Божиќен базар (Божиќен маркет)

Најубавите божиќни пазари во Европа кои можете да ги посетите оваа сезона

Со оглед на тоа што во Европа се слави католичкиот Божиќ, овие пазари се отворени порано, некои уште од самиот почеток на декември, па нивната посета можете да испланирате уште сега.

Ова се дел од оние празнични дестинации и атракции во кои со сигурност ќе уживате со целото семејство.

5-те најубави божиќни пазари во Европа:

1. Прага, Чешка

Божиќните пазари се популарна традиција во Прага. Секоја година тука се собираат посетители, туристи и локалните жители за да ја искусат магијата на божиќниот дух.

Плоштадот во стариот центар на градот е едно од најпопуларните места каде има концерти на отворено. Пазарот се отвора на 28-ми ноември 2015 година и ќе трае до 1-ви јануари 2016 година.

2. Брисел, Белгија

Божиќните празници и деновите пред нивното пристигнување се идеално време за посета на Брисел. „Winter Wonders“ е главниот настан во Брисел каде ќе најдете повеќе од 200 тезги на кои се изложени за продажба на најразлични производи.

Можете да уживате и во лизгање на отворено. Па, ако сакате да бидете дел од овој празничен настан во Брисел, најдобро е да го посетите во периодот од 27-ми ноември 2015 година, до 3-ти јануари 2016 година.

3. Лил, Франција

Ако Франција е на вашата листа за посета за време на новогодишните и божиќните празници, тогаш можете да се одлучите за посета на Лил и да уживате во топлата празнична атмосфера на Rihour каде ќе најдете повеќе од 80 тезги.

Овогодинешната магија започнува од 18-ти ноември и трае до 30-ти декември 2015 година.

4. Келн, Германија

Во Келн имате 7 божиќни пазари кои привлекуваат повеќе од 2 милиони посетители годишно.

4-те најголеми пазари се лоцирани на: Rudolfplatz, на пазарот Alter, Neumarkt и пред главната катедрала на Келн.

Божиќните пазари тука се отвораат на 23-ти ноември и траат до 24 декември.

5. Виена, Австрија

Божиќните пазари тука датираат уште од средновековието кога во 1298-та година, Албрехт I Хабзбуршки им дал можност на своите граѓани да го отворат првиот божиќен пазар или „Krippenmarkt“.

Денес во Виена постојат над 20-на пазари во кои можете да најдете прекрасни подароци за вашите најмили.

Пазарите во Виена се отвораат на 13-ти ноември 2015 година и траат до 26-ти декември.