Уникатниот накит не секогаш мора да го купите. Може да го направите сами, особено ако е едноставно за правење, како нашиот денешен предлог. Ланче со бисери во рок стил. Да, бисерите воопшто не асоцираат на рок стилот, но во ваква комбинација прекрасно се вклопуваат.

Потребно ви е:

– 2 синџири (еден пократок, еден подолг синџир)

– бисери

– големи шпенадли

Инструкции:

Закачете го помалиот синџир на поголемиот.

Вметнете ги шпенадлите во бисерите, свиткајте ги, прикачете ги на ланчето и убаво прицврсетете ги.

Ставајте ги бисерите и на двата делови од синџирот без притоа подготвена шема и на различна оддалеченост.

На ланчето може да додадете и друг метален приврзок, срце, клуч и слично.

Сигурни сме дека некаде во ормарот имате стара блуза или џемпер кој во изминатите две (илиповеќе години воопшто го немате облечено. Реалноста е дека нема ниту да го облечете. Наместо да ви зафаќа залудно простор, или едноставно да го фрлите, пробајте да му најдете поинаква намена. Денеска ви покажуваме како во некоку чекори можете да ја претворите старата блуза (џемпер) во здолниште.

Чекор 1:

Исечете ги ракавите и пределот околу вратот. Можете да се послужите со некое друго здолниште за да ги имате точните мерки.

Чекор 2:

Секако, потребни ви се две парчиња како би имале предна и задна страна. Потребни ви се и две парчиња памучен материјал за постава на здолништето.

Чекор 3:

Соединете ги горните рабови од џемперот и материјалот предвиден за постава и сошиете ги. Следете го праведот и надолу се додека не дојдете до долните рабови. На овој начин ќе го формирате здолништето.

Следниот чекор е посветен на ластикот кој има клучна улога во крајниот резултат. Потребно е да го задржи здолништето на вашиот струк или колкови, па така потрудете се да ја најдете правилната мерка за вас, и споете ги неговите краеви.

Чекор 5:

Потоа наместете го ластикот на внатрешната страна и сошијте го заедно со џемперот и поставата, така што сите три слоја се соединети.

Испеглајте ја и уживајте во вашето ново парче облека!

Изгледа фантастично, нели?

Разните дезодоранси кои ги купуваме од козметичките салони за да го неутрализираме мирисот на потта, најчесто се полни со хемикалии кои штетно влијаат на кожата и потните жлезди.

Иако нудат заштита од 24-часа, природни состојки и нега, сепак, тие се оние кои ви ги затвораат порите и го спречуваат природниот процес на исфрлање штетни материи преку потта.

За вистински да го неутрализирате мирисот, а потта да функционира нормално, потребно е сите состојки да бидат природни и да бидете сигурни дека нема да ви предизвикаат алергии или посериозни болести.

Затоа, најдобро е сами да си направите домашен дезодоранс со одбрани состојки:

• ½ шолја сода бикарбона
• ½ шолја пченкарен скроб
• ½ шолја кокосово масло
• 20 капки етерично масло по избор
• Тегличка за смесата, која е стерилизирана и сува.

Подготовка:

Помешајте ја сода бикарбоната и пченкарниот скроб во мал сад. Полека додавајте го стопеното кокосово масло, мешајќи додека смесата не стане погуста од паста, слична како лепило.

Додајте етерично масло по желба и добро промешајте. Ставете ја смесата во стерилизираната тегличка и оставете ја во фрижидер околу 1 час додека не се стврдне. Чувајте го домашниот дезодоранс на студено и суво место и нанесувајте секојдневно по малку под пазувите.

Направи сам: Ланче од вратоврска

Како можете да ги искористите старите вратоврски и да направите прекрасно елегантно ланче кое можете да го носите во секоја пригода.

• една вратоврска
• шпенагли
• игла и конец за шиење
• пегла за алишта
• бисери, копчиња

Инструкции:

Чекор 1: Плисирајте ја вратоврската и прицврстете ја со шпенагли за да го постигнете саканиот дизајн

Започнувате да ја пласирате вратоврската од покрупниот дел нагоре во зависност од тоа дали сакате редовите да бидат погусти или поретки и по секое превиткување зацврстувате со шпенагла. Процедурата се повторува додека да дојдете до средина на тенкиот дел на машната.

Чекор 2: Прилагодете ја големината

Овој чекор е многу важен бидејќи треба да знаете до каде да ја пласирате машната. Слободно ставете го ланчето околку врат да видите како ви стои. Не треба да ви биде премногу близу до вратот, туку дозволете да ви виси како ланче, на тој начин можете да го комбинирате со различни видови на маици и кошули.

