Неколку трикови за секогаш купатилото да ви биде средено

Сода бикарбона, лимон, сол - тајни за чистење на домот

Сите сакаат нивната куќа или стан да биде не само убава, удобна и чиста туку исто така и безбедна и здрава.

Со цел да го зачуваме здравјето и да бидеме полни со енергија, вложуваме напори што повеќе да користиме производи кои се колку што е можно повеќе природни и здрави.

Но, некогаш забораваме дека огромниот број на производи кои ги користиме за чистење на домот се главно составени од хемиски средства кои колку и да се корисни при чистењето сепак наметнуваат ризици и врз нашето здравје.

Затоа ние ви нудиме органски замени за овие средства кои се сосема здрави и нема да му наштетат не само на вашето здравје туку и на животната средина.

1. Сода бикарбона и сенф во прав

Сода бикарбоната има абразивни својства, а сенфот ги чисти дамките од масло.

Можете да ги користите наместо детергент за миење садови и средства за чистење на рерната, санитарна опрема и работните плочи во кујната.

2. Лимон

Лимонот е одличен за дезинфекција, бидејќи може да отстрани масло, нечистотија и наслаги од сапун од плочки. Покрај тоа, тој ги штити површините од појава на мувла, и е исто така, одличен природен освежувач на воздухот. Тој е добра замена за сите детергенти во кујната и бањата.

3. Оцетна киселина

Ова е универзален чистач со кој вашиот дом ќе биде чист и свеж. Оцетот е одличен за отстранување на дамки на калциум и застоени дамки. За да го избегнете силниот мирис на оцетот, само додадете капка масло од лаванда во него. Оцетот може да биде замена за сите средства за чистење за огледала, прозорци, санитарна опрема, плочки и подови.

4. Сол

Ова е најевтиниот „производ за чистење“ кој може да се најде во секоја кујна. Солта може да биде средство за чистење на вашата кујна, бања, санитарна опрема, па дури и како отстранувач на дамки.

5. „Coca-Cola“ или „Pepsi“

Овие пијалаци може лесно да отстранат дури и сериозни нечистотии, како варовник и дамки од сапун. Тие се одлични за чистење на речиси сè: тушеви, бањи, чешми, санитарна опрема, плочки, изгорени чинии и рерни. Исто така одлични се за отстранување рѓа и корозија од сите домашни предмети.

6. Витамин Ц

Витаминот Ц во форма на шумливи таблети совршено ќе ја чисти валканата санитарија без било каков напор од ваша страна.

7. Маслиново масло

Ова е најдоброто средство за чистење дури и за најскапиот мебел. Покрај тоа, многу е економично – потребни ви се само неколку капки за чистење. Маслиново масло, исто така, ги освежува и полира дрвените површини. Тоа е одлична замена за средствата за чистење и полирање на дрвени површини и мебел.

8. Есенцијални масла

Масла се најдобри освежувачи на воздух и одлични средства за дезинфекција. Со нивна помош процесот на чистење ќе го претворите во ароматерапија. Маслата може да ја спречат појавата на мувла и влага на ѕидовите. Искористете ги како освежувачи на воздухот, средства за дезинфекција, средства за чистење на дрвени подови и средство против мувла.

9. Паста за заби

Паста за заби ви е секогаш на дофат. Ја чисти секоја површина без напор, бидејќи е одличен отстранувач на дамки. Таа е добра замена за абразивни средства за чистење, средства за чистење на плочки и санитарна опрема како и отстранувач на дамки.

10. Хидроген

Хидрогенот се користи за дезинфекција на сите површини. Тој може безбедно да се користи за чистење дури и во собата на бебето. Тој е природна замена за средствата за чистење на бањата и кујната и средствата за избелување.

11. Таблети со активен јаглен

Таблетите со активен јаглен може да ги апсорбираат дури и најнепријатните мириси. Ова е најлесниот начин за да се ослободите од непријатниот мирис во фрижидерот и корпата за ѓубре.

12. Пудра во прав

Пудрата во прав е најбезбедното средство за чистење. Таа лесно отстранува дамки од ткаенини и подови. Нанесете пудра во прав врз масната дамка на тепихот или која било ткаенина, прекријте ја со чист лист хартија и ставете нешто тешко одозгора. Следниот ден дамката веќе ќе ја нема.

