ВИСТИНСКАТА БОЈА НА СЕНКИ ЗА ВАШИТЕ ОЧИ

Гламурозна шминка за да бидете забележана

Сигурно веќе знаете што ќе облечете за најлудата ноќ во годината, а вие сакате да заблескате во целосен сјај со само неколку едноставни совети. Оваа вечер буквално се е дозволено од светки на капаците и деколтето до румени образи. 

Погледнете ги нашите совети:

Руменило

На образите нанесете руменило во розе боја, а со врвот на прстите ставете сосема малку и на носот, советува Кејлин Мекадамс, шминкер на познатите во Лос Анџелес.

Едноставни smokey очи

Без паника – не ви е потребна цела палета на бои за да ги постигнете совршените smokey очи. Земете туш за очи и направете црта веднаш до трепките. Со четка за нанесување сенка за очи, лесно размачкајте ја цртата од тушот нагоре. Потоа нанесете маскара и очите ви се доволно привлечни. 

Истакнете го деколтето

Ако сте решиле за подлабоко деколте, погрижете се истото да изгледа неодоливо, па нанесете камена пудра и руменило, кое може да биде мат или светкаво. За да ги истакнете повеќе градите, нанесете руменило на средината.

Гламурозен накит за коса

Накитот за коса е вистински ИН! Косата може да ви биде пуштена, фатена во локни, како и да ја направите додадете само некој накит и верувајте дека целосно ќе ја освежите.

Волшебни трепки

Ако сте љубители на долги трепки, ставете си вештачки, кои може да ги украсите со светки ли кристали, но и со маскара во друга боја, освен црна.

Усни со боја на седеф

Ако повеќе ги истакнувате очите, одлучете се усните да ви бидат во боја на седеф. Верувајте дека ќе ви бидат дури и попривлечни од црвените усни.