Чекор 3: Шиење, пеглање и повторно шиење

Веќе сте подготвени да започнете да ја шиете вратоврската.

Слика 1 – Обидете се да најдете конец кој ќе одговара на бојата или шарата на вратоврската. Потребен ви е подебел конец од оние кои вообичаено ги користите бидејќи по пласирањето, машната станува доста дебела;

Слика 2 – Започнете со шиење на вашата машина за шиење со подебела игла (големина 18 која обично се користи за шиење на фармерки). Шиете на десната страна од машната која е во форма на полукруг;

Слика 3 – Одкако ќе завршите со шиењето со ножички пресечете го конецот и доколку има одстранете ги останатите кончиња;

Слика 4 – Свртете ја машната на задната страна и добро испеглате ја за да се прилепи и се задржи формата после шиењето. Пред да започнете со пеглање ставете чист бел материјал врз машната за ланчето да остане чисто во случај пеглата да остава некакви дамки;

Слика 5 – Доаѓа најинтересниот дел каде треба да ја вклучите вашата креативност во декоририрање на новото ланче. Можете да искористите бисери, копчиња, цвеќе, брошеви… На наредните неколку слики ви даваме повеќе идеи.

Во последните неколку сезони плик чантите станаа голем тренд, а како што гледаме, долго време нема да ја напуштат модната сцена. Па, за да заштедите време и пари за нова тренди чанта, одлучивме да ви помогнеме да ја претворите старата чанта во нова слатка, оригинална и шик чанта со крзно, која ќе биде идеална за зимските денови што следуваат.

Во претходните неколку месеци, дизајнерите ни претставија нови колекции на аксесоари во кои доминираат различни модели на плик чанти, изработени од кожа, плиш и крзно. Кога станува збор за актуелната сезона, според нас најдобри се плик чантите со крзно, бидејќи тие одлично се вклопуваат со зимските модни комбинации. За да бидете оригинални и да се издвојувате од останатите, ви препорачуваме да ја освежите старата чанта со додавање на еден необичен детаљ – крзно!

Потребни материјали:

• Стара плик чанта
• Вештачко крзно (во зависност од димензиите на чантата)
• Ножици
• Маркер
• Лепак за ткаенина
• Дебела книга

Изработка:

Чекор 1: Ставете го крзното на тој начин што „лицето“ да биде свртено надолу.

Чекор 2: Ставете ја чантата (отворена) врз крзното и со помош на маркерот внимателно исцртајте го нејзиниот облик.

Чекор 3: Оставете ја чантата настрана и следејќи ја линијата на маркерот исечете го вишокот материјал. Откако ќе го исечете материјалот, проверете дали рабовите останале мазни.

Чекор 4: Прво аплицирајте лепак на работ од чантата, а потоа преминете на средишниот дел.

Чекор 5: Внимателно ставете ја чантата на крзното.

Чекор 6: Ставете подебела книга врз чантата и почекајте сè додека лепакот не се исуши.

Купечките дезодоранси можат да бидат агресивни за чувствителната кожа и да предизвикаат црвенило и иритација.Освен тоа, голем број дезодоранси содржат алкохол кој ги уништува бактериите и спречува нивно размножување, а со тоа ја неутрализира миризбата, но алкохолот исто така ја уништува кожата!

Природата ни нуди намирници со антибактериски својства кои ја извршуваат истата функција како алкохолот, а притоа не ја оштетуваат здравата кожа!

Погледнете како да го замените купечкиот дезодоранс со природен, кој не содржи штетни агенси.

Лиметата и лимонот имаат антибактериски својства. Притоа, нивниот мирис долго останува на кожата и дава чувство на свежина. Исечте го лимонот или лиметата на половина и протријте го пределот на пазувите.

Рузмаринот е уште еден природен производ кој може да ни помогне во елиминацијата на непријатната миризба.

Измешајте една лажица сода бикарбона, 2 лажици пченкарен скроб (густин), неколку капки маслиново масло и неколку капки есенцијално масло од рузмарин и ќе добиете природен дезодоранс.

Кокосовото масло претставува вистински дар од природата. Од него може да направите многу ефикасен и здрав дезодоранс.

Состојки:

3 лажици кокосово масло

3 лажици сода бикарбона

2 лажици шеа путер

Есенцијално масло по избор

Упатство:

Растопете ги шеа путерот и кокосовото масло на пареа. Потоа, додадете сода бикарбона. Кога течноста ќе се олади додадете есенцијално масло, ставете ја мешавината во истрошена кутија од дезодоранс во стик и оставете целосно да се олади и да се зацврсти. Втријте од дезодорансот пред да излезете од дома. Во допир со кожата структурата ќе се стопи како крема која лесно ќе ја нанесете на пазувите.