Компири со павлака и сирење

4 нови начини како да подготвите полнети печени компири

Сакате да зготвите нешто убаво и лесно без сепак да потрошите многу време во кујна?

За вакви оброци секогаш можете да се потпрете на компирите. Ние ви нудиме неколку лесни и едноставни рецепти со кои ќе оставите впечаток кај сите без да вложувате голем напор. 

Печени компири со домати и рикота

Состојки:

• 2 компири
• 2 чаши шери домати (околу 20-30)
• 1 лажичка маслиново масло
• сол и бибер
• 1 чаша рикота (или кое било друго крем сирење)

Подготовка:

1. Загрејте ја рерната на 200°C. Премачкајте ги компирите со маслиново масло, ставете ги на плех за печење и печете додека не омекнат (боцнете ги со нож за да проверите). Ова трае околу еден час.

2. Ставете алуминиумска фолија врз тава за печење и наредете ги доматите врз неа. Испрскајте ги со 1 лажичка маслиново масло и сол и бибер.

3. Во текот на последните 15 минути на печење на компирите ставете ги и доматите во рерната и оставете ги таму додека не почнат да се одделуваат.

4. Направете неколку засеци на компирите и ставете ја рикотата и печените домати врз нив. Наросете свежи зачини одозгора.

Јајца печени во издлабен од компир

Состојки:

• 4 поголеми печени компири
• 4 лажици путер
• 4 јајца со средна големина
• кромид
• колбас
• кашкавал
• сол и бибер

Подготовка:

1. Пресечете ги компирите на пола ако сте ги печеле цели или ако сте ги печеле на пола извадете дел од средината. Ставете по 1 лажица путер во секој вдлабнатина. Додадете сол и бибер.

2. Скршете по едно јајце во секој компир и ставете парчиња исечкан колбас врз него (или алтернативно додадете кромид, свежи билки, кашкавал). Наросете од омилените зачини. 

3. Печете во претходно загреана рерна на температура од 190°C околу 20-25 минути или додека јајцата не се испечат.

Печени компири со морска сол и рукола

Состојки:

• 2 поголеми компири
• морска сол
• путер или маслиново масло
• рукола
• 1 лажица шампањ или винска киселина
• 1 лажичка сенф
• 1 жолчка од јајце
• 100ml маслиново масло
• 2 лажици рендан пармезан
• 2 лажички сок од лимон

Подготовка:

1. Загрејте ја рерната на 200°С. Измијте ги убаво компирите, исушете ги и издупчете ги со виљушка па посолете ги со морската сол. Печете додека не омекнат – околу еден час или помалку во зависност од големината на компирите.

2. Додека компирите се печат, подгответе го сосот. Прво измешајте ги заедно винската киселина, сенфот, жолчката и маслиновото масло и додајте прстофат сол. Потоа додадете го пармезанот и сокот од лимон.

3. Засечете го секој компир во форма на икс, внимателно држејќи за краевите. Благо повлечете го за да направите место за филот. Ставете малку путер или маслиново масло во средината а потоа измешајте ја руколата во сосот и додадете ја врз компирите.

Пица-компири

Состојки:

• 3 поголеми компири
• кечап
• 2 чаши рендан кашкавал
• парчиња салама

Подготовка:

1. Пресечете ги компирите по должина и издлабете мала вдлабнатина во средината. Печете ги во микробранова 12-15 минути. 

2. Додадете малку сол и ставете кечап. Ставете го кашкавалот одозгора и врз него наредете ги парчињата салама.

3. Ставете ги компирите на плех за печење и ставете ги да се допечат во претходно загреана рерна на 200°C околу 15 минути или додека кашкавалот не се растопи. Извадете ги, оставете да се се изладат и послужете.  

Брзи идеи за ручек: Лесни рецепти за полнети печени компири

Полнетите компири се одличен оброк независно дали ви се најавиле гости или сте сакале да подготвите нешто вкусно за себе.

Најдобриот дел е што нивното подготвување е навистина лесно и едноставно, па ќе имате многу повеќе слободно време за уживање во слободното време.

Печени компири полнети со печурки и павлака

Потребни состојки:

• 10 -15 големи компири
• 100g сушени печурки
• 1 кромид
• 1/2 чаша супа од печурки
• 2 лажици кисела павлака
• 1 лажица брашно

Подготовка:

1. Сварете ги или испечете ги компирите. Засечете ги за да можете да извадите дел од внатрешноста, не ги сечете целосно.

2. Сварете ги печурките, исцедете ја водата од нив и потоа исечкајте ги. Додадете ги во тава и пржете ги заедно со исечканиот кромид.

3. Додадете 1 лажица брашно и мешајте. Потоа додадете ½ чаша супа, почекајте да зоврие и додадете ја павлаката и малку сол. Убаво измешајте.

4. Наполнете го секој компир со ова смеса и ставете го во рерна да се пече. По желба можете да додадете павлака и путер врз секој компир.

Компири полнети со печурки и шунка

Потребни состојки:

• 8 компири
• 100g свежи печурки
• 100g шунка
• зачини
• варено јајце
• кашкавал

Подготовка:

1. Измијте ги компирите и испечете ги без да ги лупите. Секој од нив пресечете го на пола, отстранете го внатрешниот дел со лажица, оставајќи тенок слој.

2. Измешајте го извадениот дел од средината со пржените печурки и парчињата шунка.

3. Додадете сол и бибер, а потоа и зачините и издробената жолчка од јајцето.

4. Наполнете го секој компир со оваа смеса, додадете кашкавал и масло и печете додека не добијат златно-кафеава боја.

Компири полнети со чадена риба

Потребни состојки:

• 8 компири
• 500g чадени филети
• 1 - 2 кромида
• 1 јајце
• 2 лажици кисела павлака
• 1 лажица путер

Подготовка:

1. Сварете ги компирите, но не целосно, штом видите дека се полуварени тргнете ги од оган. Отсечете ги горните делови за да добиете форми налик на чамци.

2. Издлабете го средишниот дел и измешајте го со кромидот и рибата. Додадете едно јајце и убаво измешајте ја смесата.

3. Наполнете ги компирите со смесата, ставете ги на намрсена тава за печење, прелејте ги со павлака и печете 3 - 5 минути на максимална температура во микробранова.