13. Жив компир

Компир не е само одлична состојка за готвење, тој може брзо да ја исчисти вашата кујна, а згора на тоа, тоа ќе ви помогне да го отстраните правот од вашите омилени фотографии. Компирот може да биде одлична замена за средствата за чистење на прозорци и плочки.

10 работи што ги прават организираните луѓе, а ќе ви донесат успех

А тоа дополнително време потрошено токму на ова, иако можеби понекогаш ви изгледа како непотребно, поседувањето на добар начин на организација на дневните задачи ќе ви зачува време и пари.

Затоа, ова се 10-те навики на „ненормално“ организираните луѓе кои и вие треба да ги применувате:

1. Организирајте го просторот

За да бидете успешни во работата, потребно е добро да се организирате. Тоа не значи само да направите план и програм како и што да работите, туку и да ги организирате предметите околу вас. Секако дека не можете да работите ако има 10 жици околу вас на кои постојано се сопнувате, или документи на сите страни. Купете или изработете сами кутии и помагала кои ќе ви помогнат да бидете поорганизирани. Организирана канцеларија = успех.

2. Систематизирајте ја облеката

Најпрво по боја т.е. од најтемна до најсветла, а потоа по материјали – од памук до свила. И секогаш користете ги истите закачалки. Закачалките од хемиското чистење се најлошиот непријател на облеката. Најлесниот начин брзо да го систематизирате плакарот е да го намалите. Запомнете – колку повеќе облека имате – толку помалку парчиња од неа ќе облечете.

3. Користете стаклени тегли

Ако досега не слушнавте, стаклените тегли се сосема модерни, а една од нивните најдобри употреби е за чување на храна. Замислете колку поубаво ќе изгледа шеќерот, ако го ставите во стаклена тегла и рачно напишете ознака. А, ако ве мрзи да пишувате или едноставно имате лош ракопис, тогаш можете да купите стаклени тегли кои веќе се означени.

4. Правете распоред на апсолутно сѐ

Ако тоа е активност која го бара вашето внимание, тогаш таа треба да биде внесена во вашиот календар. Вежбање, телефонски повик или време сами за себе – ова се само дел од нештата на списокот кои ако ги внесете во календар ќе мора да ги направите.

5. Завршете ги обврските

Тоа значи ќе можете да пречкртате повеќе нешта од списокот. Плус, чувството на исполнетост е навистина „заразно“. Запомнете дека доволно е да направите само едно нешто од списокот за да се чувствувате помотивирано и попрудуктивно за да ги направите и другите.

6. Направете чистка

Ако не го употребувате, тогаш нема потреба да зафаќа простор... Не треба да имате вишок крпи и чаршафи ако воопшто не сте ги употребиле. Ако самата идеја да правите чистка ви изгледа страшна, тогаш почнете полека. Започнете со еден простор неделно. Така, ќе избегнете чувство на обземеност и со надеж дека после неколку месеци ќе го намалите инвентарот само на оние нешта кои навистина ви требаат и ги сакате.

Избегнувајте:

1. Одложување

Не одложувајте. Постојат нешта кои веднаш мора да ги направите, а не после некое време. Организираните луѓе никогаш не започнуваат нешто без да го завршат или да го остават за утре. Тие го завршуваат и забораваат на тоа. Истото треба да го направите и вие. За оние задачи кои едноставно не можете да ги направите, побарајте помош.

2. Нередовно читање електронски пораки

Инбоксот не е чекална. Тоа е само станица, место каде мејловите се собираат пред да бидат соодветно архивирани. Пробајте да одвоите време еднаш или неколку пати во денот за читање на поштата. Тоа ќе биде многу поефикасно ако го правите темелно неколку пати дневно, отколку еднаш набрзина на крајот од денот.

3. Претворање на чантата во црна дупка

Дали навистина ви требаат 2 различни типа лосиони? Или тоа замрсено лабело? Никако не заборавајте на сите стари сметки. Уште подобро прелистајте ги и видете кои сѐ уште ви требаат. Задржете ги само основните работи кои навистина ви требаат. Малите чанти се многу модерни.

4. Користење на фиока за ѓубре

Одвојте 30 скапоцени минути во саботно утро со шолја кафе за да ја исчистите фиоката од сите непотребни дрангулии кои се нашле внатре. Започнете така што прво ќе ја испразните. Следно, средете ги нештата и ослободете се од сето она што е непотребно. Откако ги имате работите кои сакате да ги зачувате, купете делител за фиоки.

