно, посолете ги и ставете ги во цедилка да се исцедат. По десетина минути исцедете ги уште малку со рака и ставете ги во подлабок сад. Настрана изматете ги јајцата, сирењето, павлаката, брашното, презлата, солта и содата, и потоа додајте ги во садот со тиквички.

Намастете ја тавата и истурете ја во неа смесата. Печете во рерна загреана на 200 степени околу 30-тина минути, додека не се направи златна коричка одгоре. Добар апетит.

Dave’s Kitchen: Пита со тиквичка