Зелени очи
За ден: За елегантен изглед, користете сенка за очи во темно-зелена боја, додека пак со пастелни нијанси на зелена и беж сенка, ќе изгледате по нежно.
Постапка: На цел капак нанесете зелена сенка, а беж сенка под веѓите и под очите.
За навечер: Виолетови и розови бои даваат возбудлив контраст со зелените очи. Комбинирајте ги сите нијанси, од светло-розова до темно-виолетова.
Постапка: Потемната сенка нанесете ја на целиот горен капак, а светлата, виолетовата или розовата, под самите веѓи.

Сини очи
За ден: Сите нијанси на сина, од тиркизна до индиго боја, одлично се вклопуваат со сините очи. За најдобар ефект комбинирајте сини со топли бои, како што се окер, боја на праска или портокалова боја.
Постапка: Нанесете на горниот капак од портокаловата сенка и сина сенка врз неа. За да направите очите да изгледаат поголеми, повлечете со тенка четкичка темно сина линија под окото.
За навечер: Сребрената сенка на сините очи им дава гламурозен изглед. Овде би можело да ги има сите нијанси од темно сива до сребрена боја.
Постапка: Темно-сива сенка нанесете на горниот капак и под очите. Над капакот нанесете светла нијанси на сива боја се до веѓите.

Светло кафени очи
За ден: Светло кафените очи нагласете ги со блескаво бел и зелен креон. Црн креон користете доколку сакате посебно да ги нагласите контурите на очите.
Постапка: Светлата сенка нанесете ја врз целиот капак до веѓите, а со зелен молив, исцртајте ги краевите на горната и долната линија по должина на трепките.
За навечер: Темно-плавата боја ќе ја открие магичната длабнатина на светло кафените очи, а во комбинација со сребрената сенка ќе изгледаат попривлечно.
Постапка: Сина сенка нанесете на капакот и оставете да премине настрана. Под веѓите нанесете сребрена сенка.

Темно кафени очи
За ден: Боја на шампањ и нежни кафени тонови, посебно ги нагласуваат кафените очи. Во текот на денот, избегнувајте сјајни сенки и определете се за мат сенки.
Постапка: Кафена сенка нанесете на очните капаци, а беж под веѓите.
За навечер: Златно-бакарните сјајни сенки ќе ви дадат сјај на темните очи. Овие бои се соодвети за сите жени, без оглед на бојата на коса. Ако ставите темно-сина сенката за очи, ќе изгледате мистериозно.
Постапка: Златна сенка со тенка четка нанесете низ должината на трепките, а бакарна над неа, се до веѓите.

Сини очи

Топлите нијанси на кафеавата боја и прасковата боја се идеални за да ги истакнете вашите очи. Исто така можете да користите сенки со розови нијанси. Тие ја истакнуваат убавината на сините очи. Избегнувајте сенки во сина боја.

Зелени очи

За да ги истакнете, користете топли портокалово-кафеави нијанси. Силен ефект ќе постигнете и ако употребувате виолетови и пурпурни нијанси на сенки.

Кафеави очи

Ако имате кафеави очи, бидете среќни. Можеби не се толку уникатни како зелените или сините очи, но имаат и свои предности. Добрата страна на кафеавите очи е тоа што можете да користите било какви бои. Избегнувајте бела и жолта боја, затоа што тие прават вашите очи да изгледаат помали. Сите останати бои почнувајќи од лилава, сива, златна, кафеава и стигнувајќи до сина и зелена, ќе стојат прекрасно на вашите очи.

Знаете ли дека бојата на очите не е единственото нешто за кое треба да се грижите кога се шминкате?

Исто така, треба да забележите дали сенката на очи се совпаѓа со бојата на кожата.

Темна кожа

Одличен избор на сенка за оние девојки со кафени очи и темен тен на кожата е темната зелена, сина или сино - сива нијанса. Секако секогаш ставајте само една нијанса и не експериментирајте.

Еден слој кафена или црна маскара одлично ќе им прилега на вашите очи.

Усните ќе изгледаат одлично со светло кафен или темно црвен кармин.

Ни светла, ни темна кожа

Средните нијанси на зелената боја ќе бидат одлични за вашите кафени очи и бојата на кожата која се наоѓа во златната средина - ниту темна, ниту премногу светла. Кон списокот на бои може да ги додадете виолетовата, сивата, сината и сино - сивата нијанса.

Секако и овој пат не смеете да експериментирате со боите. Сенката нанесете ја на целиот капак, се до веѓата.

Еден слој кафена маскара е доволен за истакнување на очите.

Провидниот сјај сосема одлично ќе им прилегаат на вашите усни и ќе им дадат прекрасен сјај.

Светла кожа

Идеална сенка за бојата на вашите очи и кожата е нијанса на зелена боја. Најдобра зелена е онаа која потсетува на тревата, интензивна, светла, потемна...