6 начини како да го подобрите мирисот во домот кога чистите

Ништо не прави да се чувствуваме продуктивно како чистењето на куќата. Од друга страна пак, ништо не е понездраво од дишењето а хемиски средства за чистење.

Иако чистењето е одличен начин како да се спасите од бактериите, продуктите кои ги користите сигурно се полни со еден куп хемикалии кои му штетат на вашето здравје и прават домот да ви мириса на болница или нешто слично.

Летото е веќе на повидок, па време е домот да ви замириса убаво.

Тоа ќе го направите ако ги примените следниве начини:

1. Дрвената даска за сечење

Сигурно веќе добро ви се познати придобивките на кокосовото масло, но веројатно не сте знаеле дека има природни антибактериски својства – што го прави да биде совршениот продукт кој треба да го додадете на листата на производи за чистење.

Кога зборуваме за даската за сечење, треба да знаете дека таа постојано треба да се чисти и да се грижите за неа. Барем еднаш месечно треба да го одржувате дрвото, за да не ви испука. И плус, со редовно чистење ќе го намалите бројот на бактерии, а во тоа може да ви помогне кокосовото масло.

Прво, испрскајте ја даската со малку оцет пред добро да ја измиете со топла насапунета вода. Откако ќе се исуши, намачкајте ја со кокосово масло користејќи кружни движења или како да масирате. Ваквата постапка ќе ви помогне да ја одржите даската нова и да добие сјаен финиш.

2. Микробрановата печка

Ако постојано се потпирате на микробрановата, миксот од ароми од разни кујни може да создаде ужасна реа. Застоениот воздух од малиот затворен простор во машината сигурно нема да  ви направи услуга.

За да се ослободите од миризбата, наполнете сад со вода до половина и во неа исцедете еден цел лимон. Наместете го тајмерот на 5 минути и потоа оставете да се олади. Кога ќе ја отворите печката, ќе ве освои чистиот и свеж мирис.

3. Садови за готвење

Дури и редовно да ги миете садовите за готвење, сепак им е потребно подлабоко чистење, барем понекогаш. Оваа природна комбинација ќе чисти, одржува и ќе им даде убав мирис на вашите садови и доволно ви се само 2 состојки.

Прво, исцедете половина лимон на површината од садот, а потоа испрскајте со голема количина морска сол и потоа исцедете ја втората половина од лимонот.

Искористените лимони користете ги како сунѓерчиња за да ја втриете солта во садот. Завршете така што со сува хартија ќе ја отстраните солта. Лимонот ги отстранува тешките мириси на лук и кромид, а солта ја дезинфицира подлогата.

4.Стаклото и стаклените површини

Пред да постојат средства за стакло, постоеше оцетот. Овој трик што функционирал тогаш, работи и денес за да создаде кристално чиста рефлексија без дамки во вашите стакла и огледала.

Едноставно измешајте дестилирана вода со бел оцет во еднаков размер. Иако постои оцет специјално наменет за чистење, доволно добар е и обичниот. Ако не сте љубител на неговата силна миризба, додадете неколку капки есенцијално масло за да се ослободите од реата.

Избришете ги прозорците и стаклените површини со магична крпа и ќе добиете чистота со исклучителен сјај.

5. Рерната

Факт е дека чистењето на рерната е напорно, но и подеднакво важно. Затоа, испрскајте ја рерната со вода (колку да биде влажна површината) и потоа нанесете сода бикарбона за да направите паста. Затворете ја рерната и оставете пастата да делува преку вечер или неколку часа во текот на денот. Потоа измијте.

Поради мастите и нечистотијата, пастата ќе стане кафеава, затоа пред да ја користите рерната добро избришете ја од целата сода бикарбона. На крај, може да додадете смеса од вода и оцет за да има екстра сјај.

6. Бањата

Бањата е најлошиот кошмар на сите чистачки поради бескрајната листа на места кои требат да се исчистат – плочки, када, тоалетна школка... но, со само неколку едноставни рецепти можете да имате чист тоалет.

Малку сода бикарбона помешана со вода многу лесно ќе ги отстрани тешките дамки. Сода бикарбоната исто така се користи за да ја освежите, исчистите и дезинфицирате шолјата. Прекријте ја школката и тријте со мешавина од разреден оцет со вода.

За да ја исчистите кадата, тушот и лавабото и за да ги отстраните остатоците од сапун и шампон, користете смеса во однос 50:50 од вода и оцет (користете есенцијални масла за поубав мирис).