Потребни продукти:

–        1 литар сварено, топло пресно млеко,

–        4 јајца,

–        6 супени лажици брашно,

–        9 супени лажици шеќер,

–        50 гр путер,

–        2 пакетчиња ванила

Начин на приготвување:

Се мешаат жолчките, шеќерот и брашното со малку студено млеко или вода до добивањето на густа и равномерна кашичка. Оваа смеса се додава на топлото млеко (полека се исипува) што е на тивок оган и се меша постојано додека кремот не згусне.  Две минути пред да се тргне од огнот се додаваат ванилата и путерот. Останатите белки од јајцата треба да се обработат со миксер за да се добие цврста пена. Се додава во кремот.Се сервира во мали стаклени садови и може да се декорира по желба – со стопено чоколадо, мелени ореви, бадеми или лешници, парчиња банана, поросено со кокос и сл.

Dave’s Kitchen: Крем со капучино

Модерно, вкусно и лесно за правење. Овој пат од кујната на Давор ви го презентираме рецептот за крем со капучино.

Потребни состојки:

• 250 гр. слатка павлака
• 3 лажички капучино со вкус на карамел или лешник
• 2 јајца
• 3 лажици шеќер
• Какао за гарнир
• Кора од портокал или лимон за гарнир

Начин на подготовка: 

Во миксер најпрво изматете ја слатката павлака со 3-те лажички капучино. Матете долго додека не се направи цврста и густа пена. 

Во друг сад со миксерот изматете ги јајцата и шеќерот во убава пенлива смеса. 

Соединете ги двата фила. Филот од јајцата ставете го во филот со капучиното и промешајте со шпатула додека смесите подеднакво не се соединат. 

Во готварски шприц нанесете од смесата, и декорирајте во чаши. Најдобар избор според Давор би биле чаши за шампањ. Декорирајте со какао и кора од лимон или портокал.

Добар апетит!

Одговорот лежи во овој чоколаден мус кој е уште повкусен, а подготовката е толку едноставна што и неискусните дами немаат изговор да се обидат да го подготват.

Состојки:

За првиот фил:

180 грама црно чоколадо, 60 милилитри вода и уште 60 милилитри вода од фрижидер.

За вториот фил:

180 грама млечно чоколадо, 60 милилитри вода и уште 60 милилитри вода од фрижидер.

За третиот фил:

180 грама бело чоколадо, 60 милилитри вода и уште 60 милилитри вода од фрижидер.

Подготовка:

Стопете ги сите три видови на чоколадо во 60 милилитри вода во микробранова на 30 секунди и измешајте. Потоа повторно вклучете ја микробрановата на 20 секунди и повторно промешајте. Ако остане уште нестопено чоколадо, постапката повторете ја уште 10 секунди.

Потоа секоја смеса ставете ја во кеса за замрзнување и оставете ја на еден час во замрзнувачот. Така во изладеното чоколадо постепено додавајте ладна вода од фрижидерот и миксирајте се додека смесата не биде мазна.

Чоколадото сипете го во чаша во слоеви и оставете ја во фрижидер уште половина час.

Млеко(500 Милилитри)

Гриз(25 Грама)

Јајце(2 поголеми )

Кафеав шеќер(1 Супена лажица)

Брашно(60 Грама)

Екстракт од ванила(1 Кафена лажица)

Кардамом(1/2 Кафена лажица)

Цимет(1/2 Кафена лажица)

Круша(1 )

ПОДГОТОВКА

За овој рецепт се потребни помалку од 60 минути

1. 250 милилитри млеко загрејте го во тенџере и пред да почне за врие, додајте го гризот и мешајте со жица непрекинато за да не се направат грутки. Оставете да зоврие и гответе 7-10 минути со повремено мешање за да не загори, па оставете го настрана да се олади.
2. Рерната загрејте ја на 200 степени и намастете 2 кружни, огноотпорни садови за печење.
3. Со миксер изматете ги јајцата и шеќерот додека добиете убава смеса. Додајте ги останатите 250 мл млеко, брашното, оладениот гриз, ванилата и зачините.
4. Убаво промешајте ги состојките, а потоа од смесата ставете 3/4 во садовите за печење.
5. Пудингот ставете го во загреаната рерна и печете го 10 минути. Потоа извадете го, ставете по една половина круша и вратете го да се пече уште 30 минути.
6. Извадете го пудингот од рерна, оставете го да се подолади и наросете го со цимет и кафеав шеќер.

Чоколаден пудинг каков што уште не сте пробале

Кој не сака чоколадо? Особено во ладните денови, посегнуваме по нешто топло и чоколадно, што ќе ни ја задоволи желбата за благо. За таа цел ви предлагаме да направите чоколаден пудинг каков што не сте пробале. Овој рецепт за пудинг е малку поразличен, бидејќи се прави со комбинација од колач и чоколадо.

Потребни состојки за колачот:

• 4 белки од јајце
• ½ шолја шеќер
• ¼ лажичка прашок за печиво
• ¼ лажичка екстракт од пеперминт

Потребни состојки за чоколадото:

• 200гр темно чоколадо во прав
• 5-7 лажици врело млеко
• ½ лажичка екстракт од ванила
• 2 шолји шлаг
• Чоколадни мрвици за украсување

Начин на подготовка:

Загрејте ја рерната на 100°С. Изматете ги со миксер белките и додадете го шеќерот, прашокот за печиво и матете додека сите состојки не се соединат. Смесата ставете ја во кеса за замрзнување, а потоа и додадете го екстрактот од пеперминт. Потоа, смесата ставете ја во тава за печење и оставете да се печи додека смесата не се исуши целосно.

Измешајте го чоколадото во прав со врелото млеко и мешајте додека чоколадото не се растопи, а потоа додадете го екстрактот од ванила. Во голема шолја на дното ставете дел од оваа смеса, а потоа ставете и шлаг. На крај ставете од ситните колачиња, ако треба и раскршете ги, а потоа украсете со чоколадните мрвици.

Чоколаден мус

За 6 лица потребно е:

• 350гр. Чоколада за готвење
• 60гр путер
• 4 јајца
• 1 лажица коњак
• Украси за декорација

Подготовка:

Во чинија го кршите чоколадото на коцки и чинијата ја додавате врз пареа. Чоколадото треба да се истопи само од себе без да го мешате. Одвојте ги жолчките од белките. Штом се стопи чоколадото почнете да додавате една по една жолчка и мешајте.

Добро изматете ја секоја жолчка без да ја тргате чинијата од пареата.

На крајот додадете го путерот, тргнете ја чинијата од пареата. Добро измешајте, додадете го коњакот и повторно добро измешајте.

Белките изматете ги во цврст снег и една лажица од снегот додадете во чоколадниот крем.

Измешајте, а потоа додадете ја целата содржина од белките. Смесата треба да стане совршено хомогена.

Добиениот мус префрлете го во чаши и оставете го во фрижидер да се лади барем 4 часа.

Не посредно пред сервирањето украсете го со исецкани бадеми, фстаци, рендано чоколадо, чоколадни или разнобојни зрнца и уживајте во вкусот!