Сенката се нанесува врз целото око и запомнете никогаш дека не треба да мешате две нијанси во исто време.

Откако ќе ја нанесете сенката, најдобро е да ставите еден или евентуално два слоја на маскара.

Безбојниот балсам за усни или сјај ќе ви ја даде потребната свежина на целиот израз.

Секој шминкер ќе ви потврди дека со зелените очи е навистина забавно да се работи. Зошто?  Изборот на сенки е неограничен, а што е најинтересно добро им стојат сите нијанси на зелено што не е случај со сините очи.

Овие совети се наменети скоро за сите нијанси на зелени очи. Но нема подобро од тоа сами да се уверите и да му верувате на сопствениот вкус. Не сте должни да ставате нешто само поради тоа што некој стилист кажал дека е екстра.

Предлог сенки за зелени очи!

За вечерен гламурозен изглед:

Пробајте со повеќе нијанси на кафено, особено со чоколадните сенки. Ставете од чоколадната сенка на капакот, на краевите засенете со темно зелена сенка, а на долниот дел од окото повлечете линија со златно моливче.

За дневен, но уникатен изглед:

Зелените очи потсетуваат на камелеон. Ги менуваат нијансите според добата на денот. Преку ден се нежни и прозрачни. За да ги направите уште понежни ставете сенка со боја на кајсија, јака портокалова, а може и беж. Комбинација на сенки која не смеете да ја пропуштите е портокалова сенка со азурно зелено моливче.

За специјални и незаборавни моменти:

Темно виолетовата сенка, металик виолетова или онаа со боја на зелена слива се одлични за стемнување на зеленото око. Очите добиваат неприродна нијанса или боја на маслинка. Навистина изгледаат неповторливо. Останатите ќе помислат дека носите леќи.

Сенки кои треба да ги избегнувате!

Кога веќе сме тука, можеме да спомнеме и кои бои се неприфатливи за зеленото око.

Да почнеме со сината. Сите нијанси на сино, без разлика дали е темно или светло, па дури и виолетовите и сивите сенки со син прелив, се неприфатливи за зелените очи.

Розовата. Розовата сенка навистина ретко добро стои на девојка со зелени очи. Најчесто им стои на оние девојки кај кои е тешко да процените дали бојата е сина или зелена. Но ако зборуваме за јасно зелени очи тогаш розовата сенка не доаѓа во предвид.

Сребрена. Заборавете и на сребрената сенка,оставете им ја на сините очи.

Препорачливи креони!

Црното моливче не се препорачува, но ако не можете да му одолеете, користете го. Најмногу ќе ви се најдат кафените, златните, а може и белите моливи.

Без разлика дали бојата е светла како небото или темна како морското дно, сините очи секогаш имаат потенцијал да сјаат фабулозно. Тајната лежи во соодветната шминка која треба да ги истакне, а не да ги засени очите.

Основното правило во шминкањето беше дека не смеете да користите сенка со боја на вашите очи. Со креонот се истакнува линијата на окото, но сенката најмногу влијае за истакнување на бојата на очите. Ова особено се забележува кај сините очи бидејќи најлесно може да се игра со нивните нијанси.

За небесносини очи...

За синото око да биде поотворено и светло, употребете сребрена или светлосива сенка. За да не изгледате болежливо, на краевите засенете со темна сенка. Со четката нанесете малку црна сенка или кафена и затемнувајте директно на крајниот дел од капакот и малку под него.

За морски сини очи...

Ако сакате сините очи да бидат затемнети, а со тоа и мистични, употребете виолетова сенка. Нека биде потемна, а може и со нијанса на модра слива. Речиси сите виолетови тонови добро прилегаат на сините очи. А за оваа сезона дефинитивно во тренд се виолетовите смоки-очи.

За живи и секси сини очи...

Нијансите на кафено, со гаранција овозможуваат секси сини очи. Сините очи и онака повеќе се забележуваат, но живоста на бојата уште толку доаѓа до израз кога ќе дојдат во допир со кафено. Земјената кафена влијае да се истакнат сите сини дамки на окото. Со темната кафена ќе постигнете да имате мачкини очи.

Руменило за сечие лице

Трендот за облека и шминка се менува заедно со менувањето на годишните времиња. Природната шминка е водечки тренд за оваа есен. Промовирањето на природниот изглед ги истакнува боите на сенки што се во согласност со есенските тонови и природни нијанси.

Палетата на есенски бои содржи кафеава, сиво-кафеава, бронзена, темноцрвена. Бојата на карминот треба да биде соодветна на овие тонови, па се препорачува да биде во потемни нијанси.

