ПОТРЕБНИ СОСТОЈКИ:

600гр. сецкано варено пилешко бело месо

350гр. чедар сирење

2 јајца

250мл. млеко

130гр. брашно

1 лажичка прашок за пециво

1 луто пиперче (по желба)

свеж магдонос

НАЧИН НА ПОДГОТОВКА:

Изматете ги јајцата, млекото, брашното и прашокот за пециво.

Во друг сад измешајте ги пилешкото месо, лутото пиперче, сирењето и магдоносот.

Ставете од оваа мешавина во калапите.

Врз нив додадете ја мешавината од млеко и јајца…

Ставете ги да се печат половина час во претходно загреана рерна на 200 степени.

Зелените мафини, ем се убави ем се здрави. Може да се јадат за појадок и вечера, или да се послужат како додаток на некоја салата.

Состојки:

• Блитва по желба
• Рукола
• Малку копар
• Свеж босилек
• Свежо оригано
• 4 јајца
• 250 грама јогурт
• 100 грама бело брашно
• 50 грама палента
• Лажичка сода бикарбона
• Лажичка прашак за печење
• Лажичка сол
• Малку бибер
• Рендано биено сирење или пармезан по желба
• Малку зејтин

Подготовка:

Единствено правило во овој рецепт е зелените состојки да бидат свежи, па ако нема оригано (бидејќи тешко се наоѓа свежо) тоа може да се замени со да речеме рузмарин. Се друго е произволно.

Свежо оригано

Свеж босилек

Рукола

Блитва

Копар

Подготовката е брза и многу едноставна.

Во солена вода сварете ги блитвата и руколата.

Овој зелен микс исецкајте го ситно и ставете го во подлабок сад.

Потоа на нив им додадете ги (прво зелените состојки) ситно исецканиот босилек, ориганото, малку копар а потоа и брашното, палентата, јогуртот, ренданото сирење, зејтинот, прашакот за печење, сода бикарбоната, солта и биберот.

Откако добиете фина смеса, наполнете ги калапите за мафини и право во загреана рерна.

Мафините се готови кога во нив ќе брцнете чепкалка за заби и истата ќе ја извадите чиста. Тоа значи дека се е добро испечено.

Мафините се јадат убаво изладени, така најдобро ќе се почувствува убавината на овој микс.

И тоа е тоа, брзо, здраво и вкусно.
Имајте добар апетит!

Рецепт за вкусни мафини со тиквички и пршута

Подгответе брзи и вкусни мафини кои ќе може да ги понесете во парк или на работа. Направете повеќе, затоа што тешко дека некој ќе им одолее.

• 1 тиквичка
• 5 парчиња пршута
• 180гр брашно
• 1 прашок за печиво
• 2 јајца
• 120мл јогурт
• 100гр крем сир
• Малку сол и бибер

Начин на подготовка:

Изрендајте ја тиквата, а пршутата исечкајте ја на ситни парчиња. Брашното измешајте го заедно со печивото, додека јајцата изматете ги со јогуртот, крем сирот и ставете малку сол и бибер. Во смесата додадете ги тиквичките и пршутата. Калапот за мафини обложете го со кошнички за мафини и наполнете ги околу ¾ од висината. Печете на 180° околу 25 минути. Послужете со кисело млеко или јогурт.

Чоко мафини со кафе

Чоколадните мафини се вкусен и декадентен десерт. Тие се одличен избор за појадок кога сте во брзање, но и одличен додаток покрај шолјата кафе. Сепак, ова е рецепт кој во себе веќе содржи доза на кафе.

Потребни состојки:

• 350 грама брашно
• 30 грама зовриена вода
• 30 грама свежо сварено нес кафе
• 60 грама какао
• 170 грама несолен путер
• 2 јајца
• 60 мл млеко
• 1 прашок за пециво
• 1 лажичка ванила екстракт

Подготовка: 

Во поголем сад ставете ги водата, кафето, млекото и какаото и тргнете ги на страна. Во друг сад измискајте ги добро шеќерот, путерот и јајцата додека смесата не стане воздушеста. Во првиот сад додадете го ванила екстрактот и комбинирајте го со смесата од вториот. Добро миксајте со миксерот додека смесата не стане хомогена. На крај додадете го брашното и прашокот за пециво и повторно промешајте.

Рерната загрејте ја на 350 степени и калапите за мафини обложете ги со хартиени корпи. Наполнете ги калапите со смесата и печете 20-25 минути. 

Одозгора можете да ги оставите така како што се или да ги премачкате со шлаг или Нутела.

Dave’s Kitchen: Чоко мафини со кафе