Веѓи
Дебелите и добро оформени веѓи и понатаму се главен тренд. За Prada, Narciso Rodriguez и Alberta Ferretti дебелите веѓи се задолжителен акцент во шминката. Може да ги нагласите со молив но не заборавајте да го зајакнете и остатокот од шминката.

Очи
Ако сакате да постигнете посекси изглед користете потемни сенки за очи. Шминката со златни нијанси никогаш нема да излезе од мода, бидејќи дава гламурозен сјај и изглед. „Зачадената“ шминка оваа сезона наместо со сиви и црни, направете ја со темно сини сенки или со било која друга боја.

Усни
Трендовите на шминка за оваа есен ги нагласуваат и усните. Модерни бои за кармин се сјајните и интензивни црвени нијанси, коралната боја и „бледите усни”.

Како да го одберете и нанесете руменилото

Денес голем дел од жените ја избегнуваат употребата на руменило како дел од нивната шминка. Американско истражување покажало дека во 1948г. 66% од жените употребувале руменило, а денес тој процент се намалил до 47.

За вашето лице да има свеж, здрав и природен изглед, нема ништо подобро од руменилото. Сепак, треба да го употребувате внимателно, затоа што премногу руменило на лицето може да ве направи да изгледате смешни.

Какво руменило да изберете?

Какава боја? Бојата на вашето руменило треба да биде една до две нијанси потемна од вашиот тен. За подобро да утврдите каква боја ви е потребна, штипнете ги малку образите. Бојата што ќе ја добијат, треба да биде и бојата на вашето руменило.
Најчесто на светла кожа и одговара розова или праскова боја, а на темна кожа руменило со боја на кајсија или црвена. Како дел од дневната шминка, употребувајте посветло руменило (розово, со боја на кајсија или праска), а за вечерна шминка - потемни нијанси.

Кремасто или руменило во прав? Ако прв пат употребувате руменило, можеби подобро е да започнете со кремасто руменило. Тоа лесно се разнесува со прстите и се меша со течната пудра.
Најдобро е руменилото да го избирате во согласност со типот на вашата кожа. Ако имате мрсна кожа, користете руменило во прав, затоа што подолго време ќе се задржи на вашата кожа и нема да предизвика непотребен блесок. Ако имате сува кожа, користете кремасто руменило.

Како да ги нанесете руменилото?

Најдобар трик пред да почнете да го нанесувате руменилото е да се насмевнете. Така ќе ги истакнете јаболкниците на образите. Нанесувајте го руменилото со четка за руменило (ако е во прав) или со прстите ако употребувате кремасто руменило.

Руменилото треба да го нанесувате од долу, па нагоре по лицето (отприлика под агол од 45 степени). Правете брзи движења. Не ги повторувајте истите места, освен ако не сакате да го зголемите интензитетот.

Ако нанесете премногу руменило во прав, земете ја четката за пудра и обидете се да го отстраните вишокот. Доколку нанесете повеќе кремасто руменило, најдобро е вишокот да го отстраните со сунѓерче за нанесување на течна пудра.

Не нанесувајте руменило блиску до носот или под очите.

5 мејкап производи за сечие лице

Но, има неколку мејкап производи кои списанието InStyle ги нарече универзални, а кои ѝ прилегаат на секоја жена. Еве ги:

Страна 1 од 5

http://www.femina.mk/новости/мода/5-мејкап-производи-за-сечие-лице#photo2 -

Златна и виолетова сенка за очи

Комбинацијата златно-виолетово може да го разубави секој женски очен капак и да ги направи очите понеодоливи. Златната сенка ставена на внатрешните агли ги прави очите поблескави, а виолетовите сенки познато е дека одговараат на секоја боја на очите и на секој тен.

Розово-кафеав молив за усни

Ваквиот молив успешно ги дефинира усните, воопшто не изгледа нападно, вештачки или смешно, а одговара и на светол и на темен тен.

Проѕирен розевкав сјај за усни

Изберете проѕирен розов сјај за усни, бидејќи не само што сите бои на усни изгледаат убаво со него, туку и затоа што им дава суптилна убавина.

Темнокафеав молив за очи

Темнокафеавиот молив за очи е доволно темен за да се познава на лице со темен тен, а не е премногу силен за лице со светол тен.

Црвено-розово кремасто руменило

Секој тен добива здрав и свеж изглед со помош на руменило кое не е ниту премногу црвено, ниту розово. Кремастата структура помага за поголема контрола при нанесувањето.

 

Тренд: Жолта сенка - жолт туш

Започнете со нанесување на пудра која има лесна текстура. Потоа со коректор прекријте ги сите неправилности над и под окото. За впечатлив изглед земете црно моливче и исцртајте линија од внатрешноста на окото следејќи го капакот со благо извивање кон надвор. Откако ќе го направите ова следува нанесување на жолтиот туш или сенката по горниот капак од окото.